പുതിയ പ്രഭാതം.

പുതിയ പ്രഭാതം.
****************

ഞാൻ ദാഹജലമില്ലാതെയലയുന്നു;
എന്റെ അസ്ഥികളുരുകുന്നു;
ഞാൻ നിദ്രാവിഹീനനാണ്;
എന്റെ കോശങ്ങളുടെ ശവഘോഷയാത്ര .
ഞാൻ ഏകനായ് കരയുന്നു;
എന്റെ ഹൃദയം ചോർന്നൊലിക്കുന്നു.
ഞാൻ ഭയത്തിന്റെ സിംഹാസത്തിലാണ്;
എന്റെ ശത്രുക്കളട്ടഹസിക്കുന്നു.
ഞാൻ നീതിതേടിയലയുന്നു;
എന്റെ നീതിദേവത കണ്ണടയ്ക്കുന്നു.
ഞാൻ മരുഭൂമിയിലലയുന്നു;
എന്റെ വിയർപ്പു രക്തമായൊഴുകുന്നു.
ഞാൻ കരിഞ്ഞ പനിനീർപുഷ്പം പോലെ;
എന്റെ വേരറുക്കുവാൻ കത്തിമിനുക്കുന്നു .
ഞാൻഏകനാണ്;
എന്റെശത്രുക്കൾ കടലുപോലെ.
ഞാൻ ഭരണകൂടവാതിലുകളിൽ മുട്ടുന്നു;
എന്റെ ശത്രുക്കൾ വലയുമായ് അകത്തുണ്ട്.
ഞാൻ വിലപിച്ചു ഇതെന്തുലോകം!
എന്റെ ശത്രുക്കൾ കോമാളിയെന്നുവിളിക്കുന്നു.
ഞാൻ കണ്ട ലോകം സ്നേഹത്തിൻലോകം;
എന്റെ വൈരികൾ കണ്ടതോ,വിഷമനസ്സുകളുടെ ലോകം.
ഞാൻ ഏകനായ് കരയുന്നു;
എന്റെ മേലാളന്മാർ ഉന്മാദലോകത്താണ്.
ഞാൻ പുതിയൊരു പ്രഭാതം കാണുന്നു;
എന്റെ വൈരികൾ ചെളിയിൽതാഴുന്നു.

സജിവർഗീസ്.