രണ്ടു തൈര് വാങ്ങാൻ പോയ കഥ

എന്റെ ഫ്ലാറ്റു തുറന്നു ഞാൻ പുറത്തേക്കിറങ്ങിയപ്പോൾ അടുത്ത ഫ്ലാറ്റിൽ താമസിക്കുന്ന ചേട്ടൻ വരാന്തയിലൂടെ അങ്ങോട്ടും ഇങ്ങോട്ടും നടക്കുന്നത് കണ്ടു.

വളരെ സങ്കടത്തോടെയും ദേഷ്യത്തോടെയും ഒക്കെ നടക്കുന്നത് പോലെ ആണ് തോന്നുന്നത്.എന്തെങ്കിലും സാമ്പത്തിക പ്രശനം ആണോ ? അതോ നാട്ടിൽ ആരെങ്കിലും മരണപ്പെട്ടു കാണുമോ ?

ഇടക്ക് കയ്യിൽ ഇരിക്കുന്ന വിലകൂടിയ സ്മാര്ട്ട് ഫോണിലും നോക്കുന്നുണ്ട്.എന്താണെങ്കിലും ഞാൻ ചോദിക്കാൻ തന്നെ തീരുമാനിച്ചു

"എന്താ ചേട്ടാ പ്രശ്നം ?"

എന്നെ രൂഷമായൊന്നു നോക്കിയതല്ലാതെ ഒന്നും മറുപടി പറഞ്ഞില്ല.

ഞാൻ താഴെ കടയിൽ പോയി രണ്ടു തൈരും വാങ്ങി തിരിച്ചു വന്നപ്പഴും ചേട്ടൻ അവിടെ തന്നെ ഉണ്ടായിരുന്നു.

ഇനിയും ചേട്ടന്റെ ജോലി വെല്ലോം പോയി കാണുമോ ..ഞാൻ ചിന്തിച്ചു.

ചെട്ടനിഷ്ടപ്പെട്ടില്ലന്കിലും കുഴപ്പമില്ല ഞാൻ ഒന്നുടെ ചോദിയ്ക്കാൻ തന്നെ തീരുമാനിച്ചു.

"എന്ത് പ്രശ്നമാണെങ്കിലും എന്നോട് പറയു ചേട്ടാ നമുക്ക് പരിഹാരം ഉണ്ടാക്കാം "..എന്നിട്ട് ഞാൻ ഒന്ന് ചരിച്ചു എന്ന് വരുത്തി

"രണ്ടു മണിക്കൂർ ആയിട്ട് ഈ ഫോണിൽ ഇന്റർനെറ്റു കിട്ടുന്നില്ലടോ " കയ്യിലിരുന്ന ഫോൺ എന്റെ മുന്നിലേക്ക്‌ വലിച്ചെറിഞ്ഞിട്ട്‌ സ്വന്തം ഫ്ലാറ്റിലേക്ക് അയാള് കേറിപ്പോയി.

കയ്യിലിരുന്ന തൈരുപോലെ എന്റെ രക്തം കട്ട പിടിക്കുന്നതായിട്ടു തോന്നി.

Rajesh Eravinalloor - Kottayam