കറുത്ത പെണ്ണ്

കറുത്ത പെണ്ണ്
........................
ജനിച്ചപ്പോൾ മുതൽ അവൾ ആ പേരിലാണ് അറിയപ്പെട്ടത് " കറുത്ത കുട്ടി " ഓര്മ വച്ചപ്പോൾ പിന്നെ സ്ഥിരമായി കേൾക്കാൻ തുടങ്ങി മൂത്ത കൊച്ചു അമ്മയെപ്പോലെ സുന്ദരിയാ ഇളയത് അച്ഛനെപ്പോലെ തന്നെ കറുത്ത് പോയല്ലോ.... കാക്ക കറുമ്പി, കരി മരുന്ന് തുടങ്ങിയ ഒരുപാട് പേരുകൾ വിളിച്ചു കൂട്ടുകാർ കളിയാക്കിയപ്പോഴും അവൾ പ്രതികരിച്ചില്ല.... അപ്പോഴൊക്കെ അച്ഛൻ ചേർത്ത് നിർത്തി പറയും " കറുപ്പിന് ഏഴു അഴകല്ല്യോ എന്റെ മോള് സുന്ദരിയാ " അപ്പോൾ ആ കുഞ്ഞു കണ്ണുകളിൽ സന്തോഷത്തിന്റെ തിളക്കം അച്ഛന് കാണാൻ കഴിയും... അല്ലങ്കിലും കറുപ്പു നിറത്തിലെ ആ മുഖശ്രീ തിരിച്ചറിഞ്ഞത് അച്ഛൻ മാത്രമായിരുന്നു.....
ഒരിക്കൽ ഒരു ബസ് അപകടത്തിൽ അച്ഛൻ തങ്ങളെ വിട്ടുപോയപ്പോൾ ഏറ്റവും ഒറ്റപ്പെടൽ അനുഭവിച്ചത് അവളായിരുന്നു.... ഇനി തന്നെ ആശ്വസിപ്പിക്കാന
ും സന്തോഷിപ്പിക്കാനും ആ സ്നേഹം ഇനിയില്ല.... അവൾ അവളുടെ നിറത്തിൽ അഭിമാനിക്കാൻ തുടങ്ങി... " അതെ ഞാൻ അച്ഛന്റെ മോളാണ്, അച്ഛന്റെ നിറമാണ് " കളിയാകുന്നവരോടൊക്കെ ചങ്കൂറ്റത്തോടെ മറുപടി നൽകി
വർഷങ്ങൾ കഴിഞ്ഞു മറ്റൊരു പട്ടണത്തിലെ കോളേജിൽ ഉപരിപഠനം നടത്തുന്ന മുതിർന്ന പെണ്ണാണ് ഇന്നവൾ... ആദ്യമായി കോളേജിൽ പോയി തുടങ്ങിയപ്പോഴും അവൾക് പേടിയില്ലാരുന്നു വെളുത്തു തുടുത്ത സുന്ദരികൾ ഏറെ ഉള്ള കോളേജിൽ തനിക്കെന്തായാലും പൂവാല ശല്യം ഉണ്ടാകില്ലല്ലോ... മറ്റുള്ളവരോട് സൗമ്യമായി സംസാരിച്ചും പഠനത്തിൽ സഹായിച്ചും ഒരു പോസിറ്റീവ് എനർജി അവൾ കൂടെയുള്ളവർക് നൽകി... ഏവരുടെയും പ്രിയപ്പെട്ടവൾ ആയി...
പെട്ടന്നുള്ള പനി കാരണം നാട്ടിലേക്ക് ട്രെയിൻ കയറിയ അവളുടെ ജീവിതത്തിലേക്കു പുതിയ ഒരാൾ കൂടെ കടന്നു വന്നു... മറ്റൊരു department ലെ ആനന്ദ്... അവൾക്കുള്ള മരുന്നും ഭക്ഷണവും വാങ്ങി കൊടുത്തു ഒരു കുഞ്ഞിനെ പോലെ കെയർ ചെയുന്ന അവനിൽ അവളെപ്പഴോ തന്റെ അച്ഛനെ കണ്ടു... " തന്നെ ഞാനെപ്പോഴും ശ്രദ്ധിക്കാറുണ്ട് പഠിക്കാൻ നല്ല മിടുക്കി ആണല്ലോ, കഴിഞ്ഞ സെമിനാർ ഫെസ്റ്റ് നു വിജയിച്ചത് താനല്ലാരുന്നോ " ??... hmm അതെ.. അവൾ അതിശയത്തോടെ അവനെ നോക്കി എന്നെ ശ്രദ്ധിക്കാനും ആളുണ്ടോ എന്ന മട്ടിൽ..
