Showing posts with label ImranAbdul. Show all posts
Showing posts with label ImranAbdul. Show all posts

സംശയം "ഒരു മികച്ച സംശയം "

Image may contain: 1 person, selfie and close-up
സംശയം "ഒരു മികച്ച സംശയം "
കല്യാണം കഴിഞ്ഞു രണ്ടു ദിവസം ആയി ഷുക്കൂറിനു തന്റെ ബീവിയോട് എന്തൊക്കെയോ ചോദിക്കാനുണ്ട്
പക്ഷെ അവളതു ഏതു രീതിയിൽ എടുക്കുമെന്ന് അറിഞ്ഞുട !
വേറൊന്നുമല്ല പണ്ട് പ്രേമം വെല്ലോം ഉണ്ടായിരുന്നോ എന്നാണ്
ചോദിക്കേണ്ട സമയത്തു ചോദിക്കാതെ വന്നപ്പോൾ കൂട്ടുകാരുടെ പ്രഷർ ഈ കാര്യത്തിൽ വന്നു അവര് പറയണത് ചോദിക്കണം എന്നാണ് !
എന്താ ചെയ്ക ?
ക്ലബിൽ കൂട്ടുകാർ ഓരോ ദിവസവും ചില ജാര കഥകൾ അവിടെ നടന്നു ഇവിടെ നടന്നു എന്നൊക്കെ പറയാറുണ്ട് പണ്ട് ഇതൊക്കെ ആകാംഷയോടെ കേട്ടിരുന്നു ഇപ്പോൾ കേൾക്കുമ്പോൾ ഉള്ളിൽ ഒരാന്തലാണ്
അവരുടെ കഥകളിൽ ആണുങ്ങളില്ലാത്തപ്പോൾ വരുന്ന പിച്ചക്കാര് മുതൽ പലിശക്കാര് വരെ വില്ലന്മാരായിരിക്കും.
എന്തായാലും ഞാനില്ല ഇതൊന്നും ചോദിക്കാൻ നാളെ പിന്നെ ഇത് വല്യ പ്രേശ്നത്തിൽ കൊണ്ട് നിർത്തും വേണ്ട അവന്മാര് ചോദിച്ചാൽ അവൾ അങ്ങനെയൊന്നും ഇല്ല എന്ന് പറഞ്ഞെന്നു പറയാം
കാര്യം സോൾവ് !
പതിവ് പോലെ ജോലികഴിഞ്ഞ് വൈകിട്ട് ക്ലബ്ബിൽ പോയി
കാരംബോട് കളിക്കിടയിൽ ഞാൻ അടിച്ച വെള്ള കട്ട കറുപ്പിനൊപ്പം ഒരുമിച്ചു കുഴിയിൽ വീണു
അപ്പൊ ദേ തുടങ്ങി
ഒരുത്തൻ ഇപ്പൊ വെളുത്ത പെണ്ണുങ്ങൾക്ക്‌ കറുത്ത പയ്യന്മാരെയാണ് കൂടുതൽ ഇഷ്ടം
അതെന്താ മനാഫെ അങ്ങനെ? ആകാംഷയോടെ കറുത്ത നമ്മുടെ ചങ്ക് ചോദിച്ചു
വടക്കേല സുറുമിത്ത എങ്ങനെ ഇരിക്കണേ നല്ല വെളുത്തു തുടുത്തു എന്നിട്ട് ഗൾഫിൽ കിടക്കണ കെട്ടിയോനെയും കളഞ്ഞു പോയത് ആരുടെ കൂടെയാ ആ കറുത്ത മരിപ്പിനൊക്കെ ബിരിയാണി വെക്കണ ഇസ്മായിൽ ഇക്കയോട് കൂടെ മനാഫ് അങ്ങനെ കഥകളുടെ കെട്ടഴിച്ചു
അവന്മാരുടെ ജാര കഥകൾ നെഞ്ചിൽ തീകോരിയിട്ട്ടതും
എടാ ഞാൻ കളി നിര്ത്തേണ് വീട് വരെ പോകണം ഞാൻ പറഞ്ഞു
ഒരു സെറ്റ് കൂടെ കളിക്കട
ഹേയ് ഞാനില്ല നാളെ കാണാം
തെണ്ടികൾ വെറുതെ ഓരോന്ന് പറഞ്ഞു ടെൻഷൻ അടിപ്പിക്കാൻ
വീട്ടിലേക്കു പോകുന്ന വഴി അവന്റെ ജാരകഥകൾ എന്നെ വേട്ടയാടിക്കൊണ്ടിരുന്നു
നടന്നു നടന്നു വീടിനു മുറ്റത്തെത്തിയപ്പോൾ സൈക്കിളിൽ ആരോ ബീവിയോട് സംസാരിച്ചോണ്ടിരിക്കുന്നു
ആരാണ് ഈ സന്ധ്യ നേരത്തു ?
ഷുക്കൂർ അടുത്ത് ചെന്നതും ബീവി അകത്തേക്ക് കയറി
പത്രം ഇടുന്ന ചേട്ടനാണ് ജോർജ്
എന്താ ചേട്ട
ഏയ്‌ കാശ് മേടിക്കാൻ വന്നതാണ്
എന്നിട്ട് കിട്ടിയോ
കിട്ടി
പിന്നെ വേറെ എന്താണ് ?
