മുടിയിഴകൾ (കഥ)

ഓഫീസ് വിട്ട് വന്നാൽ രാജേട്ടൻ മുറിയടച്ച് കംപ്യൂട്ടറിന് മുന്നിൽ ഒറ്റയിരിപ്പാണ്.
കുളിച്ച് ഫ്രഷ് ആയി ഒരു ചായ കുടിക്കാൻ പോലും വരാതെയുള്ള ഇരിപ്പ്!
ചോദിക്കാൻ ചെന്നാൽ പുള്ളിക്കാരന് ദേഷ്യംവരും...
പിന്നെ, വായിൽ തോന്നിയതൊക്കെ വിളിച്ച്
പറഞ്ഞ് അന്നത്തെ സമാധാനം പോയതു
തന്നെ!
എന്തെങ്കിലുമാകട്ടെ എന്നു കരുതി ഒന്നും
മിണ്ടാതെ അടുക്കളയിലേക്ക് നടക്കുമ്പോൾ
മൂത്തമകൾ അമ്മു പറയും...

''അമ്മേ അച്ഛനെന്തെങ്കിലും ചെയ്യട്ടെ...
അമ്മ ഒന്നും പറയാൻ പോകണ്ട... "

അതെ.... അതാണ് നല്ലത്! താനായിട്ട്
വീട്ടിലെ സമാധാനം കളയണ്ട..... രണ്ടു
കൈയും കൂട്ടിമുട്ടിയാലല്ലേ ഒച്ചയുണ്ടാകൂ....

കുട്ടികളും ഭർത്താവും വീടും മാത്ര
മാണ് തന്റെ ലോകം! അതിൽ കംപ്യൂട്ടറിനും
ഇന്റർനെറ്റിനുമൊക്കെ എവിടെ സ്ഥാനം?

രാവിലെ നാലരയ്ക്ക് ഉണർന്ന്
അടുക്കളയിൽ കയറിയാൽ ഭർത്താവും
കുട്ടികളും വീട്ടിൽ നിന്നിറങ്ങുന്നതുവരെ
വിശ്രമിക്കാതെ ഓരോ ജോലികൾ ചെയ്തു
തീർക്കാനുണ്ടാകും...
ചായ... പ്രാതലിന്റെ പലഹാരങ്ങൾ...ചോറ്,
തോരൻ, സാമ്പാർ, അവിയൽ....

ചുക്കുവെള്ളം, ജീരകവെള്ളം എല്ലാം ഒരുക്കി
ഓരോരുത്തർക്കുള്ളത് ഓരോ പാത്രങ്ങളി
ലാക്കി മേശപ്പുറത്ത് വെവ്വേറെ ബാഗുകളിലാ
ക്കി വെച്ചു കഴിഞ്ഞാൽ മാത്രമേ താൻ
ഒരു ഗ്ലാസ് ചായ പോലും കുടിക്കാറുള്ളൂ....

എല്ലാം പതിവുകൾ തെറ്റാതെ .... ഒരു
തകരാറും സംഭവിക്കാത്ത യന്ത്രം പോലെ..!
വീട്ടുകാര്യങ്ങളിൽ മുഴുകുമ്പോൾ മറ്റു പലതിനും മനസ്സു വയ്ക്കാറില്ല .... അതൊരു
ശീലമായിപ്പോയി..

രാജേട്ടനും കുട്ടികളും പൊയ്ക്കഴിഞ്ഞാൽ പാത്രങ്ങളൊക്കെകഴുകിത്തുടച്ച് വെച്ച്,
വീടും മുറ്റവും തൂത്തു വൃത്തിയാക്കി,
തുണി കഴുകിയുണക്കാനിട്ട്, പറമ്പിലും
തൊടിയിലും വീണു കിടക്കുന്ന ഓലയും
മെടലും വെട്ടിയെടുത്ത് ചൂടുവെള്ളം വച്ച്
ഒരു കുളി.... പിന്നെ അല്പം പത്രം വായന ,ടി.വി
കാണൽ..... ഉച്ചയുറക്കം...!

