ബീ പോസറ്റീവ് ( കഥ )

ബീ പോസറ്റീവ്.... സ്നേഹ ....
ഇതൊക്കെയാണ് ജീവിതം ...."

എന്റെ നീണ്ട മുടിയിഴകൾതലോടിക്കൊണ്ട്
ദീപേട്ടൻ പറഞ്ഞത് കേട്ട് എനിക്ക് കരച്ചിലട
ക്കാൻ കഴിഞ്ഞില്ല .....
പിങ്ക് നിറമുള്ള ബെഡ്ഷീറ്റിൽ ചൂണ്ടുവിരൽ
കൊണ്ട് കോറിയിട്ട്, മുഖമുയർത്താതെ
ഞാൻ പറഞ്ഞു;

''പാവയ്ക്കാ തോരൻ ഞാനാ ഉണ്ടാക്കിയത്
അതു കഴിച്ചിട്ടാത്രെ അമ്മയ്ക്ക് ഗ്യാസ്
കേറീത്.... ഇന്നലെ ചീരത്തോരനുണ്ടാക്കി
യപ്പോഴും അമ്മ ഇതു തന്നെയാ പറഞ്ഞത് ..."

ദീപേട്ടൻ ഏതോ പുസ്തകത്തിൽ ദൃഷ്ടിയുന്നിക്കൊണ്ടാണ് ഇത്തവണ മറുപടി
പറഞ്ഞത് ....

''സ്നേഹ .... നിനക്ക് ഇതൊക്കെ
ഫസ്റ്റ് എക്സ്പീരിയൻസല്ലേ .... ഈ
അമ്മമാര് അമ്മായിയമ്മ ആകുമ്പോഴാണ്
ഈ പ്രശ്നം... നീയൊന്നു കണ്ണടച്ചാൽ മതി
ഒക്കെ മാറും..."

"നിങ്ങൾക്ക് അതു പറയാം.. ഞാൻ എന്തെടുത്താലും അമ്മ കുറ്റം പറഞ്ഞു കൊണ്ടിരിക്കും.... പിന്നെ ഞാനുണ്ടാക്കിയത്
കഴിച്ചിട്ട് ഗ്യാസാണെന്ന് പറഞ്ഞ്
ഒരു മാതിരി ഏമ്പക്കം വിട്ടോണ്ടുള്ള നടപ്പ്...
എന്താ ഇതിന്റെ ഒക്കെ അർത്ഥം...?
എനിക്കൊന്നും മനസ്സിലാകുന്നില്ല ...''

ഞാൻ തേങ്ങിക്കൊണ്ട് അത്രയും
പറഞ്ഞു......

'' ങ്ഹാ.... നീയിപ്പോൾ സമാധാനത്തോടെ
കിടക്ക് .... നമുക്ക് രാവിലെ എന്റെ ഒരു
ഫ്രണ്ടിന്റെ വീട്ടിലേക്ക് പോകാനുണ്ട്..
അവൻ ഡോക്ടറാ.... അങ്ങ് ഓസ്ട്രേ ലിയയിൽ പഠിച്ച ആളാ.... നമ്മുടെ വിവാ
ഹത്തിന് വരാൻ പറ്റാത്തതു കൊണ്ട്
ഒന്നു നേരിട്ട് കാണാൻ വിളിച്ചിട്ടുണ്ട് ....
നാളെ രാവിലെ റെഡിയാകണം...... "

എന്റെ വാക്കുകൾക്ക് കൃത്യമായ ഒരു മറുപടി
നൽകാതെ ദീപേട്ടൻ ഒഴിഞ്ഞത് എന്തി
നാണെന്ന് എനിക്ക് പിടികിട്ടി....
സ്വന്തം അമ്മയെ ഇന്നലെ വന്നുകയറിയവൾ
കുറ്റം പറയുന്നത് കേൾക്കാൻ ദീപേട്ടനിഷ്ടമി
ല്ലെന്ന് അദ്ദേഹത്തിന്റെ വാക്കുകളിൽ നിന്ന്
എനിക്ക് വായിച്ചെടുക്കാം......
ഞാനൊന്നും പറയാതെ എഴുന്നേറ്റ് ബെഡ് റൂമിന്റെ വാതിൽ ലോക്ക് ചെയ്യാൻ ചെന്നു ...