ഇല്ല നിന്റെ ബീവിടെ തൊട്ടടുത്താണ് എന്റെ ഭാര്യവീടെ അപ്പോ പറഞ്ഞു വന്നപ്പോൾ അയൽക്കാരാണ് അതൊക്കെ സംസാരിച്ചോണ്ടിരുന്നതാ !
എന്നാൽ ശെരി ചേട്ടൻ പൊയ്ക്കോ
ജോർജേട്ടൻ സൈക്കിളുമായി പോയി
ശുകൂർ അകത്തു കയറി അടുക്കളയിൽ ഇരിക്കുന്ന ബീവിയോട്
മോളെ ഒന്നിങ്ങു വരോ
ദേ വരുന്നു ഇക്ക *അടുക്കളയിൽ നിന്ന് ബീവിയുടെ കിളിനാദം
ഭാര്യ വന്നതും മെല്ലെ ശുകൂർ ബീവിയുടെ കയ്യിൽ പിടിച്ച് ഒരു കൊഞ്ചലോടെ
അതെ മോളെ
ഇവിടെ വരുന്ന പാൽകാരനും പത്രകാരനും കേബിൾ കാരനും ഗ്യാസ് കൊണ്ടുവരുന്നവനും അത്ര നല്ല ആൾകാരല്ല സൂക്ഷിക്കണം
മോളു അവര് വരുമ്പോൾ ഇക്ക വന്നിട്ട് ക്യാഷ് തരാമെന്നു പറഞ്ഞാൽ മതി കേട്ടോ !
ഉം ബീവി മൂളി
പിന്നെ പുറത്തിറിങ്ങിയിട്ടു പറയണം എന്ന് നിർബന്ധവുമില്ല ദേ ആ കാണുന്ന ജനലിൽകൂടി പറഞ്ഞാൽ മതി
ഷുക്കൂർ പറയുന്നത് കേട്ട് കൊണ്ട് ബീവി അകത്തേയ്ക്ക് എന്തോ ആലോചനയിൽ നടന്നു
അവൾ എല്ലാം ഞാൻ പറഞ്ഞപോലെ മനസ്സിലാക്കുന്നുണ്ട്
ഇത് പറഞ്ഞു തീരലും
സർ നമസ്കാരം ഞാൻ GMS ഇന്ടസ്ട്രിസിൽ നിന്നും വരുന്നതാണ്
എനിക്കൊരു പോയിന്റും കൂടി കിട്ടാൻ ഒരു പ്രോഡക്റ്റ് കൂടി വിൽക്കണം സർ പ്ലീസ് ഒരു ചായപ്പൊടി പാക്കറ്റ് എങ്കിലും എടുക്കണം പ്ലീസ്
പാവം ചെക്കൻ ഷുക്കൂറിനു അലിവ് തോന്നി
പെട്ടെന്നാണ് വീട്ടിൽ സാധനം വിൽക്കാൻ വന്നു വന്നു അവിടെത്തെ പെണ്ണുമായി പോയ ജാരകഥ കൂട്ടുകാർ പറഞ്ഞത് മനസ്സിലേക്ക് വന്നത്
പോരാത്തതിന് ഇവൻ കറുത്തിട്ടുമാണ് ഞാൻ എന്തെങ്കിലും ഇന്ന് വാങ്ങിച്ചാൽ ഇതും പറഞ്ഞു ഞാൻ ഇല്ലാത്തപ്പോൾ പുതിയ പ്രോഡക്റ്റ് ആയിട്ട് വരും
ഒന്നും നോക്കിയില്ല തന്റെ ഭാര്യയെ തട്ടിക്കൊണ്ടുപോകാൻ വന്ന ചെക്കനെ ഷുക്കൂർ കണക്കിന് കൊടുത്തു
രാത്രിയാണോടാ നിന്റെ ചായക്കച്ചോടം പൊയ്ക്കോണം ഇവിടുന്നു ശേയ്താനെ
ഷുക്കൂർ കലിതുള്ളി കണ്ടതും ചെക്കൻ ബാഗും പൊക്കി കണ്ടം വഴി ഓടി
പിന്നീട് അങ്ങോട്ട്‌ ഷുക്കൂറിനു സംശയം
അതങ്ങട് ശീലമായി
ഉറക്കം കഴിഞ്ഞാൽ മൂന്ന് വട്ടം ഭാര്യ അടുത്തുണ്ടോ എന്നെണീറ്റു നോക്കും
ഓഫീസിൽ ഇരിക്കാൻ നേരം വെറുതെ ഇടയ്ക്കിടയ്ക്ക് മിസ്സ്‌ കോൾ അടിക്കും ഇനി എങ്ങാനും അവൾ ബിസി ആണെങ്കിൽ ആരോടായിരിക്കും സംസാരിക്കുന്നതെന്നറിയാൻ രാത്രി മൊബൈൽ എടുത്തു നോക്കും
ജോലിക്ക് പോണെന്നു പറഞ്ഞിറങ്ങും പിന്നെ എന്തെങ്കിലും മറന്നെന്ന ഭാവേന വീണ്ടും വരും
എപ്പോഴും വീടിനകം ഒന്ന് സെർച് ചെയ്യും
അങ്ങനെ അങ്ങനെ പലതും തുടർന്നു കൊണ്ടേയിരുന്നു
ബീവിക്ക് കാര്യം പിടികിട്ടി തന്റെ പുയ്യാപ്ല ഇങ്ങനെ സംശയം മൂത്ത് നടക്കേണ്
ഇതെങ്ങനെ മാറ്റും അവൾ ആലോചനയിൽ ആയി
