Showing posts with label ArshadKormath. Show all posts
Showing posts with label ArshadKormath. Show all posts

മരണം


യഥാർത്ഥ ജീവിതത്തിൽ മറക്കാനാവാത്ത ഒരു രാത്രി...
ഞാൻ ഡിഗ്രി കോഴിക്കോട് പഠിക്കുന്ന കാലം. പഠനത്തോടൊപ്പം ഫറോക്കിലെ HP യുടെ പെട്രോൾ പമ്പിൽ ജോലിയുമുണ്ട്. അവിടെ ജോലിക്ക് കേറി കുറച്ചു മാസങ്ങൾക്കു ശേഷം പമ്പിലേക്ക് ഒരു പ്രായമായ ആളു ജോലിക്കു വന്നു പെട്രോൾ അടിച്ചു കൊടുക്കാനുള്ള ആരോഗ്യം ഒന്നും അദ്ദേഹത്തിനുണ്ടായിരുന്നില്ല. പക്ഷെ ആളുടെ പ്രായവും അവസ്ഥയും കണ്ടാൽ മടക്കി അയക്കാനും കഴിയില്ല അതുകൊണ്ടു മുതലാളി അദ്ദേഹത്തിന് അവിടെ കണക്കുകളും മറ്റും നോക്കാൻ ഏൽപ്പിച്ചു ആദ്യമേ ഒരു മാനേജർ ഉണ്ടെങ്കിലും ഒരു സഹായത്തിനു എന്നു പറഞ്ഞു മുതലാളി നല്ല മനസ്സു കാണിക്കുയായിരുന്നു...
പമ്പിന്റെ തന്നെ ഒരു റൂമുണ്ട് അവിടെയാണ് ഞാനും നീലഗിരി ഉള്ളാ ജോണി ചേട്ടനും താമസം ഒരു സിംഗിൾ റൂം ഒരു കട്ടിൽ വാഷ്‌ബേസ് വാഷ്ബേസിനോട് ചേർന്നു ചെറിയൊരു മാർബിൾ കൊണ്ട് ഉണ്ടാക്കിയ തട്ട് ഇത്രയുമാണ് സ്വകര്യം ജോണി ചേട്ടന്റെ ഡ്യൂട്ടി ഞാൻ ഉച്ചക്ക് രണ്ടു മണിക്ക് ചെല്ലുമ്പോൾ തീരും പിന്നെ രാത്രി പതിനൊന്നു കഴിഞ്ഞേ ഞാൻ വരൂ അതു കഴിഞ്ഞു രാവിലെ ആറു മുതൽ എട്ടുവരെ ആണ് എനിക്ക് ഡ്യൂട്ടി എട്ടു കഴിഞ്ഞാൽ വീണ്ടും ജോണി ചേട്ടൻ തന്നെ അങ്ങനെ മാറി മാറി ഷിഫ്റ്റ് ആണ് ഞങ്ങൾക്ക്..
ജോണി ചേട്ടൻ മലയാളി ആണെങ്കിലും പണ്ട് കുടിയേറി പോയതാണ് നീലഗിരിക്ക്. ഒരു പാവം നാട്ടിൻപുറത്തുകാരൻ നാട്ടിൽ ഭാര്യയും രണ്ടു മക്കളും അപ്പനും അമ്മയും.
സ്നേഹമുള്ള പെരുമാറ്റം കൂടുതൽ സംസാരിക്കുന്ന കൂട്ടത്തിലും അല്ലാ എങ്കിലും എന്റെ കത്തിയുടെ നല്ലൊരു ശ്രോതാവായിരുന്നു ആള്.
റൂമിൽ ഞാൻ വീട്ടിൽ കൊണ്ടുവന്ന ഇൻഡക്ഷൻ കുക്കർ ആണ് ഞങ്ങളുടെ അടുപ്പ് അത്യാവശ്യം ചോറും കഞ്ഞിയും അച്ചാറും മുട്ടയും മാഗിയുമൊക്കെയായി ഞങ്ങൾ മുന്നോട്ട് പോവുമ്പോഴാണ് ഈ ഏട്ടൻ കൂടി ഞങ്ങളുടെ റൂമിലേക്ക് വരുന്നത്...
രാത്രി റൂമിൽ ഡ്യൂട്ടി കഴിഞ്ഞു വന്നാണ് ഞങ്ങൾ പരിചയപെടുന്നത് പ്രായം എഴുപത്തിൽ കൂടുതൽ കാണും ആൾ വിചാരിക്കും പോലെ നിസ്സാരകാരനായിരുന്നില്ല. ഇംഗ്ലീഷ് പഠിക്കാൻ സ്വന്തമായി സൂത്ര വാക്യങ്ങളും രീതികളും കണ്ടുപിടിച്ച ഒരു അധ്യാപകൻ പുസ്തകങ്ങളും ഉണ്ട് സ്വന്തമായി എഴുതിയുണ്ടാക്കിയത് അതും ചെറുതൊന്നുമല്ല നമ്മുടെ എൻസൈക്ലോപീഡിയ പോലെ നല്ല കട്ടിയും കനമൊക്കെയുള്ളത് പുസ്തകത്തിന്റെ റോയലിറ്റി മാത്രം വീട്ടിലെ അടുപ്പ് പുകയാൻ തികയാതെ വന്നപ്പഴാണ് ആളു ഇങ്ങനെ ഒരു ജോലിക്ക് വന്നത്. ഒരുപാട് കുട്ടികൾക്ക് അറിവ് പകർന്ന ഒരു വലിയാ അധ്യാപകൻ പക്ഷെ ജീവിതം ഏതൊക്കെ വേഷം കെട്ടിക്കുമെന്ന് നമുക്ക് അറിയില്ലലോ വീട്ടിൽ ഭാര്യയും മോനും മോൻ ചെറിയ കുട്ടി ആണ് അന്ന് ആറോ ഏഴിലോ ഓക്കേ പഠിക്കുന്നു..
എനിക്ക് നല്ലൊരു കൂട്ടുകാരനായിരുന്നു അദ്ദേഹം പ്രായത്തിലുപരി നല്ലൊരു ആത്മബന്ധം ഉണ്ടായിരുന്നു ജീവിതത്തിൽ സാമ്പത്തികമായി ഒന്നും ബാക്കിയാക്കാനാവാത്തതു കൊണ്ടാവാം എന്റെ ചിലവാക്കാൻ രീതികൾ കണ്ടു കുറെ ഉപദേശിച്ചിട്ടുണ്ട് കിട്ടുന്നതിന്റെ നാല്പത്തഞ്ചു ശതമാനം എങ്കിലും മാറ്റി വെച്ചോ ഇല്ലങ്കിൽ നാളെ ദുഖിക്കേണ്ടി വരും എന്നു വരെ എന്നോട് പറഞ്ഞിരുന്നു പക്ഷെ ഇപ്പഴും ആ കാര്യത്തിൽ ഞാനൊരു പരാജയമാണ്..
അങ്ങനെ റൂമിൽ മാഷും ഞാനും ജോണിച്ചേട്ടനും മാഷ് വന്നതോടെ പാചകവും നന്നാവാൻ തുടങ്ങി ഞാനും ജോണി ചേട്ടനും നിലത്ത് പാ വിരിച്ചും മാഷ് കട്ടിലിലുമാണ് കിടക്കാർ...
അന്നാണ് എന്റെ ജീവിതത്തിൽ ഞാൻ മറക്കാത്ത ആ രാത്രി
അതൊരു നോമ്പ് കാലമാണ് രാത്രി വൈകിയും കാമുകിയുമായി ഫോണിൽ കിന്നരിച്ചു കിടക്കുകയാണു ഞാൻ ഉറങ്ങീട്ടില്ല...
പെട്ടന്നു റൂമിൽ ഒരു ശബദം ഞെട്ടി എണീറ്റ ഞാൻ ലൈറ്റ് ഓണാക്കിയപ്പോൾ കണ്ടത് കട്ടിലിൽ വിലങ്ങനെ കിടക്കുന്ന മാഷ് ശ്വാസം എടുക്കാൻ പാടുപെടുന്നതാണു.
ജോണി ചേട്ടനും എണീറ്റു ആദ്യം കേട്ടപോലെ തന്നെ മാഷ് വീണ്ടും അലർച്ചപോലെ ശബ്ദമുണ്ടാക്കി എന്താണ് മനസ്സിലാവാത്ത ഞങ്ങൾ ഒന്നു പകച്ചു പോയി സമനില വീണ്ടെടുത്തു ചെരിഞ്ഞു കിടന്ന മാഷേ നേരെ കിടത്തി.
ശ്വാസം കിട്ടാഞ്ഞിട്ടാവണം വായ പൂർണമായും തുറന്നിരുന്നു മുഖത്തെ പേശികളൊക്കെ വലിഞ്ഞു മുറുകി കണ്ണും മൂക്കുമൊക്കെ കൂടുതൽ വികസിച്ചു പേടിയാവുന്നു മുഖ ഭാവം വേഗം വെള്ളം എടുത്തു ചുണ്ടുകൾ നനച്ചു കൊടുത്തു പക്ഷെ അപ്പോഴേക്കും മാഷിന്റെ ബോധം മറഞ്ഞിരുന്നു...
പെട്ടന്നു മുതലാളിയെ വിളിച്ചു ആളുടെ അനിയൻ വണ്ടിയുമായി വന്നു ഞങ്ങൾ എല്ലാരും കൂടി മാഷേ പിടിച്ചു കാറിൽ കയറ്റി വേഗം ചുങ്കത്തുള്ള ഹോസ്പിറ്റലിലേക്ക് കൊണ്ട് പോയി അവിടെ എത്തി ഡോക്ടർ പരിശോധിച്ചെങ്കിലും എല്ലാം കഴിഞ്ഞിരുന്നു റൂമിൽ നിന്നും ഞങ്ങൾ ബോധം പോയെന്നു വിചാരിച്ചത് മരണം തന്നെ ആയിരുന്നു...
വല്ലാത്തൊരു ഷോക്ക് ആയി അതു ജീവിതത്തിൽ ആദ്യത്തെ അനുഭവം നമ്മൾ കിടക്കുന്ന റൂമിൽ മരണത്തിന്റെ മാലാഖ വന്നു ഒരാളെ കൂട്ടികൊണ്ടുപോയിരിക്കുന്നു...
ഹോസ്പിറ്റലിലെ ഫോര്മാലിറ്റികൾ വേഗം തീർത്തു അദ്ദേഹത്തിന്റെ ശവ ശരീരവുമായി ആംബുലൻസിൽ വീട്ടിലേക്ക്...
ആംബുലനസിന്റെ മുൻപിൽ മുതലാളിയുടെ അനിയനും ബാക്കിൽ ഞാനും ജോണി ചേട്ടനും മരണപ്പെട്ട ആളുടെ കൂടെ ആ ശരീരവും കണ്ടുകൊണ്ടൊരു യാത്ര വല്ലാത്തൊരു മാനസിക അവസ്ഥയിലൂടെ കടന്നുപോയ നിമിഷങ്ങൾ.
കുറച്ചു സമയത്തെ യാത്രക്കു ശേഷം അദ്ദേഹത്തിന്റെ വീടെത്തി അപ്പോഴേക്കും ആളുകൾ കൂടിയുരുന്നു എല്ലാരും കൂടി പിടിച്ചു സ്ട്രക്റ്ററിൽ അദ്ദേഹത്തെ അകത്തേക്ക് കിടത്തി പൊട്ടി കരഞ്ഞു വീണ ആ ചേച്ചിയുടെയും സംഭവിച്ചത് ഉൾക്കൊള്ളാനാവാത്ത ആ കുഞ്ഞുമോന്റെയും മുഖം ഇപ്പഴും മനസ്സിലുണ്ട്.
ഇനി അവർക്ക് ഈ ലോകത്ത് ഒറ്റക് പോരാടി ജയിക്കണം കൂടെ നിന്നും അന്നമൂട്ടിയ ആൾ അസ്തമിച്ചിരിക്കുന്നു...
തിരിച്ചു പോന്നിട്ടും റൂമിലും അദ്ദേഹത്തിന്റെ പുസ്തകങ്ങളും മറ്റും കാണുമ്പഴും വല്ലാത്തൊരു നടുക്കം എന്നെ പിടികൂടാറുണ്ട് പിനീട് ഞാനവിടുന്നു കോഴിക്കോട്ടെക് മാറുകയും അതു കഴിഞ്ഞു പഠനം പൂർത്തിയാക്കി നാട്ടിലേക്കും മടങ്ങി...