ടി.ടി.സി.കഴിഞ്ഞപ്പോഴായിരുന്നു രാജേട്ടനു
മായുള്ള വിവാഹം. അന്നുതൊട്ട്ഇന്നോളം
(വർഷം 16 കഴിഞ്ഞു) വീടിനകത്ത് തന്നെ
യാണ് തന്റെ ജീവിതം! അതിൽ ഒരു പരാതി
യോ പരിഭവമോ തനിക്കില്ല.

ഇങ്ങനെ ഓടിപ്പോകുന്ന ജീവിതത്തിൽ
വെറുതെ ഇരുന്ന് വിഷാദിക്കാനൊന്നും
തനിക്ക് നേരമില്ല ...മൂന്നു പെൺകുട്ടികളുടെ
പഠനം .... ഭാവി... വീട്ടുകാര്യങ്ങൾ...എല്ലാം കരുതലോടെ മുന്നോട്ടു പോകണം....

ഈയിടെയായി രാജേട്ടന്റെ കംപ്യൂട്ടർ
ഭ്രമം വല്ലാതെ കൂടിയിട്ടുണ്ട്.പിള്ളേര് വീട്ടിൽ
ഉണ്ടെന്ന വിചാരം പോലുമില്ല....

അവരോടൊത്ത് ഇത്തിരി നേരം ചെലവിടാൻ
പോലും അങ്ങേർക്ക് നേരമില്ലത്രെ!

'' ഒത്തിരി വർക്കുണ്ട് എനിക്ക് .. ഇവിടെ അടുക്കളയിൽ ഇരിക്കുന്ന നിനക്കറിയോ
ഇതൊക്കെ?"..

രാജേട്ടന്റെ അത്തരം കുറ്റപ്പെടുത്തലാണ്
തനിക്ക് സഹിക്കാൻ വയ്യാത്തത്...

പക്ഷേ, മറുപടിഒന്നുംപറയാതെ അടുക്കള
യിൽ ചെന്ന് വിങ്ങിക്കരഞ്ഞു.രാജേട്ടന്റെ
കുറ്റപ്പെടുത്തൽ ഇടയ്ക്ക്നെഞ്ചിൽതറച്ചതു
പോലെവല്ലാതെവേദനിപ്പിക്കും....

അപ്പോൾ ആരും കാണാതെ ഇത്തിരി നേരം
കരയും.... പിന്നെ ചുവന്നുള്ളി എടുത്ത്
തൊലി ഉരിയുമ്പോൾ ഇളയ മകൾ ഓടി
വന്നു ചോദിക്കും....

'' അമ്മ, എന്തിനാ കരയണേ.... "?

തന്റെ കണ്ണുകൾ കലങ്ങിച്ചുമന്നിരിക്കുന്നത്
ശ്രദ്ധിച്ചു കൊണ്ടാണവളുടെ ചോദ്യം.

"ഹേയ്...അത് ..ഉള്ളിതൊലിയുമ്പോഴുള്ളതാ മോളു....''

ശബ്ദത്തിൽസ്വാഭാവികതവരുത്തിക്കൊണ്ടു
ള്ള തന്റെ മറുപടി.... തന്റെ കുഞ്ഞുസങ്കട
ങ്ങളേക്കാൾ വലുതാണ് കുടുംബത്തിലെ
സമാധാനം....
പക്ഷേ, അടുത്തിടെ രാജേട്ടന്റെ പ്രകൃത
ത്തിൽ വന്ന മാറ്റം തനിക്ക് വല്ലാത്ത
അസ്വസ്ഥത ഉണ്ടാക്കുന്നുണ്ട്...

പെട്ടെന്നുള്ള ദേഷ്യം .... ചുരുങ്ങിയ സംസാരം.
ബെഡ് റൂമിൽ പോലും തന്നോടു കാട്ടുന്ന
അവഗണന .... !
എന്താണ് രാജേട്ടന്സംഭവിച്ചതെന്ന് തുറന്നു ചോദിക്കാൻ തന്നെവല്ലാത്തൊരു പേടിയാണ് തനിക്ക് .

