നിലാവുപൂക്കും നേരം പ്രിയമഴ തംബുരു മീട്ടും നേരം
പാടിയുറക്കാനെന്നുടെ കനവുകള്
മിഴികളിലണയും നേരം
മൗനത്തേരില് പലവഴിയുരുണ്ട് പോകുന്നെന്നുടെ മനമോ
വിധിയുടെ കല്പനയാണോ? തരളിതം തറഞ്ഞു നില്ക്കുന്നു.
പാടിയുറക്കാനെന്നുടെ കനവുകള്
മിഴികളിലണയും നേരം
മൗനത്തേരില് പലവഴിയുരുണ്ട് പോകുന്നെന്നുടെ മനമോ
വിധിയുടെ കല്പനയാണോ? തരളിതം തറഞ്ഞു നില്ക്കുന്നു.
അഞ്ജനമെഴുതിയ കണ്ണുകളാലൊരു ചുംബനമേല്ക്കുന്നു
കര്ണ്ണപടത്തില് പ്രിയതം മധുരിത ശബ്ദവുമുണരുന്നു
പലനാള് മുന്പൊരു പാതിമയക്കസ്സീമയിലുണരുമ്പോള്
ഓര്മ്മയിലുരുവാം വദനം ചെമ്മെ ചിരിച്ചു നില്ക്കുന്നു.
കര്ണ്ണപടത്തില് പ്രിയതം മധുരിത ശബ്ദവുമുണരുന്നു
പലനാള് മുന്പൊരു പാതിമയക്കസ്സീമയിലുണരുമ്പോള്
ഓര്മ്മയിലുരുവാം വദനം ചെമ്മെ ചിരിച്ചു നില്ക്കുന്നു.
കൂന്തലിനിണകള് കാറ്റുപിടിച്ചൊരു നൃത്തം ചെയ്യുന്നു.
മുകിലുകള് നിറയും മാനത്തൂന്നൊരു വെട്ടം പെയ്യുന്നു.
ചെന്താമരയിതളുകളാകും ചുണ്ടുകള് പാതി വിരിഞ്ഞീടെ
ഉയരുന്നാദിയില് പ്രണവം പോലൊരു മംഗള സംഗീതം
മുകിലുകള് നിറയും മാനത്തൂന്നൊരു വെട്ടം പെയ്യുന്നു.
ചെന്താമരയിതളുകളാകും ചുണ്ടുകള് പാതി വിരിഞ്ഞീടെ
ഉയരുന്നാദിയില് പ്രണവം പോലൊരു മംഗള സംഗീതം
കണ്മഷിയിട്ട കണ്ണഴകില് ഞാനെന്തോ തിരയുമ്പോള്
ശംഖുകടഞ്ഞ കഴുത്തഴകേറിയവളെന്തോ ചൊല്ലുന്നു
കാതുകളാസ്വരമഴയില് നനഞ്ഞീറനുടുക്കുമ്പോള്
പ്രജ്ഞയുണര്ന്നത് തന്നോടായൊരു ചോദ്യവുമെയ്യുന്നൂ.
ശംഖുകടഞ്ഞ കഴുത്തഴകേറിയവളെന്തോ ചൊല്ലുന്നു
കാതുകളാസ്വരമഴയില് നനഞ്ഞീറനുടുക്കുമ്പോള്
പ്രജ്ഞയുണര്ന്നത് തന്നോടായൊരു ചോദ്യവുമെയ്യുന്നൂ.
ആരിവള് എന്തിവളപ്സരകന്യക എന്നില് നിറയുന്നു.
കാമന കാന്തിയാല് അഴകുനിറയ്ക്കും മോഹം നെയ്യുന്നു.
പലനാള് പലവഴി രാവും പകലും തിന്നു നടന്നീടെ
ഉണരാ ചിന്തതന് ഗോപുരവാതില് താഴു തുറക്കുന്നു.
കാമന കാന്തിയാല് അഴകുനിറയ്ക്കും മോഹം നെയ്യുന്നു.
പലനാള് പലവഴി രാവും പകലും തിന്നു നടന്നീടെ
ഉണരാ ചിന്തതന് ഗോപുരവാതില് താഴു തുറക്കുന്നു.
ഉള്ളമറിഞ്ഞവള് കവിളിണ ചുവന്നു പാദം നോക്കുന്നു.
തെല്ലിടമൗനം തഴുകും കാറ്റില് അലിഞ്ഞു പോകുന്നു.
പതിയെപ്പതിയെ അവളുടെ സ്വരമെന് നെഞ്ചു തുരക്കുന്നു.
ദിക്കുകളെല്ലാം നിറയും ധ്വനിയതില് ധര്മ്മം പെയ്യുന്നു.
