പ്രണയം ;

പ്രണയം ;
''ഡി പാറു നീയെനിക്കൊരു .....................ഉമ്മ തരുവോ ?പോ അഭിയേട്ടാ - അതൊക്കെ നമ്മുടെ കല്യാണത്തിനുശേഷം.. അത് മതി അഭിയേട്ടാ ,'''ഓ ശരി പൊന്നേ... സമ്മതിച്ചു ''.''എങ്കിൽ നീയെനിക്കൊരു പാട്ടു പാടി താ.'' ശരി അത് ചെയ്യാം''
''തളിരിട്ട കിനാക്കൾ തൻ
താമര മാല വാങ്ങാൻ
വിളിച്ചിട്ടും വരുന്നില്ല
വിരുന്നുകാരൻ '''.....................അവൾ പാടി
അവൻ ആസ്വദിച്ചിരുന്നു .

അഭിലാഷും പാർവതിയും പ്രണയത്തിലാണ് .രണ്ടുപേരും ഒരു കോളേജിൽ പഠിക്കുന്നു .ഇപ്പോൾ അവൻ എം.കോം.ലാസ്‌റ് ഇയറും അവൾ ബി .എ സെക്കന്റ് ഇയറും.കോളേജിലെ ഓണാഘോഷപരിപാടിയിലാണ് അവൻ പാർവതി യെ ആദ്യമായി കാണുന്നത് എല്ലാവരും സെറ്റ് സാരി ഉടുത്തപ്പോൾ അവൾ ദാവണിയാണ് ഉടുത്തത് .ചുവന്ന കളർ ദാവണി.അവൻ പിനീട് നോക്കുന്നിടത്തെല്ലാം അവളെ കണ്ടു തുടങ്ങി .അവൻ കോളേജില്‍ പോകുന്നതുപോലും അവ്സലെ കാണാൻ മാത്രമായി.പക്ഷെ അവൾ ഇതൊന്നും അറിഞ്ഞിരുന്നില്ല.

ഒരുദിവസം കോളേജിൽ നിന്നും അവൻ വീട്ടിലേക് പോകുമ്പോൾ റോഡിൽ ഒരാൾക്കൂട്ടം .'''എന്താ ചേട്ടാ പ്രശനം?.. ''ഒരു പെണ്ണ് കൊച്ചുകുട്ടിയുടെ ദേഹത്തു സ്കൂട്ടർ മുട്ടിച്ചു''. നോക്കിയപ്പോ പാർവതിയുടെ ആക്ടിവ ഒരു സ്കൂൾ കുട്ടിയുടെ ദേഹത് മുട്ടിയതാണ്. അവനൊന്നും പറ്റിയില്ല ആളുകൾ അവളെ കുറ്റപ്പെടുതുന്നു.അവന്റെ മനസ്സിൽ ആയിരം ലഡു പൊട്ടി .അവളോട് ഒന്ന് മിണ്ടാൻ അവസരം നോക്കിയിരിക്കയായിരുന്നു .
''എന്താ എന്തുപറ്റി പാർവതി ?അവൾ അവനെ നോക്കി പേരെങ്ങനെ അറിയാം എന്ന അർത്ഥത്തിൽ .
'' ഞാൻ പതുക്കെയാണ് വന്നത് പെട്ടെന്നിവൻ ക്രോസ്സ് ചെയ്‌ത വന്നു എന്റെ വണ്ടിയുെടെ സൈഡിൽ മുട്ടുകയായിരുന്നു ''