ഇടക്കൊരുനാള് കോഴിക്കോട്ടേക്കുള്ള യാത്രയിൽ ഫറോക്ക് വഴി പോന്നപ്പോൾ വെറുതെ പമ്പിലൊന്നു കേറി അപ്പോഴാണറിഞ്ഞത് കുറച്ചു ദിവസങ്ങൾക്കു മുൻപ് ജോണി ചേട്ടനും മരിച്ചു അതെ റൂമിൽ വെച്ച് ഹൃദയാഘാതം വന്നു മാഷ് മരിച്ച അതെ പോലെ തന്നെ...
എല്ലാം കഴിഞ്ഞിട്ടിപ്പോ മൂന്നോ നാലോ വർഷങ്ങളായികാണും.
ഇനി ആ മൂന്നുപേരിൽ ബാക്കിയുള്ളത് ഞാൻ മാത്രം....
അർശദ്‌ കോർമത്ത്‌

പാസ്സ്‌പോർട്ട് (ചെറുകഥ)


ഇടക്കുള്ള ആ ചോദ്യം ഉമ്മയെന്നോട് ഇന്നും ചോദിച്ചു
" മോനെ നിനക്കൊന്നു ഗൾഫിൽ പോയികൂടെ നമ്മുടെ വല്യമ്മായിന്റെ മരുമകൻ രണ്ടുവർഷം നിന്നിട്ടുള്ളു എത്ര വലിയാ വീട വെച്ചത് അങ്ങനെയാവണം കുട്ടികൾ നീ ഇങ്ങനെ പാസ്സ്‌പോർട്ട് പോലും എടുക്കാതെ നടന്നോ നിന്റെ ഏട്ടന്റെ മൂന്നുവയസ്സുള്ള മോൾക്ക് വരെയുണ്ടെടാ പാസ്സ്‌പോർട്ട് "
ശെരിയാണ് ഉമ്മാ പറഞ്ഞത് ഞാനിതുവരെ പാസ്സ്‌പോർട്ട് എടുത്തിട്ടില്ല. എന്റെ നാട്ടിലാണെങ്കിൽ ഒരുവിധമുള്ളവർക്കെല്ലാം ഈ സാധനം ഉണ്ട് എനിക്കുമാത്രം ഇല്ലാ.
എന്താ എടുക്കാതെന്ന് ചോദിച്ചാ പറയാൻ ഉത്തരം ഒന്നുമില്ലാട്ടോ, എന്തോ എനിക്കിവിടായ ഇഷ്ട്ടം. അല്ലെങ്കിലും ആരും ഇഷ്ട്ടമുണ്ടായിട്ടല്ലലോ പ്രവാസിയാവുന്നത് ജീവിതവും ചുറ്റുപാടും അവനെ പ്രവാസിയാക്കുന്നതല്ലേ.
ഈ കിട്ടുന്ന ശമ്പളം ഒക്കെ മതി പട്ടിണിയില്ലാതെ അത്യാവശ്യം ആഗ്രഹങ്ങളും അടിപൊളിയൊക്കെ ആയി ജീവിക്കാൻ.
ഒരുപാടാഗ്രഹങ്ങൾ ഒന്നുമില്ലതാനും മരിക്കുന്നവരെ എല്ലാരുടേം കൂടെ ജീവിക്കണം നാട്ടിലാവുമ്പോ എന്തു സുഖമാണ് എന്നും എന്റെ ഉമ്മാനേം വാപ്പനേം അനിയനേം കാണാം ഭാര്യയോട് വഴക്കിടാം ഇണങ്ങാം പിണങ്ങാം ഒരുവേള പിന്നാലെ നടന്നു ദേഷ്യം പിടിപ്പിക്കാം മോന്റെ കൊഞ്ചലും കളികളും ചിരിയും വർത്തനവും എല്ലാം കണ്ണു നിറയെ കാണാം ഒരു സ്കൈപോ വൈബ്രോ ഒന്നും വേണ്ടാ. കുടുംബത്തിലോ നാട്ടിലോ കല്യാണം വിശേഷങ്ങൾ പെരുന്നാൾ പൂരം അങ്ങനെ എല്ലാ ആഘോഷങ്ങളിലും പങ്കുചേരാം, ഒരു വേളാ ഉമ്മക്കോ ഉപ്പ്കോ അനിയനോ ഭാര്യക്കോ അസുഖമോ മറ്റോ ഉണ്ടായാൽ ഹോസ്പിറ്റലിൽ കൊണ്ടുപോവാനും വേണ്ടി വന്നാൽ ഉറക്കൊഴിച്ചു കൂട്ടിരിക്കാനും അങ്ങനെ എപ്പോഴും താങ്ങും തണലുമായി കൂടെ നടക്കാനാണെന്കിഷ്ട്ടം.
ഭാര്യാ ഗർഭിണിയായി അവളെ ലേബർ റൂമിനകത്തേക്ക് കൊണ്ട് പോയതിനുശേഷം എന്റെ അവസ്ഥ ഇപ്പഴും ഉള്ളിലൊരു പിടച്ചിലാണ് നടക്കുമ്പോ നിക്കാൻ തോന്നും നിക്കുമ്പോ ഇരിക്കാൻ ഇരുന്നാൽ എണീക്കാൻ അങ്ങനെ ആകെ ഒരു വെപ്രാളം.
പിന്നെ എന്റെ മോൻ ജനിച്ചു കഴിഞ്ഞു നഴ്സിന്റെ കയീന്നു ഞാനവനെ വാങ്ങി നെഞ്ചോടു ചേർത്തു പിടിച്ചു അവന്റെ ചെവികളിൽ ബാങ്ക് കൊടുത്ത് അവിടുള്ളവർക്കെല്ലാം മധുരം നൽകി അവന്റെ വളർച്ച എന്റെ കണ്ണിനുള്ളിൽ കണ്ടു ഞാൻ.
അവനാദ്യമായി കമിഴ്ന്നതും ഇപ്പൊ മുട്ടുകുത്താൻ ശ്രമിക്കുന്നതും ഓഫീസിൽ നിന്ന് വന്നു കേറുമ്പോ എന്നെ കണ്ടാൽ പല്ല് വരാത്ത മോണാ കാട്ടി ചിരിക്കുന്നതും എല്ലാം എനിക്ക് ആസ്വദിക്കാനാവുന്നു എന്റെ മോൻ ഒറ്റനോട്ടത്തിൽ എന്നെ തിരിച്ചറിയുന്നു ഇതൊന്നും ഞാൻ ഗൾഫിൽ പോയാൽ സ്വപ്നങ്ങളായി മാറില്ലേ....
എന്റെ ഉപ്പാ പഴയ ഒരു നാട്ടിൻ പുറത്തുകാരനാണ് 56 കളിൽ ജനനം അന്നൊന്നും വിദ്യാഭ്യാസത്തിനു പ്രാധന്യമില്ല കാരണം വിശന്നവൻ അക്ഷരമല്ലലോ ഭക്ഷണമല്ലേ വേണ്ടത്.
എന്നിട്ടും എന്റെ ഉപ്പാ ഡിഗ്രി വരെ പടിച്ചു മുഴുവനാക്കാനയില്ല വിധി രോഗമായി ഉപ്പാനെ തടഞ്ഞു ഇപ്പഴും പറയും ഞാൻ എന്റെ ഡിഗ്രി മുഴുവനാക്കാൻ വല്ല വഴിയുമുണ്ടോ എന്നു നോക്കട്ടെ പ്രായം അറുപത്തായിട്ടും പഠിക്കാത്തതിന്റെ സങ്കടം മാറീട്ടില്ല.
അതുകൊണ്ട് എനിക്ക് വാശി ഉണ്ടായിരുന്നു എത്ര കഷ്ട്ടപെട്ടാണെങ്കിലും ഒരു ഡിഗ്രി സെർട്ടിഫിക്കറ്റ് എങ്കിലും ഉപ്പാന്റെ കയ്യിൽ കൊടുക്കണം എന്നു പടച്ചവന്റെ എന്റെ പ്രാർത്ഥന കേട്ടു ഡിഗ്രി ഫസ്റ്റ് ക്ലാസ്സിൽ എന്നെ പാസാക്കി എന്നു മാത്രമല്ല റിസൾട്ട് വരുന്നതിനു മുൻപേ പടച്ചവന്റെ സഹായത്താൽ ജോലിയും ലഭിച്ചു.
ജീവിതം മുന്നോട്ടു പോയി ജോലിയോടൊപ്പം ഒരു എം ബി എ യും ഞാൻ സ്വന്തമാക്കി ഒരുപാടാളുകളുടെ പ്രാർത്ഥന അതുമാത്രമാണ് കൈ മുതലായിട്ടുള്ളത്.
എല്ലാവരും പറയും ജീവിതത്തിൽ ഒരു ടെർണിങ് പോയിന്റ് ഉണ്ടെന്ന് എന്റെ ജീവിതത്തെ മാറ്റി മറിച്ചത് പ്ലസ്‌ ടു പഠിക്കുന്ന സമയത്തെ ഒരു ഒഴിവു പിരിയഡ് ആണ് അന്ന് സാർ ക്‌ളാസെടുക്കുന്നതിനു പകരം ഞങ്ങളുമായി ജീവിതത്തെ കുറിച്ചു സംസാരിക്കുകയാണ് ചെയ്‌തത്‌ അന്നദ്ദേഹം ഞങ്ങളോട് ചോദിച്ചു നിങ്ങളുടെ യഥാർത്ഥ സ്വഭാവം അല്ലെങ്കിൽ വ്യക്തിത്വം എന്താണെന്നു നിങ്ങൾക്കറിയാനുള്ള എളുപ്പ വഴി എന്താന്നറിയാമോ ?