അങ്ങനെ രണ്ടു മാസം കടന്നു
ഒരുദിവസം എന്നത്തേയുംപോലെ വൈകിട്ട് ഷുക്കൂർ ജോലികഴിഞ്ഞു വന്നപ്പോൾ കേട്ട വാർത്ത
ഷുക്കൂറിന്റെ സംശയങ്ങൾക്കു ആക്കം കൂട്ടി
കേട്ട കാര്യം വലതു ചെവിയിൽ കൂടി കേട്ട് ഇടതു ചെവിയിൽ കൂടി പോകേണ്ടതിന് പകരം തന്റെ തച്ചോറിനകത്തു വട്ടം ചുറ്റി കളിക്കുന്നു
ഓള് "പ്രെഗ്നന്റ് "ആണെന്ന്
മുണ്ട് കൂട്ടിപ്പിടിച്ചു ഷുക്കൂർ ഉമ്മറത്തെ പടിയിൽ ഒന്നിരിന്നു
അതിനു! എങ്ങനെ !ഞാൻ ! എപ്പളാണ്! പടച്ചോനെ
(തുടരും )

ശങ്ക തന്ന പണി


ശങ്ക തന്ന പണി
പടച്ചോനെ മൂത്രം എത്രനേരമായി ഞാൻ പിടിച്ചു വെക്കുന്നു
കാർ നിർത്തിയാൽ മതാമ്മ എന്തിനാണ് നിർത്തുന്നതെന്ന് ചോദിക്കും. ഇവരോട് എന്ത് ഭാഷയിൽ ഞാൻ സംസാരിക്കും
മൂത്രമൊഴിക്കാൻ മുട്ടുന്നു എന്ന് ഞാൻ എങ്ങനെ ഇവരോട് പറയും
കാലിന്റെ തുട രണ്ടും കൂട്ടിപ്പിടിച്ചു ഷംസു വണ്ടിയോട്ടം തുടർന്നു
ഷംസുവിന്റെ ഇരിപ്പും മുള്ളിൻമുകളിൽ ഇരിക്കുന്നതരത്തിലുള്ള വണ്ടിയോടിക്കലും മുഖത്തു മിന്നിമാറുന്ന ഭാവങ്ങളും ഇടയ്ക്കിടയ്ക്ക് തിരിഞ്ഞ് കൊണ്ടുള്ള ഒരു ഇളിക്കലും
ലണ്ടനിൽ നിന്ന് വന്ന മാതാമ്മയ്ക്കു ഒരു പുത്തൻ അനുഭവമായിരുന്നു
അതിലേറെ കൗതുകവും
ഇവിടെയുള്ള ഓരോ മനുഷ്യരും കലാകാരന്മാരാണെന്നാണ് അവിടെ നിന്നും മതാമ്മ കേട്ടറിഞ്ഞിരിക്കുന്നതു.
മുമ്പ് ഉസ്കൂളിൽ പഠിപ്പിക്കുന്നേരം ശങ്കയ്ക്കു പോകാൻ മാഷിനോട് ഒന്നിന് പോകണമെന്ന് ചെറുവിരല് പൊക്കി കാണിക്കുമായിരുന്നു
അങ്ങനെ കാണിച്ചാൽ മാതാമ്മയ്ക് മനസ്സിലാകുമോ
ഇനി പിടിച്ചു നിൽക്കാൻ പറ്റുമെന്നു തോന്നുന്നില്ല
എയർപോർട്ടിൽ നിന്നും വണ്ടിയെടുത്തപ്പോൾ നിസാരമാക്കി കളഞ്ഞ ശങ്കയാണ്‌ ഇപ്പൊ 2മണിക്കൂർ കഴിഞ്ഞിരിക്കുന്നു ശങ്ക അതിന്റെ ഉച്ചസ്ഥായിൽ വന്ന് നില്കുന്നു
കൂട്ടിപ്പിടിച്ച തുട ഒന്ന് വിടർത്തിയാൽ ഡാം പൊട്ടുന്ന അവസ്ഥയിലേക്ക് കടക്കും
ഷംസു പുറത്തേക്കു നോക്കാൻ തുടങ്ങി എവിടെയെങ്കിലും മൂലയ്ക്ക് വണ്ടി നിർത്തണം കാര്യം സാധിക്കണം
ഇതിനിടയിൽ മിറർലൂടെ തന്നെ മാതാമ്മ കാഴ്ച ബംഗ്ലാവിലെ കുരങ്ങിനെ നോക്കുന്ന പോലെ നോക്കി കൊണ്ടിരിക്കുന്നു
ഓരോ ഹംബ് ചാടുമ്പോളും ബ്രേക്ക് പിടിക്കുമ്പോളും നനവ് പിടിക്കുന്നൊന്നൊരു തോന്നൽ
ഇനി എനിക്ക് ഇത് താങ്ങാനാവില്ല മാതാമ്മ എന്തൊക്കെ വിചാരിച്ചാലും കുഴപ്പമില്ല മൂത്രമൊഴിച്ചിട്ടേ ഇനി വണ്ടി മുന്നോട്ടു പോകു
ഷംസു റോഡ് സൈഡിലെ ഒരു ഓടയുടെ ഭാഗത്തേക്കു വണ്ടി ഒതുക്കി നിർത്തി വണ്ടിയിൽ നിന്നും ചാടി ഇറങ്ങിയതും
നമ്മുടെ കയ്യിലല്ലല്ലോ ഇതൊന്നും അതങ്ങട് ഒഴുകാൻ തുടങ്ങി പിടിച്ചു നിർത്താൻ പറ്റുമോ