''സ്നേഹ .... വേണ്ട ,വാതിൽ ലോക്ക് ഇടണ്ട ..
ചാരിയിട്ടാൽ മതി.... അത് .... അമ്മയ്ക്ക്
ചിലപ്പോൾ ഒരു ചുമയും ശ്വാസം മുട്ടലും..
പിന്നെ, ഓക്കാനവും ഛർദിയുമൊക്കെ
വരാറുണ്ട്... അച്ഛൻ മരിച്ചതിനു ശേഷമാ
അത്..... ഒരു മെന്റൽ പ്രോബ്ലമെന്നാ
ഡോക്ടർ പറഞ്ഞത് ..."

എനിക്കാകെ ഒരു വല്ലായ്മ തോന്നി....
ഒരുപാട് പേരുള്ള വീടാണിത്.... അമ്മയും
നാല് അനിയന്മാരും രണ്ടു പെങ്ങന്മാരും...
പിന്നെ, ഞങ്ങളുടെ വിവാഹത്തിന് വന്നിട്ട്
വിരുന്നുണ്ട് തിരികെ പോകാതെ ഇരിക്കുന്ന ദീപേട്ടന്റെമൂത്തഅമ്മായിയും ഇളയമ്മയും ...!

അവർക്കെല്ലാമിടയിൽ ബെഡ്റൂം ലോക്ക്
ചെയ്യാതെ കിടക്കണമെന്നു പറഞ്ഞാൽ...!
ഞാനാകെ അസ്വസ്ഥയായി...

കഴിഞ്ഞ ദിവസം രാവിലെ മുറിയുടെവാതിൽ ചാരിക്കിടക്കുന്നതുകണ്ട് ദീപേട്ടന്റെ അമ്മായി ഒന്നു വാതിലിൽമുട്ടുകപോലും ചെയ്യാതെ അകത്ത് കയറി വന്നത്
എനിക്ക് തീരെ ഇഷ്ടപ്പെട്ടിരുന്നില്ല ....

"സാരമില്ല ... പ്രായമായ സ്ത്രീയല്ലേ....
ഞാൻ അവരോട് എന്താ പറയ്യാ.... സ്നേഹ ...
എനിക്കു വേണ്ടി നീ ക്ഷമിക്ക്......
ഒത്തിരി ആൾക്കാരുള്ള വീട്ടിലിതൊക്കെ
ഉണ്ടാകും ....."

ദീപേട്ടന്റെ മറുപടി കേട്ട് എനിക്ക് വല്ലാതെ ദേഷ്യം തോന്നിയെങ്കിലും ഞാൻ ഒന്നും
പറഞ്ഞില്ല.... വിവാഹം കഴിഞ്ഞിട്ട് കുറച്ച്
ദിവസങ്ങളേ ആയിട്ടുള്ളൂ....
ഞാൻ എന്തായാലും പക്വതയോടെ പെരുമാറണം.... ദീപേട്ടൻ ഈ വലിയ കുടുംബത്തിലെ മൂത്ത മകനാണ്.... അച്ഛന്റെ സ്ഥാനത്താണ്ദീപേട്ടൻ....! അദ്ദേഹത്തിന്റെ ഭാര്യയായഞാൻ കുറച്ച് കൂടിപക്വത കാട്ടിയേ മതിയാകൂ...
പാവപ്പെട്ട വീട്ടിലെ പെൺകുട്ടിയാണ് ഞാൻ ..
ഒന്നുമില്ലാത്തിടത്തു നിന്ന് ഒത്തിരി ഉള്ള ഇടത്തേക്ക് ജീവിതം പറിച്ചു നടുമ്പോൾ
പലതും സഹിക്കുകയും ക്ഷമിക്കുകയും വേണം എന്നെനിക്കു തോന്നി......
അതാണ് കുടുംബ ജീവിതം മുന്നോട്ടു
പോകാനുള്ള ഏറ്റവും നല്ല വഴി .....

അനിഷ്ടത്തോടെ വാതിൽ ചാരിയിട്ട്
കട്ടിലിൽ വന്നിരിക്കുമ്പോൾ ദീപേട്ടൻ
സമാധാനിപ്പിച്ചു....

'' പോട്ടെടോ.... ഇതിനകത്ത് നമ്മുടെ
ലോകമല്ലേ .... ഇവിടെ നിന്റെ ഇഷ്ടത്തി
നാണ് മുൻതൂക്കം..... നിനക്ക് മാത്രമാണ്
ഈ ദീപൻ!എന്താ... പേരെ?''