ആർക്കും കൃത്യമായി ഒരുത്തരം നൽകാനായില്ല അവസാനം സാർ തന്നെ പറഞ്ഞു നിങ്ങളറിയാത്ത നിങ്ങളെ അറിയാത്ത ഒരു നാട്ടിൽ പോയാൽ അവിടെ വെച്ച് നിങ്ങൾ ചെയ്യുന്നതാണ് യഥാർത്ഥത്തിൽ നിങ്ങളുടെ വ്യക്തിത്വം കാരണം അറിയുന്നവരുടെ മുൻപിൽ നമ്മളപ്പോഴും നല്ലവനാവനവും ശ്രമിക്കുക
ഓർത്തപ്പോൾ ശെരിയാണ് സ്കൂളിൽ നിന്ന് ടൂർ പോയിട്ട് അറിയാത്ത നാട്ടിലെത്തുമ്പോ നമുക്കൊക്കെ എന്തുമാവാം എന്നൊരു തോന്നൽ ഉണ്ടാവാറുണ്ട് കാരണം എന്നെ അറിയുന്നവർ ആരും ഇവിടെ ഇല്ലാ എന്നത് തന്നെ
അങ്ങനെ പ്ലസ്ടു കഴിഞ്ഞു ഡിഗ്രിക്ക് ചേർന്നു ആദ്യവർഷം പിന്നിട്ടതിനു ശേഷം പഠനത്തോടൊപ്പം ജോലി എന്നൊരു മോഹവുമായി ഞാൻ കോഴിക്കോടിന്റെ മണ്ണിലേക്ക് പോയത് ആദ്യം ജോലി കിട്ടിയത് ഒരു ഡയറക്റ്റ് മാർക്കറ്റിംഗ് കമ്പനി പുസ്തകങ്ങൾ നേരിട്ട് വീടുകളിൽ കൊണ്ടുപോയി വിൽക്കുക ഡിക്ഷനറികൾ എൻസൈക്ലോപീഡിയ ഇതൊക്കെയാണ് വില്കേണ്ടത് അറിയാത്ത നാട് സഞ്ചരിക്കാത്ത വഴികൾ പരിചയമില്ലാത്ത ആളുകൾ എനിക്കെല്ലാം പുതിയ അനുഭവങ്ങളായിരുന്നു ആളുകളോട് ഇടപഴകാൻ സംസാരിക്കാൻ എല്ലാം പഠിച്ചു തുടങ്ങിയതെവിടെ നിന്നാണ് വന്നത് പഠിക്കാനായതുകൊണ്ടു പാളയത്തുള്ള ഒരു കോളേജിൽ രണ്ടാം വർഷ വിദ്യാർത്ഥിയായി അഡ്മിഷൻ നേടി പക്ഷെ പ്രതിസന്ധികൾ എന്നെ കാത്തിരിക്കുയായിരുന്നു കമ്പനി മാനേജർ എന്റെ മുൻപിൽ കണ്ടിഷൻ വെച്ചു ഒന്നെങ്കിൽ മുഴുവൻ സമയ ജോലി അതല്ലങ്കിൽ രാജി അല്ലാതെ പഠനവും ജോലിയും രണ്ടും കൂടി ഈ കമ്പനിയിൽ നടക്കില്ല അവസാനം പഠനം മതി എന്നാ തീരുമാനത്തിൽ ഞാൻ ആ സ്ഥാപനത്തിന്റെ പടികൾ ഇറങ്ങി ഇനിയെങ്ങനെ എന്നൊരു ഊഹവുമില്ല നടുറോട്ടിൽ ഏകനായി നിൽകുന്നു മുൻപിൽ രണ്ടുവശത്തേക്കും നീണ്ടു കിടക്കുന്ന റോഡ്‌ മാത്രം കോളേജിൽ ഫീസുനല്കി ഇനി തിരിച്ചു നാട്ടിലേക്ക് മടങ്ങാൻ വയ്യ പഠനഭാരം വീട്ടുകാർക്ക് ബുദ്ധിമുട്ടവാതിരിക്കാനാണ് സ്വയം ജോലി ചെയ്‌തു പഠിക്കാം എന്നാ തീരുമാനം എടുത്ത് ഇങ്ങോട്ട് വന്നത് എങ്ങനെയും പിടിച്ചു നിന്നെ പറ്റൂ കുറച്ചു സമയം എന്തുവേണം എന്നറിയാതെ പകച്ചു നിന്നു പിന്നെയാണ് പത്താം ക്ലസ്സിൽ കൂടെ പഠിച്ചവന്റെ ജേഷ്ടൻ കോഴിക്കോടുള്ളത് ഓർമ വന്നത് നാട്ടിലേക്ക് വിളിച്ചു അവന്റെ നമ്പർ ഒപ്പിച്ചു ഉടനെ അവനെ വിളിച്ചു വിവരങ്ങൾ പറഞ്ഞു കഥ മുഴുവൻ കേട്ടപ്പോ ഞാൻ നിൽക്കുന്ന സ്ഥലത്തു നിന്നും അവന്റെ ജോലി സ്ഥലത്തേക്കുള്ള വഴി പറഞ്ഞു തന്നു അങ്ങനെ അവന്റെ ഓഫീസിൽ അറിയാതെ അവർ അവനു താമസിക്കാൻ കൊടുത്ത വീട്ടിൽ ഞാനും എത്തി.
എന്നും രാവിലെ കുളിച്ചു കുട്ടപ്പനായി നേരെ വിടും കോഴിക്കോട് ടൗണിലേക്ക് പിന്നെ ചുവരുകളിൽ കണ്ണോടിച്ചു നടക്കും ജോലിക്കാരെ തേടിയുള്ള പോസ്റ്ററുകളാണ് ലക്ഷ്യം അതുകഴിഞ്ഞാൽ പത്രം വായിച്ചിരിക്കുന്ന ഏതെങ്കിലും യാത്രക്കാരന്റെ അടുത്ത് പോയി ഇരിക്കും കാരണം സ്വന്തമായി പത്രം വാങ്ങാനുള്ള ക്യാഷ് പോലും ആ സമയത്ത് കയ്യിൽ ഇല്ലായിരുന്നു എന്നിട്ട് ക്ലാസ്സിഫൈഡ്സ് പേജ് നോക്കും അങ്ങനെ രണ്ടു മൂന്ന് ദിവസത്തെ അനേഷണത്തിനൊടുവിൽ ഒരു ജോലി ഒത്തുവന്നു പത്ര പരസ്യം തന്നെ ഫറോക്കിലെ പെട്രോൾ പമ്പിലേക്ക് ജോലിക്കാരെ ആവശ്യമുണ്ട് അങ്ങനെ എട്ടുമണിക്കൂർ ജോലി 100 രൂപ ദിവസ കൂലിക്ക് ജോലിക്ക് കേറി അവിടെ റൂം സ്വകര്യം ഉണ്ടായിരുന്നു അങ്ങനെ ജീവിതം ക്ലോക്കിലെ സൂചി പോലെ ഓടിക്കൊണ്ടിരുന്നു രാവിലെ ആറുമുതൽ എട്ടുവരെ പെട്രോൾ പമ്പിൽ ശേഷം ഒമ്പതര മുതൽ ഒരുമണിവരെ കോളേജ് വീണ്ടും രണ്ടു മുതൽ രാത്രി പത്തുവരെ പമ്പിൽ ദിവസങ്ങളും മാസങ്ങളും കടന്നുപോയി സ്വന്തമായി അലക്കാനും റൂം തുടക്കനും അടിച്ചുവാരാനും ഭക്ഷണമുണ്ടാക്കാനുമെല്ലാം പഠിച്ചത് ഈ സമയത്താണ് ഹോ കഞ്ഞി അച്ചാറിന്റെയൊക്കെ ഒരു ടേസ്റ്റ് അതുപോലെ മാഗി കണ്ടുപിടിച്ചവനെയൊക്കെ സ്തുതിച്ചിട്ടുണ്ട് അന്ന്....
പഠനത്തിലെ ശ്രദ്ധ കൂടുതൽ കാരണം റിസൾട്ട് വന്നപ്പോൾ ആറു വിഷയത്തിൽ രണ്ടെണ്ണം ജസ്റ്റ് പാസ്സ് നാലു സപ്പ്ളി പഠനം ഇങ്ങനെ പോയാൽ ശെരിയാവില്ലെന്നു സ്വയം ബോധോദയം ഉണ്ടായപ്പോൾ എന്റെ സ്വഭാവത്തിന് പറ്റിയ വേറെയൊരു കോളേജ് കണ്ടുപിടിച്ചു ഡിഗ്രി മൂന്നാം വർഷം മുതൽ അങ്ങോട്ട് മാറി കൂടെ താമസവും ഫറോക്കിൽ നിന്നു കോഴിക്കോട് പുതിയ പാലത്തിലേക്ക് മാറി അങ്ങനെ ഞാൻ ഇതുവരെ കാണാത്ത കോളേജ് ദിവസങ്ങളായിരുന്നു പിന്നീട്.....
രാവിലെ ഒൻപതിന് തുടങ്ങുന്ന ക്ലാസ് ഒൻപതേ പതിനഞ്ചു കഴിഞ്ഞാൽ ഒരു ഹവർ ക്ലാസ് ലീവായിട്ടു മാർക് ചെയ്യും ഇനി അതിലും വൈകിയാൽ ഹാഫ് ഡേ ലീവ് ഇതൊന്നും പോരാഞ്ഞിട്ട് എല്ലാ മാസവും പരന്റ്സിന്റെ മൊബൈലിലേക്ക് sms ഇത്ര മണിക്കൂർ ക്ലാസ് ഉണ്ടായിരുന്നു നിങ്ങളുടെ കുട്ടി ഇത്ര മണിക്കൂർ ക്ലാസ്സിൽ വന്നോളു പുറമെ എല്ലാവിഷയവും ഓരോ ചാപ്ടർ കഴിയുമ്പോ എക്സാം അങ്ങനെ മൊത്തത്തിൽ പട്ടാള ചിട്ട എന്നാലും എനിക്കിഷ്ടമായിരുന്നു കാരണം ഗ്ലാസ്സുകൊണ്ടുള്ള ജനലൊന്നു നീക്കിയാൽ അറബിക്കടലിന്റ തിരമാലകളെ തഴുകി വരുന്ന കാറ്റ് ഒരു നോക്കെത്തും ദൂരത്തു വിശാലമായ കടൽ സ്നേഹം കൊണ്ട് ചങ്കു പറിച്ചു തരുന്ന കൂട്ടുകാർ സുന്ദരികളും വായാടികളുമായ ജൂനിയർസ് ഞാൻ ഒന്നു ചൂണ്ടലിട്ടെങ്കിലും കൊത്തിയില്ല നമുക്ക് ഫ്രണ്ട്സാവം എന്നു പറഞ്ഞവൾ നൈസായിട്ട് ഊരി.
പഠനം കഴിഞ്ഞ ഉടനെ ജോലി കിട്ടി പിന്നെ ജോലിയുടെ കൂടെ എംബിഎ പഠിച്ചു പാസ്സായി പ്രൊമോഷൻ കിട്ടി സാലറി യൊക്കെ ഒന്നു കൂടിയപ്പോ ഉമ്മ കല്യാണം വേണമെന്ന് പറഞ്ഞു ബഹളമായി അവസാനം മൂന്നാമത് കാണാൻ പോയ പെൺകുട്ടിയുമായി വിവാഹം ഇന്നു എട്ടു മാസം പ്രായമായ കുഞ്ഞിന്റെ അഛൻ വഴക്കും പിണക്കവും ഇണക്കവും കളിയും ചിരിയും എല്ലാം ആയി സ്വസ്ഥം കുടുംബ ജീവിതം ഇടക്ക്‌ ആഴ്ചകളിലോ മാസങ്ങളിലോ എല്ലാവരേം കൂട്ടി കടലോ മലയോ ഒക്കെ കാണാൻ പോവും വല്ലപ്പോഴുമൊരു സിനിമ പുറത്തു നിന്നു ഭക്ഷണം അങ്ങനെയങ്ങനെ പോവുന്നു എല്ലാത്തിനും പടച്ചോനും എനിക്കു വേണ്ടി പ്രാര്ഥിക്കുന്നവരോടും ഹൃദയം നിറഞ്ഞ നന്ദി മാത്രം...
അറിയില്ല ഇനിയൊരു പ്രവാസം വേണ്ടി വരുമോ എന്നു അങ്ങനെ വേണ്ടിവന്നാൽ ആ വേഷവും ഭംഗിയായി അവതരിപ്പിക്കണം എന്നൊരു പ്രാർത്ഥന മാത്രം...
ശുഭം
Arshad Kormath

തേപ്പു കഥ രണ്ടാം ഭാഗം..


മൂന്നാം ക്ലാസ്സിലെ പ്രണയം യുപി സ്ക്കൂളിലെ മൊഞ്ജന്റെ മുൻപിൽ ചില്ലു ചഷകം പോലെ പൊട്ടി പോയെങ്കിലും എന്നിൽ കാമുകൻ തളർന്നില്ല....
പുതിയ സ്കൂൾ പുതിയസഹപാടികൾ അധ്യാപകർ മൊത്തത്തിൽ ഒരു പുതുക്കം
അപ്പോ പിന്നെ പ്രേമം മാത്രം എന്തിനാ പഴയത് ഒരു പുതുമ ആരാ ഇഷ്ടപ്പെടാത്തെ പുതിയനായികക്കായി തിരച്ചിൽ തുടങ്ങി...
പഴയപോലെയല്ല എക്സ് ലോവേറിനെക്കാൾ മൊഞ്ചും നിറവും പഠിപ്പും നിർബന്ധം അല്ലെങ്കിൽ അതെന്റെ അഭിമാനത്തെ ചോദ്യം ചെയ്യലാവും അങ്ങനെ നീണ്ട അനേഷണങ്ങൾക്കൊടുവിൽ ഞാനവളെ കണ്ടെത്തി വേറെ എങ്ങുമില്ല സ്വന്തം ക്ലാസ്സിൽ തന്നെ....
മുട്ടൊപ്പം എത്തുന്ന കാർകൂന്തൽ വെളുത്തു മെലിഞ്ഞ നല്ല ഒന്നാന്തരം ഉമ്മച്ചികുട്ടി....
ഷാളിനു പുറത്തേക്ക് പാതിവെട്ടിയൊതൊക്കിയ മുടിയിങ്ങനെ നെറ്റിയിലേക്ക് വീണുകിടക്കും ക്ലാസ്സിൽ നോട്ടെഴുതുമ്പോൾ അനുസരണയില്ലാത്ത കണ്ണിനുമുന്നിലേക്ക് വരുന്ന മുടിയവൾ മാടിയൊതുക്കുമ്പോ ഏഴാകാശവും കടന്നു സ്വർഗത്തിൽ എത്തുന്ന ഒരു ഫീലാണ് അങ്ങനെ നമ്മൾ അവളെ ഉറപ്പിച്ചു....