മുമ്പൊക്കെ, വൈകിട്ട് ഓഫീസ് വിട്ട്
വന്നാൽ അടുക്കളയിൽ തന്നെ വന്നിരുന്ന്
ഓഫീസിലുണ്ടായ ഓരോ തമാശകളൊക്കെ പറഞ്ഞുകൊണ്ട് ,താനുണ്ടാക്കികൊടുക്കുന്ന
ചായ ആസ്വദിച്ച് കഴിക്കാറുള്ള രാജേട്ടൻ!

സന്ധ്യയ്ക്ക് കുട്ടികൾക്കൊപ്പമിരുന്ന് കളിയും
ചിരിയുമായി അവരുടെ പഠനകാര്യങ്ങളിലും
മറ്റും ശ്രദ്ധിച്ച്....
തന്റെ ചെറിയ വാക്കുകൾ പോലും താല്പര്യത്തോടെ കേട്ടിരുന്ന ആൾ ....!

ഇപ്പോഴിതാ..... ഒന്നു മുഖത്ത് പോലും നോക്കാൻ നേരമില്ലാതെ....
ഓഫീസ് ..... വീട്...... കംപ്യൂട്ടർ .....
സ്വിച്ചിട്ട് പ്രവർത്തിക്കുന്ന ഒരു യന്ത്രം കണക്കെ ഓരോ ദിവസവും !

''അമ്മേ അച്ഛൻ വിളിക്കുന്നു ......
ഉമ്മറത്തിരിപ്പുണ്ട് ..... എന്തോ പറയാനാ..."

മകൾ വന്ന് പറഞ്ഞപ്പോൾ, അടുക്കളയിൽ
ചന്ദ്രക്കലവൃത്തത്തിൽ പരത്തി വെച്ച
ചപ്പാത്തിയിൽ ചൂണ്ടുവിരൽ അമർത്തിവെച്ച്
ചിന്താവിഷ്ടയായിരുന്നു അവൾ!

എന്തിനായിരിക്കും രാജേട്ടൻ തന്നെ വിളിക്കുന്നത്?
വന്നപാടെ അകത്ത് കയറിവാതിലടച്ച് ഇരിക്കുന്ന ആൾക്ക് ഇന്നെന്ത്പറ്റി? ജീവിതം സംഭവബഹുലമാകാൻപോവുകയാണോ?

തന്റെ സംശയങ്ങൾക്ക് തിരികൊളു
ത്താൻ പാകത്തിനുള്ള തെളിവുകൾ
കഴിഞ്ഞ ദിവസമായിരുന്നു കൈയിൽ
കിട്ടിയത്!

ആ ഒറ്റ തെളിവിലൂടെ തനിക്ക് എല്ലാം
മനസ്സിലായിരിക്കുന്നു.... രാജേട്ടന്റെ
കംപ്യൂട്ടർ പ്രണയവും വാതിലടച്ച് രഹസ്യ
മായുള്ള വർക്കുകളും എല്ലാം .......

ഈ അടുക്കളയിലിരുന്ന് തന്നെ തനിക്ക്
മനസ്സിലാക്കൻ കഴിഞ്ഞിരിക്കുന്നു!

സംശയത്തോടെ ഉമ്മറത്തേക്കു ചെന്നു.

രാജേട്ടൻ ഓഫീസിൽ നിന്ന് വന്ന് വേഷം
മാറി ഉമ്മറത്തെ കസേരയിലിരിക്കുന്നു!

അതിശയിച്ചു പോയി ....... പതിവിന്
വിപരീതമായിട്ട് ......?

അന്തരീക്ഷത്തിനാകെ ഒരു മാറ്റം!
കുട്ടികൾ അകത്തെ മുറിയിൽ കംപ്യൂട്ടർ
ഗെയിമിലാണ് .....

''ചായ വേണം"

വാതിൽക്കൽ ചെന്നപ്പോൾ രാജേട്ടൻ
ചായ ആവശ്യപ്പെട്ടു.

പെട്ടെന്ന് അടുക്കളയിൽചെന്ന് കടുപ്പത്തിലൊരു ചായമധുരം കുറച്ച് ,ഗ്ലാസിൽ പകർന്നെടുത്ത് രാജേട്ടന് കൊണ്ടുചെന്ന് കൊടുത്തു....