അത്രയും പറഞ്ഞ് ദീപേട്ടൻ പ്രേമപൂർവ്വം എന്നെ ചേർത്തു പിടിച്ചതേയുള്ളൂ.......

''അയ്യോ...... അമ്മേ... എന്റെ അമ്മ
യ്ക്കെന്തു പറ്റി.... എല്ലാരും ഒന്നോടിവായോ "

പെട്ടെന്ന്,ഇളയ പെങ്ങൾ, രേഖയുടെ നിലവിളികേട്ട് ദീപേട്ടൻ എന്നെ തള്ളി മാറ്റിയിട്ട് ചാടി എഴുന്നേറ്റു...

"ദീപേട്ടാ........ ദേ, അവരൊക്കെ ഇല്ലേ...
പിന്നെന്തിനാ നിങ്ങൾ ഓടിപ്പോകുന്നേ?"

ഞാൻ ദീപേട്ടനെ തടയാൻ നോക്കി.....

''നീ .... മാറി നിൽക്ക്.... "

അപ്പോൾ എന്നെ പിടിച്ച് തള്ളിമാറ്റിയിട്ട്
അദ്ദേഹം ചാരിക്കിടന്ന വാതിൽ തുറന്ന്
അമ്മയുടെ റൂമിലേക്കോടി...
ഞാനെന്തു ചെയ്യണമെന്നറിയാതെ
ചലനമില്ലാതെ അവിടെ തന്നെ നിന്നു പോയി.

അമ്മയുടെ മുറിക്കകത്തും പുറത്തും
ആകെ ബഹളം ....!
അതിനിടയിൽഅമ്മയുടെ ചുമ... ഓക്കാനം ...ഛർദി...ശ്വാസം വലി..... ഞാനാകെ മരവിച്ചതുപോലെ ആയി ...!

''മോനെ, ... ദീപാ .... അമ്മയ്ക്ക് വയ്യടാ... "

എന്ന് ദീപേട്ടനെ വിളിച്ചു കൊണ്ടുള്ള അമ്മയുടെ നിലവിളിയും ഇടയ്ക്ക്
കേൾക്കാം.!
ഞാൻ സംയമനം പാലിച്ച്, പതുക്കെ
അമ്മയുടെ മുറിയുടെ അരികിലേക്ക്
നടന്നു.... മുറിക്കകത്ത് കട്ടിലിലിരുന്ന് വല്ലാതെശ്വാസം വലിക്കുന്ന ദീപേട്ടന്റെ അമ്മ!
അമ്മയുടെപുറവും നെഞ്ചും തിരുമ്മുന്ന മക്കൾ ....!
ഞാനാകെ അന്തം വിട്ടു നിന്നു...
എന്റെ നിഴലനക്കം കണ്ടപാടെ അമ്മയുടെ
വല്ലാത്തൊരു ഓക്കാനവും ഛർദിയും!
ഞാൻ ഞെട്ടിപ്പോയി.....!
എന്തൊക്കെയാണ് സംഭവിക്കുന്നത്
എന്നറിയാതെ ഞാൻ സ്തംഭിച്ചുനിന്നു.

''ആ പാവയ്ക്കാതോരനാ അമ്മേ
പറ്റിച്ചത്.... ഉപ്പും മുളകും നന്നായി ചേർക്കാതെ ഉണ്ടാക്കിയതല്ലേ?..
പുതു പെണ്ണിന്റെ പാചക വിദ്യ കാട്ടിയതാണല്ലോഅത്.... ഇങ്ങനെ പോയാൽ ഗ്യാസ് വന്ന് അമ്മയ്ക്ക് എന്തെങ്കിലും വയ്യാണ്ടാകും.. "

എന്നെ കണ്ട നിമിഷം മൂത്ത പെങ്ങൾ
രേണുക പറഞ്ഞത്കേട്ട്ഞാൻശരിക്കുമൊന്ന് ഞെട്ടി..
എനിക്ക് കരച്ചിൽ വന്നു... ഞാൻ സങ്കടപ്പെട്ട്
നിന്നു കരഞ്ഞു...
അതു കണ്ട് ദീപേട്ടന്റെഅമ്മായി അരികിൽ
വന്ന് എന്നെ,സമാധാനിപ്പിച്ചു....

'' പോട്ടെ, മോളെ.... അവള് വെറും പൊട്ടി
പൊണ്ണാ...... നീയത് കേട്ട് സീരിയസ്സാകണ്ട.. "

രേണുക ഇത്തിരി പോര് കാട്ടുന്ന ആളാണ് എന്നെനിക്കു തോന്നിയിട്ടുണ്ട്..
വിവാഹപ്രായം വന്ന പെണ്ണാണവൾ...