ഇനി വളക്കണം അതിനു പ്ലാൻ വേണം ചുമ്മാ കേറി മുട്ടിയ ചിലപ്പോ മൊട്ടിട്ട പ്രണയം പൂക്കുന്നതിനു മുൻപ് അവൾ ചവിട്ടി മെതിക്കും....
ആദ്യം അവളെ പരിചയമുള്ള ആരേലും കമ്പനിയാക്കണം അതിനായി അവളുടെ അയൽവാസി ചെക്കനെ നമ്മൾ കോലുമിട്ടായിയും പുളിയച്ചാറും വാങ്ങി കൊടുത്ത് വശത്താക്കി അവളെ കുറിച്ചു കാര്യങ്ങൾ ചുളുവിലറിഞ്ഞു എല്ലാം പറഞ്ഞു തന്നിട്ട് ചെക്കന്റെ ഉപദേശം സമയം കളയണ്ട ഓള് വളയൂല്ലന്ന്...
ഹും നമ്മളിതെത്ര കണ്ടതാ... ചെക്കൻ പറഞ്ഞതനുസരിച്ചു അവൾ സ്കൂളിലേക്കു നടന്നാണ് വരാറ് ഏകദേശം പത്തു പതിനഞ്ചു മിനിറ്റു നടക്കാനുണ്ട് വഴിയിൽ വെച്ചു സംസാരിക്കൽ ഒന്നും നടക്കൂല്ല കാരണം കൂട്ടുകാരികളുടെ കൂടെയാണ് അവളുടെ എഴുന്നളത്ത്...
സ്കൂളിൽ സെക്കന്റ് ബെല്ലടിക്കുമ്പോ നൂറേ നൂറിൽ ഓടി ക്ലാസ്സിൽ വന്നിരുന്ന ഞാൻ എല്ലാവരും എത്തുന്നതിനു മുൻപ് ക്ലാസ്സിൽ എത്താന് തുടങ്ങി ക്ലാസ്സിലിരുന്നു നോക്കിയാൽ ഗേറ്റ് കടന്നുവരുന്ന കുട്ടികളെ കാണാം നമ്മളെ മൊഞ്ചത്തി ഗേറ്റ് കഴിഞ്ഞാൽ അപ്പോ ഞാൻ ബുക്കെടുത്ത പഠിക്കാൻ തുടങ്ങും....
ഒടുക്കത്തെ പഠിത്തം അവളു ക്ലാസ്സിൽ കേറിയലും നമ്മൾ ബുക്കിൽ നിന്നും കണ്ണെടുക്കൂല്ല അവളെ നോക്കിയ നമ്മളെ വിലപോവില്ലേ സൊ ഞാൻ ഡീസെന്റായി പഠിക്കും...
ഒരു രണ്ടാഴ്ച കഴിഞ്ഞപ്പോ അവൾ നമ്മളെടുത്തു വന്നു...
അപ്പോ ഞാൻ അറിയാത്ത പോലെ ആഹ എന്തൊക്കെയുണ്ട് ഞാൻ ഒരു പ്രോബ്ലം ചെയർന്നു താൻവന്നത് കണ്ടില്ല...
"അല്ലാ താൻ എന്താ എപ്പഴും ബുക്കിൽ തന്നെ അതിനുമാത്രം എന്താ ഇത്ര പഠിക്കാൻ ഇനി ഇയാൾക്ക് ഒരുപ്പാട്‌ പ്രാവശ്യം വായിച്ചാൽ മാത്രേ മണ്ടയിൽ കേറുള്ളു എന്നുണ്ടോ ?
അവളുടെ ആ ചോദ്യത്തിൽ ബാല്യം മാത്രമല്ല എന്റെ പരലോക ജീവിതം വരെ പകച്ചു പണ്ടാരടങ്ങി പോയി...
ശെടാ ഒരു പേരെടുക്കാൻ പഠിച്ചപോലെ കാണിച്ചപ്പോ എന്നയവൾ മന്ത ബുദ്ധി ആക്കിയോ ഹേയ് തോന്നിയതാവും....
സൈക്കിളിന്നു വീണ ഒരു ചിരി ചിരിച്ചു ഞാൻ പറഞ്ഞു അങ്ങനെ ഒന്നൂല്ല ഒരു കണക്കു ചോദ്യത്തിന്റെ ഉത്തരം ആലോചിക്കായിരുന്നു എനിക്കു കിട്ടി അതാ.... ആഹാ എന്ന ചോദിക്ക് എനിക്കറിയോന്നു നോക്കാല്ലോ...
ഒരു കച്ചി തുരുമ്പ് കിട്ടിയതല്ലേ ഞാൻ വീടോ... ഞാൻ ആ ചോദ്യം നല്ല വെടുപ്പായിട്ടങ്ങോട്ട് അങ്ങോട്ട് ചോദിച്ചു...
"ഒരു കുളം അതിൽ കുറച്ചു താമരായുണ്ട് അവിടേക്ക് കുറച്ചു പക്ഷികൾ വന്നു ഓരോ താമരയിലും ഓരോ പക്ഷി വീതം ഇരുന്നാൽ ഒരു പക്ഷിക്കിരിക്കാൻ താമരയില്ല പകരം ഓരോ താമരയിൽ രണ്ടു വീതം പക്ഷികൾ ഇരുന്നാൽ ഒരു താമര ബാക്കി അപ്പോൾ ആ കുളത്തിൽ എത്ര താമര എത്ര പക്ഷി?..
ചോദ്യം അവസാനിപ്പിച്ചു ഞാനവളുടെ കണ്ണുകളിലേക്ക് നോക്കി... പുല്ലു വേണ്ടായിരുന്നു എന്നൊരു ഭാവം...
അങ്ങനെ അന്നു മൊത്തം അവൾ മന്ത്രിച്ചു വിട്ട കോഴിയപോലെ നടന്നു...
ഇടക്ക്‌ വന്നു ചോദിക്കും ശെരിക്കും നിനക്ക് ഉത്തരം അറിയാമോ എന്നു ഞാൻ പറഞ്ഞു പിനെത്ത അറിയാലോ....
നീ നാളെ പറഞ്ഞ മതിയെടി ഞാൻ അവളെ ഒരു ആക്കിയ ചിരി ചരിച്ചുകൊണ്ടു പറഞ്ഞു....
അങ്ങനെ ഒരു പിറ്റേ ദിവസം ഞാൻ പതിവുപോലെ ഗേറ്റ് തുറക്കും മുൻപ് മതില് ചാടി ക്ലാസ്സിൽ കേറി... ചോദ്യത്തിന്റെ ഉത്തരം കിട്ടാത്തെ അവളു വരണെ എന്നൊരു പ്രാർത്ഥന മാത്രം അന്ന് സൈക്കിൾ അഗർബത്തി ഇല്ലാത്തോണ്ട് കത്തിച്ചു പ്രാർത്ഥിക്കാൻ പറ്റീല്ല....
അവൾ വന്നു ക്ലാസ്സിൽ കേറിയ ഉടനെ ഞാൻ ചെന്ന് ചോദിച്ചു എന്തായി കിട്ട്യോ ?
ഇല്ലെടാ ഞാൻ കുറെ ആലോചിച്ചു ഒന്നു ശെരിയാവുമ്പോ ഒന്നു ശെരിയാവൂലാ നീ തന്നെ പറയ്...
സെഞ്ച്വറി അടിച്ച സച്ചിനെ പോലെ ഞാനൊരു ചിരി ചിരിച്ചു ഇതൊക്കെ എന്തു... സിമ്പിൾ അല്ലേ...
എന്ന പറഞ്ഞു താടാ എന്താ ഉത്തരം
ഇന്ന പിടിച്ചോ ഉത്തരം മൂന്ന് താമരയും നാലു പക്ഷിയും... കുറച്ചു നേരത്തേക്ക് അവളൊന്നും മിണ്ടീല പാവം ആലോചിക്കാ പിന്നെ ഒരു ചിരി ശെരിയാണല്ലോ....
അങ്ങനെ ചുളുവിൽ ഞാൻ സ്റ്റാർ ആയി... കളിയും ചിരിയുമൊക്കെയായി അവൾ നമ്മളെ വലയിൽ വീണ പോലെയായി പക്ഷെ ഉറപ്പിക്കാൻ പറ്റൂല്ല പ്രേമം പറഞ്ഞ പെണ്ണ് സ്വഭാവം മാറിയാലോ അങ്ങനെ നാളുകൾ നീങ്ങി....
പ്രേമം പറഞ്ഞില്ലെല്ലും നല്ല സുഹൃത്തുക്കളായി ആ ബന്ധം അങ്ങനെ നീങ്ങി അവസാനം രണ്ടും കൽപ്പിച്ചു എന്റെ ഹൃദയത്തിന്റെ വാതിലുകൾ അവളുടെ മുൻപിൽ ടപ്പേ ന്നു തുറക്കാൻ ഞാൻ തീരുമാനിച്ചു അതിനായി തിരഞ്ഞെടുത്തത് സ്കൂളിലെ കലോല്സവ ദിവസവും....
അവളക്ക് ഒപ്പനയുണ്ട് മണവാട്ടിയാണ്... അവളാ ഒപ്പന വേഷത്തിൽ മുന്നിൽ വന്നു നിന്നപ്പോ ഹോ സ്വര്ഗ്ഗത്തിലെ ഹൂറി വഴി തെറ്റി വന്നതാണെന്ന് വിചാരിച്ചു പോയി എന്താ മൊഞ്ചു....
നെഞ്ച് പിടച്ചിട്ടു ഒന്നും ചോദിക്കാനും പറ്റുന്നില്ല വായിൽ വള്ളം വറ്റി കയ്യും കാലും വിറക്കുന്നു ഇതിപ്പോ എങ്ങനെ പറയും...
എന്റെ മട്ടും ഭാവവും കണ്ടവൾ ചോദിച്ചു എന്താടാ നിനക്ക് വയറിനു സുഖമില്ലേ ടോയ്ലറ്റ് പോണോ.... പ്രേമം പറയാൻ വന്നവനോട് കക്കൂസിൽ പോണോന്ന് ചോദിച്ചാ ആദ്യത്തെ കാമുകി അവളായിരിക്കും....
വന്ന പ്രേമം ആവിയായി പോയി ഞാൻ ഒന്നും മിണ്ടാതെ പതുക്കെ സ്കൂട്ടായി...
ഒപ്പന കഴിഞ്ഞു ക്ലാസ്സിലേക്ക് മടങ്ങും വഴി ഞാൻ ഇല്ലാത്ത ധൈര്യം ഉണ്ടാക്കി നേരെ ചെന്ന് പറഞ്ഞു ഒപ്പനയെക്കാൾ ഇഷ്ട്ടയത് മണവാട്ടിയെ ആണ് എന്റെ മണവാട്ടിയാവാമോ എന്നു....
പെണ്ണ് ഒറ്റാ കരച്ചിൽ ന്റെ വലിയപാന്റടുത്ത് തോക്കുണ്ട് അന്നെ ഞാൻ പറഞ്ഞു കൊടുക്കും എന്നു കടംകഥയുടെ ഉത്തരം പറഞ്ഞു കൊടുത്ത നന്ദി പോലും അവൾ കാണിച്ചില്ല തോക്ക് പണ്ടേ എനിക്കിഷ്ട്ടല്ലത്തോണ്ട് ഞാൻ പിന്നെ അവിടെ നിന്നില്ല ഒറ്റ ഓട്ടം പിന്നെ നിന്നത് വീട്ടിൽ എത്തീട്ടാണ് പേടിച്ചട്ടലാ എനിക്കിഷ്ട്ടല്ല വെറുപ്പാ തോക്ക് അതാ....
അങ്ങനെ ആ പ്രേമം തോക്കു കൊണ്ടുപോയി പക്ഷെ ഞാനവളോട് പകരം വീട്ടി വര്ഷങ്ങള്ക്കു ശേഷം അവൾ എന്നെ അവളുടെ കല്യണത്തിനു വിളിച്ചു ഞാൻ വലിയൊരു ഗിഫ്‌റ്റ് ബോക്സുമായി ചെന്ന്.... വാങ്ങി വെച്ചപ്പോ അവളുടെ ഉമ്മാ പറയും ചെയ്തു വലിയ ഗിഫ്‌റ്റ് ഒക്കെയാണല്ലോന്ന്...
