Showing posts with label Ratheesh Anchalummood. Show all posts
Showing posts with label Ratheesh Anchalummood. Show all posts

(അമ്മയുടെ സമ്മാനം)

(അമ്മയുടെ സമ്മാനം)
''ചാകുന്നുമില്ല കട്ടിലൊട്ടൊഴിയുന്നുമില്ല'' കിളവിക്ക് ചത്തൂടെ മൂത്തമരുമകള്‍ പറഞ്ഞു.കണ്ണുതുറന്നിട്ടു നാലായി ഭക്ഷണം ഇറക്കുന്നുമില്ല ഉടനെ കാണുമെന്നാ തോന്നുന്നെ രണ്ടാമത്തെ മരുമകള്‍ പറഞ്ഞു.തീരും മുമ്പാ അലമാരേടെ താക്കോല്‍ ഒന്നു കിട്ടിയാരുന്നെങ്കില്‍ മടിക്കുത്തിലെ പരിശോധന കഴിഞ്ഞു മൂന്നാമത്തെ മരുമകള്‍ പറഞ്ഞു.നേരം കൂടുതല്‍ കഴിയും മുമ്പ് കുടുസു മുറിയില്‍ നിന്നും ആ അമ്മയുടെ ദേഹം വിട്ട് ആത്മാവ് പുറത്തേക്കിറങ്ങി.അച്ഛന്റെ ആത്മാവ് തെക്കേ മൂലയില്‍ കാത്തിരിപ്പുണ്ടായിരുന്നു.
''വാ പോകാം'' അച്ഛന്‍ പറഞ്ഞു.നില്ലെന്നെ നമ്മുടെ മക്കളുടേയും മരുമക്കളുടേയും സ്നേഹം കുറച്ചൂടെ കണ്ടിട്ടു പോകാമെന്നെ.
പെട്ടെന്ന് ഉളളില്‍ സന്തോഷത്തോട് കൂടിയുളള നിലവിളികള്‍ ഉയര്‍ന്നു.മൂത്തമകളും ഭര്‍ത്താവും ദുബായില്‍ നിന്നും പെട്ടെന്ന് തന്നെ വിമാനം പിടിച്ചെത്തി.
അമ്മയ്ക്കരികില്‍ ഇരിക്കുമ്പോഴും അവളുടെ കണ്ണുകള്‍ അമ്മയുടെ അഞ്ച് പവന്റെ മാലയിലായിരുന്നു.ഇല്ല മരിക്കും വരെയും ഞങ്ങളാ നോക്കിയത് ചത്താലും വിട്ടുതരില്ല എന്ന ഭാവേനെ മൂത്തമരുമകള്‍ ശോഭ മൂത്തമകള്‍ ലീലയെ ഒന്നുനോക്കി.മോതിര
വിരലില്‍ പിടിച്ചായിരുന്നു രണ്ടാമത്തെ മകള്‍ ആനന്ദവല്ലിയുടെ കരച്ചില്‍ മുഴുവനും ആ കല്ലുളള മോതിരം അവളെന്നേ നോക്കിവച്ചിരിക്കുവായിരുന്നത്രേ.മൃതശരീരം കുളിപ്പിക്കുന്നതിനായി നല്ലതിരക്ക് കണ്ടു അരിഞ്ഞാണവും മൂക്കുത്തിയും കമ്മലിനുമായി മറയ്ക്കുളളില്‍ നല്ല പോര് നടന്നു.ഒരു കയ്യാലെ വായ്ക്കരിയിടുമ്പോഴും മറ്റേ കയ്യാലെ ഇളയ മകന്‍ ഫേസ്ബുക്ക് സ്‌റ്റാറ്റസ് നോക്കുന്നുണ്ടായിരുന്നു.അച്ഛന്‍ കര്‍മ്മങ്ങള്‍ ചെയ്യുന്നത് കൊച്ചു മക്കള്‍ ഫേസ്ബുക്ക് ലൈവിട്ടു.കൊളളി വയ്ക്കുന്ന നേരം എല്ലാരുടെയും വാട്ട്സ്അപ്പ് സ്റ്റാറ്റസ് ''Love u amma miss u alot'' എന്നാക്കി മാറ്റി. അമ്മ മരിച്ച തെളിവ് കാണിക്കാന്‍ ദുബായിലെ മകന്‍ സെല്‍ഫി ഒരെണ്ണം എടുത്തു അറബിക്കയച്ചു.
നേരം സന്ധ്യയായി.
