Showing posts with label AkhilMurali. Show all posts
Showing posts with label AkhilMurali. Show all posts

തേപ്പ്


തേപ്പ്
--------------------------=--=-------------------------------
"ഡാാ... Try to understand mee. എനിക്ക് ഇതല്ലാതെ വേറെ ഓപ്ഷനും ഇല്ല." രാധിക തന്റെ മുൻപിൽ ഇരുന്ന ജ്യൂസ്‌ ഒരു സിപ് എടുത്തു..
"നിനക്ക് ഇത് എങ്ങനെ പറയാൻ തോനുന്നു.." ശരത്തിന്റെ ശബ്ദം അല്പം ഉയർന്നു.. അടുത്ത ടേബിളുകളിൽ ഇരുന്നവർ അവരെ ശ്രദ്ധിക്കുന്നു.
"ശരത് please control. ഇതൊരു പബ്ലിക്‌ place ആണ്. ശരിയാ നമ്മൾ നാല് വർഷം പ്രണയിച്ചു. കല്യാണം കഴിക്കണമെന്നു ആഗ്രഹിച്ചു തന്നെയാണ് ഞാനും പ്രണയിച്ചത് ."
"ഇപ്പൊ എന്താ പ്രശ്നം "? ശരത് ഇടക് കയറി
"വീട്ടുകാർ.. അവരെ സങ്കടപ്പെടുത്തി നമ്മൾ ഒരുമിച്ചാൽ ദൈവം പോലും പൊറുക്കില്ല.. തന്നെയുമല്ല എന്റെ അച്ഛന് ഹെർട്ടിനു operation കഴിഞ്ഞതാ. ചെറിയ ഒരു സ്ട്രോക്ക് പോലും അച്ഛന് താങ്ങാൻ പറ്റില്ല.. "
"അതിനു നമ്മൾ പ്രേമിക്കുന്നതിനു മുൻപേ നിന്റെ അച്ഛന്റെ operation ഒക്കെ കഴിഞ്ഞതല്ലേ.. അന്നൊന്നും അച്ഛനോട് തോന്നാത്ത സ്നേഹം ഇപ്പൊ എവിടുന്നു വന്നു. "
"അത്.. അത് . അച്ഛന് കഴിഞ്ഞ മാസം ചെറിയ ഒരു സ്ട്രോക്ക് വന്നായിരുന്നു.. അന്ന് ഡോക്ടർ പറഞ്ഞതാ... "
"ഡീ ...എന്നാൽ ഞാൻ നിന്റെ അച്ഛനോട് സംസാരിക്കട്ടെ ?"
"വേണ്ട.. വേണ്ട നിന്നെ അച്ഛൻ കാണുമ്പൊൾ തന്നെ സ്ട്രോക്ക് വരും. "
"അപ്പൊ ഇനി ഒരു ചാൻസും ഇല്ലല്ലേ ??"
"ഇല്ലടാ.. അതാ ഞാൻ പറഞ്ഞെ നമ്മുക്ക് പിരിയാമെന്ന്‌. ഇന്നു മുതൽ നമ്മൾ ബെസ്റ്റ് ഫ്രണ്ട്സ്. Ok
നീ വേണം എന്റെ കല്യാണം ഓരാങ്ങളയുടെ സ്ഥാനത്തു നിന്നു നടത്തി തരേണ്ടത്‌ .. "
