മിന്നുകെട്ട്

മിന്നുകെട്ട്
* * * * * * *

ആ വലിയ ഷോപ്പിൽ സെയിൽസ് ഗേളായിരുന്നു കവിത .

ആകർഷകമായ ശമ്പളം ഇപ്പോ ഇങ്ങനെയുള്ള ഷോപ്പുകളിൽ മാത്രമേ കിട്ടൂ ...

സെയിൽസ് ഗേളായി ജീവിക്കാനായിരുന്നു യോഗം.

ഡിഗ്രിയ്ക്ക് നല്ല മാർക്ക് ഉണ്ടായിരിന്നിട്ടും ,
പിന്നെ പഠിക്കാൻ കഴിഞ്ഞില്ല.

പെട്ടെന്നുള്ള അച്ഛന്റെ മരണം.
ആ കുടുംബത്തെ ആകെയുണ്ടായിരുന്ന ഏക വരുമാനം നഷ്ടമായതോടെ കവിത ഈ ജോലിക്ക് ഇറങ്ങിയതായിരുന്നു.

അവളുടെ ഇളയത് രണ്ട് പേർ ഉണ്ടായിരുന്നു. കിരണും ,കൃഷ്ണയും ഇരട്ടകളാണ് .അവർ പത്തിൽ പഠിക്കുന്നു.

അന്ന് ഇത്തിരി താമസിച്ചാണ് ഷോപ്പിൽ അവൾ എത്തിയത്.
വന്നയുടനെ മാനേജർ സുഗുണൻ കുറെ വഴക്ക് പറഞ്ഞു.

അവൾ സാർ ബസ്സ് കിട്ടാൻ താമസിച്ചതിലാണ് ഇവിടെ വരാൻ വൈകിയത് എന്നു പറഞ്ഞു.

മറ്റുള്ളവർ ആ വഴി വരുന്നവരുണ്ട്. അവർ ഏല്ലാം എത്തിയല്ലോ ..
പിന്നെ തനിക്ക് മാത്രം എന്താ ?
എന്നും ,ഓരോ കാരണങ്ങൾ.
അവളുടെ കണ്ണു നിറഞ്ഞു.

ആ സമയത്താണ് ഷോപ്പിൽ ഒരു കുടുംബം എത്തുന്നത് .
കസ്റ്റമറിനെ കണ്ടതും മാനേജർ നാവ് അടക്കി.
കണ്ണു കൊണ്ട് കവിതയോട് പോവാൻ പറഞ്ഞു.
കവിത തന്റെ സാരി സെക്ഷനിലേക്ക് നീങ്ങി.

എന്താ വേണ്ടത് .മാനേജർ അവരോട് ചോദിച്ചു.
സാരി വേണം. ...
കവിതേ .... ഇവർക്ക് സാരി കാണിച്ചു കൊടുക്ക് എന്ന് വിളിച്ച് പറഞ്ഞു.

അവൾ കണ്ണുകളും ,മുഖവും നന്നായി തുടച്ച്, ചിരിച്ച മുഖത്തോടേ കസ്റ്റമറിനോട് ചോദിച്ചു. ഏത് വിലയ്ക്കുള്ള സാരിയാണ് വേണ്ടത്.

നോക്കാം മോളേ....
അവൾ ഒന്നു അവരെ നോക്കി.
അമ്മയും രണ്ട് പെൺക്കുട്ടികളും ..

നമുക്ക് നോക്കാം അപ്പോഴേക്കും ഏട്ടനും വരും.
അവർ നോക്കാൻ തുടങ്ങി.
കവിത പലനിറത്തിലുള്ള സാരികൾ എടുത്തു കാണിച്ചു.

ഒന്നും ആ പെൺകുട്ടികൾക്ക് ഇഷ്ടമായില്ല.

അതിനിടയിൽ അവരുടെ സംസാരം ശ്രദ്ധിച്ച കവിതയ്ക്ക് മനസ്സിലായി .

ഈ രണ്ട് പെൺകുട്ടികൾക്ക് ഒരു ഏട്ടൻ ഉണ്ട്. ഏട്ടന്റെ പെണ്ണിനായി എടുക്കുന്ന സാരിയാണ്. ആയിരത്തിൽ തുടങ്ങിയ അവർ മൂവായിരം രൂപയുടെ സാരി വരെ നോക്കി.

അതിൽ നിന്ന് മൂന്നാലു സാരി മാറ്റി വെച്ചു.
ഏട്ടൻ വന്ന് സെലക്ട് ചെയ്യട്ടെ.
എന്നിട്ട് അവർ ചുരിദാർ സെക്ഷനിലോട്ട് പോയി.

