മാലാഖമാർ

മദർ തെരേസയെ
വലിയ ഇഷ്ടമായിരുന്നു അവൾക്ക്.
ഞാനീ ആകാശമാകും
ഞാനീ പുഴയാകും
ഞാനീ മഴയാകും
എന്നുപറഞ്ഞ് പാറിനടന്ന ഒരുകുട്ടിയായിരുന്നവൾ

മദറിന്റെ കൽക്കട്ട
നഴ്സായി അവളെ വിളിച്ചപ്പോൾ
വലിയ സന്തോഷം അനുഭവിച്ച കുട്ടി
മദർ തെരേസയുടെ ശുശ്രൂഷാമാതൃക
മനസ്സിലേറ്റിയ കുട്ടി

ഒൻപത് ബെഡ്ഡും ഒൻപത് രോഗിയും
ആ മാലാഖായുടെ ശുഷ്രൂഷയിലെ നന്മകളേറ്റുവാങ്ങിയ നല്ലനാളുകൾ

എവിടെ നിന്നോ പുക വരുന്നത് കണ്ട്
ആളുകൾ ബഹളം കൂട്ടിയ സമയം
മനസ്സാന്നിധ്യം വിടാതെ
രണ്ട് രോഗികളെ വീതം കൈപിടിച്ച്
മുകൾ നിലയിൽനിന്ന് നാലു പ്രാവശ്യമായി
എട്ടുരോഗികളേയും ആശുപത്രിയുടെ പുറത്തെത്തിച്ചവൾ

തന്നെ ഏൽപിച്ചിരിക്കൂന്ന ഒൻപതാമത്തെ
ആ രോഗിക്കായി തിരികെ മുകളിലേക്ക് കയറിപ്പോയവൾ

ഉയർന്നുവന്ന അഗ്നിനാളങ്ങളുടെ ഉള്ളിലൂടെ
സ്വർഗ്ഗത്തിലേക്ക് പറന്നുയർന്ന
മാലാഖ .

എന്റെ ഈ ജീവിതത്തിൽ ശുശ്രൂഷ നൽകിയ എല്ലാ നഴ്സ് സഹോദരങ്ങളെയും നന്ദീയോടെ ഓർത്തുകൊണ്ട്
സ്നേഹാശംസകൾ