സുമേഷിന്റെ ബുദ്ധി (നർമ്മകഥ )

സുമേഷിന്റെ ബുദ്ധി (നർമ്മകഥ )
-------------------------------------
അന്നൊരു പുതിയ സംഭവവും ആയാണ് സുമേഷ് ക്ലാസ്സിൽ വന്നത്.... പൊതുവേ മണ്ടത്തരങ്ങളാണ് സുമേഷ് എഴുന്നള്ളിക്കാറുള്ളെങ്കിലും... ഇന്നത്തെ സംഭവം സുമേഷിന്റെ പ്ലസ്ടു ക്ലാസ്സിലെ എല്ലാർക്കും ഇഷ്ടപ്പെട്ടു.... സംഭവം വെറും സിംപിളായിരുന്നു സ്മാർട്ട്‌ ഫോൺ കളവുപോകുകയാണെങ്കിൽ കണ്ട്‌ പിടിക്കുവാനുള്ള ഒരു വിദ്യയായിരുന്നു... സംഗതി ഇതാണ് ഫോണിൽ *#06# എന്ന് ഡയൽ ചെയ്യുമ്പോൾ ഒരു നമ്പർ തെളിഞ്ഞ് വരും ആ നമ്പർ എവിടെയെങ്കിലും എഴുതി സൂക്ഷിച്ചു വയ്ക്കുക... ഫോൺ മോഷണം പോകുകയാണെങ്കിൽ ഈ നമ്പരും... ഫോണിന്റെ ഡീറ്റൈൽസും അഡ്രസ്സും മറ്റ് വിവരങ്ങളും കൂടി cop@vsnl.net എന്ന ഐടിയിലേക്ക് മെയിൽ ചെയ്താൽ സിം കാർഡ്‌ മാറിയാൽ പോലും ഫോൺ ഇപ്പൊ എവിടയാണ് എന്നുള്ള ലൊക്കേഷൻ മനസ്സിലാക്കുവാൻ കഴിയും.....

സുമേഷിന്റെ ക്ലാസ്സിൽ ഈ സംഭവം അറിഞ്ഞൂടാത്തവരെല്ലാം.... ഇങ്ങനെ ഒരു വിവരം തന്നതിനു സുമേഷിനോട് നന്ദി പറഞ്ഞു... അന്നാദ്യമായി മണ്ടൻ എന്ന ലേബലിൽ നിന്നും മാറി സുമേഷ് ക്ലാസ്സിൽ ഒരു ചെറിയ സ്റ്റാറായി... തിരക്കുള്ള സർക്കാർ ബസ്സിലുള്ള യാത്രയിൽ ആ ക്ലാസ്സിലെ ഒന്ന് രണ്ടു പേരുടെയൊക്കെ ഫോൺ കളവുപോയിട്ടുണ്ട്.... എന്തായാലും എല്ലാവരും ഫോണിൽ നിന്നും ആ നമ്പർ കണ്ടെത്തി ബുക്കിലും മറ്റുമൊക്ക എഴുതി സൂക്ഷിച്ചു...

അങ്ങനെ ദിവസങ്ങൾ കടന്നു പൊയ്ക്കൊണ്ടിരുന്നു..... ഇതിനിടയിലൊന്നും ആരുടെയും ഫോൺ കളവുപോകാത്തതുകൊണ്ട് സുമേഷിനും കൂട്ടുകാർക്കും ഇതൊന്നു പരീക്ഷിച്ചു നോക്കുവാൻ കഴിഞ്ഞില്ല.... ഒരു ദിവസം ദൈവംസഹായിച്ചു സ്കൂളിലേക്ക് വരുന്ന വഴിയിൽ ബസ്സിനുള്ളിൽ വച്ചു സുമേഷിന്റെ ഫോൺ മോഷണം പോയി.... ക്ലാസ്സിലെത്തിയ സുമേഷും കൂട്ടുകാരും കൂടി ഫോണിന്റെ ലൊക്കേഷൻ കണ്ടെത്തുവാൻ വേണ്ടി ഉടനെ തന്നെ ഒരു കൂട്ടുകാരന്റെ ഫോണിൽ മെയിൽ ഐഡിയൊക്കെ അടിച്ചു തയ്യാറായി... സുമേഷിനോട് കൂട്ടുകാരാൻ നമ്പർ പറയുവാൻ ആവശ്യപ്പെട്ടു... അപ്പോഴാണ് സുമേഷ് ആ ഞെട്ടിക്കുന്ന സത്യം വെളിപ്പെടുത്തിയത്... "നമ്പർ മറന്നു പോകാതിരിക്കുവാൻ.... ഫോണിലാണ് സേവ് ചെയ്തു ഇട്ടേക്കുന്നതെന്നത്"........................ നി ശരിക്കും മണ്ടൻ തന്നെയാണല്ലോടെ എന്ന കൂട്ടുകാരുടെ കമെന്റും കേട്ട് സുമേഷ്.........
നമ്പർ മറക്കാതിരിക്കുവാൻ താൻ ചെയ്ത ബുദ്ധിയും ഓർത്ത് മിണ്ടാതിരുന്നു...

ഡിനുരാജ് വാമനപുരം