Showing posts with label ShanavasJalal. Show all posts
Showing posts with label ShanavasJalal. Show all posts

സമ്മാനം

അളിയാ , ഒരു കാൽ ഇല്ല അവൾക്ക്‌, എന്നിട്ടും അഹങ്കാരം കണ്ടില്ലെ??
കളയടാ പോട്ടെ ...
" നിനക്കത്‌ പറയാം. ആളുകളുടെ മുന്നിൽ വെച്ച്‌ അപമാനിച്ചത്‌ എന്നെയാ... അല്ലാതെ നിന്നെയല്ല" എന്ന അവന്റെ രോദനം കേട്ടപ്പോഴെ എന്റെ രക്തം തിളച്ച്‌ വന്നതാ.
വർഷങ്ങളായി നടക്കുന്നതാ അരുൺ സോഫിയുടെ പുറകെ , ഇഷ്ടമല്ല എന്നവൾ ഒരായിരം തവണ അവനോട്‌ പറഞ്ഞതാ, എവിടെ കേൾക്കാൻ..
അത്‌ എന്താടി നിനക്ക്‌ എന്നെ ഇഷ്ടപ്പെട്ടാൽ എന്നവളോട്‌ ആളുകളുടെ മുന്നിൽ വെച്ച്‌ കൈയ്യിൽ പിടിച്ച്‌ ചോദിച്ചാൽ ആർക്കായലും ദേഷ്യം വരില്ലേയെന്നുള്ള എന്റെ ചോദ്യം കേട്ട്‌ മുഖം കുനിച്ച്‌ കുറച്ച്‌ നേരം ഇരുന്നിട്ട്‌ പോകാൻ എഴുന്നെറ്റ അവന്റെ കയ്യിൽ പിടിച്ചിട്ട്‌ ഞാൻ ചോദിച്ചു.
എന്താ നേരത്തെ പോകുന്നെ??
എനിക്ക്‌ അവളുടെ വീട്‌ വരെ പോകണം
അളിയ , നിനക്ക്‌ എന്താ ഭ്രാന്താണോ..??
നീ വിട്‌ , ഞാനിന്ന് അവളെ കണ്ടിട്ടെ വീട്ടിലെക്കുള്ളു, എന്ന് പറഞ്ഞു അവൻ വണ്ടി സ്റ്റാർട്ട്‌ ചെയ്തപ്പോഴെക്കും പുറകിലെ സീറ്റിൽ ഞാൻ സ്ഥലം പിടിച്ചിരുന്നു..
എന്നാൽ വിട്‌ , ഇനി അവിടെ നിന്ന് കാര്യമായി വല്ലതും നിനക്ക്‌ കിട്ടിയാലും പങ്കിട്ടെടുക്കാം എന്ന എന്റെ വാക്ക്‌ അവന്റെ ദേഷ്യം കുറച്ചുന്ന് ഗ്ലാസിലുടെ ചിരിക്കുന്ന അവന്റെ മുഖം കണ്ടപ്പോൾ മനസ്സിലായി...
കുട്ടിക്കാലം മുതലുള്ള സുഹൃത്താണ് ആണു അരുൺ, ചെറുപ്പത്തിൽ ഞങ്ങളുടെ കൂട്ട്‌ കെട്ടിൽ ഓരോരുത്തർക്കും പലതായിരുന്നു ലഹരിയെങ്കിലും അവനു മാത്രം അവളായിരുന്നു ലഹരി... സോഫി... ജന്മനാ ഒരു കാൽ ഇല്ലാതിരുന്ന അവളെ ചട്ടുകാലിയെന്ന് ഞങ്ങൾ കളിയാക്കുമ്പോൾ നിറയുന്ന അവളുടെ കണ്ണുകൾ പൊള്ളിക്കുന്നത്‌ അവന്റെ മനസ്സായിരുന്നുന്ന് അറിയാൻ കല്ല് കൊണ്ട്‌ ഇടിച്ച്‌ പൊട്ടിച്ച ഒരു മുറിവ്‌ വേണ്ടി വന്നു എന്റെ നെറ്റിക്ക്‌..
വർഷങ്ങൾ കഴിഞ്ഞു, കോളെജ്‌ ലൈഫും കഴിഞ്ഞു ഞങ്ങളുടെ ഇഷ്ടങ്ങൾ ഇടക്കിടക്ക്‌ മാറിയും തിരിഞ്ഞും വന്നെങ്കിലും അവന്റെ മനസ്സിൽ അവൾ മാത്രമായിരുന്നു, കിട്ടിയ വിസയിൽ പ്രവാസിയുടെ കുപ്പായം അണിഞ്ഞെങ്കിലും , ചെന്നതിന്റെ മൂന്നാം മാസം ജോലിഭാരം കൂടുതലാണെന്ന് പറഞ്ഞ്‌ , നാലക്ക ശമ്പളമുള്ള ജോലി കളഞ്ഞ്‌ തിരിച്ച്‌ നാട്ടിലെത്തിയതും അവളെ കാണാതിരിക്കാൻ വയ്യാത്തതുകൊണ്ടാണെന്നു അവൻ പറയാതെ എന്നോട്‌ പറഞ്ഞിരുന്നു..
വണ്ടി വീടിന്റെ മുന്നിൽ നിർത്തി അകത്തെക്ക്‌ കയറിയപ്പോഴെക്കും അവളുടെ അച്ഛൻ ഞങ്ങളെ സ്വീകരിച്ചു.
നിങ്ങൾക്ക്‌ എന്റെ മക്കളുടെ പ്രയമെയുള്ളു, അവൾ എന്തെങ്കിലും അപമര്യദയായി പറഞ്ഞിട്ടുണ്ടെങ്കിൽ ഞാൻ മാപ്പ്‌ ചോദിക്കാം" എന്ന് അദ്ദേഹം പറഞ്ഞതിൽ നിന്നും അവൾ കാര്യങ്ങൾ എല്ലാം വീട്ടിൽ പറഞ്ഞുന്ന് ഞങ്ങൾക്ക്‌ മനസ്സിലായിരുന്നു ... പതിയെ ആ അച്ഛന്റെ അരികിലെക്കിരുന്ന് കൈകളിൽ പിടിച്ച്‌ അവൻ ചോദിച്ചു , രാജകുമാരിയെപ്പോലെ നോക്കാം എന്നൊന്നും പറയുന്നില്ല, പട്ടിണിക്കിടില്ല, എനിക്ക്‌ തന്നുടെ അച്ഛാ അവളെ എന്ന അവന്റെ ചോദ്യം സത്യത്തിൽ അച്ഛനെ മാത്രമല്ല എന്നെയും ഞെട്ടിച്ചിരുന്നു...
മോനെ അവളുടെ ഒരു കാല് .. എന്ന് അച്ഛൻ തുടങ്ങി വെക്കും മുമ്പെ, വിവാഹത്തിനു ശേഷമാണു അവൾക്കിത്‌ സംഭവിക്കുന്നെങ്കിലോ അച്ഛാ ??? എനിക്കവളെ കളയാൻ പറ്റുമോ എന്ന അവന്റെ ചോദ്യത്തിനു നിറഞ്ഞ കണ്ണുകൾ ഞങ്ങൾ കാണാതെ തുടക്കാൻ പാട്‌ പെട്ടിരുന്നു ആ മനുഷ്യൻ...
രണ്ട്‌ ഗ്ലാസിൽ കട്ടൻ ചായയുമായി ഞങ്ങളുടെ മുന്നിലെക്ക്‌ വന്ന അവളുടെ അമ്മയുടെ കണ്ണുകൾ നിറഞ്ഞിരിക്കുന്നത് , നഷ്ട്ടമായേക്കാവുന്ന മോളുടെ ജീവിതം തിരിച്ച്‌ കിട്ടിയതിന്റെ സന്തോഷത്തിലാണെന്ന് എനിക്ക്‌ മനസ്സിലായത്‌ കൊണ്ടാകണം മധുരം കുറഞ്ഞ ആ ചായക്ക്‌ പോലും ഇത്ര സ്വാദ് തോന്നിയത്‌..
തല കുനിച്ചിരുന്ന അവളുടെ അരികിലെക്ക്‌ അവൻ നടന്നെത്തിയപ്പോഴെക്കും, ഇരുന്നിടത്ത്‌ നിന്ന് ഒന്ന് എഴുന്നെൽക്കാൻ അവളോരു പാഴ്‌ ശ്രമം നടത്തിയിരുന്നു..
നിന്റെ അപ്പച്ചനും, അമ്മച്ചിക്കും എന്നെ ഇഷ്ടമായിന്ന് തന്നെയാണു എന്റെ വിശ്വസം.. ഇനി നിന്റെ മറുപടി കൂടിയറിഞ്ഞാൽ എനിക്ക്‌ എന്റെ വീട്ടുകാരുമായി വന്ന് ധൈര്യത്തോടെ പെണ്ണു ചോദിക്കാമായിരുന്നു എന്നവന്റെ വാക്കിനു , ഒന്നും മിണ്ടാതെ തല കുനിച്ചിരുന്നവളെ നോക്കി "നഷ്ടമായത്‌ എനിക്ക്‌ വർഷങ്ങളാ, സാരമില്ല " എന്ന് പറഞ്ഞവൻ തിരിഞ്ഞ്‌‌ നടക്കാൻ ശ്രമിച്ചപ്പോഴെക്കും അവളുടെ കൈകൾ അവന്റെ കൈകളിൽ പിടിച്ചിരുന്നു..
നിറഞ്ഞൊഴുകിയ അവളുടെ കണ്ണുകൾ തുടച്ചിട്ട്‌ അവന്റെ മുഖത്തെക്ക്‌ നോക്കിയവളോട്‌ , എന്തിനായിരുന്നു ഈ അഭിനയം എന്നോട്‌ എന്നവൻ ചോദിച്ചു തീരും മുമ്പെ അവൾ പറഞ്ഞിരുന്നു ഇഷ്ടക്കൂടുതൽ കൊണ്ടാ ചേട്ടായിന്ന്... എന്നെപ്പോലെയോരു പെണ്ണല്ല ചേട്ടായിക്ക്‌ ചേരുക, അത്‌ കൊണ്ട... , കണ്ടിട്ടും അറിഞ്ഞിട്ടും ഒന്നും അറിയാത്തത്‌ പോലെ നടിച്ചത്‌, ആളുകളുടെ മുന്നിലുടെ ഏന്തിയും വലിഞ്ഞും നടക്കുന്ന എന്നെയും കൊണ്ട്‌ പോകുമ്പോൾ ആളുകൾ വല്ലതും പറഞ്ഞാൽ, അത്‌ കേട്ട്‌ ചേട്ടായിക്ക്‌ ഞാൻ ഒരു ഭാരമാണെന്ന് തോന്നിയാൽ എന്നവൾ പറഞ്ഞ്‌ തീരും മുമ്പെ, അവളെ കസേരയിൽ നിന്നും കോരിയെടുത്ത്‌ കൈകളിലോട്ട്‌ വെച്ചിട്ട്‌, കൂടെ നടത്താതെ ഞാൻ ഇത്‌ പോലെ കൊണ്ട്‌ പോയാല്ലോന്ന ചോദ്യത്തിനു, നിറഞ്ഞ കണ്ണുകൾ മുറുക്കിയടച്ച്‌ കഴുത്തിൽ കിടന്ന കൊന്തയിൽ അമർത്തിപ്പിടിച്ച്‌ കാലു ഇല്ലാതെ ജനിപ്പിച്ചതിനു എന്നും പരിഭവം പറയുന്ന ദൈവത്തിനോട്‌ അവൾ ആയിരം തവണ സ്ഥുതി പറഞ്ഞിരുന്നു, തനിക്കായി ഇങ്ങനെയോരു സമ്മാനം കരുതി വെച്ചതിനു.... — with ShAn SaNu.

പൊന്നിനെക്കാൾ മൊഞ്ച്‌ ഓളുടെ ചിരിക്കാണെന്ന്

ജോലി തിരക്കിന്റെ ഇടയിൽ ഓളുമായി കറങ്ങാൻ ഒന്നും പോകാറില്ല.അതുമല്ല നല്ല സാമ്പത്തിക ഞെരുക്കവും. ഇത്‌ രണ്ടും അറിയാവുന്നത്‌ കൊണ്ടാകും പാവം എന്നോടോരു ആവശ്യവും പറഞ്ഞിട്ടുമില്ല.
അന്ന് ആ ഞയറാഴ്ച്ച അവളുക്ക്‌ കൊടുത്ത വാക്കയിരുന്നു അവളുമായുള്ള കറക്കം കൂട്ടത്തിൽ ഒരു ചുരിദാറും. ഒരുപാട്‌ നാളായത്‌ കൊണ്ടാകണം പെണ്ണിന്റെ മുഖത്ത്‌ സന്തോഷം അലതല്ലുന്നത്‌ കാണാം
ബൈക്കിൽ കയറി വണ്ടി കുറച്ച്‌ മുന്നോട്ട്‌ പോയി അവളുടെ മുഖം എന്റെ ചുമരിലെക്ക്‌ ചാരുന്നത്‌ കണ്ടാണു ഗ്ലാസിൽ കൂടി അവളെ നോക്കിയത്‌. കണ്ണുകൾ നിറഞ്ഞിരിക്കുന്നു.
എന്ത്‌ പറ്റി മോളെ
ഹേയി ഒന്നുമില്ല ചേട്ടാ കണ്ണിൽ പൊടി വീണതാ. അവൾ പെട്ടന്ന് മുഖം മാറ്റി.
സന്തോഷം കൊണ്ടാണു അവളുടെ കണ്ണു നിറഞ്ഞതെന്ന് എനിക്ക്‌ മനസ്സിലായി. അവളുടെ കൂട്ടുകാരിയുടെ കല്ല്യണം ആയിരുന്നു അടുത്തയാഴ്ച്ച അതിനായി ഉള്ളതാണു ഒരു ചുരിദാർ. വിവാഹം കഴിഞ്ഞു രണ്ട്‌ വർഷത്തിനിടയിൽ അവൾ ആദ്യമയി ആവശ്യപ്പെട്ട ഒരു സാധനം . അതും കുറഞ്ഞത്‌ മതി ചേട്ടാ ‌എന്നുള്ള അവളുടെ സംസാരത്തിൽ കുറച്ച്‌ വിശമം തോന്നിയെങ്കിലും എന്നെ അറിയുന്ന ഒരു പെണ്ണിനെ തന്നതിനു ദൈവത്തോട്‌ നന്ദി പറഞ്ഞു.
കറക്കത്തിന്റെ അവസാനം ടെക്സറ്റയിൽസിൽ കയറി. ആദ്യം തന്നെ അവളുടെ കണ്ണിൽ ഉടക്കിയത്‌പ്രതിമയിൽ കിടന്ന വില കൂടിയ ചുരിദാർ ആയിരുന്നു. അതിന്റെ ഭംഗിയിൽ അവൾ കുറച്ച്‌ നേരം നോക്കി നിന്നു. അപ്പോഴാണവൾ അതിന്റെ വില ശ്രദ്ധിച്ചത്‌. എന്നെ നോക്കി ഒന്ന് കണ്ണിറുക്കി കാണിച്ചിട്ട്‌ അവൾ അവിടെ നിന്ന സയിൽസ്‌ ഗേളിന്റെ അടുത്തെക്ക്‌ നീങ്ങി. അവർ കാണിച്ച ചുരിദാറിൽ നിന്നും കുറഞ്ഞത്‌‌ നൊക്കി ഒന്ന് സെലക്റ്റ്‌ ചെയ്തിട്ട്‌ ഞങ്ങൾ വീട്ടിലെക്ക്‌ തിരിച്ചു.
അന്നാണു ആ കൂട്ടുകരിയുടെ കല്ല്യണ ദിവസം. ഓഫിസിൽ നിന്ന് ലീവും എടുത്തു ഞാൻ ‌പോകാൻ റെഡിയായി. അടുക്കള ജോലിയെല്ലാം കഴിഞ്ഞു അവളും കുളിക്കാൻ കയറി. അലമാരയിൽ വെച്ചിരുന്ന അവളുടെ പുതിയ ചുരിദാറിനു പകരം അന്നവൾ പ്രതിമയിൽ കണ്ട ചുരിദാർ ഞാൻ അതിൽ വെച്ചു.
കുളി കഴിഞ്ഞു അലമാര തുറന്ന് അവൾ ആ ചുരിദാർ കണ്ടതും നിറഞ്ഞ കണ്ണുകളോടെ അവൾ എന്നെ നോക്കി. പുറകിലുടെ അവളെ ഞാൻ എന്നിലേക്ക്‌ ചേർത്ത്‌ നിറുത്തിയപ്പോളാണു എന്റെ വിരലിൽ കിടന്ന മോതിരം ഇല്ല എന്നവൾ ശ്രദ്ധിച്ചത്‌. ചേട്ടാ മോതിരം അവളുടെ കണ്ണു നിറഞ്ഞു തുളൂമ്പിയിരുന്നു. മോതിരമോക്കോ നമ്മുക്ക് വാങ്ങാം മോളെ. എന്റെ നെഞ്ചിലെക്ക്‌ ചാരി നിൽക്കുന്ന അവൾക്കറിയില്ലല്ലോ പൊന്നിനെക്കാൾ മൊഞ്ച്‌ ഓളുടെ ചിരിക്കാണെന്ന്..