"എന്നാ നിന്റെ ഭാവി ഭർത്താവ് ഗൾഫിന്ന്‌ വരുനത്.. "ശരത് മനസില്ലാമനസോടെ ആരാഞ്ഞു.
"കല്യാണത്തിന് ഒരാഴ്ച മുൻപ് വരൂഡാ.. പുള്ളിക്ക് അങ്ങനെ ഒന്നും ലീവ് കിട്ടത്തില്ല .ദുബായിൽ ബാങ്കിലെ അക്കൗണ്ട്സ് മാനേജറാ. മാസം രണ്ടു ലക്ഷത്തിൽ പുറത്തു സാലറി ഉണ്ട്.
പിന്നെ ഹണിമൂൺ മലേഷ്യയില പ്ലാൻ ചെയ്തേക്കുന്നെ. "
ശരത് ഒന്ന് മൂളി
"എനിക്ക് അറിയാം നിനക്ക് നല്ല വിഷമം ഉണ്ട്.. Just chill yar.. നീ ഇപ്പ്പോ ന്റെ ബെസ്റ്റ് ഫ്രണ്ട് അല്ലേ .. ഞങ്ങൾക്ക് ഉണ്ടാകുന്ന മകന് ശരത് എന്ന് പേരിടും.. പോരെ"?
"ആാ.. അത് നല്ല ഓഫറാ .. ഞാൻ വാഷ്‌ റൂം വരെ പോയിട്ട് വരാം.." ശരത് toilet ലക്ഷ്യമാക്കി നടന്നു .
സമയം കുറെ കഴിഞ്ഞു. Toiletil പോയ ശരത് തിരികെ എത്തിയില്ല. രാധിക വിളിച്ചു നോക്കി എങ്കിലും ശരത് ഫോൺ അറ്റെന്റ് ചെയ്തില്ല.
രാധിക തിരികെ പോകാനായി എഴുനേറ്റു..
"മേഡം.. ബിൽ..." waiter ബിൽ കൊണ്ട് ടേബിളിൽ വെച്ചു..
"എന്റെ കൂടെ ഇരുന്ന ആൾ ബിൽ പേ ചെയ്തില്ലേ ?"രാധിക ചോതിച്ചു
"ഇല്ല മേഡം".. waiter മറുപടി പറഞ്ഞു
"എന്തായാലും ശരത് എന്ന കുരിശ് തലയിൽ നിന്നു പോയല്ലോ എന്ന് മനസ്സിൽ പറഞ്ഞു രാധിക ബിൽ എടുത്തു nooki.".. 12350 രൂപാ.. രാധികയുടെ കണ്ണ് പുറത്തേക്ക് തള്ളി .
"രണ്ടു ജ്യൂസിനു 12350 രൂപയോ ?"
അതിനുള്ള മറുപടി waiter നൽകി "മേഡം രണ്ടു ജ്യൂസിനു 50 രൂപാ.. ബാക്കി പൈസ മറ്റേ സർ പാർസൽ കൊണ്ടുപോയതിന്റെ ബില്ല.. ആ സർ ന്റെ വീട്ടിൽ എന്തോ പാർട്ടി ഉണ്ടെന്ന്.. ബില്ലു മേഡം പേ ചെയ്തോളും എന്ന് പറഞ്ഞു.. അപ്പൊ എങ്ങനാ cash ആയിട്ടാണോ കാർഡ്‌ ആയിട്ടാണോ പേ ചെയ്യാൻ ഉദ്ദേശിക്കുന്നത് ??"
============================
@Akhil Murali

