വിമർശകർ

വിമർശകർ
------//---=-----------
അനിലെന്ന ഒരു ചെറുപ്പകാരൻ എഴുതിയ കഥയ്ക്കാണ് ആ വർഷത്തെ മികച്ച കഥയ്ക്കുള്ള അവാർഡ്‌ ലഭിച്ചത്... ഓൺലൈനിൽ എഴുതി തെളിഞ്ഞ അനിലിനെ സംബന്ധിച്ചിടത്തോളും ഈ അവാർഡ്‌ പ്രതീക്ഷിച്ചതിലും അപ്പുറത്തുള്ള ഒരു സമ്മാനമായിരുന്നു... അങ്ങനെ അവാർഡ്‌ വാങ്ങുന്ന വേദിയിൽ പലമേഘലകളിലും അവാർഡ്‌ ലഭിച്ചവരുടെ കൂട്ടത്തിൽ അനിലും ഇരിക്കുകയാണ്... ഓരോരുത്തരും അവാർഡ്‌ വാങ്ങുന്നതും അതിനുശേഷം അവർ പ്രസംഗിക്കുന്നതുമെല്ലാം അനിൽ വീക്ഷിച്ചു കൊണ്ട് ഇരിക്കുകയാണ്..... അടുത്തത് അനിലിന്റെ ഊഴമാണ്... മൈക്കിലൂടെ സംഘാടകരിൽ ഒരാൾ വിളിച്ചു പറയുകയാണ്....
ഇ വർഷത്തെ മികച്ച കഥയ്ക്കുള്ള അവാർഡ്‌ ലഭിച്ച ശ്രീ അനിലിനെ അത് ഏറ്റുവാങ്ങുവാനായി ഈ വേദിയിലേക്ക് ക്ഷണിക്കുകയാണ്....

വളരെ വിനീതനായി സദസ്സിനെ നോക്കി കൈകൂപ്പിയതിനു ശേഷം... വിശിഷ്ടാതിഥിയിൽ നിന്നും അനിൽ ആ അവാർഡ്‌ ഏറ്റു വാങ്ങി..... അപ്പോൾവീണ്ടും സംഘാടകന്റെ വാക്കുകൾ .... പ്രിയമുള്ളവരെ... ഹൃദയത്തിന്റെ ഭാഷയിൽ അക്ഷരങ്ങൾ കൊണ്ട് വിസ്മയം തീർത്തു അത് കഥകളാക്കി മാറ്റുന്ന അനിലിനെ നിങ്ങളോട് രണ്ടു വാക്ക് സംസാരിക്കുവാനായി ക്ഷണിക്കുകയാണ്..
.

അനിൽ വേദിയിൽ ഇരിക്കുന്നവരെയും.... കാണികളെയും എല്ലാം അഭിസംബോധന ചെയ്തതിനു ശേഷം പ്രസംഗിച്ചു തുടങ്ങി... പ്രിയമുള്ളവരേ മുഖപുസ്തകത്തിലെ പ്രശസ്ഥമായ ഒരു ഓൺലൈൻ സാഹിത്യ ഗ്രുപ്പിലാണ് ഞാൻ ആദ്യമായി എഴുതി തുടങ്ങിയത്..... പുതിയ എഴുത്തുകാരെ പിന്തുണയ്ക്കുന്നതിൽ ഒരു വേർതിരിവും കാണിക്കാതിരുന്നത് കൊണ്ട് ഞാൻ കൂടുതൽ കൂടുതൽ കഥകൾ എഴുതി തുടങ്ങി... ലൈകും കമെന്റ്കളും ലഭിക്കാറുണ്ടെങ്കിലും.... നന്നായിട്ടുണ്ട്.... ഗുഡ്... നൈസ്.... എന്നിങ്ങനെ ലഭിക്കുന്ന കമെന്റ്കൾക്കിടയിലും... ആരെങ്കിലും വിമർശിക്കുന്നത് എന്നെ വളരെ തളർത്തുകയുണ്ടായി.... വിമർശിക്കുന്നവരെ കൊല്ലുവാനുള്ള ദേഷ്യം ഉണ്ടായിരുന്നെങ്കിലും ക്രെമേണ ഞാൻ ചിന്തിച്ചു തുടങ്ങി എന്തുകൊണ്ടാണ് അവർ വിമർശിക്കുന്നതെന്നു....അങ്ങനെ വിമർശനങ്ങൾ ഒരു ഉപദേശമായി കണക്കാക്കി ഞാൻ എന്റെ രചനയിലെ തെറ്റുകുറ്റങ്ങൾ കണ്ടെത്തി... തുടർന്നുള്ള എഴുത്തുകളിൽ ആ തെറ്റുകൾ ഉണ്ടാകാതെ എഴുതി തുടങ്ങി... ഇ അവസരത്തിൽ എന്നെ വിമർശിച്ചു... എന്നെ ഈ രീതിയിലേക്ക് വളരുവാൻ സഹായിച്ച വിമർശകർക്ക് എനിക്ക് ലഭിച്ച ഇ അവാർഡ്‌ ഞാൻ സർപ്പിക്കുന്നു.... അതുപോലെ എനിക്ക് നിങ്ങളോട് പറയുവാൻ ഉള്ളത് ഈ കൂട്ടത്തിൽ പുതിയതായി എഴുതിത്തുടങ്ങിയവർക്ക് നമ്മൾ എഴുതുന്നതെല്ലാം തന്നെ നല്ലതായിരിക്കും പക്ഷെ അത് വായിച്ച് വിമർശിക്കുന്നവരോട് തർക്കിക്കാതെ... അവരോടു കയർക്കുവാൻ നിൽകാതെ അത് നമുക്കുള്ള ഒരു ഉപദേശമായി കണക്കാക്കണും എന്നാണ്.....

ഇത്രയും പറഞ്ഞു കഴിഞ്ഞപ്പോൾ സദസ്സിൽ നിന്നും കൂട്ടകരഘോഷം മുഴുങ്ങുകയുണ്ടായി..... അനിൽ തന്റെ പ്രസംഗം അവസാനിപ്പിച്ച്‌..... അവിടെ നിന്നും ഇറങ്ങുമ്പോൾ തന്റെ രചനകളിലെ തെറ്റുകൾ കണ്ടെത്തി അത് വിമർശനമായി രേഖപ്പെടുത്തി തന്നെ ഈ രീതിയിലേക്ക് വളരാൻ സഹായിച്ച വിമർശകർക്ക് മനസ്സിൽ നന്ദി പറയുകയായിരുന്നു....

ഡിനുരാജ് വാമനപുരം