''ആണോടാ മോനെ ? ഉം .....കുട്ടി പറഞ്ഞു .''നിനക്കെന്തെങ്കിലും പറ്റിയോ ? ''ഇല്ല ചേട്ടാ ' എങ്കി മോൻ വീട്ടിൽ പൊയ്ക്കോ .
''''സോറി ചേച്ചി ഞാൻ പെട്ടെന്നൊടിയതു കൊണ്ട ''പോട്ടെ . ....
അവിടെ നിന്നവരെല്ലാം അപ്പോഴേ സ്ഥലം വിട്ടിരുന്നു .
''താങ്ക്സ് ചേട്ടാ ''.ചേട്ടൻ . വന്നില്ലാരുന്നെങ്കിൽ എന്ന് പറഞ്ഞവൾ വിതുമ്പി ''
''അപ്പോ ശരി ഇയാൾ വീട്ടിപ്പോ.നാളെ കാണാം താൻ പഠിക്കുന്ന കോളേജിലാണ് ഞാനും '.
പാർവതി അന്ന് മുഴുവൻ അഭിലാഷിനെയും ഓർത്തിരുന്നു .പേരുപോലും ചോദിച്ചില്ല.എന്റെ പേരെങ്ങനെ അറിയാം.എന്തായാലും നാളെ കാണുമല്ലോ അപ്പൊ ചോദിക്കാം .......
അവൾ പ്രതീക്ഷിച്ചപോലെ അവൻ ഗേറ്റിനു മുന്നിൽ തന്നെ ഉണ്ടാരുന്നു.
അവൾ ചിരിച്ചു.അവനും.വണ്ടി പാർക്കിംഗ് ഏരിയായിൽ വച്ചട്ട് അവൾ അവന്റടുത്തേക്കു ചെന്നു .'''ഇന്നലെ പേര് പോലും ചോദിച്ചില്ല ?എന്താ ചേട്ടന്റെ പേര് ?

'''''പേര് അഭിലാഷ് ഇവിടെ എം.കോമിന് പഠിക്കുന്നു......വീട്ടിൽ അച്ഛൻ 'അമ്മ അനിയത്തി.അച്ഛൻ പട്ടാളത്തിൽ നിന്നും റിട്ടയർ ആയി ടൗണിൽ ഒരു സൂപ്പർ മാർക്കറ്റ് നടത്തുന്നു.''?അമ്മ ഇപ്പോ അച്ഛന്റെ കൂടെ കടയിൽ അനിയത്തി പ്ലസ്‌ടുവിനു പഠിക്കുന്നു.''''? അവൾ ഒന്ന് ചിരിച്ചു.''''പേര് മാത്രമല്ലേ ഞാൻ ചോദിച്ചുള്ളൂ .'''' അവൻ ഒന്ന് ചമ്മി അല്ല ഞാൻ പറഞ്ഞെന്നേയുള്ളൂ.'''ശരി ശരി.''''പിന്നെ എന്റെ പേരെങ്ങനെ അറിയാം .''' പിന്നെ കാണാം എന്നും പറഞ്ഞവൻ ക്ലാസ്സിലേക് പോയി.

ഉച്ച കഴിഞ്ഞ ഫസ്റ്റ് ഹവർ അവൾക് ഫ്രീ ആയിരുന്നു.അവളും കൂട്ടുകാരി അഞ്ജുവും കുടി വാക മരച്ചുവട്ടിൽ ഇരുന്നു പാർവതി യുടെ അടുത്ത കൂട്ടുകാരിയാണ് അഞ്ചു അതുകൊണ്ടവൾ എല്ലാ കാര്യവും അവളോട് പറഞ്ഞു.
''പാറു ഇത് പ്രണയം തന്നെ ''
'പിന്നെ 'പ്രണയം ഇന്നലെ കണ്ടപോഴേക്കും പ്രണയം .''''ഇന്നലെയാ കണ്ടതെന്ന് നീ എങ്ങനെയാ അറിഞ്ഞേ ?അയാൾ നേരത്തെ കണ്ടിട്ടുണ്ടാവുമെടി സുന്ദരിക്കോതെ .
''ഒന്നുപോടി ''ആളെങ്ങനെയാ ഗ്ലാമർ ആണോ ? ഉം .എങ്കി പ്രേമിക്കടി .നോക്കാം .
അഞ്ചു ദാ വരുന്നടി ആള് .കൊള്ളാം മോളെ നീ വിടാതെ പിടിച്ചോ .
''ഹായ് പാറു '''അവൾ ചോദ്യഭാവത്തിൽ ഒന്ന് നോക്കി .പാർവതിനു ചുരുക്കിയതാ .ഉം .അവൾ മൂളി.'''എന്റെ പേരെങ്ങനെ അറിയാം എന്നു ചോദിച്ചിട്ടൊന്നും പറഞ്ഞില്ല....ഇഷ്ടമുള്ളവരുടെ കാര്യങ്ങൾ നമ്മൾ തിരക്കി അറിയാറില്ല അങ്ങനെ അറിഞ്ഞു .അച്ഛൻ കൃഷി ഓഫീസർ ആണെന്നും 'അമ്മ ടീച്ചർ ആണെന്നും അനിയൻ പത്താം ക്ലാസ്സിൽ പഠിക്കുന്നു എല്ലാം എനിക്കറിയാം .''കൊള്ളാലോ..