Shanavas

കല്ല്യണത്തിന്റെ തിരക്കുകൾക്കിടയിലും

കല്ല്യണത്തിന്റെ തിരക്കുകൾക്കിടയിലും സുലോചനമ്മ വരുന്ന അഥിതികളെ സ്വീകരിക്കാൻ മറന്നില്ല,
മോളെ ഒരുങ്ങിയില്ലെന്നുള്ള അമ്മയുടെ ചോദ്യം കേട്ടങ്കിലും എനിക്കവരോടുള്ള ദേഷ്യം കൂടിയതെ ഉള്ളു,
എന്റെ അമ്മയുടെ മരണ ശേഷം ഞാനും എന്റെ ചേച്ചിയുമാണു ലോകം എന്ന് പറഞ്ഞ്‌ നടന്ന അച്ചനെ കൊണ്ട്‌ ബന്ദുക്കൾ നിർബന്ദിച്ച്‌ കെട്ടിച്ചതാണു സുലോചനമ്മയെ, ഞാൻ ഇവിടെ സുലോചനമ്മ എന്ന് പറഞ്ഞെങ്കിലും ഒരിക്കൽ പൊലും ഞാൻ അമ്മയെന്ന് അവരെ വിളിച്ചിരുന്നില്ല, എനിക്കെന്തോ ദേഷ്യമായിരുന്നു അവരോട്‌, എന്റെ അമ്മയുടെ സ്ഥാനത്ത്‌ ഒരിക്കൽ പോലും അവരെ ചിന്തിക്കാൻ കഴിയുമായിരുന്നില്ല, കഴിഞ്ഞ പതിമൂന്ന് വർഷങ്ങളിൽ ഒരിക്കൽ പോലും ഞാൻ ചിരിച്ചിട്ടുണ്ടാകില്ല അവരുടെ മുഖത്ത്‌ നോക്കി,
നീ എന്ത്‌ ആലോചിക്കുകയാ വണ്ടി പുറത്ത്‌ എത്തി, അമ്പലത്തിലെക്ക്‌ പോകണ്ടെ കല്ല്യാണപ്പെണ്ണെന്നുള്ള ചേച്ചിയുടെ വിളിയാണു എന്നെ ചിന്തയിൽ നിന്നുമുണർത്തിയത്‌. അമ്മയുടെ ഫോട്ടോയിക്ക്‌ മുന്നിൽ നിന്ന് കുറച്ച്‌ നേരം പ്രാർത്തിച്ചിട്ട്‌ ഇറങ്ങുമ്പോൾ ഇടങ്കണ്ണിട്ട്‌ ഞാൻ നോക്കുന്നുണ്ടായിരുന്നു സുലോചനമ്മയെ, ദൈവങ്ങളുടെ മുന്നിൽ എനിക്ക്‌ വേണ്ടിയാണോന്ന് അറിയില്ല, കൈ കുപ്പി നിന്ന് പ്രാർത്തിക്കുന്ന അവരെ കണ്ടപ്പോൾ ജീവിതത്തിൽ ആദ്യമായി അവരോട്‌ ചെറിയ ഇഷ്ടം തോന്നിയിരുന്നു.
അംബലത്തിലും എന്റെ ശ്രദ്ധ മുഴുവൻ അവരിലായിയിരുന്നു, എല്ലാവരോടും ഓടി നടന്ന് വിശേഷങ്ങൾ പറയുന്നുണ്ടെങ്കിലും ശ്രദ്ധ മുഴുവൻ എന്നിലാണെന്ന് എനിക്ക്‌ മനസ്സിലായി, മണ്ഡപത്തിൽ കയറും മുമ്പ്‌ അച്ചന്റെയും ചേച്ചിയുടെയും കാലിൽ തോട്ട്‌ അനുഗ്രഹം വാങ്ങുമ്പോഴെക്കും. സുലോചനമ്മ അവിടെ നിന്ന് മാറിയിരുന്നു, ആളുകളുടെ മുന്നിൽ ഞാൻ ചെറുതാക്കുമ്മോ എന്ന് പേടിച്ചിട്ടായിരിക്കണമെന്നെനിക്ക്‌ തോന്നി,
കല്ല്യാണവും ഭക്ഷണം കഴിപ്പും എല്ലാം കഴിഞ്ഞതിനു ശേഷം ചെക്കന്റെ വണ്ടിയിലെക്ക്‌ കയറും മുമ്പ്‌ അച്ചനെയും ചേച്ചിയെയെയും കെട്ടിപ്പിടിച്ച്‌ കരയുമ്പോഴും എന്റെ കണ്ണുകൾ സുലോചനമ്മയെ തിരയുകയായിരുന്നു,
അച്ചനോട്‌ അമ്മയെ കുറിച്ച്‌ തിരക്കിയപ്പോൾ അകത്ത്‌ കാണും മോളെ എന്ന് പറഞ്ഞത്‌ കൊണ്ടാണു രാഹു കാലം കഴിയാറായി നീ ഇറങ്ങുന്നില്ലെ എന്നുള്ള ബന്ദുക്കളുടെ സംസാരം ഗൗനിക്കാതെ അമ്മയെ തിരഞ്ഞ്‌ അകത്തെക്ക്‌ കയറിയത്‌, ഒരു മൂലയിൽ ഒറ്റക്ക്‌ നിന്ന് കരയുകയായിരുന്ന എന്റെ സുലോചനമ്മയെ കെട്ടിപ്പിടിച്ച്‌ അമ്മേന്ന് വിളിച്ചപ്പോൾ പെറ്റ വയറു മാത്രമല്ല പൊറ്റിയ കൈകളും ദൈവത്തിന്റെതാണെന്ന് ഞാൻ തിരിച്ചറിഞ്ഞത്‌......

Shanavas

ദാ വരുന്നു അമ്മയുടെ പൊന്നുമോൻ

ദാ വരുന്നു അമ്മയുടെ പൊന്നുമോൻ, വയസ്സ് ഇരുപത് കഴിഞ്ഞു , ഇപ്പോഴും കളിച്ചു നടക്കുകയാ, അതിനൊന്നും യാതൊരു കുഴപ്പവുമില്ല, ഞാൻ ഒന്നു ടിവി കണ്ടാല്ലോ, എന്തിനു മുറ്റത്തോട്ട് ഒന്നു ഇറങ്ങിയലാ ഉടനെ തുടങ്ങും പത്താം ക്ലാസ്സ് പടിത്തം എന്നൊക്കെ പറഞ്ഞു ,
പാറുവിന്റെ പരാതി ദൂരെ നിന്ന് കേട്ടു കൊണ്ടാണ് ഞാൻ വീട്ടിലേക്ക് കയറി ചെന്നത്, മു�ന് ജൻമത്തിലെ ശത്രുക്കൾ മക്കളായിട്ട് മാത്രമല്ല പെങ്ങളായിട്ടും ജനിക്കും എന്ന് എനിക്ക് മനസ്സിലായത് അവളുടെ വരവിനു ശേഷമായിരുന്നു, അവളെ ഒന്നുടെ ദേഷ്യം പിടിപ്പിക്കാൻ വേണ്ടിയാണ് പടിച്ച് കൊണ്ടിരുന്ന പുസ്തകം തട്ടി താഴെ ഇട്ടിട്ട് ഒന്നും അറിയാത്തത് പോലെ നടന്നു പോയത് , അവളുടെ കൈയില്‍ കിട്ടിയ സ്കെയിൽ കൊണ്ട് എന്നെ ലക്ഷ്യമാക്കിയുള്ള ഏറു ക്രിത്യമായി കൊണ്ടതോ ജോലി കഴിഞ്ഞു കയറി വന്ന അച്ചന്റെ തലയിലും...
എന്നെയും പാറുവിനെയും മാറി മാറി നോക്കിയിട്ട് തലയും തടകി കൊണ്ട് അച്ഛന്‍ അകത്തേക്ക് പോയ ഉടനെ , അവളുടെ അഹങ്കാരം ഇന്നത്തോട് കൂടി തീർത്ത് കൊടുക്കണമെന്ന് പറഞ്ഞു കൊണ്ട് അമ്മ ഹാളിലെക്ക് വന്നത് , അമ്മയെ കണ്ടയുടനെ അവള്‍ ഓടി വന്നു എന്റെ പുറകില്‍ ഒളിച്ചു ,
എന്നെ കാണുമ്പോള്‍ ഉള്ള ദേഷ്യമെയുള്ളു പാറുവിനു, അവളുടെ പടിത്തം കഴിഞ്ഞാല്‍ ഉടനെ എന്റെ റൂമില്‍ വരും , പിന്നെ ഞാൻ ഉറങ്ങുന്നത് വേരെ അവളുടെ സ്കൂളിലെയും, ട്യൂഷന്‍ സെന്ററിലെയും വീര കഥകള്‍ ഓരോന്നായി പറഞ്ഞു കൊണ്ടെയിരുക്കും, ഞാൻ ഉറങ്ങിന്ന് കണ്ടാല്ലെ അവള്‍ നിറുത്താറുള്ളു..
അന്ന് അച്ചന്റെ പെങ്ങൾ വീട്ടില്‍ വന്ന ദിവസമായിരുന്നു, പതിവ് പോലെ പാറു പടിത്തം കഴിഞ്ഞു എന്റെ റൂമില്‍ വന്നു , അവളുടെ കഥകള്‍ അവതരിപ്പിക്കുന്നതിനിടയിലാണ് കഥക് തുറന്നു അപ്പച്ചി എന്റെ റൂമിലെക്ക് കടന്നു വന്നത് , പാറുവിനെയും എന്നെയും ഒന്നു മാറി മാറി നോക്കിയോന്ന് ചിരിച്ചിട്ട് അവർ പുറത്തേക്ക് പോയി ,
കുറച്ചു കഴിഞ്ഞപ്പോള്‍ ഒരടിയുടെ ശബ്ദവും അച്ചന്റെ ബഹളവും കൂടി കേട്ട് കൊണ്ടാണ് ഞങ്ങള്‍ ഓടി ഹാളിലെക്ക് എത്തിയത് , എന്നെ കണ്ടയുടനെ കവിളില്‍ കൈ വെച്ച് നിൽക്കുന്ന അപ്പച്ചിയുടെ മുന്നിലെക്ക് എന്നെ നീക്കി നിറുത്തിയിട്ട് അച്ഛന്‍ പറഞ്ഞു , നീ പറഞ്ഞത് ശരിയാ, ഇവന്‍ അവളുടെ വയറ്റില്‍ അല്ല ജനിച്ചത്, വിവാഹം കഴിഞ്ഞു ആറു കൊല്ലമായിട്ടും കുട്ടികള്‍ ജനിക്കാത്തത് കൊണ്ട് തന്നെയാ ഇവനെ ഞങ്ങള്‍ ധത്തെടുത്തത്, അത് കഴിഞ്ഞു നാലു വർഷം കഴിഞ്ഞിട്ടാ ഇവൾ ജനിക്കുന്നത്, അതുകൊണ്ട് അവര്‍ അങ്ങളെയും പെങ്ങളും അല്ലാതാകുമോടി, മേലാൽ നിന്റെ നിഴല്‍ പോലും എന്റെ മക്കളുടെ മുകളില്‍ വീഴരുതെന്ന് പറഞ്ഞിട്ട് അച്ഛന്‍ അകത്തേക്ക് പോയപ്പോള്‍ എന്റെയും അമ്മയുടെയും കണ്ണുകള്‍ നിറഞ്ഞു തുളുമ്പിയിരുന്നു .
ഇത് പോലെ ബന്ധുക്കളിൽ പലരുടെയും കുത്ത് വാക്കുകള്‍ കേട്ടിട്ടുള്ള എനിക്ക് വലിയ വിഷമം തോന്നിയില്ലെങ്കിലും ആദ്യമായിട്ടറിഞ്ഞ എന്റെ പാറുവിനത് ഒരു ഷോക്ക് തന്നെയായിരുന്നു , പതിയെ പതിയെ അവള്‍ എന്നില്‍ നിന്നും അകലാൻ തുടങ്ങി , എന്റെ മുഖത്ത് നോക്കതെയായി, വിശേഷങ്ങള്‍ പറയാൻ റൂമില്‍ വരാതയായി,
ബാക്കി എന്തിനെക്കാളും എന്റെ പാറുവിന്റെ അവഗണന എനിക്ക് സഹിക്കാവുന്നതിലും അപ്പുറമായിരുന്നു, അത് കൊണ്ട് തന്നെയാണ് അച്ചന്‍ ഒരു കത്ത് എഴുതി വെച്ചിട്ട് എല്ലാവരും ഉറങ്ങിയതിനു ശേഷം എങ്ങോട്ടെങ്കിലും പോകമെന്ന് തീരുമാനിച്ചത് .
കഥക് തുറന്നു പുറത്തേക്ക് ഇറങ്ങിയ ഉടനെ തന്നെ
എന്നെ തനിച്ചാക്കിയിട്ട് പോകാന്‍ പറ്റുമോ എന്റെ ചേട്ടന്‍ , തിരിഞ്ഞു നോക്കുമ്പോള്‍ നിറ കണ്ണുകളോടെ എന്റെ പാറു വാതിലില്‍ നിൽക്കുന്നു,
മോളെ അത് ചേട്ടായി , എന്റെ വാക്കുകള്‍ പൂർത്തികരിക്കും മുമ്പേ കരഞ്ഞു കൊണ്ട് വീണ്ടും അവള്‍ ചോദിച്ചു , എന്നെ വിട്ടിട്ട് പോകാന്‍ കഴിയുമ്മോ എന്റെ ചേട്ടായിക്ക്
അത് മോളു മീണ്ടാതെയായപ്പോൾ ചേട്ടായി വീണ്ടും അനാധനയത് പോലെ തോന്നി മോളെ
ഉയര്‍ന്ന ഒരു എങ്ങലടി ശബ്ദ്ധത്തോടെ സോറി ചേട്ടായി എന്ന് പറഞ്ഞു എന്റെ പാറു കെട്ടി പിടിച്ചപ്പോൾ അറിയുന്നുണ്ടായിരുന്നു ഞാൻ ഒരു കൂടപിറപ്പാകൻ ഒരെ വയറ്റില്‍ ജനിക്കണമെന്നില്ല എന്നുള്ളത് .
Shanavas