ഞാനും ദീപേട്ടനും ചിരിക്കുന്നതും സംസാരിക്കുന്നതും അവൾക്ക് തീരെ ഇഷ്ട
മല്ലെന്ന് എനിക്കറിയാം...
ഞങ്ങൾ ഒരുമിച്ചിരിക്കുന്നതു കാണുമ്പോൾ
അവളുടെ മുഖം വല്ലാതെ മങ്ങും!

അവൾ പറഞ്ഞത് കേൾക്കാത്ത ഭാവത്തിൽ
അമ്മയുടെ പുറം തിരുമ്മുകയാണ്
ദീപേട്ടൻ!

കുറച്ചു കഴിഞ്ഞപ്പോൾ അമ്മയുടെ അസ്വ
സ്ഥതകളൊക്കെ മാറി....
അപ്പോഴുംമക്കളെല്ലാവരുംഅമ്മയ്ക്കരികിൽ തന്നെഇരിപ്പുണ്ട് ...

''നാളെ തന്നെ, ആ ഡോക്ടറെ കാണണം."

അനുജൻ ദിലീപ് ദീപേട്ടനോട് പറഞ്ഞു ..

''ഇനി, ഏടത്തിഉണ്ടാക്കുന്ന കറിയൊന്നും
അമ്മ കഴിച്ചേക്കരുത്...."

രേണുക പറയുന്നതു കേട്ട് അമ്മ ചുമച്ചു
കൊണ്ടു പറഞ്ഞു ...

''അവള് പാചകത്തിലല്ലേ എം.എ.ക്കാരി?"

അതുകേട്ട് ഒന്നും പറയാതെ ദീപേട്ടൻ മുറി വിട്ടിറങ്ങി വരുന്നത് കണ്ടപ്പോൾ എനിക്ക്
വല്ലാത്ത ദേഷ്യമാണ് തോന്നിയത്...

പിന്നാലെ, ഞാനും ദീപേട്ടന്റെ കൂടെ
ബെഡ് റൂമിലേക്ക് നടന്നു....
പുതുപെണ്ണിന് മൗനമാണ് ഭൂഷണം ....
എന്തെങ്കിലും പറഞ്ഞാൽ ഞാനാകും
കുറ്റക്കാരി ....

ഞാനും ദീപേട്ടനും ഒന്നും പരസ്പരം മിണ്ടാതെ കട്ടിലിൽ അകലം പാലിച്ച് കിടന്ന്
ഉറക്കമില്ലാതെ രാത്രി പുലർന്നു ....!

പിറ്റേന്ന് മക്കളെല്ലാവരും അമ്മയെ ആശുപത്രിയിലേക്ക് കൊണ്ടുപോകാൻ
തിരക്കുകൂട്ടി.... ഒരു കാറിൽ ഇരിക്കാവുന്ന
ആൾക്കാർ അമ്മയോടൊപ്പം ......!
കാർ ഡ്രൈവർ ആയി ദീപേട്ടൻ തന്നെ
വേണമെന്ന് അമ്മയ്ക്ക് ഒറ്റ നിർബന്ധം.

ഞാൻ അടുക്കളയിൽ പ്രാതലിനുള്ള
ഒരുക്കത്തിലായിരുന്നു ... ഇളയ അനുജത്തി
രേഖ കുളിമുറിയിലാണ് ....
അമ്മയുടെ കൂടെ തന്നെയുണ്ട് അനുജത്തി
രേണക....
അമ്മായിയും, ഇളയമ്മയും ഉറക്കം വിട്ടുണർ
ന്നിട്ടേയില്ല ....
അനുജന്മാർ ഓരോരുത്തരും....യോഗ, ജിം, ഓട്ടം.... ഇങ്ങനെപലകാര്യങ്ങൾക്കായിതിരിഞ്ഞപ്പോഴാണ് ദീപേട്ടൻ എന്നെ ബെഡ് റൂമിലേക്ക് വിളിച്ചത്...
ഞാൻ സംശയത്തോടെ ചെന്നു ....

