ബാല്യം

ബാല്യകാലത്തിന്റെ ഗന്ധം പരത്തി
മരങ്ങള്‍ പൂക്കുന്നു കായ്ക്കുന്നു
എന്റെയുള്ളില്‍ വസന്തത്തിന്റെ
ചിറകുമായെത്തി തളിര്‍ക്കുന്നു
ബാല്യത്തിന്‍ ഓര്‍മ്മകളൊക്കെയും
വിരസമാം ശൂന്യവേളകളില്‍ ശാന്തിയായി
മടക്കമില്ലന്നറിഞ്ഞിട്ടും മോഹിപ്പിക്കുന്നൂ
നിറമുള്ളതാം പഴയകാലലീലകള്‍

ഓർമകള്‍ മറയും വാര്‍ദ്ധക്യം
പടിവാതില്‍ക്കല്‍ വിരുന്നെത്തിയെങ്കിലും
മായാതെ നില്‍ക്കുന്നു ബാല്യനിഷ്‌കളങ്കത
ഹൃദയാന്തരത്തില്‍ മറയാതെ
ഒളിപ്പിച്ചു സൂക്ഷിച്ചൂ ബാല്യകാലം
ജന്മമില്ലിതു പോലെയെങ്കിലും
വരുമോ ഇനിയൊരു സ്വപ്‌നകാലം

By: Amina saheer