ആളുകള്‍ പിരിഞ്ഞു പോയി.പിള്ളേരെ കൊണ്ട് കൊച്ചു ടി.വി വയ്പ്പിക്കൂന്നേ എന്നിട്ട് കുറച്ചു കഴിഞ്ഞു എല്ലാരും പോയി കഴിഞ്ഞു നമുക്ക് സീരിയല്‍ കാണാം.അതിന് മക്കള്‍ക്കും മരുമകള്‍ക്കും ഒരേ സ്വരം.ഒരു മകന്‍ ആരും കാണാതെ പുറത്തു പോയി ചിക്കന്‍ ബിരിയാണി വാങ്ങിക്കൊണ്ടു വന്നു.
പട്ടിണിക്കഞ്ഞി കുടിച്ച ക്ഷീണം ഒരു ഫുളളും ചിക്കന്‍ പീസും കൊണ്ട് അകറ്റി അവര്‍.
സഞ്ചയനത്തിന് ഏതു സാരി ഉടുക്കും എന്നതായി പെണ്ണുങ്ങള്‍ക്കിടയിലെ പ്രധാന ചര്‍ച്ച.
ആണുങ്ങള്‍ക്കിടയിലെ ചര്‍ച്ച സഞ്ചയനത്തിന്റെ ലെറ്ററില്‍ വയ്ക്കേണ്ട ബിരുദങ്ങളെ കുറിച്ചായി.
കല്ലറയില്‍ വേലക്കാരി തിരിവച്ചു മടങ്ങി.പുറത്തു രണ്ടാത്മാക്കള്‍ നീറുന്നത് കണ്ട് വളര്‍ത്തുനായ ഓരിയിടുന്നുണ്ടായിരുന്നു.
പതിനാറു കഴിഞ്ഞു ആ താക്കോല്‍ ഇനിയും കിട്ടിയില്ലേ അലമാരയുടെ പൂട്ട് നമുക്ക് പൊളിക്കാം എല്ലാവരും ഏകസ്വരത്തില്‍ പറഞ്ഞു.
ചുറ്റികല്ല് പൊങ്ങി താന്നു.
പൂട്ട് ചിതറി തെറിച്ചു.അലമാര തുറന്നവര്‍ ഞെട്ടി.ഒരു വില്‍പത്രവും ഒരു കത്തും മാത്രം .കത്തെടുത്തവര്‍ ഉറക്കെ വായിച്ചു.
സ്നേഹം നിറഞ്ഞ മക്കളെ
അച്ഛന്‍ മരിക്കുമ്പോള്‍ ഒരു കാര്യം എന്നോട് പ്രത്യേകം പറഞ്ഞിരുന്നു.നിന്നെ സ്നേഹത്തോടെ നോക്കുന്നവര്‍ക്ക് നീ എല്ലാ സ്വത്തും എഴുതി കൊടുക്കണമെന്ന്.അങ്ങനെ നോക്കുമ്പോള്‍ നിങ്ങള്‍ ആരും തന്നെ അതിനര്‍ഹരല്ല.അതു കൊണ്ട് ഞാന്‍ എല്ലാം എന്നെ സ്വന്തം അമ്മയായി
കരുതി നോക്കിയ വേലക്കാരി സുഭദ്രയുടെ പേരില്‍ എഴുതികൊടുക്കുന്നു.
പിന്നെ ഇത്ര നാളും നിങ്ങള്‍ പരതിയ ആ അലമാരയുടെ താക്കോല്‍
ചില്ലിട്ട പൂമാലയിട്ട് ഭിത്തിയില്‍ തൂക്കിയ നിങ്ങളുടെ അച്ഛന്റെ ചിത്രത്തിന് പിറകിലെ ആണിയിലുണ്ട് നിങ്ങള്‍ ഒരിക്കലും അതെടുത്ത് മാറാല തുടക്കിലെന്നറിയാം.അങ്ങനെയെങ്കില്‍ നിങ്ങള്‍ക്ക് ചിലപ്പോള്‍ എന്റെ വിരലടയാളം വച്ച് നിങ്ങള്‍ക്ക് എന്തെങ്കിലും ചെയ്യാമായിരുന്നു.നിങ്ങളുടെ മക്കളെങ്കിലും നിങ്ങളെ സ്നേഹിക്കട്ടെ.അതു കൊണ്ട് എല്ലാവര്‍ക്കും എന്റെ നന്ദി നമസ്കാരം.
എന്ന്
അമ്മ
സ്തബ്ദരായി നിന്ന ആ മക്കള്‍ക്കും മരുമക്കള്‍ക്കും ഇടയില്‍ നിന്നും രണ്ടാത്മാക്കള്‍ സന്തോഷത്തോടെ
ആകാശത്തേക്കുയര്‍ന്നു
മറഞ്ഞു .