ഹി ഹി അതിന്റെ ഉള്ളിൽ എന്താണെന്ന് എനിക്കല്ലേ അറിയൂ...
ബോക്സിന്റെ ഉള്ളിൽ ഒരു ബോക്സ് രണ്ടു ബോക്സ് മൂന്ന് ബോക്സ് തുരെ തുരെ ബോക്സ് ഏറ്റവും ഉള്ളിൽ ഒരു പൊട്ടാസ് തോക്കും രണ്ടു റീല് പടക്കവും.....
പൊട്ടിച്ചു കളിക്കട്ടെ കെട്ടിയോനും കെട്ടിയോളും....
അല്ലാ പിന്നെ എന്നോടാ കളി.....
ഭാര്യ തല്ലിക്കൊന്നിലെങ്കിൽ മൂന്നാമത്തെ പ്രണയകഥയുമായി ഞാൻ വരും.....
ശുഭം
ഫോട്ടോ ബെർതെ ഇട്ടതാണ് ഇതിനെക്കാളും മൊഞ്ചുണ്ടവൾക്ക് :P
Arshad Kormath

ഒരു തേപ്പുകഥ



നമ്മൾ മൂന്നാം ക്‌ളാസ്സിൽ പടിക്കണ കാലം പണ്ടേ ഞാൻ ഒരു മൊഞ്ചനും അതിലുപരി ഒരു പഠിപ്പിസ്റ്റും ആയതുകൊണ്ട് പെൺകുട്ടികൾക്കൊക്കെ എന്നെയൊരു നോട്ടം ഉണ്ടായിരുന്നു പക്ഷെ എന്റെ ശ്രദ്ധ ഫുൾ പഠനത്തിലായതുകൊണ്ട് ഞാനതൊന്നും മൈൻഡ് ചെയ്യാറില്ല.... മൂന്നാം ക്ലാസ്സിലൊക്കെ എന്തോരം പഠിക്കാനുണ്ടാവും എന്നു ഞാൻ നിങ്ങൾക്ക് പറഞ്ഞു തരണ്ടല്ലോ ടഫ് സബ്ജക്ട് അല്ലേ....
അങ്ങനെ ബുക്കിലേക് നോക്കി നോക്കി കണ്ണു കഴക്കുമ്പോ ഞാൻ ഇടക്ക്‌ ബുക്കിൽ നിന്നും കണ്ണെടുത്തു ചുറ്റും ഒന്നു നോക്കും വെറുതെ പെൺകുട്ടികളിരിക്കുന്ന ഭാഗത്തേക്കൊക്കെ അതീ ബുക്കിലെ കറുപ്പും വെളുപ്പും കളർ കണ്ടു കണ്ടു ബോറടിക്കുമ്പോ ഒരു മഴവില്ല് സീൻ കിട്ടാൻ ഇതാ നല്ലത് അവിടെ നല്ല ചോപ്പ് മഞ്ഞ നീലാ അങ്ങനെ പലവിധം നിറങ്ങളുടെ സംഗമം ആണല്ലോ പൂന്തോട്ടത്തിലേക്ക് നോക്കുന്ന ഒരു ഫീൽ കിട്ടും അല്ലാതെ പെൺപിളേറെ വായ നോക്കുന്നത് ഒന്നുമല്ല...
അങ്ങനെ ഉള്ള ഒരു നോട്ടത്തിനിടക്കാണ് രണ്ടു ഉണ്ടക്കണ്ണുകൾ നമ്മളെ നോക്കുന്നത് ശ്രദ്ധിച്ചേ...
നല്ല സുന്ദരി കണ്ണുകൾ....
ആളും സൂപ്പർ ആണ് മൊഞ്ചത്തികുട്ടി ക്ലാസ്സിലെ പെൺപിളേറെ കൂട്ടത്തിലെ ഐശ്വര്യ റായി.... വേണ്ട അത്രയില്ല കുറച്ചു കുറച്ചെക്ക്....
അവളുടെ ഇടക്കിടക്കുള്ള നോട്ടം നമ്മൾ കണ്ടുപിടിച്ചു ഒറ്റയടിക്ക് വീഴാൻ പാടില്ലാല്ലോ...
സൊ ഞാൻ കുറച്ചു മസ്സിലുപിടിച്ചു അറിയാത്തപോലെ അവളെനോക്കി പിന്നെ നോട്ടം ക്ലാസ്സിലെ ഓടിലേക്കും ഉത്തരത്തിലേക്കുമൊക്കെയാക്കി നൈസ് ആയിട്ട് സ്കിപ്പാക്കി...
അങ്ങനെ അങ്ങനെ നോട്ടം പുഞ്ചിരിയിലേക്കൊക്കെ വഴിമാറി....
ഒരു ദിവസം ഉച്ചക്ക് ചോറൊക്കെ കഴിച്ചു ചോർ എന്നു പറഞ്ഞ ഇപ്പോഴത്തെ പോലെ അല്ലാ ചോറും ചെറുപയറും വരി നിന്ന് വാങ്ങി കഴിക്കണം അതിന്റെ ഒരു ടേസ്റ്റ് KFC യിൽ വരി നിന്നു വാങ്ങി കഴിച്ചാൽ പോലും കിട്ടൂല്ല...
അങ്ങനെ അതൊക്കെ കഴിഞ്ഞു സ്വന്തം വള്ളി കൂടാരത്തിൽ ഉഞ്ഞാലാടിക്കൊണ്ടിരിക്കുമ്പോ നമ്മളെ മൊഞ്ചത്തിന്റെ അടുത്ത കൂട്ടുകാരി ഡാ നീ ഇവിടിരിക്കണോ നിന്നെ എവിടൊക്കെ നോക്കി എന്നും പറഞ്ഞു വരുന്നുണ്ട് ഞാൻ നമ്മുടെ ജഗതീടെ ഡയലോഗ് അങ്ങോട്ട് കാച്ചി....
'കുഞ്ഞിപ്പാത്തു നീ അർഷാദിനെ നോക്കേണ്ടടുത്തു നോക്കിയില്ല അർഷാദിനെ കിട്ടിയില്ല'
ഇതു നിനക്ക് തരാൻ വന്നതാ അല്ലാതെ നിന്റെ ഡയലോഗ് കേൾക്കാൻ വന്നതല്ലന്നും പറഞ്ഞു ഒരു കടലാസ്സു തന്നു അവളോടി...
അപ്പഴാണ് കുറച്ചപ്പുറത്ത് നിക്കണ നമ്മളെ മൊഞ്ചത്തീനെ കാണുന്നത് സംഗതി അവൾ കൊടുത്ത് വിട്ടതാണ്....
അങ്ങനെ ഹൃദങ്ങ പുളകിതനായി നാലായി മടക്കിയ കടലാസ് തുറന്നപ്പോ നമ്മൾ ഞെട്ടിപ്പോയി.... എന്താ സംഭവം
ബദ്‌രീങ്ങളേ ഇംഗ്ലീഷ് .....
നമ്മളെ കിളി അപ്പൊത്തന്നെ പോയി....
ഇതിപ്പോ ഞാൻ പഠിക്കാത്ത അക്ഷരങ്ങളൊക്കെയുണ്ടല്ലോ
ആ പണ്ടാരകാലത്തി ഇനി ഇംഗ്ലീഷ് മീഡിയം ആണോ ?
ഇതിപ്പോ അലാക്കിലെ ഔലും കഞ്ഞിയായിപ്പോയല്ലോ റബ്ബേ...
സംഗതി ഒരു വരിയെ ഒള്ളു... പറഞ്ഞിട്ട് കാര്യമില്ല ആദ്യത്തെ ഒന്നേ എനിക്കറിയൊള്ളു പിന്നെ താഴെ പേരും ഒപ്പും ഒരു പൂവും വരച്ചിട്ടുണ്ട് ഇനി ഇത് വല്ല അപേക്ഷയുമാണോ ?
ആ ആർക്കറിയാം ഞാൻ ഒന്നും നോക്കില്ല മടക്കി കീശയിലിട്ട് നേരെ ക്ലാസ്സിലേക്ക് വിട്ടു...
അവിടെ എത്തിയപ്പോ അവൾക്ക് വല്ലാത്തൊരു നോട്ടം ഞാൻ സൈക്കളീന്നു വീണ ഒരു ചിരി പാസ്സാക്കി പതുക്കെ സ്കൂട്ടായി....
വീട്ടിൽ എത്തിയപ്പോ കത്തു ഞാൻ ഏഴാം ക്ലാസ്സിൽ ഹയർ സ്റ്റഡീസിന് പഠിക്കുന്ന മുത്തപ്പന്റെ മോൻ കാണിച്ചു...
കത്തു കണ്ടപ്പോ ഇവൻ ഒടുക്കാത്ത ചിരി അവസാനം സുന്നത്തു കല്യണം കഴിച്ചപ്പോ കിട്ടിയ പൈസേന്നു 20 രൂപ കൊടുത്തിട്ടാണ് പഹയൻ പറഞ്ഞു തന്നത് അതു I Love you എന്നാണെന്നു എനിക്കണേ അതിലെ I മാത്രേ മനസ്സിലായൊള്ളു അങ്ങനെ സംഗതി loveletter ആണെന്ന് പിടികിട്ടി...
അങ്ങനെ സഹപാടിയിൽനിന്നും കാമുകനിലേക്ക് പ്രമോഷൻ കിട്ടിയ ഞാൻ പിറ്റേന്നു പളപളാ മിന്നുന്ന കുപ്പായോം കിരി കിരി സൗണ്ടുള്ള ഷൂസുമൊക്കെയിട്ട് ഷാരുഖാനായി സ്കൂളിലേക്ക് പോയി പിന്നെ പ്രണയം പൂത്തുലഞ്ഞു കാത്തിടപാട് റിസ്കായതുകൊണ്ട് ഞാൻ പുതിയ ഐഡിയ കണ്ടെത്തി അന്നൊക്കെ VKC ചെരിപ്പാണ് താരം അതിന്റെ താഴെ വാറിന്റെ മൂന്ന് വട്ടുണ്ടാവും അതിന്മേ I L U എന്നു എഴുതി ഒറ്റാ തട്ടാണ് അവളുടെ ബെഞ്ചിൻറെ താഴേക്ക്... അവളതൊന്നും നോക്കീട്ട് തിരിച്ചിങ്ങോട്ടും തട്ടും അങ്ങനെ പ്രേമം തട്ടിക്കളിച്ചു നടക്കുമ്പാഴാണു നോമ്പ് കാലം വരുന്നത്.....
നോമ്പിന് മുൻപ് വീട്ടിലൊരു നനച്ചു കുളിയുണ്ട് വീട്ടിലെ കംപ്ലീറ്റ് കഴുകി വൃത്തിയാക്കും അങ്ങനെ എന്റെ റൂം ക്ളീൻ ചെയ്യുമ്പോ കുഞ്ഞാമക്ക് നമ്മളെ മൊഞ്ചത്തി തന്ന കത്തു കിട്ടുന്നത് അതോടെ സംഗതി പ്രശ്നായി പ്രതി സ്ഥാനത്തു ഞാനും മൂത്താപ്പാന്റെ മോനും അവസാനം ചൂരൽ കണ്ടപ്പോ ആ കാലമാടൻ കാലുമാറി ഇരുപതു രൂപയുടെ നന്ദിപോലും കാണിച്ചില്ല ദുഷ്ട്ടൻ....
ആളു ഞാൻ ആണെന്നറിഞ്ഞപ്പോ തല്ലാൻ വന്ന ഉപ്പച്ചി ചിരിയോടു ചിരി വീട്ടിൽ കൂട്ടച്ചിരി ദേഷ്യം വന്നു ഞാന്പറഞ്ഞു ആണുങ്ങൾക്കങ്ങനെ ലോവ്‌ലേറ്ററൊക്കെ കിട്ടും അതിലിപ്പോ എന്താ ഇത്ര ചിരിക്കാൻ....
ഇതും പറഞ്ഞു ഞാൻ നൂറുനൂറിൽ ഒറ്റഓട്ടം ഹി ഹി ഹി നമ്മളോടാ കളി.....
ഇതോടെ പ്രേമം ഫ്‌ളാഷായി കുടുംബത്തിൽ ഞാൻ കാമുകനായി കുപ്രസിദ്ധി നേടി....