തെല്ലിടമൗനം തഴുകും കാറ്റില് അലിഞ്ഞു പോകുന്നു.
പതിയെപ്പതിയെ അവളുടെ സ്വരമെന് നെഞ്ചു തുരക്കുന്നു.
ദിക്കുകളെല്ലാം നിറയും ധ്വനിയതില് ധര്മ്മം പെയ്യുന്നു.
ആരു നീ എന്തിനു പാരിതില് വന്നൊരു പ്ലവമായൊഴുകുന്നൂ
നോവുകളേറി ചിന്തയുമില്ലാ ശിലയായ് മരുവുന്നു.
വിശ്വസമത്വത്തേന് നുകരുന്നൊരു വണ്ടായ് തീര്ന്നീടാന്
ദൂരമിതെത്രത്താണ്ടണമതിനായ് പാദമുയര്ത്തീടൂ.
നോവുകളേറി ചിന്തയുമില്ലാ ശിലയായ് മരുവുന്നു.
വിശ്വസമത്വത്തേന് നുകരുന്നൊരു വണ്ടായ് തീര്ന്നീടാന്
ദൂരമിതെത്രത്താണ്ടണമതിനായ് പാദമുയര്ത്തീടൂ.
കാമാസ്ത്രങ്ങളാലുലയും മനവുമായ് തേിനടക്കുന്നോ-
രോരോ മോഹവും കര്മ്മാന്ധതയില് പുനര്ജ്ജനി തീര്ത്തീടും
രക്ത,മല,മൂത്ര,പിത്ത കഫങ്ങളടങ്ങും ദേഹത്തിന്
കാമത്തീപ്പുഴയൊരുനാളും വറ്റിയ കഥയില്ല
രോരോ മോഹവും കര്മ്മാന്ധതയില് പുനര്ജ്ജനി തീര്ത്തീടും
രക്ത,മല,മൂത്ര,പിത്ത കഫങ്ങളടങ്ങും ദേഹത്തിന്
കാമത്തീപ്പുഴയൊരുനാളും വറ്റിയ കഥയില്ല
ഉദരം മൂലം പലപല വേഷമണിഞ്ഞു നടക്കുന്നോര്
ഉദരത്തിന്നായ് പലപല ജന്മമെടുത്തു മരിക്കുന്നു.
ധനവും തേടി ധരണിയിലാകെ കലപില കൂട്ടുന്നോര്
ധനവും നേടി ധരണിയെ പൂകും ശാന്തിലഭിക്കാതെ.
ഉദരത്തിന്നായ് പലപല ജന്മമെടുത്തു മരിക്കുന്നു.
ധനവും തേടി ധരണിയിലാകെ കലപില കൂട്ടുന്നോര്
ധനവും നേടി ധരണിയെ പൂകും ശാന്തിലഭിക്കാതെ.
വിഫലം കര്മ്മഫലാലതി ജീവിതമഴലുകളേറ്റുമിടം
കരിനാഗം പോല് ഫണമുയര്ത്തീടിന
കലിയുഗ ധര്മ്മപചയം
സ്വച്ഛതയെന്നൊരു തേനരുവിക്കരയണയുവതെളുതല്ല
വെട്ടമൊരുക്കി നടത്തീടാം നിന് പ്രജ്ഞയുണര്ത്തീടു.
കരിനാഗം പോല് ഫണമുയര്ത്തീടിന
കലിയുഗ ധര്മ്മപചയം
സ്വച്ഛതയെന്നൊരു തേനരുവിക്കരയണയുവതെളുതല്ല
വെട്ടമൊരുക്കി നടത്തീടാം നിന് പ്രജ്ഞയുണര്ത്തീടു.
സ്വപ്നമഴിഞ്ഞൊരു മാത്രയുണര്ന്നാ ചിന്ത കുടിക്കുമ്പോള്
ജ്ഞാനസ്സുന്ദരി പ്രജ്ഞയിലാകെ നിറഞ്ഞു നില്ക്കുന്നു.
മദമാത്സര്യമൊഴിഞ്ഞൊരു മോഹത്തളിരുണര്ന്നീടേ
മാനം പെയ്താ തീര്ത്ഥത്താല് ഞാന് ബുദ്ധനാകുന്നു.
___________________________._.________
രമേഷ് കേശവത്ത്...
ജ്ഞാനസ്സുന്ദരി പ്രജ്ഞയിലാകെ നിറഞ്ഞു നില്ക്കുന്നു.
മദമാത്സര്യമൊഴിഞ്ഞൊരു മോഹത്തളിരുണര്ന്നീടേ
മാനം പെയ്താ തീര്ത്ഥത്താല് ഞാന് ബുദ്ധനാകുന്നു.
___________________________._.________
രമേഷ് കേശവത്ത്...
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക