വിടരും മുൻപേ ...

വിടരും മുൻപേ ...

അച്ഛാ അച്ഛാ വാ എഴുന്നേൽക്ക് ...

പാതിമയക്കത്തിൽ നിന്നും മോഹൻ ഞെട്ടി എഴുന്നേറ്റു . കൺപോളകളിലെ കനം കാരണം കണ്ണു തുറക്കാൻ കഴിയുന്നുണ്ടായിരുന്നില്ല . വളരെ പ്രയാസപ്പെട്ട് അയാൾ കണ്ണുകൾ തുറന്ന് പിടിച്ചു .

എന്താണ് തനിക്ക് സംഭവിച്ചത് ? എവിടെയാണ് താൻ ? അയാൾ ചുറ്റും നോക്കി .

ഹാ , ഈശ്വരാ വീട്ടിൽ തന്നെയാണോ ? താൻ എപ്പോൾ ഇവിടെ എത്തി ? എങ്ങനെ എത്തി ? അയാൾക്ക് ഒന്നും ഓർമ്മയിൽ വരുന്നുണ്ടായിരുന്നില്ല . അയാൾ കഴിഞ്ഞ കുറച്ച് നിമിഷങ്ങളിലെ കാര്യങ്ങൾ ഓർത്തെടുക്കാൻ ശ്രമിച്ചു .

ഓഫീസിലെ മാനേജർ സൂരജിന്റെ വെഡ്ഡിംഗ് ആനിവേഴ്സറി ഫംഗ്ഷന് പോയതാണ് വൈകുന്നേരം 5 മണിക്ക് . സൂരജ് ഒരു വലിയ ബിസ്നസ്സുകാരന്റെ മകളെയാണ് വിവാഹം കഴിച്ചത് . പ്രണയവിവാഹമായിരുന്നു . ആദ്യത്തെ ആനിവേഴ്സറി തന്നെ മുന്തിയ രീതിയിൽ ആണ് ആഘോഷിച്ചത് . ഏറ്റവും മുന്തിയ ഹോട്ടലിൽ , മദ്യപാനവും , DJ പാർട്ടിയും , ഡാൻസും എല്ലാം കൂടി തകർത്തു . കൂടെ ജോലിചെയ്യുന്ന മിക്കവരും പങ്കെടുത്തു . രവിയും ജിൻസണും മനോജും പിന്നെ വീണയും നാൻസിയും അനഘയും അങ്ങനെ എല്ലാവരും . വീണയുടെയും നാൻസിയുടെയും ഒപ്പം ഡാൻസ് ചെയ്യാൻ നല്ല രസമായിരുന്നു , ഇഴുകിച്ചേർന്ന് അതിന്റെ ഒരു ലഹരിയിൽ അധികമായി മദ്യപിക്കുകയും ചെയ്തു . അവിടുന്ന് 8 മണിക്ക് യാത്ര പറഞ്ഞിറങ്ങിയത് ഓർമ്മയുണ്ട് .

പിന്നെന്താണ് സംഭവിച്ചത് ? അതെ താൻ വീട്ടിലെത്തി . മകൾ മിന്നുവാണ് വാതിൽ തുറന്ന് തന്നത് .
അതെ മിന്നു ! അവൾ എവിടെ ? ഇത്ര നേരമായിട്ടും അവളെ കണ്ടില്ലല്ലോ ? വാതിൽ തുറന്ന് തന്നിട്ട് അവൾ ഇതെവിടെ പോയി ?
ഹാ ..... അമ്മയ്ക്ക് ഓവർടൈം ഉണ്ടെന്ന് അവൾ പറഞ്ഞത് ഓർക്കുന്നു . ഇനി അവൾ 12 മണിക്കേ വരൂ . ഇപ്പോൾ സമയമെന്തായോ ? അയാൾ വാച്ചിലേക്ക് നോക്കി .

ഈശ്വരാ 10 മണി , മോള് ഭക്ഷണം കഴിച്ചോ എന്തോ ? അയാൾ മകളെ അന്വേഷിച്ച് അവളുടെ മുറിയിലേക്ക് ചെന്നു . വാതിൽ ചാരിക്കിടക്കുന്നു .

മിന്നു .. മിന്നൂ ....

അകത്തുനിന്ന് ഒരു പ്രതികരണവുമില്ല . പതിയെ വാതിൽ തുറന്ന് അയാൾ അകത്തേക്ക് കയറി . മുറിയിൽ സാധനങ്ങൾ ചിതറിക്കിടക്കുന്നു . മോളേ നീ എവിടെയാ ? അയാൾ പതിയെ അവളുടെ കിടക്കയ്ക്കരുകിലേയ്ക്ക് ചെന്നു .
ആ കാഴ്ചകണ്ട് ഞെട്ടിത്തരിച്ച് അയാൾ പിന്നോക്കം മാറി .
തന്റെ മകൾ മിന്നു .... അരയ്ക്ക് കീഴ്പോട്ട് രക്തത്തിൽ കുളിച്ച് കിടക്കുന്നു . ശരീരത്തിൽ ഒരുതുണ്ട് വസ്ത്രം പോലുമില്ല . അയാൾ അലറിവിളിച്ചുകൊണ്ട് മകളുടെ അടുത്തേക്ക് ചെന്നു .അവളുടെ ശിരസ്സ് വിറക്കുന്ന കൈകൾക്കൊണ്ട് എടുത്ത് മടിയിൽ വെച്ചു . പതിയെ നാടിമിടിപ്പു ചെക്ക് ചെയ്തു .