നാജിയ ,

നാജിയ ,
ഓഫിസിൽ ഇരിക്കുമ്പോളാണു ആദ്യം ഓളുടെ റിക്ക്വസ്റ്റ്‌ ഫേസ്ബുക്കിൽ വരുന്നത്‌, മ്യുച്ചൽ ഫ്രണ്ട്സ്‌ ആരുമില്ലാത്തത്‌ കൊണ്ട്‌ വേണോ എന്നാദ്യം ചിന്തിച്ചെങ്കിലും സ്വന്തം നാട്ടുകാരി എന്ന് കണ്ടപ്പോൾ അക്‌സപ്റ്റ്‌ ചെയുതു, ഉടൻ തന്നെ ഒരു നന്ദിയുമായി ഇൻബോക്സിൽ അവൾ വന്നെങ്കിലും ചിരിക്കുന്ന ഒരു സ്മെയിലി റിപ്ലൈ നൽകിയിട്ട്‌ നെറ്റ്‌ ഓഫ്‌ ചെയ്തു..
ജോലിയിൽ കിട്ടിയ സ്ഥാനകയറ്റം എന്റെ ഉത്തരവാദിത്തം കൂട്ടി, പ്രോജകറ്റുകളും മറ്റുമായി രാത്രിയിൽ ഉറങ്ങാൻ തന്നെ നേരം കിട്ടാതെയായി, എന്റെ ബീവിയോടും മോളോടും പോലും നേരെ ചോവ്വെ സംസാരിക്കാൻ സമയം ഇല്ല.
അന്നും പതിവ്‌ പോലെ ആഹാരത്തിനു ശേഷം പ്രോജക്റ്റ്‌ വർക്കിന്റെ അവസാൻ വെട്ട പണികളുമായിട്ടാണു ഞാൻ ഓഫിസ്‌ റൂമിലെക്ക്‌ എത്തിയത്‌, ഒരു ഗ്ലാസ്‌ കട്ടൻ ചായയുമായി ബീവി കുറച്ച്‌ നേരം കൂടെയിരുന്നെങ്കിലും ഓളുടെ കണ്ണു തൂങ്ങി വരുന്നത്‌ കണ്ട്‌ ഞാൻ തന്നെയാണു അവളെ പറഞ്ഞു ഉറങ്ങാൻ വിട്ടത്‌..
ജോലിയുടെ വിരസതയിൽ നിന്നും ഒന്ന് മാറാൻ വേണ്ടി ഫോൺ എടുത്ത്‌ നെറ്റ്‌ ഓൺ ചെയ്തപ്പോഴാണു ഞാൻ കൊടുത്ത ഒരു സമെയിലിക്ക്‌ പകരം മൂന്ന് സമെയിലി അവൾ അയച്ചെക്കുന്നത്‌ കണ്ടത്‌.
ഞാൻ ഓൺലൈനിൽ വന്നത്‌ കണ്ടപ്പോഴെ ഓളുടെ മെസ്സെജ്‌ വന്നു,
ഹല്ലോ ഇക്കാ, സുഖമല്ലെ
അതെല്ലോ
എനിക്ക്‌ ഇക്കായെ അറിയില്ലായിരുന്നു, കൂടെ പടിച്ച സുറുമി പറഞ്ഞതാണു ഇക്കായുടെ ഫേസ്ബുക്കിലെ കഥകളെ പറ്റിയോക്കെ, ഞാൻ പ്രോഫൈലിൽ നോക്കിപ്പൊഴോ എന്റെ നാട്ടുകാരൻ, എഴുത്ത്‌ എല്ലാം സൂപ്പറാണു കേട്ടോ
ഹഹ ഒരുപാട്‌ സന്തോഷം നാജു
അല്ലിക്ക ഈ ജോലി തിരക്കിനിടയിൽ എവിടുന്ന ഇതിനോക്കെ നേരം..
ഹഹ അതോക്കെ നടക്കും
പിന്നെ ഇക്കായുടെ ഫാര്യ എങ്ങനെയാ
എന്ത്‌ എങ്ങനെയാണെന്ന്
അല്ലിക്ക എഴുത്തും വായനയുമോക്കെ ഉള്ള ആളാണോ
ഓ അവളോരു മന്ദബുദ്ധിയാ
അതെന്ത ഇക്ക അങ്ങനെ
പറയാനാണെങ്കിൽ ഒരുപാടുണ്ട്‌ കുഞ്ഞെ..
എങ്കിൽ ഡിവോർസ്സ്‌ ചെയ്തിട്ട്‌ എന്നെ പൊലെയുള്ള ന്യു ജെനറെഷനിൽ പെട്ട ഒന്നിനെ നോക്കു, അല്ലെങ്കിൽ എന്തിനാ, ഞാൻ റെഡിയാ
അതോക്കെ നമ്മുക്ക്‌ ആലോചിക്കാം, നീ ഇപ്പോൾ കുഞ്ഞിനെ ഉറക്കാൻ നോക്ക്‌
ങേ എന്തോന്നാ
കുന്തം, സജ്ന എന്റെ പെണ്ണുമ്പിള്ളെ നീ മോളെ ഉറക്കാൻ നോക്കാൻ
ഇക്കാ... ഞാനാണെന്ന് എങ്ങനെ മനസ്സിലായി
ഹഹ അതോക്കെ ഒരു ട്രിക്ക്‌ അല്ലേ മോളെ,
അത്‌ ഞാൻ പറഞ്ഞ്‌ തരാം , അതിനു മുമ്പ്‌ എന്തിനായിരുന്നു ഇങ്ങനെയോരു നാടകം എന്ന് നീ പറ
ഇക്കാ.... കുറച്ച്‌ ദിവസമായി ഇക്കാ ഞങ്ങളോട്‌ നല്ലത്‌ പൊലെ ഒന്ന് മിണ്ടിയിട്ട്‌, ഇത്‌ വേരെ ഇക്ക മറക്കാത്ത എന്റെ പിറന്നാൾ, നമ്മുടെ വിവാഹ വാർഷികം എല്ലാം കഴിഞ്ഞ്‌ പൊയിട്ടും ഇക്ക ഒന്ന് സന്തോഷത്തോടെ എന്നെ കെട്ടിപ്പിടിച്ചത്‌ പോലും ഇല്ലാ..
അവളുടെ സംസാരം മാറുന്നത്‌ കണ്ടിട്ടാണു ഞാൻ മോൾ ഉറങ്ങിയോന്ന് ചോദിച്ചത്‌,
മ്മ് ഉറങ്ങി
എങ്കിൽ ഇങ്ങ്‌ പോരെ
വാതിലിൽ വന്ന് നിന്ന് ചെറുതായി ഒന്ന് ചുമച്ച്‌ കാണിച്ചു, ഓളു വന്നിട്ടുണ്ടെന്ന്
ചമ്മണ്ട, കയറിപ്പോരു
അയ്യടാ അല്ലെങ്കിൽ ഞാൻ എന്തിനാ ചമ്മുന്നെ എന്ന് പറഞ്ഞ്‌ ഓടി വന്ന് എന്റെ നെഞ്ചിലെക്ക്‌ വീണപ്പോൾ ഞാൻ പറഞ്ഞു
സോറി ടാ ഇക്കായുടെ ജോലി തിരക്ക്‌ കാരണം പറ്റി പോയതാ...
മ്മ്
അത്‌ പൊട്ടെ ഇങ്ങനെ ചെയ്യാൻ നിന്നോടാര പറഞ്ഞെ
അത്‌ അപ്പുറത്തെ നൗഫി, ഓളു പറഞ്ഞു , പുതിയ വല്ല ബന്ദം കിട്ടിക്കാണു അതാകും നിങ്ങളെ മറന്നതെന്ന്, അങ്ങനെ ആരെങ്കിലും ഉണ്ടോന്ന് അറിയാൻ ഇങ്ങനെ ചെയ്താൽ മതിന്നു... സോറി ഇക്ക.. ഇങ്ങളെ വല്ല പെണ്ണുങ്ങൾ തട്ടി കൊണ്ട്‌ പോയാൽ പിന്നെ എനിക്ക്‌ ആരാ
ചെറുതായി ഒന്ന് ചിരിച്ചിട്ട്‌ അവളുടെ മുടിയിൽ തലോടുമ്പോൾ ഓളു പിന്നെയും ചോദിച്ചു ഇക്ക പറ ഇങ്ങൾക്ക്‌ എങ്ങനെയാ അത്‌ മനസ്സിലായെ ഞാനാണെന്ന്
ഹഹ എടി പൊട്ടി പാറു ഫാര്യ അല്ല ഭാര്യ ആണെന്ന് ഒരു നൂറു പ്രവശ്യം പറഞ്ഞ്‌ തന്നിട്ടുണ്ടെങ്കിലും ഇപ്പോഴും നിന്റെ എഴുത്തിലും സംസാരത്തിലും അങ്ങനെ വരൂ....
പൊട്ടി പാറു ഇങ്ങടെ പൊണ്ടാട്ടിന്ന് പറഞ്ഞ്‌ നീട്ടി വളർത്തിയ നഖം വെച്ച്‌ കിട്ടിയ നുള്ളിൽ കണ്ണോന്ന് അടച്ച്‌ തുറന്നപ്പൊഴെക്കും കഥകടച്ച്‌ ഓളു സ്ഥലം വിട്ടിരുന്നു....

Shanavas

അഭി നീ എവിടാ

അഭി നീ എവിടാ
ഞാൻ സ്റ്റാൻഡിലുണ്ട്‌ അമ്മാവാ
"മോനെ നീ വേഗം ഓട്ടോയെടുത്ത്‌ വീട്‌ വരെ വാ..." എന്ന പറച്ചിലിൽ അമ്മാവന്റെ സ്വരം ഇടറുന്നത്‌ കേട്ടിട്ടാണു വണ്ടിയുമായി വേഗം അവിടെ എത്തിയത്‌...
ചെന്നപ്പോൾ തന്നെ ഒരുങ്ങി നിന്നിരുന്ന അമ്മായിയും, മാമനും ഓട്ടോയിൽ കയറി, മോനെ മാളുവിന്റെ വീട്ടിലേക്കാ .. എന്ന് പറഞ്ഞപ്പോൾ മനസ്സ്‌ ഒന്ന് പിടഞ്ഞെങ്കിലും, അത്‌ പുറത്ത്‌ കാണിക്കാതെ ഞാൻ ചോദിച്ചു.
കല്ല്യാണം കഴിഞ്ഞു അവർ അങ്ങ് പോയതല്ലെ ഉള്ളു, നിങ്ങൾക്ക്‌ ഒരു രാത്രി പോലും കാണാതിരിക്കാൻ വയ്യാതായോ അവളെ?? എന്ന ചോദ്യത്തിനു അമ്മായി മറുപടി തന്നില്ലെങ്കിലും മോനെ അത്‌ അവിടെ വരെ അത്യവശ്യമായി ചെല്ലാൻ ചെറുക്കൻ ഫോൺ ചെയ്തൂന്ന് പറഞ്ഞത്‌ മാമാനായിരുന്നു..
വണ്ടി മുന്നോട്ട്‌ പോകുന്നതിനിടക്ക്‌ ഗ്ലാസ്സിലുടെ എന്റയും അമ്മായിയുടെയും കണ്ണുകൾ തമ്മിൽ ഉടക്കി.
"അവൾക്കു ഒരു നല്ല ആലോചന വന്നിട്ടുണ്ട്‌, ഇവിടുത്തെ അച്ചനും താല്പര്യമാ .. മോനായിട്ട്‌ അത്‌ .." എന്ന് അമ്മായി പറഞ്ഞ്‌ നിർത്തും മുമ്പേ വീട്‌ വിട്ടിറിങ്ങിയിരുന്നു ഞാൻ, മാളു ജനിച്ചത്‌ മുതൽ കേൾക്കുന്നതാ ഓളു എന്റെയാണെന്നു.. വളരും തോറും വീട്ടുകാർ അത്‌ പലകുറി പറഞ്ഞ്‌ മനസ്സിൽ ഉറപ്പിച്ചിരുന്നു അഭിയുടെയാണു മാളുവെന്ന്...
ഓട്ടോ ഡ്രൈവറാണു മോളുടെ ഭർത്താവെന്ന് പറയാൻ ചിലപ്പോൾ അമ്മായിക്ക്‌ കുറച്ചിലാകും, എന്ന് തോന്നിയത്‌ കൊണ്ട്‌ മാളുവിൽ നിന്ന് ഒരകലം പാലിച്ചു. വഞ്ചകനെന്ന് വിളിച്ച്‌ നെഞ്ച്‌ പൊട്ടി മുന്നിൽ നിന്ന് കരഞ്ഞപ്പോഴും നിസ്സഹായനായി ഒരു പൊട്ടനായി അവളുടെ മുന്നിൽ അഭിനയിക്കെണ്ടി വന്നത്‌ അവളുടെ അമ്മ പറഞ്ഞിട്ട്‌ മാത്രം ആണെന്ന് അവളോട്‌ പറയാൻ തോന്നിയില്ല...
മറ്റൊരുത്തന്റെ കയ്യിൽ അവളെ ഏൽപ്പിക്കുന്നത്‌ കാണാൻ കഴിയാത്തത്‌ കൊണ്ടാണു ഇന്ന് നേരുത്തെ സ്റ്റാൻഡിലെക്ക്‌ പോയത്‌..
ഞങ്ങൾ ആ വീട്ടിലെക്ക്‌ എത്തിയതും മാളു ഓടി വന്ന് അമ്മായിയെ കെട്ടിപ്പിടിച്ച്‌ കരഞ്ഞതും ഒരുമിച്ചായിരുന്നു, ഞങ്ങളെ കണ്ടിട്ടാകണം ചെറുക്കനും അമ്മയും കയ്യിൽ കുറച്ച്‌ സ്വർണ്ണവുമായി ഇറങ്ങി വന്നത്‌. വലിയ തറാവാട്ടുകാരാണെന്നത്‌ പേരിൽ മാത്രം പോരാ വാക്കിലും വേണം എന്നവർ പറഞ്ഞിട്ട്‌ സ്വർണ്ണം അമ്മാവന്റെ മുന്നിലെക്ക്‌ വെച്ചു. "ഏഴ്‌ പവൻ കുറവാണു, അതുടെ വെച്ചിട്ട്‌ മോളുടെ ജീവിതം തുടങ്ങിയാൽ മതി ഈ വീട്ടിൽ.." എന്ന് പറഞ്ഞപ്പോഴും മിണ്ടാതെ പുതിയ ചെറുക്കൻ അമ്മയുടെ പുറകിൽ നിൽപ്പുണ്ടായിരുന്നു...
നേരം വെളുത്തിട്ട്‌ നമ്മുക്ക്‌ എന്തെങ്കിലും ചെയ്യാമെന്ന അമ്മാവന്റെ അപേക്ഷക്ക്‌ കള്ള കൂട്ടരെന്ന് മറുപടി നൽകി അവർ അകത്ത്‌ കയറി കതകടച്ചപ്പോഴെക്കും , ഇവളുടെ കണ്ണുനീർ കാണാൻ വേണ്ടിയായിരുന്നോ എന്നിൽ നിന്ന് പറിച്ച്‌ അവർക്ക്‌ കൊടുത്തെന്ന് അമ്മായിയോടുള്ള എന്റെ ചോദ്യം സത്യത്തിൽ ഞെട്ടിച്ചത്‌ മാളുവിനെയായിരുന്നു..
അവളെയും കൂട്ടി തിരികയുള്ള യാത്രയിലും അമ്മാവൻ ആരോക്കെയോ വിളിച്ച്‌ ഏഴു പവൻ ഒപ്പിക്കാനുള്ള തന്ത്രപ്പാടിലായിരുന്നു, കരഞ്ഞ്‌ വീർത്ത അവളുടെ കണ്ണുകളിൽ എന്നോടുള്ള കനൽ എരിയുന്നത്‌ കണ്ണാടിയിലുടെ എനിക്ക്‌ കാണാമായിരുന്നു. വീടെത്തി അമ്മാവനും അമ്മായിയും ഇറങ്ങി അവളെ പുറത്തെക്ക്‌ വിളിച്ചപ്പോൾ , അഭിയേട്ടാ എന്നെ കൊണ്ട്‌ പൊയ്ക്കൂടേ ? എന്നയവളുടെ ചോദ്യം കേട്ട അന്തം വിട്ട്‌ നിന്ന അമ്മായിയുടെ കൈകളിലെക്ക്‌ അവളുടെ സ്വർണ്ണം ഊരി നൽകിയിട്ട്‌, അവളുടെ കയ്യും പിടിച്ച്‌ ഓട്ടോയിലെക്ക്‌ കയറിയപ്പോഴെക്കും , കിക്കറടിച്ച തഴമ്പിച്ച എന്റെ കൈകൾ മാമന്റെ കൈകളിൽ പിടിച്ച്‌ ഞാൻ വാക്ക്‌ നൽകിയിരുന്നു ഇനി എന്റെ മാളുവിന്റെ കണ്ണു നിറയില്ലെന്ന്...
Shanavas Jalal