പോകുന്ന സമയം കിട്ടുന്ന സുഖം വേദന ഇതിൽ അറിയാതെ ഷംസു ലയിച്ചു നിന്നു
നിന്നതല്ല ലയിച്ചു കിടന്നു
പുള്ളി ഇന്നലെ ഓട്ടം കഴിന്നു പാതിരാത്രി ആയോണ്ട് കുട്ടികളെ എണീപ്പിക്കാതിരിക്കാൻ പായും വിരിച്ചു നിലത്തു കിടന്നതാ
സ്വപ്നത്തിൽ പോയാൽ മൂത്രം ഇവിടെയും പോകുമല്ലോ
അടക്കള പണീം കഴിഞ്ഞു
ബീവി നിലം തൂതോണ്ടിരുന്നപ്പോ ഇതാ തന്റെ കെട്ടിയോൻ കിടക്കപ്പായിൽ പണി ഒപ്പിച്ചു കൊണ്ടിരിക്കുന്നു ഒന്നും നോക്കിയില്ല കൊടുത്തു ചൂലോണ്ട് ഒരെണ്ണം
അടി കിട്ടിയതും പമ്പ്‌ സെറ്റ് ഓഫ് ആക്കി ഷംസു ചാടി എണീറ്റു
ഇന്നലെ ഇളയവൻ കിടക്കയിൽ മുള്ളിയതിനു തല്ലിയ ആളാണ്‌ ഇവിടെ കിടന്നു സാധിച്ചത്
കെട്ടിയോള് കലിതുള്ളി
അവിടെനിന്നു ഷംസു ഒറ്റച്ചാട്ടത്തിനു കുളിമുറിയിലേക്ക് എത്തി
കുളിമുറിക്കുള്ളിൽ ഷംസു
താൻ ചെയ്തതു
ഛെ മോശം ഇത് ഒരുമാതിരി അയ്യേ
ഇളയവൻ നാല് വയസാണെലും ഒടുക്കത്തെ വാലാണ് അവൻ കിടക്കെ മുള്ളിയതിനു ഇന്നലെ ഞാൻ ഒന്ന് കൊടുത്തു ഇനി അവളെങ്ങാനും ഇത് അവനോടു പറയുമോ
അവനറിഞ്ഞാൽ കുടുംബക്കാരോട് മൊത്തോം പറയും ഉപ്പച്ചി കിടക്കെ ഇച്ചിച്ചി ഉപ്പച്ചി ഇച്ചിച്ചി എന്ന്
വാഷിങ് പരുപാടി കഴിഞ്ഞു വേറെ കള്ളിമുണ്ടൊക്കെ ഇട്ടു ഷംസു പുറത്തിറങ്ങി
റൂമിൽ തറ തുടച്ചുകൊണ്ട് ബീവിനിൽകുന്നു
നാണമില്ലല്ലോ ഇക്കാക്ക ഇമ്മാതിരി പണികാണിക്കാൻ കളിയാക്കലോടെ ബീവി
ആ മനുഷ്യനാണ് പറ്റിപ്പോയി പിന്നെ നമ്മടെ
പിള്ളേരെവിടെ
മൂത്തൊൻ ഓത്തുപള്ളീ പോയി ഇളയവൻ അപ്പറെ കൊച്ചാപ്പന്റങ്ങോട് പോയിട്ടുണ്ട്
ഭാഗ്യം പിള്ളേരഞ്ഞിട്ടില്ല പടച്ചോൻ കാത്തു
ഡീ ഞാൻ ഉമ്മറത്തൊണ്ടാകും നീ ഒരു ചായയെടുക്കു
ഉം ശരി ഇക്ക
ബീവി അടക്കളയുടെ അകത്തേക്ക് പോയി
ഷംസു മുറ്റത്തു കിടക്കണ പത്രവുമെടുത്തു ഉമ്മറത്തെ നൂൽക്കസേരമേ ചാരിയിരുന്നു പത്രം വായന തുടങ്ങി
പെട്രോൾ വില കയറ്റം സ്വർണം പവന് വിലകൂടി ചെറിയുള്ളി റെക്കോർഡ് വില രാഷ്ട്രീയ കൊലപാതകം പീഡനം അങ്ങനെ എന്നും മലയാളികളെ ഞെട്ടിക്കാത്ത ഇത്തരം വാർത്തകൾ ഷംസു നിസാരമാക്കി വായിച്ചുതള്ളി
ഇന്നാ ചായ ബീവി മുമ്പിൽ
പെണ്ണേ സ്വർണവില കൂടിയുട്ടുണ്ടല്ലോ
നല്ലകാര്യോയി ഇങ്ങളോട് പുതിയത് ബാങ്കിതരാനൊന്നുമല്ലോ ഞാൻ പറയാറ്
ആ പണയം വെച്ചത് എടുത്തു തന്നാൽ പോരെ
അതക്കെ എടുക്കാം സീസൺ ഓട്ടം വന്നോട്ട് മോളെ
എടുത്തു തന്നാൽ മതി
ബീവി അകത്തേയ്ക്കു പോകാൻ തുനിഞ്ഞതും
ഷംസു ഒരു പരുങ്ങലോടെ
പിന്നെ നീയേ ഞാൻ മുള്ളീനൊന്നും പിള്ളേരോട് തമാശയ്ക് പോലും പറയല്ലേ കേട്ടോ
നമ്മള് രണ്ടാളും മാത്രം അറിഞ്ഞാമതി
ഹ ഹ ഹ.