പിന്നീട് കോളേജിലെ എല്ലാ കാര്യത്തിനും ആനന്ദ് അവളെ സഹായിച്ചു കൊണ്ടിരുന്നു... ആ സൗഹൃദം വളർന്നു പ്രണയമാകാൻ അധിക സമയം വേണ്ടി വന്നില്ല.... എല്ലാ പെൺകുട്ടികളെയും പോലെ അവളും സ്വപ്നം കണ്ടു തുടങ്ങി , ഒരുമിച്ചുള്ള ജീവിതവും സന്തോഷങ്ങളും....
ഒരിക്കൽ ഫോൺ സംഭാഷണത്തിനിടയി
ൽ അവൻ അവളോട് ചോദിച്ചു നിനക്കു ഫെയർ and lovely ഒകെ ഉപയോഗിച്ചുടെ കുറച്ചെങ്കിലും വെളുത്തലോ ? ഉള്ളിൽ ചെറിയ വിഷമമുണ്ടാക്കിയ ചോദ്യം ആണെങ്കിലും അവൾ പറഞ്ഞു ശ്രമിച്ചു നോക്കാം എന്നു... ഇടക്കും മുറക്കും അവൻ ഇതുപോലെ ചോദ്യങ്ങൾ അവൻ ആവർത്തിച്ചു.... ഇഷ്ട പുരുഷന് വേണ്ടി പല സൗന്ദര്യ പരീക്ഷണങ്ങൾ നടത്തി ഒരു കോമാളി ആയി കൊണ്ടിരുന്നു.... അവളുടെ നിറത്തിനു കാര്യമായി മാറ്റം ഒന്നും സംഭവിച്ചില്ല...
" ദേ, നീ എന്തെങ്കിലും ചെയ്ത് അലപം നിറം വക്കാൻ നോക്കു, എനിക്ക് വേണ്ടി അല്ല എന്റെ അച്ഛനും അമ്മയും നിറത്തിന്റെ കാര്യത്തിൽ വളരെ കടും പിടുത്തകാർ ആണ് ഏട്ടത്തിമാർ ഒകെ പാലിന്റെ നിറമാണ്.... വീട്ടിൽ നിന്റെ കാര്യം പറയണമെങ്കിൽ ഈ രൂപത്തിൽ പറ്റില്ല... " ഒരു ഞെട്ടലോടെയാണ് അവളതൊക്കെ കേട്ടത്... എന്റെ മനസിന്റെ സൗന്ദര്യമാണ് ഏറ്റവും വലുതെന്നു പറഞ്ഞു നടന്നിരുന്ന എന്റെ ആനന്ദ് തന്നെയാണോ ഇത് പറയുന്നത് ??? അവൾക് വിശ്വസിക്കാനായില്ല ..... " Dear, ഞാൻ പറയുന്നത് മനസിലാകൂ എനിക്ക് നിന്നെ ഇഷ്ടമാണ്, എന്റെ വീട്ടുകാർക്ക് കൂടെ നിന്നെ ഇഷ്ടപെടുത്താണ് ഞാൻ പറയുന്നത്.. ഞാൻ ഒരു ഡോക്ടറുടെ അഡ്രെസ്സ് തരാം... സിനിമ നടിമാരെയൊക്കെ വെളുപ്പിച്ചിട്ടുള്ള ആളാ കുറച്ചു കാശു പൊടിയും സാരമില്ല നീ ചെന്നു കണ്ടു നോക്കു " ഇത്രയും പറഞ്ഞു അവൻ ഫോൺ കട്ട് ചെയ്തു.....