മുന്നൊരുക്കം


"നിങ്ങള് വരുന്നുണ്ടോ ഇല്ലയോ?
.
.
അപ്പോ ശരി, നിന്റെ മോന്റെ ടേം എക്സാം ആണ് നിനക്ക് വലുതെങ്കിൽ നീ വരണ്ടടാ...
നിന്റെ മോന്റെ പരീക്ഷ കഴിയുന്നത് വരെ മോർച്ചറിയിൽ വെക്കാൻ എനിക്കിത്തിരി
ബുദ്ധിമുട്ടുണ്ട്" നിന്റെ കൂടി അപ്പനാണ്.. അതു നീ മറക്കണ്ടാ.."
ടോമിച്ചൻ ഫോൺ കട്ട് ചെയ്തു.
"ആരോടാ അപ്പ ഇങ്ങനെ കിടന്ന് ഒച്ച ഇടുന്നേ?" ടോമിയുടെ മകൻ
എബി ആരാഞ്ഞു.
"നിന്റെ കൊച്ചാപ്പൻ. അവന്റെ മോന്റെ പരീക്ഷ കാരണം
സ്വന്തം തന്തേടെ അടക്കിന് വരാൻ പറ്റത്തില്ലന്ന്.
അവനൊക്കെ എന്നാ അമേരിക്കക്കാരൻ ആയേന്ന് എനിക്ക് നന്നായിട്ട് അറിയാം."ടോമിച്ചന്റെ മുഖത്ത്
ദേഷ്യം പ്രകടമാണ്.
"പപ്പാ സൂസന്നാന്റി വിളിച്ചിരുന്നു. അടക്കിന്റെ ടേറ്റ് കംൺഫേം ചെയ്തിട്ട് വിളിച്ചു
പറയാൺ പറഞ്ഞു. കുറച്ചു പൈസ അകൗണ്ടിൽ ഇട്ടിട്ടുണ്ടന്ന്" "അവടെ പൈസ കണ്ടല്ല ഞാൻ അപ്പനെ നോക്കിയത്. എല്ലാവരും അവരവരുടെ കാര്യം നോക്കി
അമേരിക്കയിലും കാനഡയിലും പോയി കിടക്കുന്നു. അപ്പൻ ജീവിച്ചിരിപ്പുണ്ടോ എന്ന്
പോലും അന്വേഷിക്കാത്ത കുറേ മക്കള്... പൈസ അവൾടെ അമ്മായി
അപ്പൻ ചാവുമ്പോൾ അയച്ചു കൊടുക്കാൻ പറ....
.അതൊക്കെ വിട് നീ ആ മണിമുറ്റത്തെ മാമച്ചനെ പോയി
ഒന്നു കാണണം. പുള്ളി മലേഷ്യയിൽ നിന്നുള്ള ഉള്ള ശവപെട്ടി
ഏർപ്പാടാക്കി തരാമെന്ന് പറഞ്ഞിട്ടുണ്ട്. എങ്ങനെ ജീവിച്ച മനുഷ്യനാ... മരിച്ചാലും
അതുപോലെ ആയിരിക്കണം. " ടോമിച്ചൻ ദീർഘനിശ്വാസത്തോടെ പറഞ്ഞു നിർത്തി.
"അത് ഞാൻ ഇപ്പൊ പൊക്കോളാം. പാർട്ടി ഓഫീസീന്ന് വിളിച്ചിരുന്നു.
അവിടെ അര മണിക്കൂർ പൊതുദർശനത്തിന് വെയ്ക്കാമോന്ന് ചോദിച്ചു."
" ജില്ലാ കൺവീനർ ഇപ്പൊ എന്നെ വിളിച്ചിരുന്നു..അരമണിക്കൂർ പാർട്ടി ഓഫീസിൽ
പൊതുദർശനത്തിന് വെക്കാമല്ലേ? ഒന്നുലേലും പാർട്ടീടെ തലപ്പത്ത് എട്ടു പത്ത് കൊല്ലം ഇരുന്നതല്ലേ?..എന്നാ നീ പോയിട്ട് വാ.. പോകുന്ന വഴിയിൽ പള്ളിയിൽ കയറി കല്ലറ
വൃത്തിയാക്കി കഴിഞ്ഞോനൊന്ന്നോക്കിയേര്"
എബി പുറത്തേക്കിറങ്ങി. ബൈക്ക്സ്റ്റാർട്ട് ചെയ്തു. ധൃതിയിൽടോമിച്ചൻ പുറത്തേക്ക് വന്നു. "ടാ പോകാൻ വരട്ടെ. Hospetal ലിൽ
നിന്ന് ഒരു കോൾ വരുന്നു. " ടോമിച്ചൻ ഫോൺ എടുത്തു.
" ഹലോ...
.
.
ആണോ?
.
.
ഞങ്ങളിപ്പോ വരാം."ടോമിച്ചൻ ഫോൺ കട്ട് ചെയ്തു.മുഖത്ത് സങ്കടം നിഴലിക്കുന്നു." എന്തു പറ്റി പപ്പാ" എബി ആരാഞ്ഞു
" ഡോക്ടർ കംൺഫേം ചെയ്തു..അത്... അ.. അപ്പൻ മരിച്ചു. "
____________________________________
അഖിൽ മുരളി

