ഓർമദിവസം

"ദേ മനുഷ്യ ..മൊബൈല് കെടന്നടിക്കുന്നതു കേട്ടില്ലേ...."
ഭാര്യയുടെ ഉച്ചത്തിലുള്ള വിളി കേട്ട് സുരേഷ് തൊടിയിൽ നിന്നും പതുക്കെ കയറി വന്നു..

"ആരാണീ ത്രിസന്ധ്യക്കു വിളിക്കുന്നത് ...".
.കാർ ഷെഡിന്റെ അടുത്തുള്ള പൈപ്പിൽ നിന്നും കാലിലെ മണ്ണൊക്കെ കഴുകിക്കളഞ്ഞു സുരേഷ് ഫോണിന്റെ അടുത്തെത്തിയപ്പോഴേക്കും ബെല്ലടിക്കുന്നതു നിന്നു....... ആരാണ് വിളിച്ചതെന്നറിയാൻ മൊബൈൽ എടുത്തു നോക്കി

"ഡീ ...ചന്ദ്രനാണല്ലോ വിളിച്ചത് .."
അയാൾ ഭാര്യയോടായി പറഞ്ഞു
"കുറച്ചു മുൻപല്ലേ നമ്മളെല്ലാവരും കൂടെ അവിടുന്നിങ്ങോട്ടു പോന്നത് .." സുരേഷ് മൊബൈലെടുത്തു തിരിച്ചു വിളിച്ചു...സുരേഷും ചന്ദ്രനും ചെറുപ്പം മുതലുള്ള കൂട്ടുകാരാണ്. ചന്ദ്രന്റെ അച്ഛന്റെ മരണം കഴിഞ്ഞിട്ട് ഒരു വര്ഷം കഴിഞ്ഞതിന്റെ ഓര്മ ദിവസം ആയിരുന്നു .....ഇന്ന് ജോലിക്കു പോലും പോകാതെ രാവിലെ മുതല് ചന്ദ്രന്റെ വീട്ടിൽ ആയിരുന്നു ..
"എന്താ ഫോണെടുക്കുന്നില്ലേ...."
ഭാര്യ ചോദിച്ചു...സുരേഷ് ഫോൺ അവിടെ വെച്ചിട്ടു വീണ്ടും പുറത്തേക്കു പോകാറുങ്ങിയപ്പോൾ... ദാ വീണ്ടും ഫോൺ അടിക്കുന്നു.
.."എന്താടാ..."
..സുരേഷ് ഫോൺ എടുത്തിട്ട് ചോദിച്ചു...അങ്ങേത്തലക്കൽ ചന്ദ്രന്റെ ശബ്ദം ഇടറുന്ന പോലെ തോന്നി..
."ഡാ സുരേഷേ...."ചന്ദ്രൻ എന്തോ പറയാൻ ഒരുങ്ങുന്നുണ്ട് "എന്താടാ...പറയടാ..."സുരേഷ് വീണ്ടും ചോദിച്ചു ...."ഡാ..അമ്മക്കൊരു തളർച്ച പോലെ...."

സുരേഷിന് കാര്യം മനസിലായി...ചന്ദ്രന്റെ 'അമ്മ ഇന്ന് രാവിലെ മുതല് പച്ച വെള്ളം പോലും കുടിക്കാതെ നടക്കുവാരുന്നു...എല്ലാരും പറഞ്ഞതാണ് എന്തെങ്കിലും കഴിക്കാൻ ...ചന്ദ്രൻ വീണ്ടും പറയുന്നു
"ചെറിയ ഒരു തളർച്ച മാത്രമേ ഉള്ളു ....എന്നാലും വല്ല്യാട് വരെ ഒന്ന് കൊണ്ടുപോകാം..."
ചന്ദ്രൻ അതും പറഞ്ഞു ഫോൺ വെച്ചു...

വല്ല്യാട്ട് ആശുപത്രി മാത്രമേ അവിടെ അടുത്തുള്ളൂ...അവിടത്തെ പരിശോധനയും ബില്ലും ഒന്നും സാധാരണക്കാരെ കൊണ്ട് താങ്ങാൻ വയ്യ..എങ്കിലും ചില അത്യാസന്ന നിലയിലൊക്കെ സാധാരണക്കാരും ചെല്ലാറുണ്ട്...ചന്ദ്രന്റെ അത്യാവശ്യ ഘട്ടങ്ങളിലെല്ലാം സുരേഷ് തന്നെ ആണ് വണ്ടിയുമായി ചെല്ലുന്നതു

"സുമേ...ആ വണ്ടീടെ താക്കോലെങ്ങെടുത്തോ "സുരേഷ് പാന്റും ഉടുപ്പും ഇട്ടു കുറച്ചു കാശും എടുത്തു പോക്കറ്റിലിട്ടു..

