ഫെയർവെൽ..

തമ്മിൽപ്പിരിഞ്ഞു പോവുമ്പോൾ നിലാവെടു -
ത്തന്നത്തെ രാത്രിയെനിക്കു തന്നീടണം
നിന്നിലേക്കെന്നും തുറന്നിട്ട കണ്ണുകൾ
പിന്നെത്തുറക്കാൻ കഴിയാതsയ്ക്കണം
നേർത്ത കാലൊച്ചകൾ കേൾക്കാതിരിക്കുവാൻ
കൂർത്ത മൗനത്തിനാൽ കേൾവിഛേദിക്കണം
വാക്കുകൾ തീപ്പെട്ട രാക്കിനാപ്പാതിയിൽ
നാക്കിലിറ്റിക്കണം ശ്യാമഗംഗാജലം..
അത്രമേൽ ശാന്തമായന്തരാത്മാവിൽ നി-
ന്നറ്റു വീഴേണം നമുക്കന്യരാവണം..
ആദ്യമായ് നമ്മളിൽ നിന്നും പുറപ്പെട്ട്
വന്നിടത്തോളം തനിച്ചു നടക്കണം..
പൂക്കൾക്കു ഗന്ധവും തേനുമില്ലാത്തൊരി -
പ്പാഴ് വസന്തത്തിൽ മറവിയായ് പൂക്കണം..

ശ്രീനിവാസൻ തൂണേരി