ചങ്കുറപ്പുള്ള ഒരാൺകുട്ടിയാണു ഞാനെന്ന്

നീ എന്തിനാ കല്ല്യണം എന്ന് പറയുമ്പോഴെ നിന്ന് വിറക്കുന്നത് ??? നിന്റെ പ്രായത്തിലുള്ള ആൺകുട്ടികൾക്ക് രണ്ടും മൂന്നും കുട്ടികളായി... എന്ന അമ്മയുടെ ചോദ്യത്തിനു മറുപടിയായി എനിക്ക് പെണ്ണിനോടല്ല, ആണിനെയാണു ഇഷ്ടമെന്ന് എങ്ങനെയാ പറയുക എന്ന് ചിന്തിച്ചിരിക്കുമ്പോഴാണു... സാമ്പത്തികം ഒന്നും വേണ്ടെങ്കിൽ ഒരു കുട്ടിയുണ്ടെന്ന് പറഞ്ഞു ബ്രോക്കർ കയറി വന്നത്..
സാമ്പത്തികമായി വളരെ താഴ്ന്ന കുടുംബം ആയത് കൊണ്ടാകണം അവർ ഒന്നും ആലോചിക്കാതെ തന്നെ ഇതുറപ്പിച്ചത്. വിവാഹത്തിനു മുമ്പ് ഇതെല്ലാം അവളോട് പറയാമെന്ന് കരുതി അവളെ വിളിച്ചപ്പോഴോ .. സ്ത്രിധനത്തിന്റെ പേരിൽ ഒഴിവായി പോയ ആലോചനകളുടെ എണ്ണം പറഞ്ഞു, പട്ടിണിയാണെങ്കിലും ഏട്ടൻ എനിക്ക് ദൈവ തുല്ല്യനാണെന്ന് പറഞ്ഞപ്പോൾ, വിവാഹത്തെ കുറിച്ചും, നല്ലൊരു ജീവിതത്തെ കുറിച്ചും ഒരുപാട് സ്വപ്നം കണ്ടവളെ വിഷമിപ്പിക്കാൻ തോന്നിയില്ല..
ആദ്യരാത്രിയിൽ ക്ഷീണമെന്ന് പറഞ്ഞു ഒഴിഞ്ഞു മാറിയെങ്കിലും, പിറ്റേന്ന് നഷ്ടമായ ഒരു പ്രണയകഥയിലെ നായകനാണെന്നും അവളെ മറക്കാൻ കുറച്ച് സമയം ആവശ്യമാണെന്നുമുള്ള എന്റെ വാക്കുകൾക്ക് ഒരു ചിരിയോടെ അവൾ സമ്മതം മൂളിയപ്പോഴും എന്റെ നെഞ്ചിലെ കനലുകൾ അണഞ്ഞിരുന്നില്ല..
സ്വന്തം വീട്ടിൽ അരപ്പട്ടിണി ആയിരുന്ന അവൾക്ക് എന്റെ വീട് സ്വർഗ്ഗ തുല്ല്യമായിരുന്നു, ആദ്യമൊക്കെ മടിയായിരുന്നെങ്കിലും പിന്നീട് അവളോടോപ്പം പുറത്ത് പോകാൻ ഞാൻ സമയം കണ്ടെത്തിയിരുന്നു.. വില കൂടിയ ഡ്രസ്സുകളും, ആഭരണങ്ങളും ആദ്യമായി കണ്ടത് എന്റെ കൂടെ വന്നതിനു ശേഷമാണെന്ന് അവൾ പറഞ്ഞപ്പോൾ അവളോടോപ്പം എന്റെ മനസ്സും സന്തോഷിച്ചു.

ഏഴാം തരം മുതലുള്ള ഹോസ്റ്റൽ ജീവിതമാണു എന്നെ ഇങ്ങനെ ആക്കി തീർത്തതെന്ന് പറയാൻ പലപ്പോഴും തുനിഞ്ഞെങ്കിലും പ്രതീക്ഷയോടെ ഓരോ ദിനവും മുന്നോട്ടു പോകുന്ന അവളുടെ മുഖത്തെ ചിരി മായുമോ എന്ന് ഭയന്ന് അത് മറച്ച് വെച്ചു. കൗൺസിലിംഗിലുടെ ഒരു പരിഹാരം കാണാമെന്നു കരുതിയ ഞാൻ ഡോക്റ്ററുടെ റുമിൽ നിന്നും ഇറങ്ങുന്നത് കണ്ട ആരോ അവളുടെ ആങ്ങളയോട് കാര്യങ്ങൾ പറഞ്ഞുവെന്നു എനിക്ക് മനസ്സിലായത് അവനും അച്ഛനും പിറ്റേന്ന് വീട്ടിൽ വന്നപ്പോഴായിരുന്നു..
കൈപിടിച്ച് വലിച്ചിറക്കിയ അച്ഛനും ആങ്ങളക്കുമൊപ്പം പടിയിറങ്ങുമ്പോൾ സത്യം അവൾ അറിഞ്ഞിട്ടില്ലെന്നു മനസ്സിലായത് "അരുണേട്ടാ...എന്ന വിളിയോടെ പടിയിറങ്ങുന്നത്‌ കണ്ടപ്പോഴാണു..കൗൺസലിംഗിങ്ങിലൂടെ മനസ്സും ശരീരവും പൂർണമായി നിയന്ത്രിക്കാൻ കഴിഞ്ഞപ്പോൾ ഒരു പുഞ്ചിരിയോടെ ഡോക്ട്ടറും പറഞ്ഞു അവളെ ജീവിതത്തിലേക്ക് തിരികെ വിളിക്കാമെന്ന്.
അവളെ വിളിക്കാൻ പോകാനായി വീട്ടിലേക്കു പാഞ്ഞുവന്നപ്പോഴാണ് നിറഞ്ഞ കണ്ണുകളോടെ അമ്മ ഡിവോഴ്സ് നോട്ടീസ് കയ്യിലേക്ക് തന്നത്.
നാലു മാസങ്ങൾക്ക് ശേഷം കോടതിക്ക് പുറത്ത് ഒത്ത് തീർപ്പിനുള്ള വക്കീലിന്റെ ശ്രമമായിട്ടാണു അവളെ ഒന്ന് കാണാൻ കഴിഞ്ഞത്, എന്താ അരുണേട്ടാ കാര്യം? ഞാൻ എന്ത് തെറ്റാ ചെയ്തെന്നുള്ള അവളുടെ കരച്ചിലിൽ അവളോട് അവർ ഇതുവരെ ഒന്നും പറഞ്ഞിട്ടില്ലെന്ന് മനസ്സിലായി, വിഷമിച്ചിരുന്ന എന്റെ അമ്മയോട് “ മീശയും താടിയും വന്നാൽ ആൺകുട്ടികളാകില്ല. പിന്നെ മോന് ഇനി പെണ്ണിനെയല്ല അന്വേഷിക്കണ്ടത് നല്ല ആൺപിള്ളേരെയാണെന്നുള്ള അവളുടെ അച്ഛന്റെ വാക്ക് അവളെ ഞെട്ടിച്ചു കളഞ്ഞു.
നിറകണ്ണുകളോടെ തല കുനിച്ചിരുന്ന എന്റെ തോളിൽ കൈ വെച്ചിട്ട് അവൾ അച്ഛനോട് പറഞ്ഞു, " ആരു പറഞ്ഞു എന്റെ അരുണേട്ടൻ ആൺകുട്ടിയല്ലെന്ന്?? ഒരു പെണ്ണിനു വേണ്ടത് സംരക്ഷണവും സമാധനവുമാ.. ശാരീരിക ബന്ധത്തിനേക്കാൾ വലുതാണച്ഛാ മാനസികമായ അടുപ്പം , കൂടെ താമസിച്ച നാളുകളിൽ എന്റെ അച്ഛൻ സ്നേഹിച്ചതിനെക്കാൾ എന്നെ നോക്കിയിട്ടുണ്ട് എന്റെ അരുണെട്ടൻ..."
എന്നോട് ഒന്ന് പറഞ്ഞൂടാരുന്നോ അരുണേട്ടാ?? എന്ന ചോദ്യത്തിന് നിന്റെ മുഖത്തെ ചിരി മായുമോ എന്ന ഭയമായിരുന്നു മോളെ … ന്നു പറഞ്ഞപ്പോൾ ഏട്ടാ എന്നൊരു തേങ്ങലോടെ അവൾ എന്റെ നെഞ്ചിലെക്ക് അമർന്നിരുന്നു.
വർഷം ഒന്ന് കഴിഞ്ഞപ്പോൾ നഴ്സ് കയ്യിലേക്ക് തന്ന ചക്കരക്കുട്ടനെ അവളുടെ അച്ഛന്റെ നേർക്ക്‌ ഞാൻ നീട്ടിയപ്പോൾ ആ നിറഞ്ഞു തുടങ്ങിയ ആ കണ്ണുകൾ സമ്മതിക്കുന്നണ്ടായിരുന്നു ചങ്കുറപ്പുള്ള ഒരാൺകുട്ടിയാണു ഞാനെന്ന്..... ...

Shanavas

ഹല്ലോ സർ

ഹല്ലോ സർ
എന്താടി
ഇന്ന് ഒരു സ്പെഷ്യൽ കല്ല്യണവിളി വന്നിട്ടുണ്ടെന്ന് പറഞ്ഞവൾ കല്ല്യാണക്കുറി പൊക്കിപ്പിടിച്ചു. പിടിച്ചു വാങ്ങി തുറന്നപ്പോൾ ആയിഷ എന്നാ പേരു കണ്ടപ്പോഴെ ഓളുടെ മുഖത്തെക്ക്‌ ഞാൻ ഒന്ന് പാളി നോക്കി...
"ആ കള്ള നോട്ടം ഇങ്ങോട്‌ നോക്കിയാലുണ്ടല്ലോ ആ കണ്ണു ഞാൻ കുത്തിപ്പൊട്ടിക്കും" എന്നവൾ പറഞ്ഞപ്പോൾ തന്നെ , പുറത്തെക്ക്‌ വന്ന കണ്ണുകൾ അകത്താക്കി ലെറ്ററിലെ ബാക്കി ഭാഗം നോക്കുന്നത്‌ പോലെ നിന്നു...
"എന്തോന്നാ ഇത്രക്ക്‌ നോക്കാൻ, മൂന്ന് കൊല്ലം നിങ്ങളെ പ്രണയിച്ച്‌ അവസാനം നിങ്ങളെ തേച്ചിട്ട്‌ പോയ ആ ആയിഷ തന്നെയാ അത്" എന്ന അവളുടെ വാക്ക്‌ കേട്ട് റൂമിലേക്കു കയറി.
ഇക്ക നമ്മുക്ക്‌ ഈ കല്ല്യണത്തിനു പോകണം എന്ന അവളുടെ വാക്കിനെ ആദ്യം എതിർത്തെങ്കിലും , ആയിഷനെ ഒന്ന് കാണണമെന്നുള്ള അവളുടെ നിർബന്ധം കൂടിയപ്പോഴാണു പോകമെന്ന് സമ്മതിച്ചത്‌...
മൂന്ന് വർഷത്തെ പ്രണയം, ജീവനുള്ള കാലം വെരെ കൂടെ കാണുമെന്ന് പറഞ്ഞവൾ എംബിബിസിനു അഡ്മിഷൻ കിട്ടിയപ്പോൾ പ്രവസിയോട്‌ എപ്പോഴോ തോന്നിയ ഒരു യോഗ്യത കുറവ്‌, എന്റെ വാപ്പിക്ക്‌ ഇഷ്ടമില്ലാത്തതോന്നും ഞാൻ ചെയ്യില്ലെന്ന് പറഞ്ഞ്‌ പിരിയുമ്പോഴും അവളെ ശപിച്ചിരുന്നില്ല, അല്ല അതിനു കഴിയുമായിരുന്നില്ല..
വീടും നാടും അറിഞ്ഞ ആ പ്രണയത്തിലെ രക്തസാക്ഷി ഞാൻ ആയത്‌ കൊണ്ടാണു ലീവിനു നാട്ടിൽ വന്നയുടനെ വീട്ടുകാരുടെ നിർബന്ധത്തിൽ എന്റെ കല്ല്യണം നടന്നത്‌. ഭാര്യയുടെ ഇഷ്ടങ്ങളോ, സന്തോഷങ്ങളോ മനസ്സിലാക്കാൻ എനിക്ക്‌ താൽപ്പര്യമില്ലാതിരുന്നത്‌ മനസ്സിലെ ആയിഷക്ക് അവൾ പകരക്കാരിയാവില്ലെന്നു ഉറപ്പുള്ളതുകൊണ്ടായിരുന്നു.
ആയിഷയുടെ കല്ല്യണത്തിനായി ഒരുങ്ങിയിറങ്ങിയ അവൾ അന്ന് കൂടുതൽ സുന്ദരിയായിരുന്നു, അത്‌ ഞാൻ ശ്രദ്ദിച്ചുന്ന് മനസ്സിലായത്‌ കൊണ്ടാകണം "ഷാനുന്റെ സെലക്ഷ്‌ൻ ബെസ്റ്റ്‌ ആണെന്ന് അവർ മനസ്സിലാക്കട്ടെ എന്ന് പറഞ്ഞു അവൾ കണ്ണിറുക്കിയത്. വണ്ടി ആഡിറ്റോറിയത്തിന്റെ ഗേറ്റ്‌ കടന്നപ്പോൾ എന്റെ ഹൃദയമിടുപ്പ്‌ കൂടിയിരുന്നു..
മണവാട്ടി മൊഞ്ചിൽ ആയിഷ സുന്ദരിയായിരുന്നെങ്കിലും, ഒപ്പനയുടെ പുറകിൽ മാരനരികിലെക്ക്‌ നീങ്ങുന്ന ആയിഷയുടെ ദൃശ്യം എന്റെ മുഖഭാവം മാറ്റിയത് കണ്ടിട്ടാവും അവൾ എന്റെ കൈയ്യിൽ മുറുകെ പിടിച്ചു. , കണ്ണുകൾ തുടച്ച്‌ അവളുടെ മുഖത്തെക്ക്‌ നോക്കിയപ്പോഴെക്കും പകുതി നിറഞ്ഞിരുന്നു ആ കണ്ണുകളും...
താലി കെട്ടിനു ശേഷം ഫ്രീയായി നിൽക്കുന്ന അവരുടെ അടുത്തേക്ക് അവളുടെ കയ്യും പിടിച്ച്‌ കയറി ചെല്ലുമ്പോൾ അൽഭുതത്തോടെ നോക്കുന്നുണ്ടായിരുന്നു പുതിയ പെണ്ണ്. അവളുടെ മുന്നിലെക്ക്‌ എന്റെ പെണ്ണിനെ നിർത്തിയിട്ട്‌ "ഇത്‌ ഡോക്‌ടർ നൈഷാനാ. എന്റെ ഭാര്യയാണെന്ന് പരിചയപ്പെടുത്തിയപ്പോൾ എന്റെ കൈകളിൽ അമർത്തിപ്പിടിച്ചു എന്നോട്‌ ചേർന്ന് നിന്ന് പ്രവാസി അവൾക്ക് ഒരു അപമാനമല്ലന്നവൾ തെളിയിച്ചു..
ഇറങ്ങും മുമ്പ്‌ "സ്നേഹിക്കാൻ മാത്രം അറിയാവുന്ന ഇക്കാനെ എനിക്ക്‌ തന്നതിനു മരണം വരെ ഞാൻ കടപ്പെട്ടിരിക്കും എന്നവൾ പുതിയപ്പെണ്ണിന്റെ ചെവിയിൽ പറഞ്ഞപ്പോൾ ലോകം കീഴടക്കിയ സന്തോഷമായിരുന്നു മനസ്സിനുള്ളിൽ....
ഇതുവരെ ഒരുമിച്ച് പുറത്തെവിടെയും കറങ്ങാൻ പോകാത്തത്‌ കൊണ്ട്‌ പതിയെ അവളോട് ചോദിച്ചു. നമുക്ക് ഒന്ന് കറങ്ങീട് തിരിച്ചു പോകാം. മോൾക്ക് എങ്ങോട്ടാണ് പോകേണ്ടത്?
ആ ചോദ്യത്തിനു എന്റെ കൽബിലെക്ക്‌ വിരൽ ചൂടിയ അവളെ ചേർത്ത്‌ പിടിച്ച്‌ ഒരു മുത്തം നെറ്റിയിൽ നൽകി ഞാൻ മെല്ലെ പറഞ്ഞു. "ഇപ്പൊ അവിടെ നീ മാത്രമേ ഉള്ളൂ പെണ്ണേ.