മനുഷ്യ നിങ്ങള് മുള്ളിയത് കാണിച്ചു തന്നത് ഇളയവനാണ് അത് കഴിഞ്ഞു
അപ്പൊ തന്നെ ഇറങ്ങിയതാ കൊച്ചാപ്പന്റെ വീട്ടിലോട്ടു
കൊച്ചു ടീവി വെക്കാൻ കരഞ്ഞോണ്ടിരുന്നതാ എന്തോ പെട്ടെന്ന് മനസ്സുമാറി അങ്ങോട്ടോടി
ഇത് കേട്ടതും ഷംസു
പടച്ചോനെ അവൻ ഇനി എല്ലാരോടും പറയുമോ
ഇക്കാക്ക ഇക്കാക്ക കിടക്കേമുള്ളിയ
ഒരുറക്കെ ശബ്ദം
ഗെയ്റ്റും തുറന്നു ശംസുന്റെ അനിയൻ ഹംസ ശംസൂന്റെ ഇളയമകനുമായി ഇതും പറഞ്ഞ് ചിരിച്ചോണ്ട് കയറിവരുന്നു
ആര് മുള്ളിയെന്നാ ഹംസേ പറയണത്
ഷംസുവിന്റെ അയൽവാസിയും കൂട്ടുകാരനായ റഫീഖിക്ക ശംസുന്റെ അനിയൻ ഹംസയോട് പല്ല് തേച്ചോണ്ടിരിക്കവെ അപ്പുറത്തെ വീടിന്റെ കിണറിനു വക്കിൽ നിന്നുകൊണ്ട് ചോദിച്ചു
അപ്പൊ നിങ്ങളറിഞ്ഞില്ലേ നിങ്ങടെ തോഴൻ കിടക്കെ മുള്ളിയെന്നു
ശംസൂന്റെ ഇളയവനെ ഉയർത്തി ആയാൾക്കുകാട്ടിയിട്ടു
ദേ ഇവൻ പറഞ്ഞതാ
എന്റെ പൊരെയിൽ എല്ലാരോടും ഇവൻ പറഞ്ഞേക്കണു ഇക്കാക്കാ
ഷംസുവിനെ നോക്കിക്കൊണ്ടു ഹംസ പറഞ്ഞു
ഉള്ളതാണോ ഇക്കാക്ക
മറുപടി പതുങ്ങി പരതി ഷംസു
ഏയ്‌ ഇല്ലടാ അവനു വട്ടാണ്
ഇങ്ങള് മുള്ളിയെന്നും ഇത്താത്ത ചൂലും കെട്ടിന് നിങ്ങളെ പൊത്തിയന്നും ഇവൻ എല്ലാരോടും പറഞ്ഞേക്കണു
ആണോ ഛെ ഇവന്റെയൊരു കാര്യം
പടച്ചോനെ വല്ലാത്തപണിയായിപ്പോയി ഇത്
.ഷംസു മെല്ലെ വീടിനുള്ളിലേക്ക് വലിഞ്ഞു
പത്തുനാല്പതു വയസ്സായ നമ്മക്ക് പിടിച്ചുനിർത്താൻ കഴിയാത്തതു പിള്ളേര് അല്ലെങ്കിലും സ്വപ്നത്തിൽ എങ്ങനെ പിടിച്ചു നിർത്തും
അലമാരയുടെ കണ്ണാടിയുടെ മുമ്പിൽ നിന്നു കൊണ്ട് ഷംസു സ്വയമേ പറഞ്ഞു
ഓനെ അന്ന് തല്ലൻടാർന്നു
കുരുത്തം കെട്ടവൻ

പാൽപായസം (സുപ്രൻ കഥകൾ )


പാൽപായസം (സുപ്രൻ കഥകൾ )
പലിശക്കാരൻ രാമു ആശാന്റെ മകളുടെ വിവാഹമാണിന്നു
വീടിനു മുറ്റത്ത്‌ തന്നെയാണ് ആ യമണ്ടൻ പന്തൽ.
ആശാനോട് വിരോധമുള്ളവരും. കല്യാണം വിളിക്കാത്തവരും. പിണങ്ങി നിന്നവരും ഒരു ഉളുപ്പും കൂടാതെ അങ്ങോട്ടേക്ക് വലിഞ്ഞു കയറി പോകുന്നുണ്ട്.