ചില്ലറ സംഗതിയാണോ മൂന്നാം ക്ലാസ്സിൽ വെച്ചു loveletter വെറുമർശദായ ഞാൻ അങ്ങനെ കാമുകൻഅര്ഷാദ് ആയി മാറി...
പ്രേമം മൂന്നും കഴിഞ്ഞു നാലാം ക്ലാസ്സിലെത്തി ലോവെലെറ്റെറിൽ പൂവ് മാറി അമ്പ് കേറിയ ലോവെച്ചിനമൊക്കെയായി സംഗതി പുരഗമിച്ചു...
പക്ഷെ നാലാം ക്ലാസ്സ് കഴിഞ്ഞു ഉപരിപഠനത്തിന് വേറെ സ്കൂളിൽ പോയപ്പോ അവൾ വേറെരുത്തന്റെ കാമുകിയായി നമ്മളെ നല്ല വൃത്തിയായിട്ട് തേച്ചു....
പക്ഷെ ഞാൻ തളർന്നില്ല ഞാനും പുതിയ ആളെ കണ്ടുപിടിച്ചു അവളെക്കാൾ മൊഞ്ചുള്ള വേറൊരുത്തി ആ കഥ പിന്നെ പറയാം അങ്ങനെ മൂന്നാം ക്ലാസ്സിൽവെച്ചു ലെറ്റർ കിട്ടിയ റെക്കോർഡ് ഇതുവരെ ആർക്കും കുടുംബത്തിൽ തകർക്കാൻ പറ്റിയിട്ടില്ലഅതോണ്ട് കാമുക പട്ടം ഇപ്പഴും എനിക്ക് തന്നെ...
വാൽകഷ്ണം ആദ്യകാമുകി ഇപ്പൊ മൂന്നുപെറ്റു വീപ്പക്കുറ്റിപോലായിട്ടുണ്ട് ഓൾക് പടച്ചോൻ കൊടുത്ത പണിയാ എന്നെ തേച്ചു പോയതിനു....
ഹി ഹി ഹി നന്ദി നമസ്ക്കാരം
By: 
Arshad Kormath

യാത്ര...



മേഘങ്ങൾ ഭൂമിയിലേക്കിറങ്ങി വന്നിരിക്കുന്നു....
അല്ല... എന്റെ ബുള്ളറ്റ് ആ മലയുടെ മുകളിലേക്കുള്ള അവസാന വളവും കഴിഞ്ഞു ഒരു തെല്ല് കിതപ്പോടെ കുതിക്കുന്നു....
ഇതൊരു ഒളിച്ചോട്ടമാണ്.... എന്റെ സ്വപ്‌നങ്ങൾ വിലക്കു വാങ്ങിയവരിൽ നിന്നു....
പരാജിതൻ എന്നു കൂകി വിളിച്ചവരിൽ നിന്നു...
കൊല്ലാനാണേലും ചാവാൻ ആണേലും അവസാനം വരെ കൂടെ നീക്കുമെന്ന് പറഞ്ഞു പാതിവഴിയിൽ എന്നെ തനിച്ചാക്കി പോയവരിൽ നിന്നു....
എന്റെ ജീവിത സ്വപ്നങ്ങളിൽ നിന്നു....
എന്നന്നേക്കുമായി ഒരു ഒളിച്ചോട്ടം.... ഇനി ഒരു തിരിച്ചുവരവില്ല എന്നു മനസ്സിലുറപ്പിച്ചു തുടങ്ങിയ യാത്ര.....
ആ യാത്ര ഇന്നിവിടെ അവസാനിക്കുകയാണ്...
കൂടെ ഹൃദയം ഉണ്ടെന്ന് ഞാൻ വിശ്വസിക്കുന്ന എന്റെ ബുള്ളറ്റും...
കാരണം അവൻ മാത്രം എന്നെ ഇതുവരെ ചതിച്ചിട്ടില്ല....
വഞ്ചനയുടെ കണ്ണുനീർ കുടിപ്പിച്ചിട്ടില്ല....
പകരം എനിക്ക് വേണ്ടി മഴയും വെയിലും കല്ലും മുള്ളും എല്ലാം സ്വയം ഏറ്റുവാങ്ങി എന്റെ മനസ്സാഗ്രഹിക്കുന്നിടങ്ങളിലേക്ക് അവൻ കുതിച്ചു കൊണ്ടേ ഇരുന്നു.....
ഒരു തെല്ല് പരാതിയോ പരിഭവമോ ഇല്ലാതെ.....
എന്തു വിചിത്രമാണി ഭൂമിയും അതിലെ കാര്യങ്ങളും....
സ്നേഹിക്കുന്നവർ വേദനിപ്പിക്കാനായി മാത്രം ശ്രമിക്കുന്നു....
കൂടെ നിൽക്കേണ്ടവർ ഒറ്റപ്പെടുത്തുന്നു.... വീഴുമ്പോൾ താങ്ങാവേണ്ടവർ കൂടുതൽ താഴ്ചയിലേക്ക് ചവിട്ടി താഴ്തന്നു...
ധൈര്യം തരേണ്ടവർ കൂടുതൽ പേടിപ്പിക്കുന്നു....
അസുഖം തരുന്നത് ദൈവമല്ലേ അതു സുഖപ്പെടുത്തുന്നവനും അവൻ തന്നെ.... എനിക്കസുഖം വന്നത് എന്റെ തെറ്റാണോ അല്ലലോ.... പക്ഷെ അതാരും മനസ്സിലാക്കുന്നില്ല...
ഞാൻ ചെയുന്ന ബിസിനസ് എല്ലാം നഷ്ട്ടത്തിലാവുന്നു......
ഒരു വട്ടം എങ്കിലും ജയിച്ചു കാണിക്കാനാണ് ഉള്ളതെല്ലാം വിറ്റു പൊറുക്കി ഒരു അവസാന കളിക്ക് ഇറങ്ങിയത് ഒരു പാടു പ്രതീക്ഷകളോടെ പക്ഷെ അവിടെ വിധി എന്നെ ക്രൂരമായി തോൽപ്പിച്ചു.....
ബിസിനസ്സ് പ്രതീക്ഷിച്ചപോലെ പ്രോഫിറ്റ് ലെവെലിലേക്ക് വളർന്നു....
അതിന്റെ ആഘോഷങ്ങളുടെ ഭാഗമായി ഒരു ആന്വൽ മീറ്റിൽ സംസാരിച്ചു കൊണ്ടിരിക്കുമ്പോൾ അറിയാതെ തല ചുറ്റി വീണു...
ഒരുപാട് പരിശോധനകൾക്കു ശേഷമാണു അറിഞ്ഞത് അസുഖം അൽഷിമേഴ്‌സ് ആണെന്ന്...
ശെരിയാണ് ഓർമകൾ ഇടയ്ക്കു എന്നെ വീട്ടു ദൂരേക്ക് പോവാറുണ്ട് പക്ഷെ അതൊന്നും അന്നു അത്ര കാര്യമാക്കിയില്ല ബിസിനസ്സ് ടെൻഷൻ ആവുമെന്ന് വിചാരിച്ചു....
ഇപ്പൊ ഏകദേശം കാര്യങ്ങൾ തീരുമാനമായി...
എന്റെ ഓർമകളും ചിന്തകളും എല്ലാം എന്നിൽ നിന്നു പറന്നകലും....
കൂടൊഴിയും കിളിയെ പോലെ....
എന്നെ നൊന്തു പെറ്റ സ്വന്തം അമ്മയെയും ജീവിതം കാണിച്ചു തന്ന ജീവിക്കാൻ ധൈര്യം തന്ന എന്റെ അച്ഛനെയും കുറുമ്പ് കാണിച്ചു വാലുപോലെ ഏട്ടാ എന്നു വിളിച്ചു നടക്കുന്ന എന്റെ പൊന്നനിയ്യതിയെ പോലും എനിക്കിനി തിരിച്ചറിയാനാവില്ല......
എന്റെ വീടു നാട് ബിസിനസ്സ് സുഹൃത്തുക്കൾ എല്ലാം എനിക്കു അന്യമാവും....
എന്റെ ശ്വാസ നിശ്വാസങ്ങൾ നിറഞ്ഞ എന്റെ റൂം....
എന്റെ കാല്പാദം പതിഞ്ഞ ഇടവഴികൾ കുട്ടികാലം മുതൽ കൂടെ കൊണ്ട് നടക്കുന്ന ഓർമകൾ എല്ലാം എല്ലാം വിധിയുടെ ക്രൂരതയ്ക്ക് മുന്നിൽ അടിയറവു പറയേണ്ടി വരും....
ദൈവം അവിടെയും എനിക്കൊരു അനുഗ്രഹം തന്നു വയസ്സ് 28 ആയെങ്കിലും ഒരു ഇണക്കിളിയെ എനിക്കു താരതെ....
ഇല്ലെങ്കിൽ ആ കണ്ണീർ ശാപം കൂടി ഞാൻ ഏറ്റെടുക്കേണ്ടി വന്നേനെ....
അവസാനിക്കാൻ പോവുന്നു ഇനി ഞാൻ മനസ്സും ചിന്തയും സ്വപ്നങ്ങളും ഒന്നും കൂടെ ഇല്ലാത്ത ഒരു ശരീരം മാത്രം....
ആദ്യം കേട്ടപ്പോൾ ഉൾക്കൊള്ളാനായില്ല.....
ഒരുപാട് കരഞ്ഞു ദൈവത്തെ പഴി പറഞ്ഞു.....
എന്റെ ചുറ്റുമുള്ളവർ നിസഹായതയോടെ നോക്കുന്ന ഓരോ നോട്ടവും മനസ്സും കടന്നു ആത്മാവിൽ മുറിവേൽപ്പികാൻ തുടങ്ങി....
അങ്ങനെയാണ് ഈ തീരുമാനത്തിൽ എത്തുന്നേ.... ഓർമകൾ കൂടൊഴിയും മുൻപ് ഒരു യാത്ര എല്ലാം മറന്നു കാണാത്ത കാഴ്ചകൾ അവസാനമായി മനസ്സിന്റെ ആല്ബത്തിലേക്ക് ചേർത്തു വെക്കാൻ....
നാടും നഗരവും കണ്ടു കാണാത്ത പല കാഴ്ചകളും കണ്ടു മനസ്സ് നിറച്ചു ഇപ്പൊ ഇതാ ഞാൻ ആകാശം തൊട്ടു നിൽക്കുന്ന ഈ മലയുടെ മുകളിൽ എത്തിയിരിക്കുന്നു....
ഓർമകൾ ചിന്തകൾ സ്വപ്‌നങ്ങൾ ഇവ എന്നിൽ നിന്നകലും മുൻപ് എനിക്ക് ഈ ശരീരം വീട്ടു പറക്കണം ഉയരങ്ങളിലേക്ക്....
ബുള്ളറ്റ് സൈഡ് സ്റ്റാൻഡിൽ നിർത്തി ഞാൻ ആ മലമുകളിൽ കാലു കുത്തി....
ദൈവം തന്ന ജീവിതം മുഴവനാക്കാതെ തിരിച്ചു നല്കാൻ ഞാൻ തിരെഞ്ഞെടുത്ത മണ്ണ്.....
നല്ല തണുത്ത കാറ്റു വീശുന്നുണ്ട്... മേഘങ്ങൾ താഴ്ന്നു ഭൂമിയെ ചുംബിക്കുന്നു.... എങ്ങും പ്രകൃതിയുടെ പച്ചപ്പ് ഹൃദയം നിറക്കുന്ന കാഴ്ച അവസാനമായി ഉള്ളിലേക്കാവാഹിച്ചു ഞാൻ നടക്കാൻ തുടങ്ങി....
ശെരിയാണ് മരണത്തിനു സഹിക്കാൻ പറ്റാത്ത തണുപ്പാണ്....
എന്റെ മരണം കാണാൻ കഴിയാതെ പ്രകൃതിയും കണ്ണടച്ചപോലെ എങ്ങും ഒരു മരണ മൂകത.....
അവസാനമായി മൊബൈലിൽ മുൻപ് പകർത്തിയ ഫോട്ടോകൾ ഓരോന്നായി മാറി കൊണ്ടേ ഇരുന്നു....
