Showing posts with label SyamLal. Show all posts
Showing posts with label SyamLal. Show all posts

കബർ വിശാലമാക്കുന്നവർ



======================
ഹൈദർമാൻ കുട്ടി ഹാജി ഒരു നീണ്ട മയക്കത്തിലാരുന്നു ... അപ്പോഴാണ് ആരോ വിളിക്കുന്ന പോലെ തോന്നിയത്...
മയക്കം വിട്ടുണർന്ന് ഒന്നുടെ തിരിഞ്ഞു കിടന്നു പിന്നേം പിന്നേം ആരൊക്കെയോ വിളിക്കുന്നു..
ഒരാളല്ല പലരാണ് വിളിക്കുന്നത് ...
ഒന്നായി പത്തായി ഒരു നൂറായിരം വിളികൾ ചെവി തുളച്ചപ്പോൾ ഒന്നെഴുന്നേറ്റിരുന്നു.. കാതു കൂർപ്പിച്ചു..
പടച്ചോനേ തെറിയാണല്ലോ വിളിക്കുന്നത്...
കാര്യമറിയാൻ ഹാജിയാർ ഒന്നു കുനിഞ്ഞു പുറത്തിറങ്ങി റോഡിലേക്ക് നോക്കി..
റോഡ്‌ മൊത്തം ബ്ലോക്ക് ഏതാണ്ട് ഒരു കിലോമീറ്റർ ബസും കാറും ലോറീം ഹോണും തെറി വിളിം ആകെ ജഗപൊക..
റോഡ് ബ്ലോക്കായതിനു തന്നെ തെറി വിളിക്കുന്നതെന്തിനാണ് മൂപ്പർക്ക് അപ്പഴും പുടി കിട്ടീല...
ആളറിയാതിരിക്കാൻ തലേക്കെട്ട് ഒന്നു താത്തി കെട്ടി പള്ളിപ്പറമ്പിൽ നിന്നു റോഡിലേക്കിറങ്ങി..
ആദ്യം കണ്ട വണ്ടിക്കാരനോട് കാര്യം ചോയ്ച്ചു...
അദ് ഞമ്മളെ ഇസ്മയിലിന്റെ ഷോപ്പിംഗ് മാള് ഉൽഘാടനാണ്..
ഏത് ഇസ്മായിൽ??
മ്മടെ ഹൈദൃമാൻ കുട്ടി ഹാജിന്റെ ചെക്കൻ
ഭാഗ്യം ഓന് ആളെ മനസ്സിലായിട്ടില്ല !!
അയിന് റോഡ് ന്തിനാ ബ്ലോക്കാക്കിണേന്ന്.. ??
ഓൻ ബല്യ സിൽമാ നടീനെ കൊണ്ടന്നിക്കണ് ഓളെക്കാണാൻ ഉള്ള ബ്ലോക്കാണ്.. ആ നായിന്റെ മോനാണ് ഇക്കണ്ട ആൾക്കാരെ ഒക്കെ സുയിപ്പാക്കീക്കണത്.
മരിച്ചു കിടന്നപ്പോ കബർ വിശാലമാക്കി കൊടുക്കണേ തമ്പുരാനേ.. എന്നു ദു:ആ ചൊല്ലിയ നാട്ടുകാരാണല്ലോ ഈ ചീത്ത വിളിക്കുന്നതോർത്തപ്പോൾ ഹാജിയാരുടെ മനസ്സു പിടഞ്ഞു ..ഇവരോട് പൊറുക്കണേ റബ്ബേ..
ബാക്കി കേൾക്കാൻ നിക്കാതെ മുന്നോട്ട് നടന്നു കാൽനടക്കാർ പോലും ചീത്ത വിളിക്കുന്നു...