(രതീഷ് അഞ്ചാലുംമൂട്)

(ഇന്നത്തെ കാഴ്ച)


(ഇന്നത്തെ കാഴ്ച)
ചേട്ടാ വലിയതുറയിലേക്ക് ഓട്ടം പോകുമോ?ഓട്ടോ ഡ്രൈവര്‍ എന്നെ അടിമുടി ഒന്നു നോക്കി ഞാന്‍ എന്താ പറഞ്ഞത് എന്നയാള്‍ കേട്ടില്ല പകരം അറിയാത്ത ഹിന്ദിയില്‍ എന്തൊക്കെയോ ചോദിക്കുന്നു.അപ്പോള്‍ എന്നെ കണ്ടാല്‍ ഒരു ബംഗാളി ലുക്കൊക്കെ ഉണ്ടെന്ന് ചിലര്‍ പറഞ്ഞത് ഞാനോര്‍ത്തു.ഞാന്‍ ചോദിച്ചു ചേട്ടാ വലിയതുറയിലേക്ക് ഓട്ടം പോകുമോ? തിരിച്ചു കാലിയായിട്ട് വരണമല്ലോ അനിയാ 80രൂപആകും.പണ്ട് ചെന്നെയില്‍ വച്ച് രണ്ട് ആസാമികളെയും കൊണ്ട് ട്രെയിനിങ്ങിനായി പോയപ്പോള്‍ ഓട്ടോയി കയറി അറിയാത്ത തമിഴ് പറഞ്ഞു അവസാനം സ്നേഹം വഴിഞ്ഞൊഴുകി ഓട്ടോ ഡ്രൈവര്‍ മണിയണ്ണന്‍ സെന്റിമെന്‍സില്‍ കയറി പിടിച്ച് മുന്നൂറു രൂപയും അടിച്ചോണ്ടു പോയ കഥ മനസ്സില്‍ ഓര്‍ത്തു കൊണ്ടു അയാളോട് പറഞ്ഞു ചേട്ടന്‍ വിട്ടോ. കുറച്ചുകൂടി മുന്നോട്ട് നടന്നു ഒരു ഓട്ടോ വരുന്നുണ്ട് കൈകാണിച്ചു നിര്‍ത്തി നോക്കിയപ്പോള്‍ ഒരു സ്ത്രീ ആണ് ഓടിക്കുന്നത്.ഞാന്‍ ചോദിച്ചു ചേച്ചി വലിയതുറ പോകുമോ? 100 രൂപയാകും.എന്റെ മുഖം മാറി അവര്‍ പറഞ്ഞു നീ മുഖം ചുളിക്കണ്ട സമയം നോക്ക് 10.20 ആയി.ഇങ്ങോട്ട് കയറ് അവരുടെ കണ്ണുകളില്‍ എന്നോടെന്തൊക്കെയോ പറയാനുളള പോലെ തോന്നി.ഞാന്‍ കയറി.ഞാനും അതിനടുത്തക്കെയുളളതാ കേട്ടോ ? ഹാ ഞാന്‍ മൂളി.നിന്റെ വീടെവിടെയാണ് അവരുടെ നീ വിളി രസിച്ചില്ലെങ്കിലും ഞാന്‍ താഴ്ന്ന ശബ്ദത്തില്‍ പറഞ്ഞു കൊല്ലം.സ്വന്തം ഓട്ടോ ആണോ ?ഞാന്‍ ചോദിച്ചു അതെ.പേടിയില്ലേ ചേച്ചി ഇങ്ങനെ ഈ രാത്രിയില്‍.ചേച്ചിക്കെത്ര വയസ്സായി? പിന്നെ അവര്‍ പറഞ്ഞു തുടങ്ങി ഞാന്‍ കേട്ടിരിക്കാനും.