വീട്ടുകാരോടൊപ്പം ആഘോഷിച്ച ഓണം അമ്മയുടെ പാല്പായസം അച്ഛന്റെ ഓണ സമ്മാനം അനിയത്തിയുടെ പൂക്കളം.... കൂട്ടുകാരോടൊപ്പം ചിലവഴിച്ച സുന്ദര നിമിഷങ്ങൾ.... യാത്രകൾ....
അങ്ങനെ അങ്ങനെ ജീവിതത്തിലെ പല നിമിഷങ്ങളും സ്‌ക്രീനിൽ പിന്നിലേക്ക് പോയി കൊണ്ടേ ഇരിക്കുന്നു....
കണ്ണുനീർ കവിളും കഴിഞ്ഞു താഴേക്ക്..... തുടച്ചില്ല..... കരയുന്നത് കാണാൻ ആരുമില്ല പിന്നെന്തിനു....
അവസാനമായി ദൈവത്തോട് പ്രാർത്ഥിച്ചു ആരോടും ഇങ്ങനെ ക്രൂരത കാണിക്കരുത്.....
ഇപ്പോൾ മലയുടെ മുകളിലെ മുനമ്പിൽ എത്തിയിരിക്കുന്നു.... ഇനി ആ താഴ്ചയിലേക്ക് ഒരു കുതിപ്പ് എല്ലാം തീരും ഓർമകൾ പറക്കും മുൻപേ ഞാൻ പറക്കും പറന്നിറങ്ങും മരണം എന്ന യാദൃത്യത്തിലേക്ക്....
കണ്ണുകൾ മുറുകിയടച്ചു....
തൊണ്ടയിൽ വെള്ളം വറ്റുന്നു കൈ കാലുകൾ വിറയ്ക്കുന്നു മരണം എന്ന ഉറക്കത്തിലേക്ക് പോകാൻ ശരീരം മടിക്കുംപോലെ.... അമ്മയും അച്ഛനും അനിയത്തിയും എല്ലാം മുന്നിൽ നിൽക്കും പോലെ അതെ അവർ നിലവിളിക്കുന്നുണ്ട്.....
മോനെ അരുത് ചെയ്യല്ലേ ഞങ്ങൾക്ക് നീയല്ലേ ഒള്ളു ഡാ മോനെ പോവല്ലേ ഡാ....
ഇല്ല എനിക്ക് വയ്യ അമ്മെ ഞാൻ പോവാ അമ്മേയെന്നോട് ക്ഷമിക്കു.... ഈ മകൻ മാപ്പു തരു അച്ഛാ ജയിക്കാൻ പഠിപ്പിച്ചിട്ടും തോറ്റവനാ.... മോളെ നീ കരയല്ലേ ഡീ.... ഈ ഏട്ടൻ അതു സഹിക്കില്ല ....
ഒരു കുതിപ്പോടെ ആ മുനമ്പിന്റെ അറ്റത്തേക്ക്.....
Hello..... സുഹൃത്തേ ഒരു നിമിഷം.....
അപ്രതീക്ഷമായി കേട്ട ആ മനുഷ്യ ശബ്ദം എന്റെ കാലുകളെ നിശ്ചലമാക്കി.....
സംശയത്തോടെ ശബ്‌ദം കേട്ട ഭാഗത്തേക്ക് നോക്കുമ്പോൾ മേഘ പാളികൾക്കുളിൽ നിന്നു വരുംപോലെ ഒരു മനുഷ്യ രൂപം ആ കോടമഞ്ഞു മൂടിയ മലമുകളിൽ നിന്നും തന്റെ അടുത്തേക്കായി നടന്നടുക്കുന്നു.....
അയാളിപ്പോൾ എന്റെ തൊട്ടടുത്തു എത്തിയിരിക്കുന്നു...
നീട്ടി വളർത്തിയ താടി നീളമുള്ള മുടിയിഴകൾ കാറ്റിൽ അലക്ഷ്യമായി പാറുന്നു....
തിളക്കമുള്ള വെള്ളാരം കണ്ണുകൾ പ്രക്ഷാപൂരിതമായ മുഖം നല്ല ഒത്ത ശരീരം....
സുഹൃത്തേ നിങ്ങൾ മരിക്കാൻ വന്നതാണെന്ന് അറിയാം... മരിച്ചോളൂ അതിനു മുൻപ് അൽപ സമയം ഞാനുമായി ചിലക്കഴിക്കാമോ ?
പെട്ടന്ന് ചെന്നിട്ട് അവിടെ ആരേം കാണാൻ ഒന്നുമില്ലലോ.....
നിങ്ങൾ ആരാ എന്താ വേണ്ടത് ജീവിക്കാൻ ദൈവം അനുവദിക്കാഞ്ഞിട്ട മരിക്കാൻ വന്നേ അപ്പോ ദേ ഇവിടേം സമതികൂല അല്ലാ ഇതിനുമാത്രം എന്തു തെറ്റാ ഞാൻ ചെയ്തേ.....
നിങ്ങൾ ഇതു വരെ ചെയ്ത നന്മ തിന്മകൾ എനിക്കറിയില്ല പക്ഷെ ഒന്നറിയാം എന്തിന്റെ പേരിലാണെങ്കിലും ഇപ്പൊ ചെയ്യാൻ പോവുന്നത് വല്ല്യ ഒരു തെറ്റു തന്നെയാ.... പക്ഷെ നിങ്ങൾ പേടിക്കണ്ട ഞാൻ നിങ്ങളെ തടയാൻ ഒന്നും പോണില്ല ഇനി നിങ്ങൾ ആവശ്യപ്പെടാനെങ്കിൽ നിങ്ങളെ തള്ളി താഴെ ഇടാനും ഞാൻ തയ്യാറാണ്....
പക്ഷെ അതിനു മുൻപ് എന്തിനാ മരിക്കുന്ന് എന്നെനോട് പറയാമോ ചിലപ്പോൾ എനിക്ക് നിങ്ങളെ സഹായിൽകാനാവും.... അതു എന്നോട് പങ്കു വെക്കുന്നതുകൊണ്ട് നഷ്ട്ടം ഒന്നുമില്ലലോ പറയു സുഹൃത്തേ എന്താ പ്രശനം....
പ്രണയം.. സാമ്പത്തികം... ചതി... വഞ്ചന... ഇതെന്തെലുമാണോ ?....
എനിക്കൊരു അസുഖം ഉണ്ട് ഇയാൾക്കു ബേധമാക്കി തരാനാവുമോ ഇല്ലാലോ എന്നെ എന്റെ വഴിക്കു വിട്ടേക്കു പ്ളീസ്....
എന്താ അസുഖം നിങ്ങൾ പറയു....
എന്റെ ഓർമ്മകൾ മരിച്ചു തുടങ്ങിയിരിക്കുന്നു എനിക്കിനി ആരേം തിരിച്ചറിയാനാവില്ല അതുകൊണ്ട് എല്ലാവരേം ഓര്മയുള്ളപ്പോൾ തന്നെ മരിക്കാൻ തീരുമാനിച്ചു വന്നതാ അപ്പോഴാണ് നിങ്ങൾ എനിക്കൊരു കുരിശായത്....
അല്പ സമയം ആ അജ്ഞാത സുഹൃത്ത് മൗനത്തിലായി....
ശേഷം അയാൾ സംസാരിച്ചു തുടങ്ങി...
നിങ്ങളുടെ അസുഖം ബേദമാക്കാൻ എനിക്കാവില്ല പക്ഷെ കഴിയുന്ന ഒരാളുണ്ട്.....
ആരാണെന്നറിയാമോ.....
വേറെ ആരും അല്ലാ നിങ്ങൾ തന്നയാണ് നിങ്ങളുടെ ഡോക്ടർ നിങ്ങൾ എന്നു പറഞ്ഞാൽ നിങ്ങളുടെ മനസ്സ് അതിലുള്ള ആത്മവിശ്വാസം..... അതു ഏതു മാരക അസുഖത്തെയും ബേദമാക്കാൻ ശക്ത്തിയുള്ളതാണ് നിങ്ങൾ അതു തിരിച്ചറിയാതെ പോയി.....
ദൈവം ഓരോ ജീവനും അവന്റെ അമ്മയുടെ ഗർഭ പാത്രത്തിൽ വെച്ചു 40 ദിവസം പ്രായമാവുമ്പോൾ അവന്റെ ഭൂമിയിലെ ആയുസ്സും കുറിച്ചിടുന്നു....
ആ ആയുസ്സ് വരെ ജീവിച്ചു കാണിച്ചിട്ട് വേണം തിരിച്ചു ചെല്ലാൻ....
നിങ്ങൾക്കുള്ള ആയുസ്സ് നിങ്ങളല്ല തീരുമാനിക്കേണ്ടത്.... അസുഖം എന്താണെങ്കിലും ശെരിയായ ചികത്സ എടുക്കു ആത്മവിശ്വാസത്തോടെ നേരിടു നിങ്ങൾ വിജയിക്കും.... ഇനി ദൈവ വിധി ഈ അസുഖം കൊണ്ട് മരിക്കാൻ ആന്നെങ്കിലും അതു കുറച്ചു കാലം കൂടി പ്രിയപെട്ടവരോടൊപ്പം ജീവിച്ചിട്ട് പോരെ..... നിങ്ങൾ സ്വയം മരിക്കുമ്പോൾ കൂടെ മരിക്കുന്നതാണ് നിങ്ങളുടെ വീട്ടിലെ സന്തോഷം സമാധാനം കൂടെ അച്ഛന്റേം അമ്മയുടെം തീരാ കണ്ണീരും.....
ഇപ്പോൾ നിങ്ങൾ തിരിച്ചു പോയാൽ നിങ്ങളുടെ ജീവിതം മാത്രമല്ല കുടുംബത്തിന്റെ സന്തോഷവും സമാധാനവും ചിരിയും കളിയും എല്ലാം തിരിച്ചു കിട്ടും....
ദൈവത്തിന്റെ പരീക്ഷണങ്ങൾ ക്ഷമയോടെ നേരിടുന്നവർ ആരോ അവരാണ് വിജയി.....
അയാളുടെ വാക്കുകൾ മനസ്സിന്റെ ഉള്ളറകളിൽ എവിടേയോ പ്രതീക്ഷയുടെ ഒരു തിരി നാളം കൊളുത്തിയ പോലെ....
മനസ്സ് കൊണ്ട് നന്ദി പറഞ്ഞു വിധിക്കെതിരെ പോരാടി ജയിക്കാൻ ഞാൻ ആ മലയിറങ്ങി എന്റെ ജീവിതത്തിലേക്ക്.... എന്റെ കുടുംബത്തിന്റെ സന്തോഷത്തിലേക്ക്.....
ശുഭം....
അർശദ്‌ കോർമത്ത്

ഏഴിമല പൂഞ്ചോലാ.



ഏഴിമല പൂഞ്ചോലാ.....
ആഹ മാമലക്ക് മണിമാല..
പൊന്മാലാ....പൊന്മാലാ.....
ബെന്നിയുടെ പജീറോ കാർ എസ്റേറ്റിലേക്കുള്ള റോഡിലേക്ക് തിരിഞ്ഞു കാറിനുള്ളിലെ പാട്ടിനൊപ്പം അവന്റെ മനസ്സും തുടി താളം കൊട്ടുന്നു... ഇന്നു അവന്റെ ഒരുപാടുകാലത്തെ ആഗ്രഹം പൂർത്തീകരിക്കാനുള്ള യാത്രയിലാണ്....
ഇത് ബെന്നി വലിയവീട്ടിൽ ഇട്ടിച്ചൻ മുതലാളിയുടെ മൂത്ത സന്തതി. ഇട്ടിച്ചൻ രണ്ടുമക്കൾ ബെന്നിയും സോഫിയും അവനെക്കാൾ മൂന്നുവയസ്സിനു ഇളയതാണു സോഫിയ ഇപ്പോൾ ബാംഗ്ലൂരിൽ എംബിഎ പഠിക്കുന്നു ബെന്നി പഠനമൊക്കെ കഴിഞ്ഞു അപ്പന്റെ എസ്റ്റേറ്റും ബിസിനസ്സുമൊക്കെ നോക്കി നടത്തുന്നു... ചെറുപ്പം മുതലേ ആവശ്യത്തിൽ കൂടുതൽ പണം കൈയിൽ വന്നതുകാരണം അതിന്റെ കുറച്ചു ദുശീലങ്ങൾ അവനുണ്ട് കൂട്ടത്തിൽ പഠനം കേരളത്തിന് പുറത്തൂടെ ആയതിനാൽ മദ്യം പെണ്ണ് ഇതെല്ലം അവനൊരു ലഹരിയായി മാറിയിരുന്നു... ഇന്നത്തെ ഈ എസ്റ്റേറ്റ് യാത്രയും ഇതിനൊക്കെ തന്നയാണ് പക്ഷെ ബെന്നിയുടെ രീതികൾക്ക് ചില വെത്യാസങ്ങളുണ്ട് ഒരിക്കലും പണം നൽകി അവനൊരു പെണ്ണിനേയും പ്രാപിച്ചിട്ടില്ല...