മാളിനു മുന്നിലെ റോഡിൽ പഞ്ചാരിമേളോം ആട്ടും കൂത്തും... തിക്കി തിരക്കി നുഴഞ്ഞു കയറി ഉള്ളിൽ കടന്നു
മുന്നിലെ സ്റ്റേജിൽ വെളുത്തു കൊലുന്നനെ ഒരു മൊഞ്ചത്തി.. തൊട്ടടുത്ത് മൈക്കും പിടിച്ച് ഇളിച്ചു നിൽക്കുന്ന ഇസ്മായിൽ അപ്രതീക്ഷിതമായി ബാപ്പാനെ കണ്ട് ഒന്ന് ഞെട്ടി...
ഹാജ്യാർക്ക് കലി കയറി തലേക്കെട്ട് അഴിച്ചു കുടഞ്ഞു..നേരെ കയറിച്ചെന്നു കരണം നോക്കി ഒരെണ്ണം പൊട്ടിച്ചു..
ദെന്തിനാന്ന് മനസ്സിലായോ ഹമുക്കേ???
ഇസ്മായിൽ അന്തം വിട്ടു
റോഡിലോട്ട് ചൂണ്ടി..... ഇക്കണ്ട ആൾക്കാര് മുയുമൻ അന്റെ തന്തക്ക് വിളിക്കാണ്
അതായത് ഈ ഇന്നെ....
മരിച്ചു മയ്യത്തായാൽ കബറിനുള്ളിലും ഞമ്മക്ക് സ്വൊര്യം തരൂലേ ഹിമാറേ... കൈ വീശി കണ്ണടക്കി ഒരു പെട കൂടി കൊടുത്തു
ന്നിട്ട് അലറി....
പറഞ്ഞു വിടെടാ എല്ലാ ഇബ് ലീസുകളേം...
ഈ അടി അനക്ക് ഒരു പത്തു കൊല്ലം മുമ്പു തരണ്ടതാരുന്നു
ആരാ അത് ? കവിളു പൊത്തി പിടിച്ചു നിന്ന ഇസ്മയിലിനോട് നടി ചോദിച്ചു
പത്തു വർഷം മുമ്പ് മരിച്ചു പോയ എന്റെ ഉപ്പ.....
ഹെന്ത്???
അവൾ മോഹാലസ്യപ്പെട്ടു പുറകോട്ട് മറിഞ്ഞു
സ്റ്റേജിലുണ്ടായിരുന്ന സിൽബന്തികൾ നാലു വഴിക്ക് ഓടി
ഹൈദർമാൻ കുട്ടി ഹാജി പള്ളി ലക്ഷ്യമാക്കി തിരിച്ചു നടന്നു...

#പാത്തു


ദെന്താ പാത്തൂ പൊരിച്ചതൊന്നൂല്ലേന്ന് ...
മൂപ്പര് ഉച്ചക്ക് ചോറ് ബൈക്കാൻ ബന്നപ്പോ ചോയ്ച്ചതാണ് അയിന് വീട്ടിൽക്ക് ബാണ്ടത് എന്തേലും മാങ്ങാൻ പറഞ്ഞാ മൂപ്പർക്ക് നേരോല്ല പിന്നെ ഞമ്മൾ എന്തിട്ത്തിട്ടാ പൊരിച്ചാ????
ഈ ചോറും ചാറും ണ്ടാക്കിയതന്നെ തൊടിയായ തൊടി മുയുമൻ തെണ്ടീട്ടാണ് ദ് ബല്ലതും ഓല്ക്ക് അറിയണോ
പടച്ചോനേ ഞ്ഞീം ബൈന്നേരത്തുക്ക് എന്താണാവോണ്ടാക്കാ???
ന്തേലും പൊരിച്ചതില്ലെങ്കി മുപ്പര് കൈയിമ്മെ വറ്റാക്കീട്ട് ണീറ്റ് പോവും
ആലമീനായ തമ്പുരാനേ ഞമ്മളെന്താ ചിയ്യാ????