."അപ്പോളേക്കും സുമ താക്കോലും എടുത്തു കൊണ്ട് വന്നു ..
"ആ കത്തിയിങ്ങു തന്നെ "
സുമ കറിക്കരിഞ്ഞു കൊണ്ടിരിക്കുവാരുന്നു

"ഇതെന്തിനാ..ബീൻസ് തോരൻ വെക്കാനായിട്ടു ഞാൻ അരിഞോണ്ടിരിക്കുവാരുന്നു "അവള് പറഞ്ഞു .

."നീ അതിങ്ങു കൊണ്ടുവാ..."അവള് കത്തി കൊടുത്തു...സുരേഷ് അത് വാങ്ങി കത്തിയിൽ പറ്റിയിരുന്ന ബീൻസൊക്കെ തൂത്തുകളഞ്ഞു പാന്റിന്റെ ഉള്ളിലൂടെ എളിയിൽ തിരുകി..

."ഇതെന്താ മനുഷ്യാ.... നിങ്ങളീകാണിക്കുന്നതു ...കൂട്ടുകാരന്റെ അമ്മയെ ആശുപത്രി കൊണ്ടുപോകുന്നവരെന്തിനാ കറിക്കത്തിയുമായി പോകുന്നത് ..."

സുരേഷ് മറുപടിയൊന്നും പറഞ്ഞില്ല..കാറ് സ്റ്റാർട് ചെയ്തു വേഗത്തിൽ തന്നെ ചന്ദ്രന്റെ വീട്ടിലേക്കു പോയി...സുരേഷിന്റെ കാറിന്റെ ശബ്ദം കേട്ടപ്പോൾ തന്നെ ചന്ദ്രനും അവന്റെ പെങ്ങളുടെ ഭർത്താവും കൂടെ അമ്മയെ താങ്ങിപ്പിടിച്ചു വണ്ടിയിൽ കേറ്റി..വേഗം തന്നെ കവലയിലുള്ള വല്ല്യാട്ട് പ്രൈവറ്റ് ആശുപത്രിയിൽ എത്തി...ആ നാട്ടിലെല്ലാർകും പരിചയം ഉള്ള ഡോക്ടറു തന്നെ ആണ്...എല്ലാത്തരം ആധുനീക സജ്ജീകരണങ്ങളും ഉള്ള മുന്തിയ തരം ആശുപത്രി തന്നെ ആണ്..

.സുരേഷും ചന്ദ്രനും കൂടെ അമ്മയെയും താങ്ങിപ്പിടിച്ചു ഡോക്ടറിന്റെ മുറിയുടെ പുറത്തിരുന്നു...ചന്ദ്രന്റെ അളിയൻ അപ്പോഴേക്കും ഡോക്ടറെക്കാണാനുള്ള ചീട്ടെടുത്തു കൊണ്ട് വന്നു..

"സൗദാമിനിയമ്മ...."കുറച്ചു നേരം ഇരുന്നു കഴിഞ്ഞപ്പോൾ ഒരു നേഴ്‌സ് വന്നു പേര് വിളിച്ചു...ചന്ദ്രനും സുരേഷും കൂടെ അമ്മയെ താങ്ങിപ്പിടിച്ചു ഡോക്ടറിന്റെ മുറിയിലേക്ക് കയറി .
."എന്ത് പറ്റി "
ഡോക്റ്റർ സാധാരണ എന്ന പോലെ ചോദിച്ചു .
."സാറെ ഇന്ന് അച്ഛന്റെ ആണ്ടാരുന്നു ...'അമ്മ രാവിലെ മുതല് ഒന്നും കഴിക്കാതെ നടക്കുവാരുന്നു....."ചന്ദ്രൻ പറഞ്ഞു തുടങ്ങി .."കുറച്ചു മുൻപ് ഒന്ന് തല കറങ്ങി വീണു
..."

ഡോക്ടർ എണീറ്റ് "അവിടേക്കു കിടത്തു.."

ചന്ദ്രനും സുരേഷും കൂടെ അമ്മയെ കിടത്തി....

ഡോക്ടര് തന്റെ സ്റ്റെതസ്കോപ്പ് വെച്ച് നോക്കി....പിന്നെ ഒരു നേഴ്‌സ് വന്നു അമ്മയുടെ പ്രഷറും ചെക്ക് ചെയ്തു....പിന്നെ ഡോക്ടർ വീണ്ടും കസേരയിൽ ചെന്നിരുന്നു ....ഒരു പേപ്പറെടുത്തു എഴുതാൻ തുടങ്ങി..."സ്കാൻ ചെയ്യണം....."

ഡോക്റ്റര് പറഞ്ഞു തുടങ്ങി..."ഞാൻ കുറച്ചു മരുന്നുകളെഴുതുന്നുണ്ട് അത് മാമൂട്ടിൽ മെഡിക്കൽ ഷോപ്പിൽ നിന്നും വാങ്ങണം....."

ഡോക്റ്റർ വീണ്ടു പറഞ്ഞു "ഒന്ന് രണ്ടു ദിവസം വെന്റിലേറ്ററിൽ കിടക്കണ്ടതായി വരും കേട്ടോ...ഒന്ന് കൊണ്ടും പേടിക്കണ്ട...ഉടൻ തന്നെ സുഖമാകും..."