ഏതേലും പെണ്ണിനെ ഇഷ്ട്ടപ്പെട്ടാൽ പിറകെ നടന്നു പ്രേമിച്ചു സ്വന്തമാക്കി അവളെ പ്രാപിക്കും അവന്റെ ഭാഷയിൽ പണം കൊടുത്താൽ ശരീരം മാത്രേ കിട്ടു മനസ്സു കൊടുത്തെന്ന് പെണ്ണിൻ തോന്നിയാൽ പിന്നെ മനസ്സും ശരീരവും എല്ലാം അവൾ നൽകും പൂർണ ഇഷ്ടത്തോടെ....
ആ ഫീലോന്നും പണമെറിഞ്ഞു സ്വന്തമാകുന്നതിന് കിട്ടൂല...
അപ്പന്റെ കൂടെ ബിസിനസ്സ് തലക്കുപിടിച്ചതുകൊണ്ട് പിന്നെ പെണ്ണുവിഷയം മര്യാദക്ക് നടന്നിട്ടില്ല അല്ലെങ്കിൽ അങ്ങനെ ഒരവസരം അതല്ലെങ്കിൽ മനസ്സിന്നു ഇഷ്ട്ടപെട്ട ഒന്നിനേം കാണാൻ പറ്റീട്ടില്ല...
ആ സങ്കടം മാറിയത് അപ്പന്റെ പഴയകാല സുഹൃത്തിന്റെ മകൾ ജോലിക്കായി എസ്റ്റേറ്റിൽ വന്നത് മുതലാണ് അഭിരാമി അതാണവളുടെ പേരു ഒരു സുന്ദരി കുട്ടി ഓഫീസിലെ അക്കൗണ്ട്സ് മറ്റും നോക്കുന്ന പിള്ളേച്ചൻ ഒരു സഹായി എന്ന നിലയിൽ അപ്പന്റെ തീരുമാനമായിരുന്നു അവളുടെ എസ്റ്റേറ്റിലെ ജോലി അപ്പനത് ബാല്യ കാല സുഹൃത്തിനോടുള്ള ഒരു സ്നേഹപ്രകടനം കൂടിയായിരുന്നു...
ബെന്നിയാവളെ പലപ്പോഴയായി ശ്രദ്ധിച്ചിരുന്നു പക്ഷെ അവൾ മുതലാളിയുടെ മകൻ എന്നതിലുപരി പരിഗണനയൊന്നും ആദ്യം അവൻ നൽകിയിരുന്നില്ല... പിന്നെ പിന്നെ അവന്റെ പ്രണയത്തിന്റെ ചിലന്തി വലയിൽ അവളും പെട്ടു പ്രണയ സാഗരത്തിന്റെ തിരമാലകൾ അവളുടെ ഹൃദയത്തിലും അലയടിച്ചുയർന്നു അങ്ങനെ പലപെണ്കുട്ടികളെയും പോലെ കാമുകന്റെ സ്നേഹം നഷ്ടപ്പെടാതിരിക്കാൻ അവളും അവന്റെ ഭാഷയിൽ പറഞ്ഞാൽ അവന്റെ കുസൃതിക്ക് എസ് പറഞ്ഞു... അങ്ങനെ അപ്പനും പിള്ളേച്ചനും എസ്റ്റേറ്റിന്റെ കാര്യത്തിനായി പുറത്തേക്ക് പോയ ഈ ദിവസം തന്നെ അവർ തെരെഞ്ഞെടുത്തെ അവൾ വീട്ടിൽ നിന്ന് എന്നും വരും പോലെ എസ്റേറ്റിലേക്ക് വരും അവിടുന്ന് ബെന്നിയുടെ കൂടെ പുറത്തു എവിടേലും പോവാം അതായിരുന്നു പ്ലാൻ..
താനിതുവരെ കണ്ട പെൺകുട്ടികളിൽ വെച്ചു ഏറ്റവും സുന്ദരി അഭിരാമി തന്നെ എന്നവന്റെ മനസ്സു അവനോട് മന്ത്രിച്ചു കൊണ്ടേയിരുന്നു അതവന്റെ രക്തത്തിനു ചൂട് നൽകി ഹൃദയമിടുപ്പുകൾ ഉയർന്നു തുടങ്ങി.... ഒരു മുരൾച്ചയോടെ പജീറോ എസ്റ്റേറ്റിന്റെ ഗേറ്റ് കടന്നു അകത്തേക്ക് പ്രേവേശിച്ചു....
തന്നെ കാത്തു നിൽക്കുന്ന അഭിരാമിയെ കണ്ടവൻ കണ്ണ്‌ തള്ളിപ്പോയി അത്രയും സുന്ദരിയായിരുന്നു അവള ചുവപ്പു സാരിയിൽ അവന്റെ കണ്ണുകളിൽ പ്രണയത്തിൽ പൊതിഞ്ഞ കാമത്തിന്റെ അഗ്നി നാളങ്ങൾ എരിഞ്ഞു അവളെ വിവസ്ത്രയാക്കുന്ന ആഴത്തിലുള്ള നോട്ടം കണ്ടു അഭിരാമി വല്ലാതെ പിടഞ്ഞു പോയി....
ആരെങ്കിലും ശ്രദ്ധിക്കുന്നുണ്ടോ എന്നൊന്ന് നോക്കിയതിനു ശേഷം അവൾ കാറിനകത്തേക്ക് കേറി... ബെന്നി ആഗ്രഹം അടക്കാനാവാതെ കാറിൽ കേറിയ ഉടനെ അവളുടെ അധരങ്ങളുടെ രുചി അറിയാനായി ശ്രമിച്ചെങ്കിലും അവളുടെ എതിർപ്പിൽ പിൻവാങ്ങി.... പരിചയമുള്ളവർ ആരും കാണാതിരിക്കാനായി അവർ കുറച്ചു ദൂരെയുള്ള ടൗണിലേക്കാണ് പോയത്.... കാറോടിക്കുന്നതിനിടയിലും ബെന്നിയുടെ കൈകൾ പലപ്പോഴും അഭിരാമിയുടെ ശരീരത്തിലേക്കു ഇഴഞ്ഞു വന്നിരുന്നു സ്നേഹത്തോടെ ഓരോ പ്രാവശ്യവും അവളത് തട്ടിമാറ്റിക്കൊണ്ടേ ഇരുന്നു... മണിക്കൂർകൾക്കു ശേഷം അവരെ ആ ഹോട്ടലിന്റെ കവാടം സ്വാഗതം ചെയ്തു റൂമെല്ലാം ഓൺലൈൻ ബുക്ക് ചെയ്‌തതിനാൽ പെട്ടന്നു റൂമിന്റെ കാര്യങ്ങൾ തീരുമാനമായി റൂം നമ്പർ 303 അവർ റൂം ബോയിയുടെ കൂടെ ലിഫ്റ്റിലേക്ക് നടന്നു അഭിരാമിയുടെ ശ്വാസനിശ്വാസങ്ങൾ ഉയർന്നു കൈവിരലുകൾ വിറക്കുന്നത് ബെന്നിയാറിഞ്ഞു ഇതൊക്കെ ഞാൻ എത്ര കണ്ടതാ എന്നൊരു ഭാവം അവന്റെ മുഖത്ത് മിന്നിമറഞ്ഞത് അവളറിഞ്ഞില്ല... ലിഫിറ്റിൽ വെച്ചു തന്റെ വയറിലേക്ക് വന്ന കൈകളിൽ അവളൊരു പിച്ച് നൽകി കണ്ണുകൊണ്ടു അരുതെന്ന് വിലക്കി കാമം കത്തുന്ന അവന്റെ കണ്ണുകളിൽ അക്ഷമയുടെ തിരയിളക്കം അവൾ കണ്ടു.....
റൂമിലേക്ക് നടക്കുന്ന വഴിയിൽ അവരുടെ റൂം എത്തുന്നതിന്റെ മുൻപ് തൊട്ടടുത്തുള്ള റൂമിൽ നിന്നൊരു ചെറുപ്പക്കാരൻ മൊബൈൽ സംസാരിച്ചുകൊണ്ടു പുറത്തേക്ക് വന്നു ഒരു നിമിഷം ബെന്നിയുടെ കണ്ണുകൾ ആ റൂമിനകത്തേക്ക് പാളി.... അവനു തലചുറ്റുന്നപോലെ തന്റെ കണ്ണിൽ ഇരുട്ടകയറിയാത്തവനറിഞ്ഞു എന്തു ചെയ്യണം എന്നറിയാതെ തളർന്നുപോയി അതെ ആ വാതിൽ വിടവിലൂടെ പുതപ്പുകൊണ്ട് തന്റെ നഗ്നമേനി മൂടി രതിയുടെ തളർച്ചയിൽ കിടക്കുന്ന പെങ്ങളെ കണ്ടവൻ ഒരു നിമിഷം ഭൂമിയിലേക്ക് താഴ്ന്ന പോയെങ്കിൽ എന്നാഗ്രഹിച്ചു... സമനില വീണ്ടെടുത്ത അവൻ ഒരു അലർച്ചയോടെ റൂമിലേക്ക് കുതിച്ചു അവനെ കണ്ടു സോഫിയ ഞെട്ടലോടെ പുതപ്പ് വാരിപിടിച്ചു എണീറ്റു അവന്റെ കൈകൾ അവളുടെ മുഖത്ത് ആഞ്ഞു പതിച്ചു ഒരു കരച്ചിലൂടെ സോഫിയ നിലത്തേക്ക് വീണു കാര്യം അറിയാതെ അഭിരാമിയും റൂമിൽ നിന്നു പുറത്തേക്ക് പോയ ചെറുപ്പക്കാരനും റൂമിലേക്ക് കേറി വന്നു.... വീണിടത്തു നിന്നു എണീറ്റ സോഫിയയുടെ വാക്കുകൾ ബെന്നിയുടെ ചെവിയിൽ ഇടിതീ പോലെ വന്നു പതിച്ചു ചേട്ടായി ഇവളേം കൊണ്ട് ഇവിടെ വന്നത് ട്യൂഷൻ എടുക്കാൻ അല്ലാലോ.... രോഹിതിനെ എനിക്കിഷ്ട്ട അവൻ എന്നെ കല്യണം കഴിക്കും അവളുടെ വാക്കുകൾക്ക് മുൻപിൽ ഉത്തരം കിട്ടാതെ ബെന്നി ഉഴറി.... പെങ്ങളെയും വലിച്ചു കാറിലിട്ട് അവൻ ആദ്യം പോയത് അഭിരാമിയെ അവളുടെ വീട്ടിൽ സുരക്ഷിതമായി എത്തിക്കാനായിരുന്നു.... പെണ്ണിനെ അനുഭവിക്കുന്നതിനേക്കാൾ സുഖം അവളെ സംരക്ഷിക്കുന്നതിലാണെന്നു വൈകിയാണെങ്കിലും ബെന്നി തിരിച്ചറിഞ്ഞിരുന്നു....
തന്റെ ചതിയിൽ പെട്ട പെൺകുട്ടികളുടെ മുഖങ്ങൾ മനസ്സില് തെളിഞ്ഞു വരുന്ന പോലെ അവൻ തോന്നി....
ശുഭം.......
ഓർക്കുക നിങ്ങളുടെ കാമുകി ഒരു അച്ഛന്റെയും അമ്മയുടെയും മകളാണ് ഒരു ഏട്ടന്റെ പെങ്ങളാണ് സ്നേഹിക്കുക കാമമില്ലാതെ സ്വന്തമാക്കുക ആരെയും വേദനിപ്പിക്കാതെ....
അർശദ്‌ കോർമത്ത്

DON'T MISS

Nature, Health, Fitness
© all rights reserved
made with by templateszoo