ഒരു പോസ്റ്മാർട്ടം റിപ്പോർട്ട്..

കത്തി താഴ്ത്തിയപ്പോഴാ കണ്ടത്
ആ ഹൃദയത്തിന്
രണ്ടറയേയുണ്ടായിരുന്നുള്ളൂവെന്ന്...

സാമ്പിൾ പരിശോധിച്ചപ്പോഴാണറിഞ്ഞത്
ബ്ലഡ് ഗ്രൂപ്പ് ഇനിയും
കണ്ടെത്തേണ്ടിയിരിക്കുന്നൂവെന്ന്...

തലച്ചോറിന്റെ സാമ്പിളിൽ
ഒരൊറ്റ സന്ദേശമേ ഡീകോഡ് ചെയ്യാനുണ്ടായിരുന്നുള്ളൂ...

റെറ്റിനയ്ക്കു പിന്നിലെ മായാത്ത ചിത്രങ്ങൾ
ഒരൊറ്റപ്പൂവിൻ ഇതളുകളായിരുന്നൂ..

കുരുക്കഴിച്ചെടുത്തപ്പോഴാണ് കണ്ടത് തൊണ്ടയിലിപ്പോഴും നിന്നോട്
പറയാതെപോയ വാക്കുകൾ പിണഞ്ഞുകിടക്കുന്നൂവെന്ന്...

Shajith....