''നീയൊരുങ്ങ്.... നമുക്ക് ഡോക്ടർ
അരവിന്ദിന്റെ അടുത്ത് പോയിട്ട് വരാം...
ഇന്നലെ ഞാൻ പറഞ്ഞ എന്റെ
ക്ലാസ് മേറ്റ് ഡോക്ടർ ..?
ഞാൻ അമ്മയുടെ കാര്യം പുള്ളിക്കാരനോട്
പറഞ്ഞു .... അത് ,ഒരു കുഴപ്പവുമില്ല
എന്നാണവൻ പറഞ്ഞത് ....
അമ്മയ്ക്ക് മെനോപോസ് പിരിയഡായതു കൊണ്ടുള്ള പ്രോബ്ലംസാ ന്നാ അവൻ
പറഞ്ഞത് "

മെനോപോസ് എന്നു ഞാൻ കേട്ടിട്ടുണ്ട് ....
പക്ഷേ, അതിന്റെ പ്രയാസങ്ങളെന്തൊക്കെ
യാണെന്ന വ്യക്തമായ ഒരു ധാരണ
എനിക്ക് കിട്ടിയിട്ടില്ല .... എനിക്ക് ജിജ്ഞാസ
ആയി !ഞാൻ എന്താണതെന്ന് ദീപേട്ടനോട് പുരികമുയർത്തി ചോദിച്ചു....
ദീപേട്ടൻ ഒരു കോളേജ് ലക്ചറുടെ ഗൗരവ
ത്തോടെ പറഞ്ഞു തുടങ്ങി...

"സ്ത്രീകളുടെ ആർത്തവവിരാമമാണ്
മെനോപോസ് ... അത്, സാധാരണയായി 45നും55നും ( വയസ്)ഇടയിലാണ് ഉണ്ടാവുന്നത്.... ആർത്തവം നിൽക്കുമ്പോൾ
സ്ത്രീകൾക്ക് മാനസികമായും ശാരീരികമായും പലവിധ മാറ്റങ്ങൾ ഉണ്ടാകും
ഹോർമോണുകളുടെ ഉത്പാദനം കുറയുന്ന
താണ് കാരണം. ഈസ്ട്രജൻ ഹോർമോൺ കുറഞ്ഞ് ക്രമേണ ആർത്തവം നിലയ്ക്കുന്നതാണ് ഇത്....
അതാണ് അമ്മയ്ക്ക് പ്രശ്നം.
ചില സ്ത്രീകൾക്ക് തലകറക്കം, ഓക്കാനം, ഛർദി... രക്തസമ്മർദം, ഷുഗർ
എല്ലാ പ്രശ്നങ്ങളും വരും.... പിന്നെ, ശരീരം തരിപ്പ്, ചൂട്, വിയർപ്പ്, ക്ഷീണം, തളർച്ച ...ഒക്കെ ഉണ്ടാകും ... ഇപ്പോ മനസ്സിലായോ
എന്റെ ശ്രീമതിക്ക്?"

''ഇതൊക്കെ എനിക്കറിയാം....
അതിനിപ്പോ നമ്മൾ എന്തുചെയ്യും?"

''അമ്മയ്ക്ക് നല്ല മെന്റൽ സപ്പോർട്ട് കൊടുക്കണം...
അമ്മയെ മനസ്സിലാക്കി പെരുമാറണം...
പലതുംകണ്ടില്ലെന്ന് നടിച്ച്മിണ്ടാതിരിക്കണം."

ഞാൻ അത്ഭുതത്തോടെ കേട്ടിരിക്കുന്നത്
കണ്ട് ദീപേട്ടൻ എന്നെ കളിയാക്കി ....

''എല്ലാം അറിയുന്നമന്ദബുദ്ധി...."

ഞാൻ നാണത്തോടെ ചിരിച്ചു...
പ്രായമായഅമ്മമാർക്കുള്ളപ്രശ്നങ്ങൾ
നമ്മൾ മക്കൾനന്നായിമനസ്സിലാക്കണം. മരുമകളായ ഞാനും പഠിക്കണം... എല്ലാം!
ഭാവിയിൽ എനിക്കും വരാവുന്ന പ്രശ്നം....