Shanavas

എന്റെ കറുമ്പി പെണ്ണു .

എന്റെ കറുമ്പി പെണ്ണു .
മോനെ എന്തായടാ . ഇഷ്ടമായോ ആ കൊച്ചിനെ. വീടിന്റെ പടി കടന്ന് ഉടനെ തുടങ്ങി ഉമ്മിച്ചാടെ ചോദ്യം. ഇതും കൂടി ചേർത്ത്‌ ഒൻപതാമത്തെ പെണ്ണു കാണാല കഴിഞ്ഞത്‌. ഇനീ ലീവാകട്ടെ ഒരു മാസത്തിനകത്തും. ഒന്നും മിണ്ടാതെ അവൻ റൂമിലേക്ക്‌ കയറി.
അതെ ഉമ്മിച്ച കൊച്ചിനെ അവനു ഇഷ്ടമായില്ല. കുട്ടി നല്ല കറുപ്പാ. ഉമ്മായുടെ ചോദ്യങ്ങൾക്ക്‌ മറുപടി പറഞ്ഞത്‌ കൂടെ പോയ ചങ്ങായിയാണു.
അന്ന് രാത്രിയിലെ അത്താഴത്തിനു ആഹാരം വിളമ്പിയതിനു ശേഷം ഉമ്മിച്ച പറഞ്ഞു മോനെ നല്ല ആളുകളാ അവർ. ഉമ്മാക്ക്‌ നേരുത്തെ അറിയാം. നല്ല തറവാട്ടുകാരാ. പിന്നെ കൊച്ചിനു കുറച്ച്‌ നിറം കുറവാണന്നെല്ലെ ഉള്ളു. അതോക്കെ ഓൾ ഇവിടെ വരുമ്പോൾ ശരിയായിക്കോള്ളും. അത്‌ ഉമ്മിച്ച എന്തോ പറയാൻ തുടങ്ങിയ അവന്റെ വാക്കുകളെ തടസ്സപ്പെടുത്തിക്കൊണ്ട്‌ ഉമ്മിച്ച പറഞ്ഞു ലീവ്‌ കഴിയാറായി മോനെ നീയങ്ങ്‌ പൊയി കഴിഞ്ഞാൽ ഉമ്മിച്ചാക്ക്‌ ഇവിടെ കൂട്ടിനാരാ ഉള്ളെ. വയ്യാണ്ടായി വരുന്നുണ്ട്‌ ഉമ്മിച്ചാക്ക്‌.
ഉം എല്ലാം ഉമ്മിച്ചാടെ ഇഷ്ടം പോലെ നടക്കട്ടെ എന്നും പറഞ്ഞു അവൻ എഴുന്നെറ്റു ആഹാരത്തിന്റെ മുന്നിൽ നിന്നും റൂമിലെക്ക്‌ നടന്നു
പിന്നെ എല്ലാം വളെരെ പെട്ടന്നായിരുന്ന്ഉ ലീവ്‌ കുറവുള്ള ചെക്കനല്ലെ. അന്നാണു ആ കല്ല്യണ ദിവസം. ആളുകൾ അവിടെയും ഇവിടെയും നിന്ന് നല്ല ചെറുക്കനാണല്ലെ , ഇവനു ഈ കൊച്ചിനെയെ കിട്ടിയുള്ളോ എന്നിങ്ങനെയുള്ള കമന്റുകൾ അവന്റെ ചെവിയിൽ തറച്ചു. അതിനു ശേഷം വീഡയോ ഗ്രാഫറിന്റെ വക ലൈറ്റ്‌ ആ കുട്ടിക്ക്‌ നേരെ അടിക്കു എന്നതും കൂടി കെട്ടതോടെ അവൻ ആകെ തളർന്നു.

കല്ല്യാണത്തിന്റെ ആരവങ്ങൾ ഒഴിഞ്ഞു. അവനും അവളും തനിച്ചായി ആ റൂമിൽ. ഇക്കായിക്ക്‌ എന്നെ ഇഷ്ടമായിരുന്നില്ലെ. ആ ചോദ്യം അവനെയോന്ന് അമ്പരപ്പിച്ചെങ്കിലും അത്‌ മുഖത്ത്‌ കാണിക്കാതെ ഹേയ്‌ ഒന്നുമില്ല കല്ല്യാണം ഉറപ്പിച്ചിടം മുതലുള്ള ഓട്ടമാ. നല്ല ക്ഷീണവും തലവേദനയും . നീ കിടന്നോ എന്നു പറഞ്ഞ്‌ അവൻ തിരിഞ്ഞു കിടന്നു.
നേരം വെളുത്തപ്പോൾ നെറ്റിയിൽ വിക്സിന്റെ മണം. ചിലപ്പോൾ തോന്നിയതാകും എന്ന് കരുതി ഇരിക്കുമ്പോൾ ചായയും മറു കയ്യിൽ തോർത്തുമായി അവൾ കയറി വന്നു. തല വേദന കുറവുണ്ടോ ഇക്ക. കുറച്ച്‌ കുറവുണ്ട്‌. ഞാൻ പോയി കുളിച്ചിട്ട്‌ വരാം എന്ന് പറഞ്ഞ്‌ അവൻ ബാത്രൂമിൽ കയറി.
അമ്മായി വീട്ടിലെ സൽക്കാരങ്ങൾ കഴിഞ്ഞപ്പോൾ തിരിച്ച്‌ തന്റെ വീട്ടിലെക്ക്‌. ബന്ദുക്കൾ നൽകുന്ന വിരുന്നുകൾ ഓരോരോ കാരണങ്ങൾ പറഞ്ഞവൻ മുടക്കി. അവളുമായി പുറത്ത്‌ പോകുന്നത്‌ അവനു ചിന്തിക്കാൻ കഴിയുന്നതിലും അപ്പുറമായിരുന്നു.
അവളുക്കും പതിയെ കാര്യങ്ങൾ മനസ്സിലായി തുടങ്ങിരുന്നു. ഉള്ളിലെ സങ്കടം പുറത്ത്‌ കാണിക്കാതെ ആ വീട്ടിലെ ഒരംഗത്തെ പോലെ അവളും അവിടെ കഴിഞ്ഞു കൂടി. അന്നാണു അവൻ തിരിച്ച്‌ പോകുന്നത്‌.
ദിവസങ്ങൾ കടന്ന് പോയി ഉമ്മിച്ചായെ വിളിക്കുന്നതിന്റെ കൂട്ടത്തിൽ ഉമ്മിച്ചായെ ബോദിപ്പിക്കാൻ വേണ്ടി അവളോട്‌ രണ്ട്‌ വാക്ക്‌ സംസാരിച്ചാലായി.
ആ വെള്ളിയാഴ്ച്ച നിറുത്താതെയുള്ള ഫോൺ ബെല്ല് കെട്ടാണു അവൻ ഉണർന്നത്‌. നോക്കുമ്പോൾ ഉമ്മിച്ചാടെ നമ്പർ. കട്ട്‌ ചെയ്തിട്ട്‌ തിരികെ വിളിച്ചു. ഫോൺ എടുത്തത്‌ അവളാണു. അത്‌ തനിക്ക്‌ ഇഷ്ടപ്പെട്ടില്ലെങ്കിലും പുറത്ത്‌ കാണിക്കാതെ അവളോട്‌ ചോദിച്ചു. എന്താ വിളിഛെ ഉമ്മി എന്തിയെ? ഇക്ക അത്‌ നിങ്ങൾ സമാധനാമായി കേൾക്കണം. എന്താ എന്റെ ഉമ്മാക്ക്‌ പറ്റിയെ നീ റ്റെൻഷൻ ആക്കാതെ കാര്യം പറ സുഹറാ.
ഇക്കാ ഉമ്മ ഇന്നലെ ഒന്ന് തല കറങ്ങി വീണു . പ്രഷർ കുറഞ്ഞാതാണെന്ന് കരുതി കൊണ്ട്‌ വന്നതാ ആശുപത്രിയിൽ. ചെക്കപ്പിനു ശേഷമാണു ഡോക്റ്റർ പറഞ്ഞത്‌ ഉമ്മായുടെ ഒരു കിഡ്നി പൂർണ്ണമായും മറ്റെ കിഡ്നി പകുതിയോളം പ്രവർത്തന രഹിതമാണു. കിഡ്നി മാറ്റി വെക്കലെ നിർവാഹമുള്ളു എന്ന് പറഞ്ഞപ്പോൾ ഞാൻ സമ്മതം കൊടുത്തു. ഇപ്പോൾ ചെക്കിംഗ്‌ എല്ലാം കഴിഞ്ഞു എല്ലാം ഓക്കെയാണു. ഇക്ക വിഷമിക്കണ്ട എല്ലാവരു ഉണ്ട്‌ ഇവിടെ .ഓപ്പറെഷൻ തീയറ്ററിലോട്ട്‌ കയറും മുൻപ്‌ ഇക്കായുടെ സ്വരം ഒന്ന് കേൾക്കണം എന്ന് തോന്നി. പിന്നെ ഉമ്മിച്ചാക്ക്‌ വേണ്ടി പ്രാർത്തിക്കുമ്പോൾ എനിക്ക വേണ്ടിയും കൂടി പ്രാർത്തിക്കണെ ഭർത്താവിന്റെ പ്രാർത്തനാ പടച്ചവൻ പെട്ടെന്ന് കേൾക്കും എന്ന് എന്റെ ഉമ്മിച്ച എന്നോട്‌ പറയാറുണ്ട്‌. അപ്പോൾ ഇക്ക ഉമ്മിച്ചാക്ക്‌ ഒന്നും സംഭവിക്കില്ല. ഇക്ക റ്റെൻഷൻ അടിക്കണ്ട. മോളെ എന്നുള്ള അവന്റെ വിളി അവിടെ എത്തും മുൻപേ ഫോൺ കട്ടായി.

പെട്ടെന്ന് റ്റിക്കറ്റ്‌ എടുത്ത്‌ നാട്ടിലെക്ക്‌ പറക്കുന്നിതിനടിയിൽ നിറത്തിന്റെ പേരിൽ താൻ തഴഞ്ഞ അവളു കാരണം ആണു തന്റെ ഉമ്മിച്ച ജീവിച്ചിരിക്കുന്ന എന്ന സത്യം അവനെ കുറ്റബോധത്തിലാക്കി. ആശുപത്രിയിലേക്ക്‌ എത്തിയ അവൻ ആദ്യം പോയത്‌ അവളുടെ അടുക്കലെക്ക്‌ ആയരുന്നു. ഉറങ്ങി കിടന്ന അവളുടെ കാൽപാധങ്ങളിക്ക് തന്റെ മുഖം വെച്ച്‌ കരയുമ്പോൾ അവൻ അറിയുന്നുണ്ടായിരുന്നു കറുപ്പിനു ഏഴഴകല്ല നൂറഴകാണെന്ന്...

Shanavas J

കാന്താരി

സ്ഥിരമായി ഞാൻ ഓടിക്കുന്ന ബസിൽ കയറുന്ന ഒരു കുട്ടി കാന്താരി, രാവിലെ ബസ്‌ എടുത്താൽ അവളാകും ആദ്യ യാത്രക്കാരി, കുട്ടികൾക്ക്‌ സീറ്റ് കൊടുക്കാൻ കഴിയില്ലെന്ന് പറയുന്ന കണ്ടക്ടറിനോട്‌ അവൾ ചൂടാകുമ്പോൾ ആ... പോട്ടെ ഇന്നത്തെക്കും കൂടി കൊടുത്തെക്ക്‌ എന്ന് പറഞ്ഞ്‌ പ്രോബ്ലം സോൾവാക്കുന്നത് ഞാനായിരുന്നു, അത്‌ കൊണ്ട്‌ തന്നെ അവൾ വന്നിരിക്കുന്നത് എന്റെ എതിർ വശത്തെ സീറ്റിലായിരിക്കും.
സ്ഥിരയാത്രക്കാരി ആയതുകൊണ്ട്‌ ഞാനുമായി നല്ല അടുപ്പമായിരുന്നു അവൾ, ആറാം ക്ലാസിൽ പഠിക്കുകയാണെന്നും പേരു റിയ എന്നാണെന്നും , ചേച്ചി സാറ ഡിഗ്രിക്കാണു പഠിക്കുന്നതെന്നും അറിഞ്ഞത്‌ ആ യാത്രക്കിടയിൽ വെച്ച്‌ തന്നെയായിരുന്നു.. പഠിക്കാൻ മിടുക്കിയായത്‌ കൊണ്ടാണു ലക്ഷങ്ങൾ ഡോണെഷൻ കൊടുത്ത്‌ വാങ്ങുന്ന ആ സീറ്റ്‌ പള്ളിയിലച്ചൻ വഴി ഫ്രീയായി കിട്ടിയത്‌,
നിനക്ക്‌ സ്കൂൾ ബസ്സിൽ പൊയ്ക്കൂടേ ? അതാകുമ്പോൾ നിന്റെ കൂട്ടുകാരുമായി അടിച്ച്‌ പൊളിച്ച്‌ പോവാമല്ലോ ? എന്ന ചോദ്യത്തിനു , ഒരു കള്ള ചിരിയും കണ്ണിറുക്കലും ആയിരുന്നു അവളുടെ മറുപടി.
അടുപ്പിച്ചുള്ള രണ്ട്‌ ദിവസം അവളെ കാണതായപ്പോൾ ഞങ്ങൾക്കെല്ലാം വിഷമമായി, മൂന്നാം ദിവസം അവൾ ബാഗും തൂക്കി റോഡിലുടെ നടക്കുന്നത്‌ കണ്ടാണു ഞാൻ ബസ്‌ നിർത്തിയത്‌, ഞങ്ങളെ കണ്ടപ്പോൾ ഒന്ന് ചെറുതായി ചിരിച്ചിട്ട്‌ പോക്കോളാൻ കൈ കാണിച്ചെങ്കിലും ബസ്‌ നിർത്തിയിട്ട്‌
ഇറങ്ങി എന്ത്‌ പറ്റി, എന്താ നീ ബസിൽ കയറാത്തതെന്ന ചോദ്യത്തിനു അവളുടെ കണ്ണു നിറയുന്നത്‌ ഞാൻ കണ്ടു..
ഒന്നും പറയാതെ അവളുടെ ബാഗ്‌ വാങ്ങി , അവളെ കയ്യിൽ പിടിച്ചു ബസിൽ കയറ്റിയപ്പോൾ യാത്രക്കാർ ഞങ്ങളെ നോക്കുന്നുണ്ടായിരുന്നു, പെങ്ങൾകുട്ടിയാ രാവിലെ വഴക്കിട്ട്‌ ഇറങ്ങിയതാണെന്ന് പറഞ്ഞിട്ട്‌ എന്റെ അടുത്ത്‌ നിർത്തി, വണ്ടി മുന്നോട്ട്‌ എടുക്കുന്നിതിനടയിൽ ഞാൻ ചോദിച്ചു
എന്താ റിയാ? എന്താ മോൾക്ക് പറ്റിയെ?
അത്‌ അമ്മയുടെ കയ്യിൽ ബസ്‌ കാശില്ലായിരുന്നു, അതാ രണ്ടു ദിവസം വരാഞ്ഞത്‌, ഇന്നും കൂടി ചെന്നില്ലെങ്കിൽ ക്ലാസിൽ ചെല്ലാണ്ടാന്ന് മിസ്സ്‌ പറഞ്ഞുന്ന് കൂട്ടുകാരി പറഞ്ഞത്‌ കൊണ്ടാ, നടന്ന് പോകാൻ വേണ്ടി നേരത്തെ വീട്ടിൽ നിന്നും ഇറങ്ങിയത്‌.
അപ്പോൾ മോളുടെ പപ്പ പൈസ തരില്ലേ എന്ന ചോദ്യത്തിനു , പപ്പ മരിച്ച്‌ പോയി എന്ന് അവൾ പറഞ്ഞപ്പോഴെക്കും എന്റെ കണ്ണും നിറഞ്ഞിരുന്നു, റിയ കുട്ടി ഇനി ബസ്‌ കാഷ്‌ തരണ്ട, പഠിച്ചു വലിയ ആളാകുമ്പോൾ ഞാൻ വീട്ടിൽ വന്ന് വാങ്ങികൊള്ളാമെന്ന് പറഞ്ഞത്‌ തലകുലുക്കി അവൾ കേട്ടു...
അന്ന് ബസ്‌ നിർത്തി ഈ കാര്യങ്ങൾ കൂട്ടുകാരുമായി ചർച്ച ചെയ്തിട്ട്‌ , അന്ന് കിട്ടിയ ശമ്പളം മൂന്ന് പേരും എടുത്ത്‌ അവളുടെ വീട്ടിലെക്ക്‌ ആവശ്യമായ സാധനങ്ങളും വാങ്ങി വീട്‌ തിരക്കി എത്തിയ,ഞങ്ങളെ കണ്ട അവൾക്കു ആദ്യം വിശ്വസിക്കാൻ കഴിഞ്ഞില്ല. അഭിമാനിയായ അവളുടെ അമ്മ ഒരുപാട്‌ തവണ നിരസിച്ചെങ്കിലും ഞങ്ങളുടെ നിർബന്ധത്തിനു വഴങ്ങി സാധങ്ങൾ സ്വീകരിച്ചു. , വീട്ട്‌ വിശേഷങ്ങൾ പറയുന്നതിനിടയിലാണു കടുപ്പം കുറഞ്ഞ മൂന്ന് ഗ്ലാസ്‌ കട്ടൻ ചായയുമായി അവളുടെ ചേച്ചി ഞങ്ങളുടെ മുന്നിലെക്ക്‌ വന്നത്‌..
വലിയ തറവാട്ടുകാർ ആയിരുന്നെന്നും, കൂട്ട്‌ ബിസിനസിലെ പങ്കാളി ചതിച്ച വിഷമത്തിൽ വീടും , വാഹനവും വിറ്റെങ്കിലും കടം തീർക്കാൻ കഴിയാതെ വന്നപ്പോഴാണു പുള്ളിക്കാരൻ.... എന്ന് ആ അമ്മ പറഞ്ഞു നിർത്തി. എന്റെ ശ്രദ്ദ അവളുടെ ചേച്ചിയിലായിരുന്നു, നിഷ്ക്കളങ്കമായി ചിരിക്കുന്ന അവളുടെ മുഖം അവിടെ നിന്നും ഇറങ്ങുമ്പോഴും മനസ്സിൽ നിന്ന് മാഞ്ഞില്ല.
പിറ്റേന്ന് വണ്ടിയിൽ കയറിയ അവൾ ആദ്യമായി എന്നെ ഇച്ചായാ എന്ന് വിളിച്ചു, സംസാരം കാടു കയറുന്നതിന്റെ ഇടക്കാണു ഈ ബസ്‌ ഡ്രൈവർക്ക്‌ നിന്റെ ചേച്ചിയെ കെട്ടിച്ച്‌ തരുമ്മോ കാന്താരീ എന്ന് ചോദിച്ചത്‌, പറഞ്ഞത്‌ തെറ്റായി പോയെന്ന് ചിന്തിച്ചത്‌ അവളുടെ മൗനം കണ്ടപ്പോഴായിരുന്നു, ഒന്നും മിണ്ടാതെ സ്റ്റോപ്പിൽ അവൾ ഇറങ്ങിയപ്പോൾ ചോദിക്കെണ്ടിയിരുന്നില്ലെ എന്ന് പോലും ചിന്തിച്ച്‌ പോയി..
പിറ്റെന്ന് അവൾ എനിക്ക്‌ നേരെ നീട്ടിയ കടലാസിൽ , തന്ന സഹായങ്ങൾക്ക്‌ ഒരുപാട്‌ നന്ദിയുണ്ട്‌, എല്ലാവരുടെയും കണ്ണു പോലെ ആവശ്യ സാധീകരണത്തിനു വേണ്ടി മാത്രമാണെങ്കിൽ വേണ്ട. നഷ്ടപ്പെടാൻ ഇനി മാനം കൂടി മാത്രമെയുള്ളു എന്ന അവളുടെ ചേച്ചിയുടെ വാക്കുകൾക്ക്‌ പകരം നൽകിയത്‌ അപ്പച്ചനെയും , അമ്മച്ചിയെയും കൂട്ടി അവിടെ പോയി പെണ്ണു ചോദിച്ചായിരുന്നു.
വാക്കുകൾക്കപ്പുറം മനസ്സുകൾ കൊണ്ട്‌ അത്‌ ഉറപ്പിച്ചിട്ട്‌ അവിടെ നിന്ന് ഇറങ്ങുമ്പോൾ എന്റെ കാന്താരിയുടെ കണ്ണിൽ മാത്രം ഒരു നനവ്‌ ഞാൻ കണ്ടു... ഇച്ചായാ എന്റെ കൂട്ടുകാരോട്‌ എനിക്ക്‌ പറയാല്ലോല്ലെ പാർവ്വതി ബസ്സിലെ ഡ്രൈവർ എന്റെ ബ്രദറാണെന്നുള്ള ചോദ്യത്തിനു ചേർത്ത്‌ നിർത്തി നെറുകയിൽ ഒരുമ്മ് കൊടുത്തിട്ട്‌ കരയുന്ന കാന്താരിയെയല്ല സീറ്റിനു വേണ്ടി വഴക്കിടുന്ന എന്റെ പഴയ കാന്താരിയെയാണു എനിക്ക്‌ വേണ്ടതെന്ന് പറഞ്ഞപ്പോഴെക്കും നിറഞ്ഞ്‌ തുളുമ്പിയിരുന്നു ആ കുഞ്ഞി കണ്ണുകൾ..

Shanavas

യഥാർത്ഥ കാരണം

ഈ പെണ്ണിനിത്‌ എന്ത്‌ പറ്റി എന്നുള്ള ഉമ്മിയുടെ ചോദ്യത്തിനു "അത്‌ മനസിലായില്ലെ ഉമ്മ?? ഇന്നലെ ഓളെ കാണാൻ വന്ന ചെക്കൻ മനസ്സിൽ കയറിയതാണെന്ന് മറുപടി നൽകിയത്‌ ഞാനായിരുന്നു.
അതുവരെ ഒന്നും മിണ്ടാതെയിരുന്ന ഓളുടെ മുഖത്തെ കടുപ്പിച്ചുള്ള നോട്ടത്തിന്റെ ഉദ്ദേശം മനസ്സിലായത്‌ കൊണ്ട്‌ തന്നെ ഞാൻ ഉമ്മിയുടെ അടുത്തെക്ക്‌ ചേർന്ന് നിന്നു.. "ഉമ്മി എനിക്ക്‌ ഇപ്പോൾ കല്ല്യണം വേണ്ട ..." എന്ന അവളുടെ വാക്ക്‌ കേട്ടില്ല എന്ന ഭാവത്തിൽ ഉമ്മി ഞങ്ങളുടെ മുന്നിലുടെ അടുക്കളയിലെക്ക്‌ പോയി..
"ടി .. ഒന്നുമില്ലെങ്കിലും നമ്മൾ ഇരട്ടകളല്ലെ, നിന്നെ വിട്ടിട്ട്‌ പോകുന്നത്‌ പിന്നെയും സഹിക്കാം, ഉമ്മിയെയും ഉപ്പയെയും വിട്ടിട്ട്‌ പോകുന്നത്‌ എനിക്ക്‌ സഹിക്കാൻ കഴിയുന്നില്ലെന്നുള്ള അവളുടെ സെന്റിമെന്റൽ ഡയലോഗ്‌ ഒരു പുച്ഛത്തോടെ ഞാൻ തള്ളി കളഞ്ഞു..
ജനിച്ചത്‌ മിനിറ്റുകളുടെ വ്യത്യസമെ ഉള്ളുവെങ്കിലും ആദ്യം വന്നത്‌ അവളായത്‌ കൊണ്ട്‌ കൂട്ടത്തിൽ മൂത്തത്‌ അവളായത്‌, കുഞ്ഞു നാളിലെ ഫോട്ടോസിൽ ഒരെ നിറത്തിലുള്ള ഫ്രോക്കിൽ, ഒരു പൊലെ മുടി കെട്ടി, നിൽക്കുന്നത്‌ കണ്ടാൽ ഉമ്മിക്ക്‌ അല്ലാതെ മറ്റാർക്കും ഞങ്ങളെ തിരിച്ചറിയാൻ കഴിയുമായിരുന്നില്ല, ഒരിക്കൽ പേരു മാറി വിളിച്ചതിനു ഉപ്പയോട്‌ വഴക്കിട്ടത്‌ കൊണ്ടാണോന്നറിയില്ല പിന്നിടിത്‌ വേരെ ഉപ്പ ഞങ്ങളെ വിളിച്ചിരുന്നത്‌ മുത്തുമണികളെന്നായിരുന്നു..

വീട്ടിൽ മുഖത്തോട്‌ മുഖം കണ്ടാൽ കീരിയും പാമ്പുമാണെങ്കിലും , സ്കൂളിൽ അടുത്തടുത്ത സീറ്റുകൾ ഞങ്ങൾക്ക്‌ നിർബന്ധമായിരുന്നു. നിസ്‌ക്കരിച്ചിട്ട് ഇരിക്കുന്ന ഉമ്മിയുടെ മടി പകുത്ത്‌ എടുത്ത്‌ ഉറങ്ങാനും, ഉപ്പയുടെ ബുള്ളറ്റിൽ പുറകിൽ കൈകൾ വിടർത്തിയിരിക്കാനും എനിക്കെന്നും അവൾ കൂട്ടായിരുന്നു... കുഞ്ഞു നാൾ മുതലുള്ള അസുഖങ്ങളിലും തുല്ല്യരായത്‌ കൊണ്ട്‌ കഷ്ടപ്പാട്‌ മൊത്തം ഉമ്മിക്കായിരുന്നുവെന്ന് പറഞ്ഞ്‌ കേൾക്കുമ്പോഴും, ഗർഭസമയത്ത്‌ തിരിഞ്ഞും മറിഞ്ഞും കിടക്കാൻ കഴിയാത്തതും, ജനിച്ചിട്ട്‌ ഒരുമിച്ചുള്ള കരച്ചിലിന്റെ കഥയും മറ്റും ഉമ്മ പറയുമ്പോൾ അറിയാതെ എന്റെ കണ്ണു നിറയും....
"ടീ... പട്ടി നീ ഇത്‌ മുടക്കി താ... " എന്നുള്ള അവളുടെ ആവശ്യം അംഗികരിക്കാൻ ഞാൻ തയ്യാറയത്‌ പോലും അവളെ പിരിഞ്ഞിരിക്കാൻ എനിക്ക്‌ കഴിയാത്തത്‌ കൊണ്ടായിരുന്നു, പെണ്ണു കാണാൻ വന്ന ദിവസം തിരികെ ഇറങ്ങും മുമ്പ്‌ ചെക്കൻ നൽകിയ നമ്പരിൽ വിളിച്ച്‌ ഞങ്ങൾക്ക്‌ പിരിയാൻ കഴിയില്ലെന്നും, അത്‌ കൊണ്ട്‌ ഇരട്ടകളെ മാത്രമെ ഞങ്ങൾ കല്ല്യാണം കഴിക്കുകയുള്ളുവെന്നും ഒറ്റ ശ്വസത്തിൽ പറഞ്ഞിട്ട്‌ ഞാൻ ഫോൺ കട്ട്‌ ചെയ്ത്പ്പോഴെക്കും കെട്ടിപ്പിടിച്ചോരു ഉമ്മ തന്നിരുന്നു അവൾ എനിക്ക്‌....
ഒട്ടും പ്രതീക്ഷിക്കാതെ പിറ്റേന്ന് ബ്രോക്കറിനോപ്പം ആ ചെക്കൻ വീട്ടിലേക്കു കയറി വരുന്നത്‌ കണ്ടപ്പോൾ എന്റെ ഹൃദയം കിടന്ന് ഇടിക്കാൻ തുടങ്ങി, വീട്ടിൽ അറിഞ്ഞാലുള്ള പുകിൽ ഓർത്തപ്പോഴെ തല കറങ്ങുന്നത്‌ പോലെ....
അവർ വീട്ടിൽ വന്നിരുന്നിട്ട്‌ ഉപ്പയോട്‌ എന്തോ സംസാരിക്കുന്നതും, ഉപ്പ ഇടക്കിടക്ക്‌ മുകളിലെ ഞങ്ങളുടെ റൂമിലെക്ക്‌ നോക്കുന്നതും കണ്ടപ്പോഴെ സംഗതി കൈ വിട്ടു എന്നെനിക്ക്‌ മനസ്സിലായി.. ഷഹന എന്നുള്ള ഉപ്പയുടെ ഒറ്റ വിളിക്ക്‌ ഓടി ഞാൻ താഴെയെത്തി..
" എന്താ നിനക്കിഷ്ടമായോ ചെറുക്കനെ??" എന്നുള്ള ഉപ്പയുടെ ചോദ്യം കേട്ട്‌ ദേഷ്യം വന്നെങ്കിലും പുറത്ത്‌ കാണിക്കാതെ ഉപ്പയോട്‌ ഞാൻ പറഞ്ഞു
" ഉപ്പ ഞാൻ ഷഹനയ.. ഇക്ക കണ്ടത്‌ ഷംസിയെയാണ്" മറുപടി അവിടെ നിന്ന എല്ലാവരെയും ചിരിപ്പിച്ചു.. "ടി... പൊട്ടി പെണ്ണെ നീയല്ലെ ഇന്നലെ അവിടെ വിളിച്ച്‌ നിങ്ങൾക്ക്‌ പിരിയാൻ കഴിയില്ലെന്നും, ഇരട്ടകളെ മാത്രം വിവാഹം കഴിക്കു.." എന്നൊക്കെ പറഞ്ഞത്‌.. ഇവരും ഇരട്ടകളാ.. വിവാഹം കഴിഞ്ഞു ചെല്ലുമ്പോൾ ഷംസിയെ ഒന്ന് അമ്പരപ്പിക്കാൻ വേണ്ടി മാറ്റി നിർത്തിയതായിരുന്നു ഇയാളെ..." പിന്നെ ഈ കാരണം കൊണ്ട്‌ ഇത്‌ മുടങ്ങാതിരിക്കാൻ നിന്നെ പെണ്ണു കാണാൻ വന്നതാ ഇവരെന്ന് പറഞ്ഞപ്പോൾ സത്യത്തിൽ എനിക്ക്‌ വിശ്വസിക്കാൻ കഴിഞ്ഞില്ല...
വണ്ടിയിൽ നിന്നും കള്ളച്ചിരിയോടെ ഷംസിയുടെ ചെക്കനും ഇറങ്ങി വന്നപ്പോഴാണ് സത്യത്തിൽ എനിക്ക്‌ വിശ്വസം വന്നത്‌..
ഒറ്റക്കുള്ള സംസാരത്തിനോടുവിൽ "കല്ല്യാണം കഴിഞ്ഞും ഞങ്ങൾ ഇരട്ടകളാണ്... പിരിയാൻ കഴിയില്ല... അത്‌ കൊണ്ട്‌ ഞങ്ങൾ ഒരുമിച്ചെ കിടക്കു... എന്ന് മാത്രം പറഞ്ഞെക്കല്ലെ മോളെ" എന്ന ആ ചെക്കന്റെ വാക്ക്‌ കേട്ട്‌ നാണത്തിൽ എന്റെ മുഖം ചുമന്ന് തുടുത്തിരുന്നു..
അകത്തിരുന്ന് എല്ലാം കേട്ടവൾ ഓടി വന്ന് എന്നെ കെട്ടിപ്പിടിച്ചപ്പോൾ സന്തോഷം കൊണ്ട് നിറഞ്ഞ ആ കണ്ണുകൾ പറയുന്നുണ്ടായിരുന്നു അവൾ ആദ്യം ഈ വിവാഹം വേണ്ടാന്ന് പറഞ്ഞതിന്റെ യഥാർത്ഥ കാരണം ...