ഇതൊക്കെ കണ്ടു നമ്മുടെനായകൻ സുപ്രൻ പന്തലിനു പുറമേ നിൽക്കുന്നുണ്ട്. സുപ്രന് ഈ ആൾക്കൂട്ടത്തിന്റെ തിരക്കിന് കാരണം അറിയാം "പാൽ പായസം "
അതേ അത് തന്നെയാ കാരണം
തെക്കേപ്പാട്ടു ശ്രീ കോവിന്ദൻ നമ്പൂതിരിയാണ് സദ്യയുടെ മേൽ നോട്ടം അവരുടെ മാത്രം ട്രേഡ് മാർക്കാണ് പാൽപായസം. നമ്പൂതിരി എന്നാൽ പണക്കാർക്ക് മാത്രം സ്വപ്നം കാണാൻ പറ്റുന്ന ഒരു വെപ്പ്കാരൻ
ജനപ്രവാഹം പന്തലിലേക്ക് ഒഴുകിക്കൊണ്ടിരിക്കുന്നു സുപ്രനും ആ തിരക്കിലേക്ക് ഊളിയിട്ടിറങ്ങി
വിളംബിനു സമയമായി പക്ഷെ ഊട്ടുപുര തുറന്നിട്ടില്ല സുപ്രൻ ജനത്തിരക്കിനിടയിലൂടെ കഷ്ടപ്പെട്ട് ഏറ്റവും മുന്നിലേക്കെത്തി
കഷ്ടപ്പാടിന് അവസാനം സുപ്രൻ എത്തിനിന്നതു ഒരു നാല്കാല് നീളം മേശയുടെ മുന്നിലാണ്
തിരക്ക് നിയന്ത്രിക്കാൻ വിളമ്പുകാർ ഊട്ടുപുരയുടെ പ്രവേശനം തടസ്സപ്പെടുത്തിയിരിക്കുകയാണ്.
അകത്തു നിന്നും സദ്യയുടെ മണം ജനങ്ങളുടെ മൂക്കിനകത്തേക്കു ഇടിച്ചു കയറിക്കൊണ്ടിരിക്കുന്നു. ഈ കല്യാണ സദ്യക്ക്‌ വേണ്ടി കാത്തിരുന്നു സുപ്രൻ ആകെ മുഷിഞ്ഞിരിന്നു. വയറിനകത്തു തീ താണ്ഡവം നടക്കുന്നുമുണ്ട്
എന്താ ഇനി വഴി സുപ്രൻ ആലോചന തുടങ്ങി
എന്നോടാണോ കളി സുപ്രൻ തന്റെ കുരുട്ടു ബുദ്ധിയിൽ നിന്നും എന്തോ പൊക്കിയെടുത്തു.
അതേ അതുതന്നെ നാല്കാല് മേശ പുറകിലേക്ക് ആഞ്ഞു വലിക്കാം
വിളമ്പുകാർ ഈ പ്രതിഭാസം തിരക്കുമൂലമാണെന്നു വിചാരിച്ചോളും. എന്നിട്ടു വേഗത്തിൽ മുന്നിലേക്കായം.
സുപ്രൻ പണി തുടങ്ങി പുറകിലോട്ട് മേശ വലിച്ചു അതിന്റെഇരട്ടി വേഗത്തിൽ ജനങ്ങൾ മുന്നിലേക്കാഞ്ഞു
ടമാർ പടാർ മേശ തെറിച്ചു വീണു
മേശയോടൊപ്പം ജനങ്ങളും ഊട്ടുപുരയിലേക്കു മറിഞ്ഞു വീണു
വീണവർ വീണവർ അകത്തെ ഇരിപ്പിടം സ്വന്തമാക്കി വിളമ്പുകാർ പരിഭ്രാന്തരായി കോവിന്ദൻ നമ്പൂരി വിളമ്പിനു ആജ്ഞാപിച്ചു
ഇതിനെല്ലാം ചുക്കാൻ പിടിച്ച ശ്രീ സുപ്രൻ അവർകൾ നല്ല വായു സഞ്ചാരം ഉള്ള ഭാഗം നോക്കി നേരത്തെ ഇരിന്നിരിക്കുന്നു
വിളമ്പുകാർ വിളമ്പു തുടങ്ങി ജനങ്ങൾ ഭക്ഷണത്തെ ആക്രമിക്കാനും. നല്ല ചൂട് ചമ്പാവരി ചോറ് നല്ല എരിയുള്ള സാംബാർ പിന്നെ തോരൻ കാളൻ അങ്ങനെ അങ്ങനെ
വിളമ്പുകാരുടെ കൈ കഴച്ചു തുടങ്ങി സുപ്രൻ ചോറ് നിർത്തി സ്പെഷ്യലിന് വേണ്ടി കാത്തിരിക്കുന്നു.
ഉള്ളിൽ പാല്പായസത്തിന് ചെമ്പ് തുറക്കുന്നു സുന്ഗന്ധം ചുറ്റും പരക്കുന്നു
തിടമ്പേറ്റിവരുന്ന ആനയെപ്പോലെ നമ്പൂതിരി തൂക്കിൽ പാല്പായസവുമായി അതാ വരുന്നു
അയാള് ഓരോരുത്തവരുടെ ഇലയിലേക്കു പാൽപായസം വിളമ്പുന്നുണ്ട് കുടിക്കുന്നവർ രുചികൊണ്ട് കണ്ണ് തുറക്കുന്നില്ല. അങ്ങനെ
ഇതാ സുപ്രന്റെ ഇലയിലും വീണു ആ മഹാ സംഭവം.
സുപ്രൻ ഒന്നും നോക്കിയില്ല രുചി ആസ്വാദനം
പായസം ഒറ്റ വട്ടത്തേക്കു ചുരുക്കിയാലോ അതിനാൽ
ഒറ്റയടിക്ക് പായസം കുടിച്ചു തീർത്തു
രണ്ടാമത്തെ പ്രാവശ്യം വേണമെന്ന് വിളമ്പു കാരനോട് ആംഗ്യം കാണിച്ചു ഇതു കണ്ട വിളമ്പുകാരൻ സുപ്രന്റെ അടുത്തേക്ക് പാഞ്ഞു വന്നു പായസം ഇലയിലേക്കു ഒഴിച്ചു
അയ്യേ ഇതെന്താ ?
