ഞാനറിഞ്ഞീല-

മുളച്ചൊരുനാൾ ഞാനറിഞ്ഞീല-
യെൻ ബദ്ധശത്രു നീയാണെന്നു മർത്യാ
ബാല്യത്തിൽ തെളിനീരു നൽകി
യെന്നെ സ്നേഹിച്ചതെന്തിന്?
കൗമാരത്തിലെൻ പൂക്കൾ
നുള്ളി നീയെന്നെ നോവിച്ചു
യൗവ്വനമാകെ പുകശ്വസിച്ചു
ശ്വാസകോശം പാതിനിറഞ്ഞു
മലിനജലത്തിൽ നീരാടിയെൻ
കാലടികൾ ബലക്ഷയമായി
ഊഞ്ഞാൽ വലിഞ്ഞു മുറുകിയെൻ
കരങ്ങൾ ചോരപൊടിഞ്ഞു
പാപിയാമെന്നോട് നിൻകനിവൊ-
ന്നുണരൂ , ഞാനെന്ന പാഴ്ജന്മം
പിഴുതു നീ വലിച്ചെറിയു
ശാപമോക്ഷമേകു, മോക്ഷമേകു
ഞാനറിഞ്ഞീലയെൻ ബദ്ധശത്രൂ
നീയാണെന്നു മർത്യാ.

©ഡോ. ഷിനു ശ്യാമളൻ