ഇനി ഞാൻ പാറുനോട് വളച്ചു കെട്ടില്ലാത്തൊരു കാര്യം പറയാം '''എനിക്കിയാളെ ഇഷ്ടമാണ് '''.അവൾ ഒന്നും പറയാതെ അവിടെ നിന്നു പോയി .രണ്ടു ദിവസം അവളെ കാത്തു അവൻ ഗേറ്റിനടത്തു നിന്നെങ്കിലും കണ്ടില്ല മൂന്നാം ദിവസം അവൾ വന്നു .''എനിക്ക് മറുപടിയൊന്നും തന്നില്ല ''അവൾ ചിരിച്ചു ആ ചിരിയിൽ എല്ലാമുണ്ടായിരുന്നു .
''എക്സാം കഴിഞ്ഞാൽ പിന്നെ നമ്മൾ എങ്ങനെ കാണും അഭിയേട്ടാ '' അതൊക്കെ കാണമെന്നേ.നീ ടെൻഷൻ ആവാതെ.ഞാനെന്നും വരും എന്റെ പെണ്ണിനെ കാണാൻ. അവൾക് സന്തോഷമായി. ''എന്റെ ടെൻഷൻ മാറ്റാൻ നീയൊരു പാട്ടു പാട് ' എനിക്ക് തൊണ്ടവേദനയാ വോയിസ് റസ്റ്റ് പറഞ്ഞതാ ഡോക്ടർ.എന്നാലും അഭിയേട്ടന് വേണ്ടി പാടാം .
''എന്തിനു വേറൊരു സൂര്യോദയം
നീയെൻ പൊന്നുഷസന്ധ്യയല്ലേ
എന്തിനു വേറൊരു മധു വസന്തം
ഇന്ന് നീയെൻ അരികിലില്ലേ...........
അങ്ങനെ എക്സാം കഴിഞ്ഞു .അവൻ ബാങ്ക്‌ കോച്ചിങ് ക്ലാസിനു ചേർന്നു അവർ എന്നും കാണും സംസാരിക്കും. അവളുടെ ലാസ്‌റ് ഇയർ എക്സാം ആയപ്പോഴേക്കും അഭിലാഷിന് പ്രമുഖ ബാങ്കിൽ പ്രൊബേഷനറി ഓഫീസർ ആയി ജോലിയായി .ആദ്ത്തെ രണ്ടു വർഷം കര്ണാടകയിലേക്കാണ് പോസ്റ്റിങ്ങ് കിട്ടിയത് .
വളരെ സങ്കടത്തോടെയാണ് അവൻ പോയത് സങ്കടത്തോടെയാണ് അവൾ അവനെ യാത്രയാക്കിയത് .പിന്നെ ഫോണിലൂടെയായി അവരുടെ പ്രണയം .കുറച്ചു ദിവസങ്ങളായി പാറുവിന്റെ സംസാരത്തിലും പെരുമാറ്റത്തിലും ഒരു മാറ്റം അവൾ അകന്നു പോകുന്നപോലെ കല്യാണക്കാര്യം പറയുമ്പോൾ അവൾ ഒഴിഞ്ഞു മാറുന്നു .''''എന്താ പാറു നിനക്കു പറ്റിയെ ?ഞാൻ അടുത്ത മാസം വരും .വീട്ടിലേക് വരും പെണ്ണ് ചോദിക്കാൻ .വേണ്ട അഭിയേട്ടാ ....അച്ഛൻ സമ്മതിക്കില്ല.
വീട്ടുകാർ സമ്മതിക്കാതെ ഞാൻ ഒന്നിനുമില്ല.''''നേരത്തെ നീ പറഞ്ഞത് ആരെതിർത്താലും ഞാൻ അഭിയേട്ടന്റേതാണ് '''എന്നല്ലേ?.ഇപ്പോ അത് മാറ്റി.അവൾ പറഞ്ഞു.
അവരുടെ ഇടയിൽ വഴക്കു പതിവായി .
എങ്കിലും നാട്ടിലെത്തിയതിന്റെ പിറ്റേ ദിവസം അവൻ അവളുടെ വീട്ടിൽ പെണ്ണ് ചോദിക്കാൻ ചെന്നു.അവളും അവളുടെ അച്ഛനും ഇ ബന്ധത്തിന് ഞങ്ങൾക്കു താത്പര്യമില്ല എന്നും പറഞ്ഞു വിട്ടു.''അഭിയേട്ടൻ ദൈവത്തെയോർത് ഇനിയെന്നെ ശല്യപെടുത്തരുത് ''അവളുടെ വാക്കുകൾ ചാട്ടുളിപോലെ അവന്റെമേൽ പതിച്ചു'''
.''ഇല്ല നിന്നെ ഇനി ഞാൻ ശല്യപെടുത്തില്ല..... ഗുഡ്ബൈ.