ചേട്ടനല്ലേ പായസം ചോദിച്ചേ !
എനിക്ക് പാല്പായസം ആണ് വേണ്ടത് പാല്പായസം തീര്ന്നു " വിളമ്പുകാരൻ പതുക്കെ പറഞ്ഞു
സുപ്രന് താൻ കേട്ട വാര്ത്ത വിശ്വസിക്കാൻ പറ്റിയില്ല
"എന്ത് പാൽപായസം തീർന്നെന്നോ"
സുപ്രൻ ഉറക്കെ പറഞ്ഞു
നാട്ടുകാരും സുപ്രനോടൊപ്പം ഒരുനേട്ടലോടെ അതേറ്റെടുത്തു
ഇനി പാൽപായസം ഇല്ലാ
പണക്കാരനും പലിശ പ്രമാണിയുമായ രാമു ആശാൻ സ്വന്തം മകളുടെ വിവാഹമായിട്ടുപോലും നാട്ടുകാരോട് ചതി ചെയ്തിരിക്കുന്നു തണ്ടാൻ വറീത് പാൽക്കാരൻ ശിവനോട് അവസാനത്തെ ഉരുളയും വായിൽ തിരുകിയിട്ടു വിഷമത്തിൽ പറഞ്ഞു
അല്ലെങ്കിലും രാമു ആശാൻ ഒരു ബൂര്ഷയാണ് പോരാത്തതിന് ജന്മിത്വത്തിന്റെ അടയാളവും. ചുണ്ടിലെ അടപ്രഥമൻ തുടച്ച
ശേഷം
പാർട്ടിക്കാരൻപുഷ്പൻ മേശയിൽ തട്ടി തന്റെ സഹപ്രവർത്തകരോട് പറഞ്ഞു.
എന്നാലും നമ്മളോടീ ചതി വേണ്ടായിരുന്നു എഴുപതുകാരി അടക്ക വില്പനക്കാരി നാണിയമ്മ മേലോട്ട് നോക്കി പറഞ്ഞു.
കാലൻ രണ്ടീസം കഴിഞ്ഞു നാണിയമ്മയെ ക്ലിപ്പിടാമെന്നു വിചാരിച്ചതാ പക്ഷെ സങ്കടം കണ്ട്‌ ഒരു വിളമ്പു സമയം കൂടി കൊടുത്തു
ഇലയിലെ അടപ്രഥമൻ പഴവും കൂട്ടിയിടിച്ചു സുപ്രൻ പുറത്തേക്കിറങ്ങി
അവിടെ രണ്ടാം പന്തിക്കായി ആളുകളുടെ തിരക്ക് കാണാം
കൈകഴുകികൊണ്ട് പതുക്കെ ഒരു സംശയത്തോടെ തുണികൊണ്ടു മറച്ചിരിക്കുന്ന പാചകപ്പുരയിലേക്കു എത്തിനോക്കി.
ചതി ചതി കൊലച്ചതി
ഒരു ചെമ്പ് പാൽപായസം അതിനു വേണ്ടി കാവലായി രണ്ടു തടിയന്മാരായ വിളമ്പുകാരെ കാവൽ നിർത്തിയിരിക്കുന്നു. മൂരാച്ചികളായ
വിളമ്പുകാരുടെ ഈ കള്ളക്കളി
സുപ്രൻ പുറത്തു കൊണ്ട് വരും.
രാമു ആശാനെ പോയി അറിയിക്കാം അല്ലെങ്കിൽ വേണ്ട രാമു ആശാൻ റെയ്ഡ് നടത്തി തൊണ്ടിമുതലും കൊണ്ട് വീട്ടിനകത്തേക്ക് പോയാൽ ഒരു തുള്ളി കുടിക്കാൻ കിട്ടൂല്ല
സുപ്രൻ തന്റെ പുതിയ തന്ത്രത്തിന്റെആലോചനയിലായി.
കിട്ടി അടിപൊളി ഒന്നു കിട്ടി
വിളമ്പുകാർ ഇവിടത്തുകാരല്ല. ഊട്ടുപുരയിലേക്കു പെണ്ണിന്റെ അമ്മാവനാണെന്നു വ്യാജേന അകത്തുകടക്കാം എന്നിട്ട് തടിയന്മാരെ തന്ത്രപൂർവം പായസ ത്തിനരികെ നിന്നും മാറ്റാം ഒരു ഗ്ലാസ്‌ പായസ്സം അകത്താക്കേം ചെയ്യാം ഹ ഹ ഹ
തന്റെ കൂർമ്മ ബുദ്ധിയുടെ കാര്യം ആലോചിച്ചു സുപ്രൻ സ്വന്തമായി
നെറ്റിയിൽ കൈ വെച്ചു സല്യൂട്ട് ചെയ്തു.
അങ്ങനെ പണിതുടങ്ങി
രണ്ടാമത്തെ പന്തി തുടങ്ങി കഴിഞ്ഞു
വിളമ്പുകാർ ശർക്കരയിൽ പറ്റിയ പ്രാന്തൻ ഉറുമ്പിനെ പോലെ അങ്ങോട്ടുമിങ്ങോട്ടും ഓട്ടം തുടങ്ങി
ഈ സമയം സുപ്രൻ ഊട്ടുപുരയുടെ പന്തൽ തുണി മാറ്റിക്കൊണ്ട് പതിയെ ഒരു പൂച്ചയെപ്പോലെ അകത്തേക്ക് കടന്നു. പിന്നെയൊട്ടും താമസിച്ചില്ല അച്ചാറിന്റെ തൂക്കും കൊണ്ട് വിളമ്പുകാരുടെ കൂടെ സുപ്രനും ഓടാൻ തുടങ്ങി
അവിടെ ചോറുകൊടുത്തെ !