അല്ലാ ഒരു കാര്യം മറന്നല്ലോ . രാവിലെ ഫേസൂകിലൊരു പുത്യേ ഫോട്ടം പോസ്റ്റീർന്നു അയിന്റെകാര്യം മറന്നു
അമ്പമ്പോ 800 ലൈക്ക് 315 കമന്റും ഒക്കെ പാടെ വാരിക്കൂട്ടി ഒരു മൊറത്തിലാക്കി
അയില് ചീഞ്ഞ കുറെ കമെന്റേള് എടുത്തു് ബലിച്ചെറിഞ്ഞു.
അള്ളാ ഐന്റെ ഒരു നാറ്റം .
ബാക്കിള്ള തൊക്കെ നല്ലോണം കയ്കി ബൃത്ത്യാക്കി ..ഞി ബൈന്നേരം ചാറിനും പൊരിക്കാനും ഒക്കെ ബേറൊന്നും നോക്കണ്ടാ
ലൈക്ക്കളെടുത്തു നല്ലോണം തേങ്ങേം, ഉള്ളിം,ചച്ചമുളകും ചീരോനും ക്കെ അരച്ച് തോരനാണ്ടാക്കി
പിന്നെ കുറേ ചെറിയ കമന്റുകള് നല്ല കൊടമ്പുളിം ചോന്ന മുളകം, കറിവേപ്പിന്റെ ഇലേം ചേർത്ത് ബറ്റിച്ച് ചാറാക്കി
പിന്നേ ഒരു 10 ബല്യ കമന്റുകള് എടുത്തിട്ട് നല്ലോണം ഉപ്പും,കുരുമോളും, വെള്ളുള്ളിം, ലേശം ചോന്ന മുളകും അരച്ച് പെരട്ടി നല്ല ബെളിചെണ്ണീല് പൊരിച്ചു കോരി....
ആഹാ എന്താ ഒരു മണം
അയൽവാസികളൊക്കെ ചോയ്ച്ചു.. എന്താ പാത്തൂ ഇജ്ജ് പൊരിക്കണേന്ന് ??
ഞമ്മള് മീണ്ടിയോ?? മിണ്ടീലാ .....
അങ്ങനെ ബൈന്നേരത്തെ കാര്യം കുസാലായി ......
ന്നിട്ടും കമന്റ് ബാക്കിയാണേ അത് പ്രിഡ്ജില് വെച്ചുക്കുണ്
വൈന്നേരം വന്നപ്പോ ഒരു പ്ലെയിറ്റില് വല്യേതു നോക്കി രണ്ടു പൊരിച്ചത് വച്ചിട്ട് രണ്ട് റിയാച്ചനും ഇസ്മയിലിം ബച്ച് ഡക്കറേറ്റാക്കി മുപ്പർക്ക് കൊടുത്തു
ഓല്ക്ക് പെരുത്തിഷ്ടായി
ന്നിട്ട് ഒരു ചോദ്യം " ഈ ബുദ്ധിയെന്താ പാത്തൂ അനക്ക് നേരത്തേ തോന്നാത്തേന്ന്
എത്ര ലൈക്കും കമന്റും ഞമ്മള് ബെർതെ ബേസ്റ്റാക്കീത് ന്ന് ''
അങ്ങനെ ഞമ്മക്ക് ലൈക്കും കമന്റും തന്ന് സകായിച്ച എല്ലാ ചെങ്ങായി മാർക്കും പെരുത്ത് നന്ദി നമസ്കാരം
ആരിക്കെങ്കിലും കമൻറു പൊരിച്ചത് ബേണങ്കി ബന്നോളിൻ ....
സൂപ്പർ ഐറ്റാണിട്ടോ..
#Syam Lal

പൊതി


പൊതി
======
എടി പെണ്ണേ നിന്നോടൊരു നൂറു പ്രാവശ്യം
പറഞ്ഞിട്ടുണ്ട് ആൺപിള്ളാരടെ കൂടെ ചാടാൻ പോകരുതെന്ന്
ഇങ്ങനൊള്ള ദിവസം എങ്കിലും അടങ്ങി ഇരുന്നു കൂടെ ?