അതും പറഞ്ഞു മരുന്നിന്റെ പേരെഴുതിയ പേപ്പര് അവരുടെ കയ്യിലേക്ക് കൊടുത്തു.....

സുരേഷ് എണീറ്റു ..."സാറെ ഒരു കാര്യം പറയാനുണ്ടാരുന്നു ..."

ഡോക്റ്റർ ഒന്ന് നോക്കി "എന്താണ് പറഞ്ഞോളൂ.."

ഇത്തിരി സ്വാകാര്യമാണ് ...കുറച്ചങ്ങോട്ടു മാറി നിന്നാൽ .....".

ഡോക്റ്റർമാർക്‌ ഇങ്ങനെ പല അനുഭവങ്ങളും ഉണ്ട്...എന്തെങ്കിലും തരാനായിരിക്കും....ഡോക്ടറെന്താണെങ്കിലും സമ്മതിച്ചു..

."ഡാ ചന്ദ്ര...നീ അമ്മയെയും കൂട്ടി ഇവിടിരുക്കു..ഞാനിപ്പം വരാം.."
സുരേഷ് ചന്ദ്രനോട് പറഞ്ഞു.

ഡോക്ടറും സുരേഷും കൂടെ ഒരു കർട്ടന്റെ പുറകിലേക്ക് പോയി ....

"എന്താ കാര്യം പെട്ടന്ന് പറയു..."ഡോക്ടര് തിരക്ക് കൂട്ടി ....

സുരേഷ് തന്റെ എളിയിൽ തിരുകിയിരുന്ന കത്തി എടുത്തു..."ഹേ... നിങ്ങളെന്താണ് കാണിക്കുന്നത് .."

അയാളോടാൻ നോക്കി ....

സുരേഷ് വട്ടം പിടിച്ചു...കത്തി അയാളുടെ കഴുത്തിനു തന്നെ മുട്ടിച്ചു പിടിച്ചു ..

....ഡോക്ടറു പൂക്കുലപോലെ വിറയ്ക്കാൻ തുടങ്ങി..

."ഡോക്ടറെ..."
സുരേഷ് വിളിച്ചു
"എന്തോ...."....
എന്റെ കൂട്ടുകാരാമന്റെ അമ്മക്കെന്താണ് അസുഖം

"ആഹാരം കഴിക്കാതെ നടന്നതിനാൽ ഗ്യാസ് കെട്ടി കിടക്കുന്നതാണ് "
ഡോക്ടറു ഞരങ്ങിക്കൊണ്ടു പറഞ്ഞു

"ഗ്യാസിനുള്ള മരുന്ന് ഏതാണ് "
*****
..."നാലാമത്തെഴുതിയിരിക്കുന്നതാണ്....ഒരു ചുമന്ന ഗുളികയാണ്...."

സുരേഷ് കത്തി ഇത്തിരി ഒന്ന് അയച്ചു

"രാവിലെയും ഉച്ചക്കും വൈകിട്ടും ഓരോന്ന് കഴിക്കണം "..ഡോക്ടറു പറഞ്ഞു നിർത്തിയിട്ടു ഒരു ദീർഘ ശ്വാസം വിട്ടു....

ഡോക്ടറു തിരിച്ചു തന്റെ സീറ്റിൽ വന്നിരുന്നു

"ശരി ഡോക്ടറെ ഞങ്ങളിറങ്ങട്ടെ.."സുരേഷ് ഡോക്ടർക്കു കൈ കൊടുത്തു ..

അമ്മയേം ആയിട്ട് അവരെല്ലാവരും വീണ്ടും കാറിൽ വന്നിരുന്നു

"ഡാ അഡ്മിറ്റ്‌ ചെയ്യണ്ടേ..."ചന്ദ്രൻ ചോദിച്ചു.

.."സുരേഷ് ഒന്നും മിണ്ടിയില്ല

"ഡാ സ്കാൻ ചെയ്യണ്ടേ...."

സുരേഷ് നല്ല വേഗത്തിൽ തന്നെ കാറ് വീട്ടിലേക്കു വിട്ടു..

."നീ എന്താടാ ഈ കാണിക്കുന്നത്..."ചന്ദ്രന് പേടിയാകാൻ തുടങ്ങി

..സുരേഷ് ഫോൺ എടുത്തു വിളിക്കാൻ തുടങ്ങി..

"ഡീ സുമേ....നമ്മളിന്നാളു വാങ്ങിച്ച ഗ്യാസിന്റെ ഗുളിക ഇല്ലാരുന്നോ...ഡീ...അലമാരീടെ മുകളിലത്തെ തട്ടേൽ നോക്കൂ........." സുരേഷ് ഫോണിലൂടെ സംസാരിച്ചുകൊണ്ടും ഇടക്കൊക്കെ ചിരിച്ചും ഒക്കെ വണ്ടി ഓടിച്ചു കൊണ്ടിരുന്നു ..... ....

***********

rajesh eravinalloor