ചായ വാങ്ങിക്കുമ്പോൾ മനപ്പൂർവ്വമാണോ
എന്നറിയില്ല ,രാജേട്ടൻ തന്റെവിരലുകളിൽ
സ്പർശിച്ചില്ല.

അദ്ദേഹത്തിന്റെ ഗൗരവഭാവം... ഔപചാരിക
മായ പെരുമാറ്റം ...
എന്താണാവോ മനസ്സിൽ!
ചായ കുടിച്ചു കഴിഞ്ഞ് ഗ്ലാസ് തിരികെ
തരുമ്പോഴും മുഖം തരാതെ രാജേട്ടൻ!

വിങ്ങി നിൽക്കുന്ന അന്തരീക്ഷത്തിന് അല്പം അയവ് വരുത്താനായി അവൾ ചോദിച്ചു.

''.. എന്തിനാ രാജേട്ടാ വിളിച്ചത്..." ?

"നിനക്ക് മുടി കൊഴിയുന്നുണ്ടോ.... ".?

രാജേട്ടന്റെ ചോദ്യം കേട്ട് തെല്ലൊന്ന്
അമ്പരന്നു പോയി.

ഇടതു കൈയിലെ ഒരു ചെറിയ കടലാസ്
പൊതി അഴിച്ച് വിടർത്തി തനിക്ക് നീട്ടിക്കൊണ്ട് രാജേട്ടൻ വീണ്ടും ചോദിച്ചു.

''എന്തായിത് ...? "

''ഓഹോ....... അതാണോ കാര്യം?"

തലയിണക്കിടയിൽ താൻ പൊതിഞ്ഞു
സൂക്ഷിച്ചു വെച്ചിരുന്ന മൂന്ന് നാല് മുടിനാരു
കൾ !അത് ..... രാജേട്ടൻ ഇന്നലെ ഇട്ടിരുന്ന ഷർട്ടിന്റെ കീശയിൽ നിന്നു കിട്ടിയത്!

അതു തന്നെയാണ് തനിക്കുംഅറിയേണ്ടത്.
ഉള്ളിൽ ആകെ ഒരു തിളച്ചുപൊന്തൽ!
രാജേട്ടന്റെ കീശയിൽ നിന്നും തനിക്ക്
കിട്ടിയ തെളിവ് .... കംപ്യൂട്ടറും ഇന്റർനെറ്റും
വാതിലടച്ചിരിപ്പും .... എല്ലാം എന്തിനായിരുന്നു
എന്നതിനുള്ള തെളിവ് !
എന്താണത് എന്ന് താൻ ചോദിക്കാനിരുന്ന
ചോദ്യം രാജേട്ടൻ ചോദിക്കുന്നു.

'' അതു തന്യാ എനിക്കും ചോദിക്കാനുള്ളത് ...
ഓഫീസിൽ പോയി വരുമ്പോൾ രാജേട്ടന്റെ
കീശയിലെങ്ങനെയാ നീണ്ടു കറുത്ത ഈ മുടി
നാരുകൾ വന്നേ....?
അത് എന്തായാലും ഒരുസ്ത്രീയുടേതാണെന്ന
തിൽ യാതൊരു സംശയവുമില്ല........
നിങ്ങളുടെ മുറിയടച്ചിരിപ്പും കംപ്യൂട്ടർ
വർക്കും ഇപ്പോൾ, ഈ മുടിയും ....... കാര്യം എല്ലാംഎനിക്ക് മനസ്സിലായി....
തുണി കഴുകുമ്പോഴാണത് ഞാൻ കണ്ടത്...
ഇനിയും എത്ര മുടികൾ കിട്ടുമോന്നറിയാനാ
ഞാൻ പൊതിഞ്ഞ് തലയിണയ്ക്കടിയിൽ
വെച്ചത് ......"