'' പിന്നെ,സ്നേഹ മറ്റൊരു കാര്യം കൂടിയുണ്ട്...അച്ഛന്റെ അകാലവിയോഗം അമ്മയെ മാനസികമായി വളരെ തളർത്തിയിരുന്നു .... മൂത്ത മകനായഞാനാണ് അതിൽനിന്നെല്ലാം അമ്മയെ തിരികെ കൊണ്ടുവന്നത്.... അമ്മയുടെ കൂടെ നടന്ന്....
കരുതലും സ്നേഹവും നൽകി.... നീ വിഷമിക്കാതെ അമ്മയ്ക്ക് മുന്നിൽ കുറച്ച്
താന്നു നിൽക്കണം ... എനിക്കു വേണ്ടി....
ഞാനെന്നും നിന്നോടൊപ്പമുണ്ടല്ലോ.. "

ദീപേട്ടൻ എന്നെ സ്നേഹത്തോടെ ചേർത്തു
പുൽകി .... ഒരു വലിയ കുടുംബത്തിന്റെ
നെടുംതൂണ് ആണ് ദേവേട്ടൻ!
കൂടെ, സഹിഷ്ണുതയോടെ സുഖത്തിലും
ദു:ഖത്തിലും ഭാര്യയായ ഞാനുമുണ്ടാകണം...
ഓരോ കുടുംബവും നിലനിന്നുപോകാൻ
ഓരോ സ്ത്രീയുടെയും വലിയ ത്യാഗമുണ്ട്....
പുരുഷന്റെ ശക്തിയായ സ്ത്രീയുടെ ത്യാഗം.!

ഞാൻ സന്തോഷത്തോടെ ദേവേട്ടന്റെ
നെഞ്ചിൽ മുഖം ചേർത്ത് പെരുവിരൽ
ഉയർത്തിക്കൊണ്ട് പറഞ്ഞു ....

''ബി പോസറ്റീവ് ദീപേട്ടാ.... "

പിന്നെ ,ചിരിച്ചു കൊണ്ട്പുറത്തേക്കോടി....

കാറിൽ ദീപേട്ടന്റെ അരികിൽഞാൻ ചേർന്ന് ഇരിക്കുമ്പോൾ അമ്മ ഇടയ്ക്ക്പിന്നിൽ നിന്നു
പറഞ്ഞു:

''ദീപാ എനിക്കിവിടെ വല്ലാതെ കുലുക്കം തോന്നുന്നു.നടുവിന് ഒരു പിടുത്തം പോലെ"

അമ്മ പറയുന്നതു കേട്ട് ഞാൻ
ദീപേട്ടനെ പതുക്കെ തൊട്ടു....
ദീപേട്ടൻ എന്നെനോക്കിച്ചിരിച്ചു....

പിന്നെഒന്നും പറയാതെ അദ്ദേഹം കാർ റോഡരികിൽ നിർത്തിയിട്ടു....
ഞാൻ ഡോർ തുറന്ന് പുറത്തിറങ്ങി...

''അമ്മേ, അമ്മ മുന്നിൽ ഇരുന്നോളൂ ... "

ഞാൻഅമ്മയെ വിളിച്ച് മുന്നിൽ ഇരിക്കാൻ
പറഞ്ഞു....
അമ്മ ഒന്നും മിണ്ടാതെ മുഖത്തൊളിപ്പിച്ച
ഒരു ഗൂഢഭാവത്തോടെ ദീപേട്ടന്റ അരികിൽ
ചെന്നിരുന്നു ... ഒരു രാജ്ഞിയെപ്പോലെ....!

ഞാൻപിൻസീറ്റിൽ കയറി ഇരിക്കുമ്പോൾ അനുജത്തി രേണുക എന്നോട് രഹസ്യമായി പറഞ്ഞു:

''അമ്മയ്ക്ക് ഇനി ഒരു അസുഖവും
ഉണ്ടാകില്ല ഏടത്തി.... ഏട്ടനുംഞാനും ചെറിയേട്ടന്മാരുംഎല്ലാരും ഏടത്തിയെ
അവഗണിച്ചാൽ അമ്മയ്ക്ക് സന്തോഷമാകും അമ്മയ്ക്ക് അസൂയയാ.... ഏട്ടനെ ഏടത്തി
തട്ടിയെടുത്തുന്ന്..."

ഞാനമ്പരന്നു പോയി!
ഇന്നലെ വരെ എന്നെ കുറ്റം പറഞ്ഞരേണുക തന്നെയാണോ ഇത്?
ഇതെന്തു മനശാസ്ത്രം ?
ഞാൻഒന്നുംമനസ്സിലാകാതെഅന്ധാളിച്ചിരിക്കുമ്പോൾ രേണുകഎന്നെ ചേർത്തു പിടിച്ചു കൊണ്ട് പറഞ്ഞു...

''ഏടത്തീ...ബീ.... പോസറ്റീവ്.... "

ശുഭം ബിന്ദു.എം.വി.