Shanavas

ലച്ചു

ലച്ചുവിനെ പ്രസവിച്ചിട്ട്‌ പോയതാ അമ്മ, അവൾക്കിപ്പോൾ പതിനൊന്നു വയസ്സായി, അമ്മയായും അച്ഛനായും , അവൾക്കു ഇതുവരെയും ഞാനായിരുന്നു... ഇന്ന് എനിക്ക്‌ വേണ്ടത്‌ ഒരു ഭാര്യയെ മാത്രമല്ല.. അവൾക്കു ഒരു ചേട്ടത്തിയമ്മേയും അല്ല . പകരം അവൾക്കു നീ ഒരു അമ്മയാകണം എന്നാണ് ചേട്ടൻ പെണ്ണുകാണൽ സമയത്ത്‌ പറഞ്ഞത്‌.
ആ വാക്കുകൾ വീണ്ടും ഓർമ്മ വന്നത്‌ നിലവിളക്കുമായി ആ വീടിന്റെ പടികൾ ആദ്യമായി ചവിട്ടുമ്പോൾ കൗതുകത്തോടെ നോക്കിയ ആ കുഞ്ഞു കണ്ണുകൾ കണ്ടപ്പോഴായിരുന്നു ......
എന്തിനും ഏതിനും അമ്മയെ വിളിച്ച്‌ കൊണ്ടിരുന്ന ഞാനൊരു അമ്മയായെന്നു മനസ്സിലാക്കിയത് ആ വീട്ടിൽ ചെന്നതിനു ശേഷമാണ്. രണ്ടാം ദിവസത്തെ ലെച്ചുവിന്റെ ചോദ്യം സത്യത്തിൽ എന്റെ കണ്ണു നിറയിപ്പിച്ചിരുന്നു.... കൂട്ടുകാർക്കെല്ലാം അമ്മയുണ്ട്‌, ഞാൻ അമ്മേന്ന് വിളിച്ചോട്ടെ ചേച്ചിയമ്മെന്ന് ചോദിച്ചപ്പോൾ അവളെ ചേർത്ത്‌ നിർത്തി പറഞ്ഞു കൊടുത്തു, അല്ല കാണിച്ച്‌ കൊടുത്തു...എന്നും അമ്മയായി കൂടെയുണ്ടാവുമെന്ന്.
മടിച്ചി ലച്ചുവിനെ രാവിലെ വിളിച്ച്‌ എഴുന്നേൽപ്പിക്കുമ്പോഴും , തലയിൽ എണ്ണ തേച്ച്‌, വഴക്ക്‌ പറഞ്ഞ്‌ കുളിപ്പിക്കുമ്പോഴും, കണ്ണുരുട്ടി ആഹാരം നൽകുമ്പോഴും , അവളോടോപ്പമിരുന്നു പഠിപ്പിക്കുമ്പോഴും , കഥ പറഞ്ഞു കൊടുത്ത്‌ ഉറങ്ങും മുമ്പും ആ കണ്ണുകൾ എന്നെ വിളിക്കുമായിരുന്നു അമ്മേന്ന്...
അമ്മ മരിച്ചതിൽ പിന്നെ മക്കൾക്ക്‌ വേണ്ടി ജീവിച്ചതാണു അച്ഛനെങ്കിലും അമ്മയുടെ ഓർമ്മകൾ അച്ഛനെ ഒരു സ്ഥിര മദ്യപാനിയാക്കിയിരുന്നു, അന്ന് ജോലിക്ക്‌ പോകും മുമ്പ്‌ അമ്മയുണ്ടാക്കുന്നതിൽ അച്ഛനിഷ്ടമുള്ള ഒടച്ചു കറിയോടോപ്പം, എന്റെ കണ്ണിരും കൂടി കണ്ടിട്ടാകണം അച്ഛൻ പറഞ്ഞു , " മക്കളുടെ കാര്യം ഓർക്കുമ്പോൾ കുടിച്ച്‌ പോകുന്നതാ മോളെ , ഇപ്പോൾ അച്ഛന് ഉറപ്പുണ്ട്‌, അച്ഛന്റെ കാലശേഷം അവർക്ക്‌ അമ്മയുണ്ടാകുമെന്ന്...." അത് പറയുമ്പോൾ ആ നിറഞ്ഞ കണ്ണുകൾ എനിക്ക്‌ വാക്ക്‌ തന്നിരുന്നു ഇനി കുടിക്കില്ല എന്നുള്ളത്‌..
ദിവസക്കൂലി എന്റെ കൈയ്യിൽ വേണമെന്ന നിർബന്ധം മാത്രമായിരുന്നു ചേട്ടനു ഇഷ്ടമല്ലാത്തത്‌, മനസ്സില്ല മനസ്സോടെ തരുന്നതിൽ നിന്ന് വീട്ടു സാധനങ്ങൾ വാങ്ങുന്നതോടൊപ്പം ഒരു കുറിയുടെ പൈസ കൂടി മാറ്റി വെച്ച്‌ ലച്ചുവിനു ഒരു മാല വാങ്ങിയപ്പോൾ , "ആരാടീ പറഞ്ഞെ നിന്റെ അമ്മ മരിച്ചെന്ന്, ഈ നിൽക്കുന്നത്‌ നിന്റെ അമ്മയാന്ന് പറഞ്ഞ്‌ എന്നെയും അവളെയും ചേർത്ത്‌ പിടിച്ചപ്പോഴും ആ മനസ്സ്‌ എന്നെ അമ്മേന്ന് വിളിക്കുന്നത്‌ എനിക്ക്‌ കേൾക്കാമായിരുന്നു.
ഇന്നെന്റെ ലച്ചുവിന്റെ കല്ല്യാണമാണ് , താലികെട്ടിനു ശേഷം അച്ഛന്റെയും , ചേട്ടന്റെയും കാൽക്കൽ വീണു അനുഗ്രഹം വാങ്ങിയ ശേഷം എന്നെ തിരയുന്ന അവളുടെ കണ്ണുകൾ കണ്ടിട്ടാകണം , അമ്മാവൻ ചേട്ടത്തിയമ്മ എന്തിയെന്ന് തിരക്കിയത്‌.. അപ്പോഴെക്കും മുന്നിലെക്ക്‌ ഇറങ്ങിയ എന്നെ ചൂണ്ടി കാണിച്ചിട്ട്‌ ഇതെന്റെ അമ്മയാണെന്ന് വരനോട് അവൾ പറഞ്ഞപ്പോൾ നിറഞ്ഞ്‌ തുളുമ്പിയ എന്റെ കണ്ണുകളും സമ്മതിക്കുന്നുണ്ടായിരുന്നു, ഒരമ്മയാകാൻ പ്രസവിക്കണമെന്നില്ല എന്നുള്ളത്‌.....

Shanavas

അവൾ

എനിക്കെന്താ കൊണ്ട്‌ വരുന്നതെന്നുള്ള അവളുടെ ചോദ്യം കാതിൽ മുഴങ്ങുന്നത്‌ കൊണ്ടാണു ആദ്യം അവൾക്കുള്ളത്‌ തന്നെയാകം എന്ന് കരുതി തുണിക്കടയിൽ കയറി അവളുക്ക്‌ പറ്റിയ രണ്ട്‌ പർദ വാങ്ങിയത്‌,
ഭംഗിയുള്ള ഒരു നൈറ്റ്‌ ഡ്രസ്സും വാങ്ങി, റൂമിലെക്ക്‌ നടക്കുമ്പോഴും ഓളായിരുന്നു മനസ്സ്‌ നിറയെ, അവൾ നിനക്ക്‌ പറ്റിയതാടാ, ഒരുമിച്ച്‌ നിന്നാൽ ഒരു വീട്ടിലെയല്ലെന്ന് ആരെങ്കിലും പറയുമ്മോ തുടങ്ങിയ കമ്മന്റുകൾ കല്ല്യാണ ദിവസം ചെവിയിൽ വീണത്‌ ഒരു കോരിത്തരിപ്പോടെയായിരുന്നു ഞാനും കേട്ട്‌ കൊണ്ടിരുന്നത്‌. അത്രക്ക്‌ സുന്ദരിയായിരുന്നു എന്റെ പെണ്ണു, ഇപ്പോൾ കൂട്ടിനു ഒരു വയസ്സ്‌ പ്രായമായ എന്റെ കുഞ്ഞും, അവനുള്ളതും വാങ്ങി പെട്ടിയും കെട്ടി എയിർപ്പോർട്ടിലെക്ക്‌ തിരിക്കുമ്പോഴും മനസ്സിൽ അവളെ കാണാനുള്ള ആഗ്രഹം കൂടുകയായിരുന്നു...
എയിർപ്പോർട്ടിൽ ഇറങ്ങി ആദ്യം തിരഞ്ഞത്‌ അവരെയാണെന്ന് തോന്നിയത്‌ കൊണ്ടാകും , ചെറിയോരു നടു വേദനയായത്‌ കൊണ്ട്‌ ഇത്രയും ദൂരം യാത്ര പാടാണു ഓളുക്ക്‌ എന്ന് പറഞ്ഞത്‌ ഉമ്മിച്ചയായിരുന്നു. വീട്ടിലെക്കുള്ള ദൂരം കൂടി വരുന്നത്‌ പോലെ തോന്നിയത്‌ അവരെ കാണാനുള്ള ആഗ്രഹം മനസ്സിൽ നിറഞ്ഞ്‌ നിൽക്കുന്നത്‌ കൊണ്ടാണെന്ന് എനിക്ക്‌ മനസ്സിലാക്കൻ കഴിഞ്ഞു..
വീട്ടിലെത്തിയതും മുന്നിലെക്ക്‌ ഇറങ്ങി വന്ന തടിച്ചിപ്പെണ്ണു എന്റെ നാജുവാണെന്ന് എനിക്ക്‌ വിശ്വസിക്കാൻ സാധിച്ചില്ല, പ്രസവത്തോടെ തടിച്ച, കളർ കുറഞ്ഞ അവളെ എനിക്ക്‌ അംഗികരിക്കാൻ കഴിഞ്ഞില്ല, അവളുടെ മുഖത്ത്‌ നോക്കി ഒരു ചിരി വരുത്തിയിട്ട്‌ കുഞ്ഞിനെയും എടുത്ത്‌ അകത്തെക്ക്‌ പോകുമ്പോളും എനിക്ക്‌ നഷ്ടമായ എന്റെ നജുവിനെ തിരയുകയായിരുന്നു ഞാൻ..
ഇപ്പോൾ ഉമ്മിയും മോനും പോലെയായല്ലോടാ എന്ന കൂട്ടുകാരന്റെ കമ്മന്റ്‌ കൊണ്ടത്‌ എന്റെ ചങ്കിൽ തന്നെയായിരുന്നു, സംസാരിച്ച്‌ കൊതി തീരാത്ത ഓളോട്‌ പേരിനു ഒന്ന് സംസാരിച്ചാൽ ആയി, പല ദിവസങ്ങളിലും ഓരോരോ കാരണങ്ങൾ കൊണ്ട്‌ കിടപ്പ്‌ പോലും രണ്ടാക്കി ഞാൻ, അവളെ കണ്ട്‌ കൊതി തീർന്നില്ലെന്ന് പറഞ്ഞ്‌ കരഞ്ഞ ഞാൻ ലീവ്‌ ഒന്ന് തീർന്ന് കിട്ടാൻ ഒരുപാട്‌ കൊതിച്ചു...
എന്റെ അകൽച്ച മനസ്സിലായത്‌ കൊണ്ടാണോ എന്തോ അവളും മോനുമായി ഒതുങ്ങി കൂടിയിരുന്നു റുമിൽ.. പോകാനുള്ള ഒരുക്കങ്ങൾക്കിടയിൽ അത്യവശ്യമുള്ള സാധനങ്ങൾ വാങ്ങാൻ പോകുന്നതിനിടയിലുണ്ടായ ഒരാക്സിഡിന്റിൽ നഷ്ടമായ ബോധം തിരിച്ച്‌ കിട്ടിയത്‌ ഒൻപത്‌ മാസങ്ങൾക്ക്‌ ശേഷമാണെന്നു ഉമ്മി പറയുമ്പോഴാണു ഞാൻ അറിയുന്നുത്‌..
നഷ്ടമായ എന്റെ കാലുകളിലെക്ക്‌ നോക്കി എന്റെ കണ്ണു നിറഞ്ഞപ്പോൾ തുടച്ച കരങ്ങൾ അവളുടെതായിരുന്നു, മുഖത്ത്‌ നോക്കാൻ എനിക്ക്‌ കഴിഞ്ഞില്ലെങ്കിലും അവളോട്‌ ഞാൻ ചോതിച്ചു, വിട്ട്‌ പോക്കുടെ നിനക്ക്‌ ഈ ചട്ട്‌ കാലനെ ഉപേക്ഷിച്ചിട്ടെന്ന്, ഇക്ക ഞാൻ സ്നേഹിച്ചത്‌ ഈ ശരീരാമായിരുന്നെങ്കിൽ ഒരുപക്ഷേ ഞാൻ പോയെനെ, എന്തോ എനിക്ക്‌ ഇക്കാടെ മനസ്സായിരുന്നു ഇഷ്ടമെന്ന് അവൾ പറഞ്ഞപ്പോൾ ഒലിച്ചിറങ്ങിയ കണ്ണു നീർ പോലും അവളോട്‌ മാപ്പപേക്ഷിക്കുന്നുണ്ടായിരുന്നു.....

Shanavas

ഡിവോർസ്സ്‌

ഡിവോർസ്സ്‌ പേപ്പറിൽ ഒപ്പിടും നേരം എന്റെ കൈകൾ വിറച്ചിരുന്നു, അപ്പോഴും അവളുടെ കണ്ണിലെ കനലുകൾ അണഞ്ഞിരുന്നില്ല...
ഒപ്പിടിൽ കഴിഞ്ഞു ഇറങ്ങാൻ നേരമാണു സിനി എന്നെ പുറകിൽ നിന്ന് വിളിച്ചത്‌,
അച്ചായ...
എട്ട്‌ വർഷങ്ങൾക്ക്‌ ശേഷം ആദ്യമായി കേട്ട വിളി, ഞാൻ തിരിഞ്ഞ്‌ അവളെ നോക്കി
ഇനി നമ്മൾ തമ്മിൽ എന്ന് കാണുമെന്ന് അറിയില്ല, എനിക്ക്‌ ഒരു ആഗ്രഹമുണ്ട്‌, സമയമുണ്ടകുമോ എനിക്കായി കുറച്ച്‌ നേരം..
സിനിയുടെ വാക്കുകൾ കേട്ട ഞാൻ അവളുടെ മുഖത്തെക്ക്‌ നോക്കി നിന്നു
ഇന്നത്തെ ഭക്ഷണം അച്ചായനോടോപ്പം കഴിക്കണമെന്നോരു ആഗ്രഹം, സമയമുണ്ടോ..
എന്നോടോപ്പം ഹോട്ടലിലെക്കുള്ള യാത്രയിൽ സിനി പുറത്തെക്ക്‌ നോക്കിയിരുക്കുകയായിരുന്നു, വണ്ടി മുന്നോട്‌ ഓടി തുടങ്ങിയപ്പോഴെക്കും എന്റെ ചിന്തകൾ എട്ട്‌ വർഷം പുറകിലെക്ക്‌ ഓടിയിരുന്നു...