മോനേ 1982 ഡിസംബര്‍ 10ന് ഞാന്‍ ഒറ്റയായതാ.പിന്നിങ്ങോട്ട് ജീവിതത്തോട് പടവെട്ടിയാ ജീവിച്ചിതു.ഒരു മകളുണ്ട് ഗള്‍ഫിലായിരുന്നു ഒത്തിരിനാള്‍.സമ്പാദിച്ചതെല്ലാം മകള്‍ക്ക് നല്‍കി വീടും സ്ഥലവും എല്ലാം.അവളെ പഠിപ്പിച്ചു അവളുടെ മകനെയും പഠിപ്പിച്ചു .ഒരുത്തന്‍ ഇപ്പോള്‍ എഞ്ചിനീയറാ നന്നായി വരട്ടെ.ദോഷം പറയരുതല്ലോ കൊച്ചു മക്കള്‍ക്കെന്നോടു ഭയങ്കരസ്നേഹാ.മറ്റുളളവര്‍ വീട്ടില്‍ വന്നാല്‍ ഞാന്‍ വീടിന്റെ പിറക് വശത്തേക്ക് മാറി നില്‍ക്കണം,കുത്തുവാക്കുകള്‍ പറയാന്‍ തുടങ്ങിയപ്പോഴേക്കും ഞാനിറങ്ങി മക്കളുടെ തല്ലുകൊളളരുതു എന്നു മനസ്സില്‍ ഒരാഗ്രഹം ഉണ്ടായിരുന്നു.അവള്‍ കരഞ്ഞില്ല തടയാനൊരുങ്ങീല.ഞാനും അതാ കൊതിച്ചത് ആര്‍ക്കും ഒരു ഭാരമാകരുത്.ആവുന്നത്ര കാലം ജോലി ചെയ്ത് ജീവിക്കണം.കുറേനാള്‍ ജോലിചെയ്ത് ഒരു വീടും രണ്ട് സെന്റ് സ്ഥലവും കോളനിയില്‍ വാങ്ങി ഓട്ടോ എടുത്തിട്ടു മൂന്നു വര്‍ഷായി സുഖം സന്തോഷം.മകളുടെ വീടിനടുത്തു തന്നെയാണ് ഞാനും താമസ്സിക്കുന്നത് ഇന്ന് രാവിലെ പോകുമ്പോള്‍ അവളവിടെ ഒരു തെങ്ങും ചാരി നില്‍പ്പുണ്ട് ഞാന്‍ ചോദിച്ചു പോട്ടേടി അവളു പറഞ്ഞു ഹാ അത്രയേ ഉളളു.എന്റെ വഴി അവളുടെ മുന്നിലൂടെയാ അതാ.ഹോ ഞാന്‍ നിന്നെ ബോറടിപ്പിച്ചു അല്ലേടാ ? ഏയ് ഒരു മഴപെയ്തൊഴിഞ്ഞ പോലാ ചേച്ചി എനിക്ക് തോന്നിയേ ചേച്ചി ചേച്ചിടെ നമ്പര്‍ പറയൂ ഞാന്‍ ഓട്ടം ഉളളപ്പോള്‍ വിളിക്കാം അവര്‍ മൊബയില്‍ എന്റെ കയ്യില്‍ തന്നു നിന്റെ നമ്പര്‍ സേവ് ചെയ്തേക്കു.പിന്നെ നീ എന്റെ വയസ്സ് ചോദിച്ചില്ലേ 57വയസ്സായെനിക്ക്.ചേച്ചിയേ ഒരു പതിനാറ് അതില്‍ കൂടുതല്‍ പറയില്ല.നീ കളിയാക്കണ്ട എന്റെ ഒരു കാലം ഉണ്ടാരുന്നു ഈ ഷീല(ശരിയായ പേരല്ല) റോഡിലൂടെ പോകുമ്പോള്‍ പലര്‍ക്കും മനസ്സില്‍ മിന്നലുണ്ടാകുമായിരുന്നു.ഞാന്‍ പറഞ്ഞു അതിപ്പോഴും ഉണ്ടാകും ചേച്ചി 57ഒന്നും കണ്ടാല്‍ പറയില്ലന്നേ.ഹാ ഹാ നീ പൈസ തന്നിട്ടു പോയേ ഞാന്‍ രണ്ട് തട്ടുദോശ തിന്നാന്‍ വന്നപ്പോഴാ നിന്നെ കണ്ടേ. എല്ലാം ശരിയാകും ചേച്ചി ''ചിന്തിച്ചാല്‍ ഒരന്തവും ഇല്ല
ചിന്തിച്ചില്ലേ ഒരു കുന്തവും ഇല്ല'' എന്നു പറഞ്ഞു ഞാന്‍ പൈസ ചുരുട്ടി കൈയ്യില്‍ വച്ചു കൊടുത്തു.അത് തുറന്നു നോക്കി ഇത് ഒത്തിരി കൂടുതലാണെന്നവര്‍ പറയുമ്പോള്‍ വച്ചോന്നെ സ്വന്തം മകന്‍ തന്നതാണെന്ന് കരുതിയാമതി എന്റെ അമ്മയ്ക്കും ചേച്ചീടെ പ്രായമാ എന്നു പറഞ്ഞു ഞാന്‍ തിരികെ നടക്കുമ്പോള്‍.സ്നേഹത്തിന്റെ വിലയറിയാത്ത മക്കളെ പെറ്റൊരാ അമ്മ കണ്ണീര്‍ തുടയ്ക്കുന്നുണ്ടായിരുന്നു.
(രതീഷ് അഞ്ചാലുംമൂട്)

DON'T MISS

Nature, Health, Fitness
© all rights reserved
made with by templateszoo