കുറച്ചു ചോറെടുക്കട്ടെ !
പരിപ്പ്‌ ഇപ്പൊ തരാം
എന്നീ വാക്കുകൾ കൊണ്ട് സുപ്രൻ വിളമ്പുകാരുടെ ഇടയിൽ ആത്മാർത്ഥതയുള്ള പെണ്ണിന്റെ അമ്മാവനായി മാറി.
ഇതിനിടയിൽ അച്ചാർ തീർന്നെന്ന ഭാവേന സുപ്രൻ പാചകപുരയിലേക്കു കടന്നു.
അതാ അവിടെ നില്കുന്നു തടിയന്മാർ എന്തോ ഇന്ത്യൻ അതിര്ത്തി കാവൽ നില്കുന്ന പട്ടാളക്കാരനെന്ന വിചാരത്തിലാണ് പായസത്തിന്റെ അരികിൽ സ്റ്റേ ചെയ്യുന്നത്
സുപ്രൻ ചെറുവേഗത്തിൽ അവരുടെ അടുതെത്തി എന്നിട്ടു പതറാതെ ഇങ്ങനെ പറഞ്ഞു
നിങ്ങൾ കുറേ നേരമായില്ലേ ഇവിടെനിൽക്കാൻ തുടങ്ങിയിട്ട്
അകത്തു കുടിവെള്ളം തീർന്നിട്ട് അളിയൻ പറഞ്ഞു വിട്ടതാ.
ഞാൻ പെണ്ണിന്റെ അമ്മാവൻ സുപ്രൻ
ഒന്ന്‌ പെട്ടെന്നുപോയി സഹായിച്ചേ
അത് പിന്നെ ഇത് ആരും എടുക്കാതിരിക്കാൻ നമ്പൂരി പറഞ്ഞിട്ടാണ് ഞങ്ങൾ ഇവിടെ നില്കുന്നത് !
ഛെ ഇതൊക്കെ ഞാൻ നോക്കികോളം പെട്ടെന്ന് പോകു പെണ്ണിന്റെ
അമ്മാവന്റെ ശകാരം കേൾക്കേണ്ടിവന്നെന്ന വിഷമത്തിൽ തടിയന്മാർ അകത്തേക്ക് പോയി
തടിയന്മാർ തിരിച്ചു വന്നു എന്നെ പായസമാക്കുന്നതിനു മുമ്പ് ഈ പായസം ഒരു ഗ്ലാസ്‌ കുടിക്കണം. പക്ഷെ ഒരു ദുർബല നിമിഷത്തിൽ സുപ്രൻ ഒറ്റയിരിപ്പിനു മൂന്ന് ഗ്ലാസ്‌ കുടിച്ചു തീർത്തു
ഉം ഇനി ആശാനെ അറിയിക്കാം
വീടിനുള്ളിൽ സൊറപറഞ്ഞിരിക്കുന്ന ആശാൻ. സുപ്രൻ ആശാന്റെ ചെവിയിൽ കാര്യം പറയുന്നു
പിന്നീടങ്ങു നടന്നത്. ആശാന്റെ
കണ്ണ് ചുവക്കണ്‌ പല്ല് കടിക്കണ്
നാഡി നരമ്പു വലിഞ്ഞു മുറുകണ് പേശികളാകെ ഉരുണ്ടു കയറണ്
ഊട്ടുപുരയിൽ ചെന്നു ആശാൻ ഉറക്കെ നമ്പൂരി എന്ന് വിളിച്ചു
നമ്പൂരി ഞെട്ടിത്തരിച്ചു
തടിയന്മാർ ഭയന്നു
ആശാൻ ഉറക്കെ
താൻ എന്താടോ പാൽപായസം നാട്ടുകാർക്ക് കൊടുക്കാതെ ?
ആശാന്റെ ഗർജനം ഊട്ടുപുര വിറച്ചു
നമ്പൂതിരി പതുങ്ങി പതുക്കെ ഇങ്ങനെ പറഞ്ഞു
അത് പിന്നെ ആശാനെ ആശാനോട് അവസാനം പറയാമെന്നു കരുതി
ഈ പാൽപായസത്തിൽ രണ്ടു പല്ലികൾ ചത്തുകിടന്നിട്ടുണ്ടായിരുന്നു ആളുകൾ കാണാതെ ഇപ്പോൾ കളയാനും വഴിയില്ല അതാ ഞാൻ രണ്ടുപേരെ ഇവിടെ കാവൽ നിർത്തിയിരുന്നു. ജനങ്ങൾക് നല്ല ഭക്ഷണമല്ലേ കൊടുക്കൻപാടുള്ളു
നമ്പൂരി
പറഞ്ഞു തീരലും
സുപ്രൻ ചക്കവെട്ടിയിട്ടപോലെ താഴേക്കു പതിച്ചു
ശുഭം
പരീക്ഷണം മാത്രമാണ് ഇഷ്ടപ്പെട്ടാൽ സപ്പോർട് ചെയ്യുക

Imran Abdul

DON'T MISS

Nature, Health, Fitness
© all rights reserved
made with by templateszoo