ഓർമ്മക്കായി

ഓർമ്മക്കായി
_____________

മഷിച്ചാലിച്ചെഴുതിയ നീലനയനങ്ങൾ
മയിൽപ്പീലിപ്പോൽ വിടർന്ന അധരങ്ങൾ
മനതാരിൽ വിരിഞ്ഞൊരാ കുസുമങ്ങൾ
മിന്നിതിളങ്ങുന്നിന്നുമെൻ ഓർമ്മകളിൽ

മനമൊന്നായി കൊഴിഞ്ഞ നാളുകൾ
മെയ്യൊന്നായി നടനമാടിയ ചുവടുകൾ
മറവുചെയ്തൊരാ ഓർമ്മകൾ
മുളച്ചൊരുനൂറു കൂണുകളായീടാം

മഴയിലലിഞ്ഞ സിന്ദൂരം നിൻ
മാറിലൂടൊഴുകി നീയലിഞ്ഞ-
മണ്ണിലൊലിച്ചെൻ വിരിമാറിലു-
മ്മവെച്ച നിദ്രാവിഹീന രാവുകൾ

മണ്ണോടുച്ചേർന്ന നിന്നോടു
മനം നേരുന്നു സുഖനിദ്ര
മൗനംസാക്ഷിയായി നിന്നോടൊപ്പ-
മണയുവാൻ നോമ്പുനോറ്റീടാം.
ഡോ. ഷിനു ശ്യാമളൻ