കേട്ടതിന്റെ ആഘാതം അവളുടെ മനസ്സിൽ നിന്നും പോയില്ല... ഒരുപാടു കരഞ്ഞു... എന്റെ അച്ഛനെപ്പോലെ സ്നേഹിക്കുന്ന ഒരാൾ ആയാണ് ആനന്ദിനെ ഞാൻ കണ്ടത് അവനു എപ്പോൾ മുതലാണ് എന്റെ നിറം നാണക്കേട് ആയി തോന്നിയത്.... കരഞ്ഞു കരഞ്ഞു എപ്പഴോ അവൾ ഉറങ്ങി പോയി.... " മോളെ, കണ്ണുതുറക് " ആരോ അവളെ വിളിചെഴുനെല്പിച്ചു.... അച്ഛാ !!! ഞാൻ കാണുന്നത് സത്യമാണോ എന്റെ അച്ഛൻ........ " അതെ മോളെ , എന്റെ പൊന്നുമോൾടെ വിഷമം കാണാൻ ഈ അച്ഛന് പറ്റില്ലടാ "... അവൾ അച്ഛനെ കെട്ടിപിടിച്ചു പൊട്ടി കരഞ്ഞു " മോള് വിഷമിക്കരുത്, ഈ ബന്ധം മോൾക് വേണ്ട .. മോളെപ്പോലൊരു മുത്തിനെ കിട്ടാൻ ഉള്ള അർഹത അവർക്കില്ല... തീർച്ചയായും എന്റെ മോളെ മനസിലാകുന്ന, എന്റെ മോളെ ജീവന് തുല്യം സ്നേഹിക്കുന്ന ഒരാൾ വരും... ഇപ്പോൾ അച്ഛന്റെ കുട്ടി നന്നായി പടിക്കു അച്ഛൻ കൂടെയുണ്ട് "....
കണ്ണീർ തുടച്ചു അവൾ അച്ഛനെ നോക്കി... ഇല്ല അച്ഛൻ പോയിരിക്കുന്നു , ചിലപ്പോ തന്റെ തോന്നൽ ആകാം പക്ഷെ പണ്ട് അവളുടെ കുഞ്ഞു കണ്ണിൽ ഉണ്ടായിരുന്ന തിളക്കം വീണ്ടും വന്നിരിക്കുന്നു.... മുനത്തേക്കാൾ ചേതന ആ മുഖത്തു വന്നിരിക്കുന്നു അവൾ ഫോൺ എടുത്ത് ആനന്ദിന്റെ നമ്പർ ഡയല് ചെയ്തു...... " ഹലോ... പറഞ്ഞ കാര്യം എന്തായി നീ ഡോക്ടറെ കാണാൻ തീരുമാനിച്ചോ ??" ഒരു നിശബ്തതക് ശേഷം അവൾ മറുപടി പറഞ്ഞു
" ഇതെന്റെ അച്ഛന്റെ നിറമാണ് ഞാൻ ഈ നിറത്തെ സ്നേഹിക്കുന്നു.... ഇനി നിങ്ങളുടെ ജീവിതത്തിൽ ഞാൻ ഇല്ല... bye forever... " അവൾ ഫോൺ കട്ട് ചെയ്തു... അതെ ജീവിതത്തിൽ ചെയ്തു തീർക്കാൻ ഒരുപാടു കാര്യങ്ങൾ ഉണ്ട് വെളുപ്പിനെ സ്നേഹിക്കുന്ന ഈ ലോകത്തിൽ കറുത്തവർക്കും ജീവിക്കണം... തല ഉയർത്തി പിടിച്ചു തന്നെ...

...........................................
( എന്റെ പ്രിയ കൂട്ടുകാരിയുടെ ജീവിതം.... സ്നേഹം കാണിച്ചു കരയിപ്പിച്ച ആ മനുഷ്യനും ഇന്നല്ലെങ്കിൽ നാളെ സ്നേഹത്തിന്റെ വില മനസിലാകുമെന്നു പ്രതീക്ഷിക്കുന്നു )

Megha

ബാംഗ്ലൂർ ചെക്കൻ

ബാംഗ്ലൂർ ചെക്കൻ
.............................
ബാംഗ്ലൂരിൽ ജോലിയുള്ള പയ്യൻ, 6 അടി പൊക്കം, വെളുത്ത നിറം, സിക്സ് പാക്ക് ... ഇത്രയേ ഞാൻ ആഗ്രഹിച്ചിട്ടുള്ളു അതിനാ ഇവരൊക്കെ ഇങ്ങനെ കളിയാകുന്നെ.... ഹും... എന്റെ സങ്കല്പത്തിലുള്ള ബാംഗ്ലൂർ ചെക്കൻ വരുന്ന വരെ കല്യാണമേ വേണ്ട no കോംപ്രമൈസ്.... കോളേജ് പഠിത്തം കഴിഞ്ഞപ്പഴേ ഉള്ള ആഗ്രഹമാ അതങ്ങനെ വിട്ടു കളയാൻ ഉദ്ദേശമില്ല..... ബാംഗ്ലൂർ ജോലികർക് ഒന്നെങ്കിൽ സൗന്ദര്യമില്ല, കാണാൻ മെച്ചമുള്ളവർക് ബാംഗ്ലൂർ ജോലിയില്ല , ഇനി രണ്ടും ഉള്ളവർക്കു എന്നെ വേണ്ട... പെണ്ണുകാണലും ആണുകാണലും ആയി കൊല്ലം കുറെ പോയി പക്ഷെ എന്റെ ഡിമാന്റിൽ ഒട്ടും കുറവ് വന്നില്ല.. എന്റെ അച്ഛനും അമ്മയും ബ്രോക്കർ ദിവാകരൻ ചേട്ടനും, താഴെ ഉള്ള അനിയത്തിയും ധർമ സങ്കടത്തിലായി....