ആദ്യമായി കണ്ട പെണ്ണുകാണലിൽ തനിക്ക്‌ കിട്ടിയ സൗഭാഗ്യം ആയിരുന്നു സിനി,കുടുമ്പ മഹിമ കൊണ്ടും, സൗന്ദര്യം കൊണ്ടും, വിദ്യഭ്യാസം കൊണ്ടും ഒത്തിണങ്ങിയ അവൾ തന്റെ ഭാഗ്യമാണെന്ന് കൂട്ടുകാരും വീട്ടുകാരും പറഞ്ഞപ്പോൾ, കുറച്ചൊന്നുമല്ല ഞാൻ അഹങ്കരിച്ചത്‌..
വിവാഹത്തിനു ശേഷം അവളുമായുള്ള ജീവിതം താൻ സ്വപ്നം കണ്ടതിലും അപ്പുറമായിരുന്നു. സന്തോഷത്തിന്റെ മാധുര്യം കൂട്ടി ദൈവം തന്ന രണ്ട്‌ മക്കളും,
കൂടെ ജോലി ചെയ്യുന്ന സിസിലിയുമായി ഏതോ ഒരു നശിച്ച നിമിഷത്തിൽ തുടങ്ങിയ ചങ്ങാത്തം ചെന്നെത്തിയത്‌ അവളുമായുള്ള ഒളിച്ചോട്ടത്തിൽ ആയിരുന്നു, താൻ അവളുമായി സുഖിച്ച്‌ നടക്കുന്നതിനിടയിൽ ഈ പാവത്തിനെയും എന്റെ രണ്ട്‌ മക്കളെയും ഞാൻ മറന്നു, നിറഞ്ഞോഴുകിയ കണ്ണുകൾ അവൾ കാണാതിരിക്കാൻ ഞാൻ പാടു പെട്ടു..
നിർത്തു ആ കാണുന്നതാണു ഹോട്ടൽ എന്ന സിനിയുടെ വാക്കു കേട്ട്‌ ഡ്രൈവർ ആ ഹോട്ടലിന്റെ മുന്നിൽ വണ്ടി നിർത്തി,
ഹോട്ടൽ പാരഡൈസ്‌, പെണ്ണു കണ്ടതിനു ശേഷം ഞങ്ങൾ ആദ്യമായി കണ്ട ഹോട്ടൽ, വിവാഹ വാർഷികവും , മക്കളുടെ ബേർത്തിഡെ പാർട്ടിയും ഒരുമിച്ചിരുന്ന് ആഘോഷിച്ച അതെ ഹോട്ടലിൽ അവളോടോപ്പമുള്ള അവസാനത്തെ ഭക്ഷണം....
ഒന്നും മീണ്ടാതെ അവളോടോപ്പം ഞാനും അകത്ത്‌ കയറി, സ്ഥിരം സീറ്റുകൾ ആരോ കയ്യേറിയിരുക്കുന്നു, എന്റെ അരികിലായി അവൾ വന്നിരുന്നു..
സിസിലി എന്റെ പണം കണ്ട്‌ ഇറങ്ങി വന്നതാണെന്ന് മനസ്സിലാക്കൻ എനിക്ക്‌ നാലു വർഷം വേണ്ടി വന്നു, കയ്യിലുള്ളത്‌ വിറ്റ്‌ പെറുക്കി നാലു വർഷം അവളോടോപ്പം സുഖിച്ചു, പണം തീർന്നെന്ന് മനസ്സിലാക്കിയപ്പോൾ അവൾ വേറെ ഒരുത്തനെ തിരഞ്ഞു പിടിച്ചു, പിന്നിടുള്ള നാലു വർഷം അലച്ചിലായിരുന്നു, തന്റെ മക്കളെ പറ്റിച്ചതിനു, ഭാര്യയെ വഞ്ചിച്ചതിനു ദൈവം തന്ന ശീക്ഷ, തിരികെ വന്നു തിരഞ്ഞു ഇവരെ കണ്ടുമുട്ടിയപ്പോൾ മടിക്കുത്ത്‌ അഴിക്കാതെ ജോലി ചെയ്ത്‌ എന്റെ മക്കളെ വളർത്തുന്ന അവളെ കണ്ടപ്പോൾ എന്നോട്‌ ആവശ്യപ്പെട്ടത്‌ ഡിവോർസ്സ്‌ മാത്രമായിരുന്നു, കാലു പിടിച്ച്‌ മാപ്പ്‌ ചോതിച്ചെങ്കിലും കല്ലായി മാറിയ അവളുടെ മനസ്സിൽ എന്റെ കണ്ണിരിനു സ്ഥാനം ഉണ്ടായിരുന്നില്ല..
സാർ മെനു എന്ന സപ്ലൈറുടെ സംസാരമാണു ചിന്തയിൽ നിന്ന് ഉണർത്തിയത്‌, ആഹാരം കഴിക്കുന്നതിനിടയിൽ കൈയ്യിൽ കരുതിയ ലേയിസ്‌ താഴെക്കിട്ടിട്ട്‌ അവളുടെ കാലിലോന്ന് തൊട്ടു, മാപ്പപക്ഷേയാണെന്ന് മനസ്സിലായത്‌ കൊണ്ടാകണം അവൾ കാൽ പുറകിലെക്ക്‌ വലിച്ചു..
പോകാൻ ഇറങ്ങും നേരം അവൾ എന്നെ ഒന്ന് ചേർത്ത്‌ പിടിച്ച്‌ കവിളിൽ ഒരു മുത്തം തന്നു, അത്‌ വേരെ അടക്കി വെച്ചിരുന്ന അവളുടെ സങ്കടം അണപൊട്ടി ഒഴുകി, ഇറങ്ങാൻ നേരം അവൾ എന്റെ കൈയ്യിൽ പിടിച്ചു
അന്ന് ചോതിച്ചില്ലെ അച്ചായ ജഡ്ജി ഈ എട്ട്‌ വർഷം എന്തിനാണു നിങ്ങൾ കാത്തിരുന്നെതെന്ന്, എങ്ങനെ കാത്തിരുന്നെന്ന്? രാത്രിയിൽ കിടക്കുമ്പോൾ ഒരു കത്തിയോടോപ്പം തലയിണയുടെ അടിയിൽ ഞാൻ കരുതാറുള്ള എന്റെ ധൈര്യം, പുറത്തെക്ക്‌ പോകുമ്പോൾ ബാഗ്ഗിൽ കരുതാറുള്ള എന്റെ സുരക്ഷിതത്വം , ഒറ്റക്കാണെന്ന് തോന്നുന്ന നിമിഷങ്ങളിൽ നേഞ്ചോട്‌ ചേർത്ത്‌ വെച്ച്‌ പൊട്ടി കരയുന്ന എന്റെ ജീവിതം, അത്‌ ഇന്ന് നിങ്ങൾക്ക്‌ തിരിച്ച്‌ തരണം എന്ന് കരുതി വന്നതാണെന്ന് പറഞ്ഞ്‌ ബാഗിൽ നിന്ന് അവൾ ഞാൻ കെട്ടിയ താലിയെടുത്തപ്പോൾ നിറ കണ്ണുകളോടെ അവളുടെ മുന്നിൽ കൈ കൂപ്പി നിന്ന് പോയി...
അച്ചായ ഒരിക്കൽ കൂടി ഞാൻ വിശ്വസിച്ച്‌ കൂടെ പൊന്നെട്ടെന്ന് ചോതിച്ച്‌ അവൾ പൊട്ടി കരഞ്ഞപ്പോൾ നെഞ്ചിലെക്ക്‌ ചേർത്ത്‌ നിറുത്തി മാപ്പ്‌ അപേക്ഷിക്കുന്നുണ്ടായിരുന്നു ഒരായിരം തവണ അവളോടും എന്റെ മക്കളോടും....

Shanavas

പെണ്ണു കാണാൻ വന്ന ചെറുക്കനെ


പെണ്ണു കാണാൻ വന്ന ചെറുക്കനെ കണ്ട്‌ ഞാൻ ഞെട്ടി, ഞെട്ടൽ മുഖത്ത്‌ വരാതെ ഞാൻ ആ ചായ അവനു നേർക്ക് നീട്ടി, പഴയ ആ കള്ള ചിരിയോടെ ചായ അവൻ വാങ്ങുമ്പോഴെക്കും എന്റെ മനസ്സിൽ ആ കോളേജ്‌ ദിവസം ഓടിവന്നു..
കുറച്ച്‌ ദിവസമായി പുറകിലുണ്ടായിരുന്ന അനൂപ്‌, ഇന്നിതാ ആളുകളുടെ മുന്നിൽ തടഞ്ഞു നിർത്തിയിരിക്കുന്നു... ചുറ്റുമുള്ളവരുടെ കണ്ണുകൾ ഞങ്ങളുടെ മുഖങ്ങളിലായപ്പോഴാണു എന്റെ കൈ പിടിച്ച്‌ അമ്മു എനിക്ക്‌ നിന്നെ ഇഷ്ടമാണെന്ന് അവൻ പറഞ്ഞത്‌, കൂട്ടുകാരുടെ ഇടയിൽ ചൂളിയത്‌ കൊണ്ടാണു കൈ വലിച്ച്‌ അവന്റെ മുഖത്തിനിട്ട്‌ ഒരെണ്ണം കൊടുത്തിട്ട്‌ അവിടുന്ന് ഓടി മറഞ്ഞത്‌, പിന്നിട്‌ അനൂപ്‌ പഠിത്തം നിർത്തിയെന്ന് ആരോ പറഞ്ഞ്‌ അറിഞ്ഞപ്പോൾ ഒരുപാട്‌ വിഷമമായി ..
നീ എന്താ കുട്ടി സ്വപ്നം കാണുകയാണോ എന്ന അമ്മവന്റെ ചോദ്യമാണു ചിന്തയിൽ നിന്നും എന്നെ ഉണർത്തിയത്‌, തിരിഞ്ഞു നടക്കുമ്പോഴും ഒളിക്കണ്ണിൽ അവന്റെ ആ കള്ളചിരി എനിക്ക്‌ കാണാൻ കഴിഞ്ഞിരുന്നു, വീട്ടിൽ അച്ഛനോടും അമ്മയോടും ഒരുപാട്‌ തർക്കിച്ചെങ്കിലും, കോളെജിലുണ്ടായ അടിയുടെ കാര്യം പറഞ്ഞെങ്കിലും അവർക്ക്‌ വലുത്‌ കുടുംബത്തിനു ചേർന്ന ദുബായിക്കാരൻ അനൂപായിരുന്നു ...
ലീവ്‌ കുറവായത്‌ കൊണ്ട്‌ തന്നെ കല്ല്യാണം വളരെ വേഗം നടന്നു, ആദ്യ രാത്രിയിൽ തന്നെയും പ്രതീക്ഷിച്ച്‌ മണിയറയിൽ ഇരിക്കുന്ന അനൂപിനെ കണ്ടപ്പോൾ തന്നെ എനിക്ക്‌ ദേഷ്യം കൂടി, എന്നെ തൊടാനായി ഉയർത്തിയ കൈ തട്ടി മാറ്റിയിട്ട്‌ ഞാൻ പറഞ്ഞു.
അനൂപേ, എനിക്ക്‌ നിന്റെ ഉദ്ദേശം അറിയാം, ഒന്ന് എന്റെ അച്ഛന്റെ പണവും, പിന്നെ കോളേജിൽ അന്ന് നടന്ന സംഭവവും, ഇത്‌ രണ്ടുമാണ് നീ എന്നെ തിരഞ്ഞു വരാൻ കാരണമെന്ന് എനിക്കറിയാം, നിനക്ക്‌ വേണമെങ്കിൽ എന്റെ ശരീരം കവരാൻ കഴിയും, പക്ഷെ .. എന്റെ മനസ്സ്‌.... അത്‌ ഒരിക്കലും നിനക്ക്‌ കിട്ടില്ല.
മറുപടിയായി അവൻ പറഞ്ഞത്‌; "അതേടീ ... നിന്റെ അച്ഛന്റെ പണം കണ്ടിട്ട്‌ തന്നെയാ, പിന്നെ അന്ന് നീ ആളുകളുടെ മുന്നിൽ വെച്ച്‌ തന്നത്‌ ഒരിക്കൽ നിന്റെ വീട്ടുകാരുടെ മുന്നിലിട്ട്‌ തരുകയും വേണം, അപ്പോഴെ എന്റെ ചങ്കിലെ കനൽ അണയൂ. അല്ലാതെ വെള്ളപ്പാറ്റ പോലെയുള്ള നിന്നെ കണ്ടിട്ടല്ലാ" എന്നായിരുന്നു. പുതപ്പുമായി സോഫയിൽ കിടന്ന് അവൻ ഉറക്കമായെങ്കിലും, ഭാവി ജീവിതം ആലോചിച്ച്‌ എന്റെ ഉറക്കം നഷ്ടമായിരുന്നു...
ആദ്യത്തെ ഒന്ന് രണ്ട്‌ ദിവസം ചെറിയ ചെറിയ വഴക്കിലുടെ മുന്നോട്ട്‌ പോയെങ്കിലും, അഞ്ചാം ദിവസം ബാത്റൂമിൽ കുളിക്കുന്നിതിനിടയിൽ തല കറങ്ങി വീണ എന്നെ വാരിയെടുത്ത്‌ ഹോസ്പിറ്റലിൽ കൊണ്ട്‌ പോയത്‌ അനുപായിരുന്നു...ഒരു കയ്യിലെയും, കാലിന്റെയും പൊട്ടലുകൾക്ക്‌ പ്ലാസ്റ്ററിനൊപ്പം ഡോക്റ്റർ പറഞ്ഞത്‌‌ ഒരു മാസത്തെ റെസ്റ്റും കൂടിയായിരുന്നു...
വീട്ടിലേക്ക് കൊണ്ട്‌ പോകാൻ എന്റെ അമ്മ ഒരുപാട്‌ നിർബന്ധിച്ചെങ്കിലും അനൂപ്‌ സമ്മതിച്ചില്ല, കുളി അനൂപിന്റെ അമ്മയുടെ സഹായത്തോടെ ആയിരുന്നെങ്കിലും, ആഹാരം വാരി തരാൻ വന്നത്‌ അനൂപായിരുന്നു ...കഴിക്കാൻ വിസമ്മതിച്ച എന്നെ നോക്കി, " എനിക്ക്‌ നിന്നോടുള്ള ദേഷ്യം കുറഞ്ഞിട്ടൊന്നുമല്ല , വീണു കിടക്കുന്നവനെ വീണ്ടും ചവിട്ടുന്നത്‌ ആണുങ്ങൾക്ക്‌ ചേർന്ന പണിയല്ലാത്തത്‌ കൊണ്ടാ" എന്ന് പറഞ്ഞ്‌ ദേഷ്യപ്പെട്ടപ്പോൾ അറിയാതെ എന്റെ വാ തുറന്ന് പോയി.
പതിയെ പതിയെ ഞാൻ സ്നേഹിച്ച്‌ തുടങ്ങിയിരുന്നു അനൂപേട്ടനെ..അന്ന് രാത്രി ഞാൻ ഉറങ്ങിയെന്നു കരുതി എന്റെ കൈയ്യിലും, കാലിലും തലോടിയിട്ട് അനൂപേട്ടൻ കിടക്കാൻ പോയപ്പോൾ അറിയാതെ നിറഞ്ഞ്‌ തുളുമ്പിരുന്നു എന്റെ കണ്ണുകൾ. പ്ലാസ്റ്റർ മാറ്റിയിട്ട്‌ പിറ്റെന്ന് ഒരു ഗ്ലാസ്‌ ചായയുമായി അനൂപേട്ടന്റെ മുന്നിലെത്തിയിട്ട്‌, ഒരു ചെറു ചമ്മലോടെ ഏട്ടാ...ന്നു വിളിച്ചപ്പോൾ , കൈകൾ മാറ്റി ആ നെഞ്ചിലെക്ക്‌ അടുപ്പിച്ചിരുന്നു എന്നെ...
"ഇത്രയേറെ ദ്രോഹിച്ചിട്ടും ഏട്ടൻ എന്നെ സ്നേഹിക്കുന്നത്‌ കാണുമ്പോൾ എനിക്ക്‌ പേടിയാവുകയാ ...ഏട്ടന്റെ ഭാര്യയാക്കാനുള്ള യോഗ്യത എനിക്കില്ല. ഏട്ടൻ അറിയാത്ത ഒരു സത്യം ഉണ്ട്‌ എന്റെ ജീവിതത്തിൽ..." എന്ന് പറഞ്ഞ്‌ തുടങ്ങും മുമ്പെ ആ കരങ്ങൾ കൊണ്ട്‌ എന്റെ വാ അടച്ചിട്ട്‌... നീ അവരുടെ ദത്ത്‌ മകളാണെന്നും, അവരുടെ സ്വത്തിൽ നിനക്കോരു പങ്കും ഇല്ലെന്നും അറിഞ്ഞിട്ട്‌ തന്നെയാടി വെള്ളപ്പാറ്റെ ഞാൻ നിന്റെ പുറകെ കൂടിയതെന്നു പറഞ്ഞപ്പോഴെക്കും ആ നെഞ്ച്‌ എന്റെ കണ്ണിരിൽ കുതിർന്നിരുന്നു.....

Shanavas

DON'T MISS

Nature, Health, Fitness
© all rights reserved
made with by templateszoo