അമ്മേ ഞാൻ പുതിയ ഫ്ലാറ്റ് എടുക്കാൻ പോവാണ്.. എനിക്ക് അച്ഛന്റെ കുത്തുവാക്കുകളും അടിയും കിട്ടി മടുത്തു... അച്ഛൻ എന്നെ വഴക്ക് പറയാത്ത ദിവസങ്ങളില്ല.. മടുത്തു അമ്മേ... ഞാൻ ഒരു ഫ്ലാറ്റ് എടുക്കും ശമ്പളം ഒന്ന് കിട്ടട്ടെ...!!!
"അരുൺ നിന്റെ തീരുമാനത്തിന് മാറ്റമൊന്നും ഇല്ലല്ലോ...!!"
"ഇല്ല അമ്മേ.. ഞാൻ ആലോചിച്ചു തീരുമാനിച്ചതാണ്...
"നീ അച്ഛനോട് പറഞ്ഞോ ജോലി കിട്ടിയത്... ??!!!"
"ഇല്ല.. പറഞ്ഞാലും നല്ലതൊന്നും പറയില്ല.. പിന്നെ എന്തിനാണ് പറയുന്നത്..."
"അരുൺ നീ ഒരു കാര്യം ഓർക്കണം... ഇന്നലെ വരെ നിനക്ക് ജോലി ഇല്ലാതിരുന്നപ്പോൾ ഈ വീട്ടിലെ ബുദ്ധിമുട്ടുകളും ശകാരങ്ങളും നിനക്ക് പ്രശ്നമായിരുന്നില്ല.. നിനക്ക് അറിയാം വീട് വിട്ടിറങ്ങിയാൽ പട്ടിണിയാകുമെന്ന്... അന്നും ഇത് ബുദ്ധിമുട്ടായിരുന്നേൽ നീ എന്തേ ഇതുവരെ വീടുവിട്ട് പോയില്ല ??.. അച്ഛൻ തരാറുള്ള പോക്കറ്റ് മണിയും വീട്ടിൽ നിന്നുള്ള ഭക്ഷണവും നഷ്ടമാകും എന്ന് നിനക്ക് നന്നായിട്ടറിയാം... ജോലി കിട്ടിയതിന് നീ കൂട്ടുകർക്കെല്ലാം പാർട്ടി കൊടുത്തതും അച്ഛന്റെ പൈസ കൊണ്ടു തന്നെയല്ലെ.."
"അമ്മേ ഞാൻ അതെല്ലാം തിരിച്ചു കൊടുത്തോളം..."
"ഹോ.. നീ എത്ര പണമിട്ടു തൂക്കിയാലും അച്ഛൻ ചെയ്തതിനും തന്നതിനും പകരമാകില്ല..ആ തുലാസ് എന്നും താഴ്ന്നു തന്നെയിരിക്കും.. "
"പിന്നെ ...രാത്രി കൂട്ടുകാരുമായി കുടിച്ചു കൂത്താടി വന്നാൽ ഏത് അച്ഛനയാലും ശകാരിക്കും ചിലപ്പോൾ രണ്ടെണ്ണം തന്നു എന്നും വരും.. നിനക്ക് 'അമ്മ പറയുമ്പോൾ ഇതൊന്നും മനസ്സിലാകില്ല നീയും ഒരു അച്ഛനാകണം എങ്കിലേ നിനക്ക് ഇതൊക്കെ മനസ്സിലാകുകയുള്ളൂ.."
"അച്ഛാ എനിക്ക് ജോലി കിട്ടി.. അപ്പോയിൻമെന്റ് ഓർഡറാണ്... "
"അപ്പോൾ നീ ഇനി പഠിക്കാൻ പോകുന്നില്ലല്ലേ..
ഇത്രനാളും മകൻ പഠിച്ചു വലിയ കൊമ്പത്തെ ജോലി കിട്ടും എന്ന പ്രതീക്ഷയിലായിരുന്നു.. ഇപ്പോ ആ പ്രതീക്ഷയും പോയി... ഇനി ഞാൻ നാട്ടുകാരോടെല്ലാം എന്ത് പറയും..."
അരുൺ വീട്ടിൽ നിന്നും ഇറങ്ങി.. വളരെ വൈകിയാണ് വീട്ടിൽ എത്തിയത്.. അമ്മ എന്നത്തേയും പോലെ ഉമ്മറത്ത് അവനെയും നോക്കി ഇരിക്കുന്നു..
"മോനെ നീ കഴിക്കുന്നില്ലേ...."
"ഇല്ല എനിക്ക് വേണ്ട.. ഞാൻ കിടക്കാണ് അമ്മേ.."
'അമ്മ ഭക്ഷണമെല്ലാം എടുത്തു വച്ചു നേരെ കിടപ്പ് മുറിയിലേക്ക് പോയി...
അന്ന് കുടിച്ച ബിയറിന്റെ എണ്ണം കൂടിയത് കൊണ്ട് ടോയ്ലറ്റ് ലക്ഷ്യമാക്കി നടക്കുമ്പോഴാണ് അരുൺ അത് കേൾക്കാൻ ഇടയായത്...
"നിങ്ങൾ ഇതുവരെ ഉറങ്ങിയില്ലേ...!!"
"ഇല്ല അവൻ വന്നോ..."
"അവൻ വന്നു ഒന്നും കഴിച്ചില്ല... കുടിച്ചിട്ടുമുണ്ടെന്നു തോന്നുന്നു...
അവന് നല്ല സങ്കടമുണ്ടെന്നു തോന്നുന്നു.. ഒരു ജോലി കിട്ടിയിട്ടും നിങ്ങൾ നല്ലതൊന്നും പറഞ്ഞില്ല...
ഈ കിട്ടിയിരിക്കുന്നത് അത്ര മോശം ജോലിയാണോ...,!!"
"അല്ല ഒരിക്കലും അല്ല... നല്ല ജോലിയാണ്.. "
"പിന്നെ ഇന്നും നിങ്ങൾ അവനെ വഴക്ക് പറഞ്ഞത് എന്തിനാണ്.. !!"
"ഇന്ന് ഞാൻ അവനെ പുകഴ്ത്തി പറഞ്ഞാൽ അവൻ വിചാരിക്കില്ലേ അച്ഛന്റെ ഈ സ്നേഹ പ്രകടനം ജോലി കിട്ടിയത് കൊണ്ടാണെന്ന്...
ഞാൻ ഇന്ന് എന്റെ കൂട്ടുകാരോടും ഓഫീസിലുള്ളവരോടും അഹങ്കാരത്തോടെ
Sajith V