" കുട്ടിക് ഇതുവരെ ആലോചനകളൊന്നും ശരിയായില്ലേ ?? " നാട്ടുകാരുടെ ചോദ്യവും മുറയ്ക്ക് നടക്കുന്നുണ്ട്... "കല്യാണം ഒരിക്കലേ ഉള്ളു ചാടി കേറി കെട്ടിയിട് പിന്നെ ദുഖിച്ചിട്ടു കാര്യമില്ല " കല്യാണം കഴിഞ്ഞു 2 പിള്ളേരുടെ 'അമ്മ ആയ കൂട്ടുകാരികൾ മുന്നറിയിപ്പു തന്നുകൊണ്ടിരുന്നു.... hmm ശരിയാണ് ഒരു ജോലിയുള്ളതുകൊണ്ട് വീട്ടുകാരുടെ മുന്നിൽ കുറച്ചൂടെ പിടിച്ചു നിൽകാം എന്ന സമാധാനം ഉണ്ട്... അങ്ങനെ ഇരിക്കുമ്പോഴാണ് അടുത്ത വീട്ടിലെ ചേച്ചി ഒരു ആലോചനയും കൊണ്ട് വരുന്നത് .. അവരുടെ ഒരു ബന്ധുവിന്റെ മകൻ, ബിസിനസ് കാരൻ, ഉയർന്ന സാമ്പത്തികം, നല്ല തറവാട്ടുകാർ പോരാത്തതിന് ചെക്കൻ എന്നെ എവിടെയോ വച്ച് കണ്ട് ഇഷ്ടമാവുകയും ചെയ്തു ... അച്ഛനും അമ്മയും സന്തോഷം കൊണ്ട് ചേച്ചിയെ സൽക്കരിച്ചു....
" എന്നാൽ അവരോടു വരാൻ പറയട്ടെ മോളെ " 'അമ്മ സോപ്പിട്ടു അടുത്തുകൂടി " Nooo, പറ്റില്ല എനിക്ക് ബാംഗ്ലൂർ ചെക്കനെ മതി " ഒരു മയവും ഇല്ലാത്ത എന്റെ തീരുമാനം കേട്ട് 'അമ്മ മിണ്ടാതെ പോയി .. . അതും അവിടെ തീർന്നു
കുറച്ചു മാസങ്ങൾക് ശേഷം പതിവ് പോലെ ചായയും കുടിച്ചു ബാൽക്കണിയിലൂടെ ഉലാത്തുമ്പോഴാണ് ആ കാഴ്ച കണ്ടത്... ആന്റിയുടെ വീട്ടിലെ മുറ്റത്തു ഒരു വൈറ്റ് ബെൻസ് കാറിൽ ഒരു ചുള്ളൻ വന്നിറങ്ങുന്നു... എന്റമ്മേ എന്റെ സങ്കല്പത്തിലെ ഹൃതിക് റോഷൻ അല്ലയോ ഇത്... മനസ്സിൽ ലഡ്ഡു പൊട്ടി.. ഇതുതന്നെയാണോ ആന്റി ആലോചനയുമായി വന്ന ചെക്കൻ... അതെ പറഞ്ഞ കാര്യങ്ങൾ വച്ച് നോക്കുമ്പോ ഇതുതന്നെയാണ്... സന്തോഷം കൊണ്ടെനിക് ഇരിക്കാൻ വയ്യേ..... നേരെ അടുക്കളയിൽ എത്തി നാണത്തോടെ അമ്മയോട് പറഞ്ഞു എനിക്ക് ആ ചെക്കനെ തന്നെ മതീന്ന്.... " നീയെന്താ ആളെ കളിപ്പിക്ക ?? വേണ്ടാന്ന് പറഞ്ഞുപോയില്ലേ ഇനി ഇപ്പോ എന്താ ചെയ്ക ??"" 'അമ്മ കൺഫ്യൂഷൻ ആയി.... " 'അമ്മ പോയി ആന്റിയോട് സംസാരിക്കു pls".... എന്തായാലും ആദ്യമായി മോളൊരു ചെക്കനെ മതിയെന്ന് പറഞ്ഞല്ലോ ഞാൻ ഒന്ന് സൂചിപ്പിക്കാം... അമ്മയുടെ മറുപടി കേട്ട് ഞാൻ സിനമയിലെ പോലെ പാട്ടും പാടി കല്യാണപ്പെണ്ണിന്റെ സ്റ്റൈലിൽ തുള്ളിച്ചാടി പോയി...