നിനക്ക് അങ്ങനെ വരണം
കുറെ നേരായി കേക്കാൻ തുടങ്ങിയതാ അമ്മേടെ വഴക്ക്
ചേച്ചിയാണെങ്കി അപ്പുറത്ത് വാ പൊത്തി ചിരിക്കുന്നു
എന്റെ ദൈവമേ മാനം പോയി നാണോം കെട്ടു ഏതു നേരത്താണോ ആ ചെറുക്കന്മാരോട് കൂടെ ബാഡ്മിന്റെൻ കളിക്കാൻ തോന്നിയത്
ആദ്യ റൗണ്ടിൽ റോബിനോടു തോറ്റതിന്റെ വാശി തീർക്കാനാ ചാടി അടിച്ചത് ചാടുകേം ചെയ്തു അടിച്ചിടുകേം ചെയ്തു അപ്പഴാ ചെറുക്കന്മാര് വിളിച്ചു കൂവിയെ
"ദാണ്ടെ പൊതി താഴെപ്പോയേ "
ഒന്നേ നോക്കിയൊള്ളു ദാണ്ട് കിടക്കുന്നു ... പിന്നെ എടുത്തോണ്ടൊരോട്ടമായിരുന്നു
പിന്നെ പുറത്തിറങ്ങിട്ടില്ല
അപ്പഴാ അപ്പറത്തെ ഉണ്ണിക്കുട്ടനെ അവന്മാര് പറഞ്ഞു വിട്ടത് ...
ചേച്ചീ പൊതി ഇവിടൊണ്ടോന്നു ചോയ്ക്കാൻ അപ്പറത്തെ ബിനുചേട്ടൻ പറഞ്ഞു
പൊക്കോ എന്റെ മുമ്പീന്ന് ....ഒരലർച്ചയാരുന്നു
അവൻ പേടിച്ചോടിപോയി
അവന്മാരെനിക്ക് എരട്ട പേരും ഇട്ടെന്ന് മനസ്സിലായി
"പൊതി'
നാളെ ഇതു ക്ലാസ്സിൽ പാട്ടാവും ഹൊ ഓർക്കാനും കൂടി വയ്യാ
എങ്ങനെ കോളജിൽ പോകും
അപ്പോഴും ടിവിയിലെ ലെഗ്ഗിൻസിട്ട വിസ്പർ ഗേൾ ആ ദിവസങ്ങളെ മറന്നേക്കു എന്നു പഞ്ഞു സ്കിപ്പിംഗ് ചെയ്തോണ്ടിരുന്നു ടിവി തല്ലി പൊട്ടിക്കാനാ തോന്നിയത്
രാവിലെ ബസിറങ്ങി കാമ്പസിന്റെ ഗേറ്റു കടന്നു ഷാനിയോടൊപ്പം തല ഉയർത്താതെ നടന്നു കുറച്ചു നടന്നു ഒന്നു തിരിഞ്ഞു നോക്കി
ആരോ എന്തോ വിളിച്ചോ ഇല്ല തോന്നിയതാരിക്കും
നീ ഇങ്ങനെ വെറുതെ പേടിച്ചാലോ എല്ലാം നിന്റെ തോന്നലാ ഷാനി പറഞ്ഞു
ശരിയാരിക്കും...
ആ ധൈര്യത്തിൽ ആഞ്ഞു നടന്നു
പെട്ടെന്ന് മരത്തിന്റെ ഇടേന്നൊരു വിളി
"പൊതി"
അപ്പം കാര്യം ഉറപ്പായി .തിരിഞ്ഞു നോക്കിയില്ല മരത്തിന്റെ ചുവട്ടിൽ സ്ഥിരം സംഘം അവരെ കടന്നു പോകവേ ഒരുത്തന്റെ കമന്റ്
എടാ എന്റെ ഒരു പൊതി കളഞ്ഞു പോയെടാ ആർക്കേലും കിട്ടിയോ??