ഒറ്റ ശ്വാസത്തിൽ അത്രയും പറഞ്ഞപ്പോൾ
അവൾക്ക് കുറേ നാളായി ഉള്ളിൽ വിങ്ങി
നിന്നതൊക്കെ പൊട്ടിയെഴുകി ....
അവൾ വിതുമ്പി .......
തന്റെ സംസാരവും കരച്ചിലും കേട്ട് കുട്ടികൾ മൂന്നു പേരുംപുറത്തേക്കു വന്നു....
രാജേട്ടന്റെ മുഖം ദേഷ്യം കൊണ്ട് ആകെ
ചുവന്നു ... പിന്നെ, ഒരു പൊട്ടിത്തെറിക്കൽ...!

"ഹേ ....പമ്പരവിഡ്ഢി.... നീ എന്താ ഈ
പറയുന്നേ...? പകൽ മുഴുവൻ സീരിയൽ
കണ്ട് കണ്ട് നിന്റെ മനസ്സിൽ സംശയം
നല്ലവണ്ണം മൂത്തു പോയി ... കാര്യമറിയാതെ
നീയെന്തൊക്കെയാടീ സംസാരിക്കുന്നേ.... "?

രാജേട്ടൻ ദേഷ്യം കൊണ്ട് ചാടി എഴുന്നേറ്റു...
ദഹിപ്പിക്കുന്ന നോട്ടം.... കൈ നിവർത്തി
ഒന്നു തന്നേക്കുമെന്നു ഭയന്നു....
അത്രയ്ക്ക് അരിശം മൂത്തു നിൽക്കുകയാണ്
പുള്ളിക്കാരൻ ...!

''.. പിന്നെന്തായിതിന്റെ ഒക്കെ അർത്ഥം... "

താൻ വിട്ടു കൊടുത്തില്ല...

''അമ്മേ..... ഒന്നു നിർത്ത് ....... രണ്ടാളും കൂടെ
എന്തായിത്... ആൾക്കാര് കേൾക്കും.."

മൂത്തമകൾ അമ്മു ഇടയിൽ കയറി പറഞ്ഞു.
മറ്റു രണ്ടു പേരും പേടിച്ചു വിറച്ച് നിൽക്കുന്നു.

''.... എടീ മോളെ..... ഞാൻ ഇനി ഒരു
സത്യം പറയാം........ നിന്റെ അമ്മ സംശയി
ക്കുന്ന പോലെ ഒന്നുമില്ല.... ഈ മുടിനാരു
കൾ മറ്റൊരു സ്ത്രീയുടേതുമല്ല ....
ഇത്.... രാവിലെ അമ്മ ടിഫിൻ ബോക്സിൽ
സ്നേഹത്തോടെ നിറച്ചു തരുന്ന ചോറിൽ
നിന്നും പല ദിവസങ്ങളിലായി കിട്ടിയതാ....
മുടികിട്ടിയ ദിവസം ഞാൻ ചോറുണ്ണാതെ
അപ്പാടെ അങ്ങു കളയും... ആരോടും
പറയാൻ പറ്റില്ലല്ലോ ..... നിന്റെ അമ്മേടെ
അതിവൃത്തിടെ മഹത്വം?"

അച്ഛൻ പറയുന്നത് കേട്ട് കുട്ടികൾ മൂന്നു
പേരും വായ പൊത്തിച്ചിരിക്കാൻ തുടങ്ങി....

''....... എന്തൊക്കെയാ ഇവളുടെ സംശയം....
ഓഫീസിൽ തിരക്കു കാരണം പല
വർക്കും വീട്ടിൽ കൊണ്ടുവന്ന് തീർക്കുന്ന
വിഷമം എനിക്കു മാത്രമേ അറിയൂ....
ചിലപ്പോൾ ടെൻഷൻ കാരണം മിണ്ടാൻ
തന്നെ കഴിയാറില്ല... എന്നിട്ടെല്ലാത്തിനും
അവളുടെ ഒരു ദുർവ്യാഖ്യാനം ...."

രാജേട്ടൻ പറഞ്ഞതെല്ലാം കേട്ടപ്പോൾ താൻ
ഊതി വീർപ്പിച്ച ബലൂണിൽ നിന്ന് കാറ്റ്
ഒഴിഞ്ഞു പോയതുപോലെ ചുക്കിച്ചുളിഞ്ഞു
നിന്നു... എന്തു പറയണമെന്നറിയാതെ....