എന്റെ അമ്മ


-----''------"-----"------"------
ഈ ലോകത്തിൽ ഞാൻ ഏറ്റവും
കൂടുതൽ പറ്റിച്ചത് എന്റെ
അമ്മയാണ്.
പത്താം മാസം പുറത്തു വരേണ്ട
ഞാൻ അല്പം വേദന സമ്മാനിച്ച്
പറഞ്ഞ ദിവസത്തിലും നേരത്തെ
ഭൂമിയിലെത്തി ആദ്യമായി ഞാൻ
പറ്റിച്ചു.
കുട്ടിക്കാലത്ത് കൈ തട്ടി വീണു
പൊട്ടിയ ഗ്ലാസ് പെറുക്കി ഒതുക്കി
വെച്ച് അമ്മ ചോദിച്ചപ്പോൾ
ഒന്നും അറിയാത്തവനെ പോലെ
നിന്ന് പറ്റിച്ചു.
എട്ടാം ക്ലാസിലെ കണക്കു
പരീക്ഷയ്ക്ക് മാർക്ക്
കുറഞ്ഞപ്പോൾ ആൻസർ
പേപ്പറിലെ മാർക്ക് തിരുത്തി
ജയിച്ചെന്ന് വരുത്തി ഞാൻ
പറ്റിച്ചു.
കൂട്ടുകാരുമൊത്ത് സിനിമയ്ക്ക്
പോകാൻ രാമായണത്തിൽ നിന്ന്
പൈസ കട്ടെടുത്ത്,...
പിടിക്കപെട്ടപ്പോൾ കൂട്ടുകാരന്റെ
ഓപ്പറേഷന് സംഭാവന
നൽകിയതാണെന്ന്
വിശ്വസിപ്പിച്ച് പറ്റിച്ചു.
ഏഴര വെളുപപിനെഴുനേറ്റ്
എനിക്കിഷ്ടപെട്ട കറികൾ
വെച്ചുണ്ടാക്കി
കോളേജിലേക്കുള്ള പൊതി
തയ്യാറാക്കി തന്നു വിടുമ്പോൾ,
കൂട്ടുകാരുമൊത്ത് കാൻറ്ടീനീന്
കഴിക്കാനായി പൊതി
കുപ്പയിലെറിഞ്ഞ് വീണ്ടും
പറ്റിച്ചു.
എനിക്ക് ഡിഗ്രി ലഭിച്ച ദിവസം
കടം വാങ്ങിയ പൈസ കൊണ്ട്
മെടിച്ച പുതിയ സാരി
ഉടുതതിറങ്ങിയ അമ്മയെ കാണാൻ
ഭംഗിയില്ല എന്ന തോന്നലിൽ
മറ്റെൻതോ കാരണം പറഞഞ്
പരിപാടിയിൽ
പങ്കെടുപ്പിക്കാതെ പറ്റിച്ചു.
ജോലി കിട്ടികഴിഞ്ഞ്
രാജ്ഞിയെ പോലെ
നോക്കുമെന്ന് പറഞ്ഞ് പറ്റിച്ചു.
കൈപിടിച്ച് കേറ്റിയ മരുമകൾ
അമ്മയെ പൊന്നുപോലെ
നോക്കുമെന്ന് വിശ്വസിച്ച്
പറ്റിച്ചു.
ഗുരുവായൂരിൽ കുളിച്ച്
തൊഴീക്കാമെന്ന് പറഞ്ഞ്... അതേ
നടയ്ക്കൽ ഇരുത്തി പെട്ടെന്ന്
വരാമെന്ന് പറഞ്ഞ് തിരികെ
പോന്ന് ഞാൻ പറ്റിച്ചു.
.
.
വർഷങ്ങൾ കഴിഞ്ഞു സ്വന്തം
കുട്ടികളാൽ പറ്റിക്കപെട്ട്
ആരാരും നോക്കാനില്ലാത്ത
തിരിച്ചറിവിന്റെ കാലത്ത്
അമ്മയെ ഒരു നോക്കു കാണാൻ
അന്വേഷിച്ചിറങ്ങിയ എന്നെ...
ഒരു ഓർമ പോലും
ബാക്കിവെയ്ക്കാതെ ഈ
ലോകത്തിൽ നിന്നും
എന്നനേക്കും യാത്ര പറഞ്ഞ്
എന്റെ അമ്മ എന്നെ പറ്റിച്ചു.


By 
Akhil Murali

DON'T MISS

Nature, Health, Fitness
© all rights reserved
made with by templateszoo