ഇല്ല ..... തന്റെ മകൾ തന്നെവിട്ടു പോയിരിക്കുന്നു . മകളുടെ ചേതനയറ്റ ശരീരമാണ് തന്റെ മടിയിൽ കിടക്കുന്നതെന്ന് അയാൾക്ക് വിശ്വസിക്കാൻ കഴിഞ്ഞില്ല . ഈശ്വരാ ഇതെങ്ങനെ സംഭവിച്ചു . അയാൾ കഴിഞ്ഞ സംഭവങ്ങൾ ഒന്നുകൂടി ഓർത്തെടുക്കാൻ ശ്രമിച്ചു .

അതേ , കോളിംഗ് ബെൽ കേട്ട് മകളാണ് വാതിൽ തുറന്നത് . അമ്മ ലേറ്റാവും അച്ഛാ ഓവർടൈം ഉണ്ടെന്ന് അവൾ പറഞ്ഞതായി ഓർക്കുന്നു . പിന്നീട് .... പിന്നീട് എന്താണ് സംഭവിച്ചത് ? ഓരോന്ന് ഓരോന്നായി സംഭവിച്ച കാര്യങ്ങൾ അയാളുടെ ഓർമ്മയിലേക്ക് വന്നു .

അധികമായി മദ്യപിച്ചിരുന്നതിനാൽ അയാൾക്ക് മകളെ വ്യക്തമായി കാണാൻ സാധിച്ചിരുന്നില്ല . അയാളുടെ കൺമുന്നിൽ പാർട്ടിയിൽ തന്റെ ഒപ്പം നൃത്തം ചെയ്ത പെൺ സുഹൃത്തുക്കളുടെ മേനിയഴകായിരുന്നു . മദ്യം അയാളുടെ വിവേകത്തെ കാർന്നുതിന്നിരുന്നു . തന്റെ മുന്നിൽ നിൽക്കുന്നത് സ്വന്തം മകളാണെന്നുള്ള തിരിച്ചറിവുപോലും അയാൾക്ക് നഷ്ടപ്പെട്ടിരുന്നു .

ഒരു ദാക്ഷണ്യവുമില്ലാതെ സ്വന്തം മകളെ പിച്ചിച്ചീന്തിയപ്പോഴും അവൾ അച്ഛാ അച്ഛാ എന്ന് ' ഉറക്കെനിലവിളിച്ചുകൊണ്ടിരുന്നു .

അതെ ! താനാണ് തന്റെ മകളെ കൊന്നത് . കഴുകൻ മാംസകഷണം കൊത്തിവലിക്കുന്നപോലെ താനാണ് അവളെ കൊത്തിവലിച്ചു നശിപ്പിച്ചത് . തന്റെ പൊന്നുമോളുടെ ജീവൻപോലും ബാക്കിവയ്ക്കാതെ തന്നിലെ മദ്യം തന്നെ ഒരു ക്രൂരനാക്കുകയായിരുന്നു .

ഇല്ല , താൻ തന്റെ മകളെ എങ്ങിനെ ???? പൊന്നുപോലെ കാത്തുസൂക്ഷിച്ച തന്റെ മകളെ ???

ഇല്ല ജീവിച്ചിരിക്കാൻ യോഗ്യനല്ല ഞാൻ . അവളോട് മാപ്പ് ചോദിക്കണം എനിക്ക് , എന്റെ പൊന്നുമോളുടെ കാലിൽ വീണ് മാപ്പിരക്കണം എനിക്ക് . അതിന് അവൾ യാത്രയായ വഴിയേ താനും പോകണം . ഒട്ടും വൈകിക്കൂടാ ....

അയാൾ വേഗം പുറത്തേക്കിറങ്ങി . വണ്ടി സ്റ്റാർട്ടാക്കി അതിവേഗത്തിൽ ഓടിച്ചു പോയി . എതിരെ വരുന്ന വാഹനങ്ങൾ ഒന്നും അയാളുടെ ദൃഷ്ടിയിൽപ്പെട്ടില്ല. അയാൾക്ക് എത്രയും വേഗം മകളുടെ അടുക്കലെത്തി മാപ്പുചോദിക്കണമായിരുന്നു . അതുകൊണ്ട് തന്നെ എതിരെ വന്ന ഒരു ട്രക്കുമായി അയാളുടെ വണ്ടി കൂട്ടിമുട്ടി .

ഒരു നിമിഷത്തിന്റെ ആവേശത്തിൽ അയാൾ പിച്ചിചീന്തിയ സ്വന്തം മകളുടെ അരികിലേക്ക് അയാളും യാത്രയായി .

തന്റെ മരണത്താൽ പ്രായശ്ചിത്തം ചെയ്തുകൊണ്ട് ........

ലിജിയ ഷാനവാസ്