''... അച്ഛാ..... അച്ഛൻ പറഞ്ഞത് ശരിയാ... എനിക്കും കിട്ടിട്ടുണ്ട് മുടി...."

അന്തരീക്ഷം ഒന്നു തണുത്തപ്പോൾഇളയ
മകൾ അച്ഛൻ പറഞ്ഞത് ശരിവെച്ചു...

''... അതാ ഞാൻ ആദ്യം ചോദിച്ചത്
മുടി കൊഴിയുന്നുണ്ടോന്ന്.... "

വല്ലാത്തൊരു കുറ്റബോധത്തിൽ വിളറി
വെളുത്തു നിന്നു പോയി.
സത്യം തന്നെ.... കുറച്ചു ദിവസമായി
മുടികൊഴിച്ചിൽ കാരണം വല്ലാതെ വിഷമി
ച്ചിരിക്കുകയാണ് താൻ .... രാജേട്ടനോട്
ഒന്നും പറയാൻ വയ്യെന്ന് ഉറച്ചിരുന്നു...
തിരക്കുള്ള ആൾക്ക് തന്റെ കാര്യം
ശ്രദ്ധിക്കാൻ നേരമില്ലല്ലേ...

"... ഉം.... സാരമില്ല പോട്ടെ.... എടീ ഭാര്യേ......
അൻപതാം വയസ്സിൽ ഞാനങ്ങ് പ്രേമിച്ച്
പോകുമെന്ന് കരുതിയോ നീ ....
ദാ.... ഈ എണ്ണയൊന്ന് യൂസ് ചെയ്ത് നോക്ക്..
ഓഫീസിലെ ക്ലർക്ക് ദിനേശൻ തന്നതാ....
അയാളുടെ ഭാര്യ ഡോക്ടറാണ് ....
ഇനി അതിലും സംശയിക്കണ്ട... ട്ടോ ...."

പച്ച നിറത്തിലുള്ള ആയുർവേദ എണ്ണയുടെ
ഒരു ബോട്ടിലും ചുരുട്ടി വെച്ച മുടിയിഴകളും
തന്റെ കൈള്ളയിലേക്ക് അർത്തിവെച്ചു
കൊണ്ട് രാജേട്ടൻ പറഞ്ഞപ്പോൾ
ആ കൈ മൃദുവായി തട്ടിമെല്ലെപറഞ്ഞു...

''..ഒക്കെ എന്റെ തെറ്റിദ്ധാരണയാ രാജേട്ടാ
സോറി..... ഞാൻ ഓരോന്ന് ചിന്തിച്ച് കൂട്ടി...
ആവശ്യമില്ലാതെ...."

തന്റെ ക്ഷമാപണം കേട്ട് ഗൗരവം വിടാതെ
അദ്ദേഹം .........

''..ഉം.... നീ...ചപ്പാത്തിയുണ്ടാക്ക് ....
സമയം 8 മണിയായി...."

അത്രയും പറഞ്ഞ് അകത്തെ മുറിലേക്ക്
നടന്നു.പിന്നെ, കംപ്യൂട്ടറിന്റെ മുന്നിൽ
ഇരിപ്പുറപ്പിച്ചു.
ആകെ പുകഞ്ഞു നിന്ന അവൾ,
വലം കൈയിൽ ചുരുട്ടിപ്പിടിച്ച തന്റെ
നീണ്ട മുടിയിഴകൾ നോക്കി ഒരു നിമിഷം ഓർത്തു ...
ചിലപ്പോൾ കൊഴിഞ്ഞു പോകുന്ന നിസ്സാര മായമുടിയിഴകൾ പോലും ഒരു കുടുംബ
ജീവിതത്തിന്റെ സ്വസ്ഥത കെടുത്തും..
പിന്നെ, തനിക്കു പറ്റിയ മണ്ടത്തരമോർത്ത്
അവൾ സ്വയം ചിരിച്ചു.

''... അമ്മേ.... വെശക്കണു.... ചോറ് ..."

ദാ.... അകത്തുനിന്ന് കുട്ടികൾ വിളിക്കുന്നു.

ശുഭം.... ബിന്ദു.എം.വി.