വർഷങ്ങൾക് ശേഷം ............

''അച്ഛാ ഉണ്ണിക്കുട്ടന് ലുലുമാൾ കാണണം''
''നമുക്കുപോകാം അഭിയേട്ട ''രാജിയും പറഞ്ഞു. .ശരി ഭാര്യയുടെയും മോന്റെയും ആഗ്രഹം നടക്കട്ടെ അങ്ങനെ ലുലു മാളിലെത്തി.ഫുഡ് കോർണറിൽ ഇരിക്കുമ്പോൾ പിന്നിൽ നിന്നൊരു വിളി.അഭിലാഷേട്ടാ '' നോക്കിയപ്പോൾ അഞ്ജുവാണ് .പെട്ടെന്നവന് മനസിലായില്ല .ഞാൻ അഞ്ജുവാ.അപ്പോൾ പ്രിയതമ ''ആരാ അഭിയേട്ടാ ? ഇത് അഞ്ചു പാറുവിന്റെ ബെസ്റ് ഫ്രണ്ട് .അവൾ അഞ്ജുവിനെ നോക്കി ചിരിച്ചിട്ട് ചോദിച്ചു '''പാറു എവിടെയാ ഇപ്പോൾ??.എല്ലാം അവൻ ഭാര്യയോട് പറഞ്ഞിട്ടുണ്ടായിരുന്നു.അവന്റെ മുഖത്തു ഒരു പുച്ഛം ..'''നിങ്ങളൊക്കെ വിചാരിക്കുന്നപോലെ അവൾ ചതിച്ചിട്ട് പോയതല്ല'''.അവൻ ഒന്ന് നോക്കി'' പിന്നെ ''
''അവൾ പറയാറില്ലേ അവൾക് വോയിസ് റസ്റ്റ് ആണ് എന്ന്.അവൾക് തൊണ്ടയിൽ കാൻസർ ആയിരുന്നു ലാസ്‌റ് സ്റ്റേജ്ലാണ് അറിഞ്ഞത് .ഇനി കൂടുതൽ ജീവിക്കാൻ പറ്റില്ലയെന്നു ഡോക്ടർമാർ വിധി എഴുതി.ഏറിയാൽ രണ്ടു മാസം എന്നും പറഞ്ഞു.''അഭിലാഷ്‌ഏട്ടൻ പെണ്ണ് ചോദിക്കാൻ ചെന്നു മൂന്ന് മാസം കഴിഞ്ഞപ്പോൾ അവൾ ഇ ലോകത്തു നിന്നും പോയി.ഒരുതരം മരവിപ്പായിരുന്നു അവനു തോന്നിയത്.മനപ്പൂർവം അവൾ ഒഴിവായതാണ്.ഒന്നുകൂടി അവൾ പറഞ്ഞിരുന്നു അഭിയേട്ടൻ കല്യാണം കഴിച്ചെങ്കിൽ കഴിക്കുന്ന കുട്ടിക് ഇതൊക്കെ അറിയാമെങ്കിൽ മാത്രമേ പറയാവു എന്ന് .'കാരണം ആ കുട്ടിക്ക് അഭിയേട്ട നെ ഇതറിയുംപോഴുള്ള സങ്കടത്തിൽ നിന്നും മോചിപ്പിക്കാൻ പറ്റും എന്ന് ''. 'എല്ലാം അറിയാമെന്നു സംസാരം കേട്ടപ്പോൾ മനസിലായി'' .അതുകൊണ്ടാണ് പറഞ്ഞത് .''പോട്ടെ അഭിലാഷേട്ടാ''. അഞ്‍ജു പോയി കഴിഞ്ഞിട്ടും അവൻ അവിടെത്തന്നെ നിന്നുപോയി.രാജി അവന്റെ കയ്യിൽ മുറുകെ പിടിച്ചു.അവൻ അവളെ നോക്കി .അവൾ ഒന്നുകൂടി ആ കയ്യിൽ മുറുകെ പിടിച്ചു .............

Swapna