ഒരു കൂട്ടച്ചിരി
ഒരു വിധത്തിൽ ക്ലാസിൽ കയറി ...എന്തായാലും നനഞ്ഞു
ഫസ്റ്റ് ഹവർ കഴിഞ്ഞു ഇടവേളയിലാണ് അടുത്ത വെടി പൊട്ടിയത് ...
ആളില്ലാത്ത ഒരു പൊതി കളഞ്ഞു കിട്ടിയിട്ടുണ്ടേ ആളുണ്ടോ.????
ഒന്നുടെ കുനിഞ്ഞിരുന്നു ദൈവമേ ഈ ദിവസം എങ്ങനെ എങ്കിലും ഒന്നു തീർന്നു കിട്ടിയാ മതിയാരുന്നു
അന്നു മുഴുവൻ ഒളിഞ്ഞും തെളിഞ്ഞും പല രൂപത്തിലും ഭാവത്തിലും " പൊതി'' എന്നെ ഹർട്ട് ചെയ്തു കൊണ്ടിരുന്നു ഈ ആൺ പിള്ളാരിത്ര മനേഴ്സില്ലാത്തവരായി പോയല്ലോ ??
പിറ്റേ ദിവസം രണ്ടും കൽപ്പിച്ചാണ് ഇറങ്ങിയത്
പതിവുപോലെ മരച്ചുവട്ടിൽ അലമ്പു സംഘം
വിളി ഉണ്ടാവുമെന്നുറപ്പിച്ചാണ് നടന്നത്
കരുതിയ പോലെ തന്നെ...
പൊതീന്ന്... വിളി മുഴുമിച്ചില്ല വെട്ടിതിരിഞ്ഞു നോക്കി
കൂട്ടത്തിൽ ഫ്രീക്കൻ
പണ്ടേ ഈ ഫ്രീക്കമാരെ കാണുമ്പഴേ ശർദിക്കാൻ വരും
നേരേ അവന്റെ മുമ്പിൽ ചെന്നു നിന്നു
നീ എന്താ വിളിച്ചേ ??
.........
എന്താ വിളിച്ചേന്ന്???
അവൻ വിളറി
കൂട്ടത്തിലുണ്ടായിരുന്നവർ പതുക്കെ വലിഞ്ഞു
ബാഗു തുറന്നു അത്യാവശ്യമുണ്ടേൽ മാറാൻ വച്ചിരുന്ന പാഡ് എടുത്ത് അവന്റെ കയ്യിൽ വച്ചു കൊടുത്തു
മോനേ ഇതാണ് നീ പറഞ്ഞ പൊതി
കൊണ്ട് പോയി നിന്റെ അമ്മക്ക് കൊടുക്ക്
എന്നിട്ട് ചോദിച്ചു മനസ്സിലാക്ക് ഇത് എന്തിനാ ഉപയോഗിക്കുന്നേന്ന് ...
ഇനി മേലാൽ ഇതും പറഞ്ഞോണ്ടെന്റെ മുമ്പി വന്നാ വായി പല്ലു കാണത്തില്ല ഓർത്തോ...
ഒരു കൂക്കു വിളി ഉയർന്നു
അവൻ നനഞ്ഞ കോഴിയെ പോലെ വിറച്ചു.
അല്ലേ നമ്മളിത്ര പാവമാകാൻ പാടുണ്ടോ????
ശ്വാസം നന്നായി ഒന്ന് എടുത്തു വിട്ടു
കൈകൾ വീശി അനായാസം തിരിഞ്ഞു നടന്നു
എന്നിട്ട് സ്വയം പറഞ്ഞു
"ആ ദിവസങ്ങളെ മറന്നേക്കൂ''
#Syam Lal

DON'T MISS

Nature, Health, Fitness
© all rights reserved
made with by templateszoo