കുറച്ചു കഴിഞ്ഞപ്പോൾ വൈറ്റ് ബെൻസ് എന്റെ വീടിന്റെ മുറ്റത്... ചെക്കനും വീട്ടുകാരും കൂടെ ആന്റിയും ഉണ്ട്... ദൈവമേ ഇത്ര പെട്ടന്നോ ?? ഇനിയിപ്പോ നേരത്തെ അവർ എന്നെക്കാണാൻ വേണ്ടി തന്നെയാണോ വന്നത് ?? മേലാകെ കുളിരുകോരി ഞാൻ അങ്ങനെ നിന്നു... നിന്നില്ല റൂമിലേക്കു ഓടി പോയി നന്നായി ഒരുങ്ങി... ചെക്കന്റെ സൗന്ദര്യത്തിനു മുന്നിൽ പിടിച്ചു നില്കണ്ടേ..... വീട്ടുകാർ തമ്മിൽ എന്തക്കയോ സംസാരിക്കുന്നുണ്ട് .... പതുകെ സ്റ്റെപ് ഇറങ്ങി ഞാൻ താഴേക്കു ചെന്നു " ഇതാണ് ഞങ്ങളുടെ മൂത്ത മോൾ " അച്ഛൻ പരിചയപ്പെടുത്തി... " Ariyam" ചെക്കൻ മറുപടി പറഞ്ഞു... നല്ല ഗാംഭീര്യം ഉള്ള ശബ്ദം... ഹോ നാണം കൊണ്ട് മുഖം ചുവന്നു....
" അന്ന് പരീക്ഷ ഉള്ളതുകൊണ്ട മോള് കല്യാണം വേണ്ടാന്ന് പറഞ്ഞെ ഇപ്പോ അവൾക് 100 വട്ടം സമ്മതമാ " 'അമ്മ ഒരു അടവ് കണ്ടുപിടിച്ചു... ശ്യോ ഈ അമ്മേടെ ഒരു കാര്യം എന്ന ഭാവത്തിൽ ഞാൻ നാണിച്ചങ്ങനെ നില്കുമ്പോഴാ ചെക്കന്റെ അച്ഛൻ ആ ബോംബ് പൊട്ടിച്ചത് " ഞങ്ങൾ വേറൊരു പെൺകുട്ടിയെ കണ്ടു കല്യാണം ഉറപ്പിച്ചു അടുത്ത മാസം 10 നാ വിവാഹം.. ക്ഷണിക്കാൻ വന്നതാ ഞങ്ങൾ " .......... കൂടുതൽ ഒന്നും പറയുന്നില്ല എന്റെ അപ്പോഴത്തെ അവസ്ഥ വാക്കുകൾക് അതീതം .... നിരാശയും നാണക്കേടും കാരണം ഹൃദയം പൊട്ടിപൊളിഞ്ഞ ഈ അവസ്ഥ ശത്രുക്കൾക്കു പോലും ഉണ്ടാവരുടെ ദൈവമേ..... " എന്ന പിന്നെ ഞങ്ങൾ ഇറങ്ങുന്നു, എല്ലാവരും തീർച്ചയായും വരണം... മോൾക് നല്ലൊരു പയ്യനെ നോക്കണം " ചെക്കന്റെ അമ്മയായിരുന്നു അത് പറഞ്ഞത്.... മുഖം താഴ്ത്തി കല്ലുപോലെ നിൽക്കുന്ന എന്നെ നോക്കി ചിരിച്ചുകൊണ്ട് ചെക്കനും വൈറ്റ് ബെൻസിന്റെ അടുത്തേക് നടന്നു....

Megha