നിറം മങ്ങിയ കാന്താരി

നാളുകൾക്കു ശേഷം ഞാൻ എന്റെ പഴയ ഒരു കാന്താരി കൂട്ടുകാരിയെ കണ്ടു . 2 വർഷം മുമ്പ് അവളുടെ കല്യാണത്തിന് കണ്ടതാണ് ... പിന്നെ ഇതാ ഇന്നാണ് വീണ്ടും . കുറച്ചു നേരം സംസാരിച്ചു , ഒരു ചായ കുടിച്ചു .. കുറച്ചു വിശേഷങ്ങൾ പങ്കിട്ടു . പിരിയാൻ നേരം ഞാൻ പറഞ്ഞു ..
എന്റെ കല്യാണ ആലോചന തകൃതി ആയി നടക്കുവാണ്, കല്യാണത്തിന് വിളിക്കും .. വരണം .
അവൾ ചോദിച്ചു., എന്തിനാടാ കെട്ടീട്ടു..?
അതെന്തു പറ്റിയെടി അങ്ങനെ ഒരു ചോദ്യം .. നിൻറെ കല്യാണം കഴിഞ്ഞിലെ.. സുഗമായി പോണു എന്ന് പറഞ്ഞിട്ടു ..?
അവൾ ചിരിച്ചു...
എന്താടി കെട്ടണ്ടേ..?
കെട്ടിക്കോ ... ഫേസ്ബുക്കിൽ ഇടാൻ നല്ല കുറച്ചു ഫോട്ടോസ് കിട്ടും .. അതിൽ കൂടുതൽ ഒന്നും പ്രതീക്ഷിക്കണ്ട ...
അവൾ ചിരിച്ചു നടന്നു .. അവളുടെ ചിരിക്കു പഴയ കാന്താരിയുടെ എരിവ് ഉണ്ടായിരുന്നില്ല .. നിറം ഉണ്ടായിരുന്നില്ല ... എപ്പോളോ വെയിൽ ഏറ്റു വാടിയ പോലെ...

-ദിലീപ് ബി മേനോൻ