ആ അമ്മ കവിതയോടായി പറഞ്ഞു.
എന്റെ മകൻ ഡോക്ടർ ആണ്.
അവൻ ഒരു പെൺക്കുട്ടിയെ ഇഷ്ടപ്പെടുന്നു.

മക്കളുടെ സന്തോഷമല്ലേ ഏല്ലാം അമ്മമാർക്കും വലുത്.

അദ്ധേഹം പോയതിനു ശേഷം എന്റെ മകൻ ഒരു പാട് കഷ്ട്ടപ്പെട്ടിട്ടാണ് ഈ നിലയിൽ എത്തിയത്.

അന്ന് അവനെ സഹായിച്ചത് ഒരു പെൺകുട്ടിയും അവളുടെ അച്ഛനുമാണ്.

പക്ഷെ നല്ല മനസ്സുള്ള കുട്ടിയാ .അതാണല്ലോ എന്റെ കുട്ടിയെ സഹായിക്കാൻ തോന്നിയത്. അറിഞ്ഞപ്പോൾ എനിക്ക് ആ കുട്ടിയെ കാണണമെന്ന് തോന്നി. അവളെ ഇവിടെ വന്നാൽ കാട്ടിത്തരാമെന്ന് പറഞ്ഞു.

അപ്പോഴാണ് വാതിൽ തുറന്ന് അയാൾ വന്നത്.
ദേ ആ വരുന്നതാണ് മിഥുൻ എന്റെ മകൻ.

കവിത ആ ഭാഗത്തേയ്ക്ക് ഒന്നു നോക്കി. അയാൾ അപ്പോഴേക്കും അവരുടെ അടുത്തെത്തി.
ഹായ് ഏട്ടൻ വന്നു.
ഏട്ടാ ഇത് ഏട്ടത്തിയ്ക്ക് ഇഷ്ടാവും ......
ഏട്ടത്തിയോട് തന്നെ നേരിട്ട് ചോദിച്ചാൽ പോരേ ........?
.
ഇവിടെയാണോ ഏടത്തി വർക്ക് ചെയ്യുന്നത്.
ഇവളാണ് നിങ്ങൾ ടെ ഏട്ടത്തി.

കവിതയെ കൈ ചൂണ്ടി കാണിക്കുമ്പോൾ അയാൾ അവളുടെ മുഖത്തു നോക്കി കണ്ണിറുക്കി .

ദിവസങ്ങൾക്ക് മുൻപ് ഒരു രാത്രി ഇവിടന്ന് ജോലി കഴിഞ്ഞ് പോകുമ്പോൾ ...,

രണ്ട് ചെറുപ്പക്കാർ എന്നെ പിന്തുടർന്നു .

ഞാൻ ഓടി ഇയാൾടെ വണ്ടിയുടെ മുന്നിൽ ചെന്നുപ്പെട്ടത്.

വണ്ടി നിർത്തി ഇറങ്ങിയപ്പോൾ തന്നെ അവർ പോയി കഴിഞ്ഞിരുന്നു.

അന്ന് എന്നെ വീട്ടിൽ കൊണ്ടാക്കിയത് ഇയാളായിരുന്നു.

പിന്നെ കണ്ടിട്ടില്ല.
പിന്നെ ഇന്നാണ് കാണുന്നത്.

ഈ അമ്മ പറയുന്നത് ഇയാളെ സഹായിച്ചത് ഞാനെന്നതും. പക്ഷെ എങ്ങനെ ?

കവിത....... അവൾ ചിന്തയിൽ നിന്നുണർന്നു

കവിത ഒരു മിനിറ്റ് .അയാൾ അവളെ മാറ്റിനിർത്തി.

എനിക്ക് തന്നെ ഇഷ്ടമാണ്.
എനിക്ക് ഒരു ആക്സിഡന്റിൽ നഷ്ടമായതാണ് എന്റെ കണ്ണുകൾ.

തന്റെ അച്ഛന്റെ കണ്ണുകൾ ആണ് എനിക്ക് പുതുജീവിതം തന്നതറിഞ്ഞപ്പോൾ ,

തന്നെ അന്വേഷിച്ച് ഇറങ്ങിയ നേരത്താണ് .. താൻ എന്റെ കാറിനു മുന്നിൽ വന്നുപ്പെടുന്നത്.

തന്റെ വീടിനു മുന്നിൽ എത്തി ,താൻ എന്നെ ആ വീട്ടിലേക്ക് ക്ഷണിക്കുമ്പോഴും എനിക്ക് അറിയില്ലായിരുന്നു. ഞാൻ അന്വേഷിക്കുന്ന ക്കുട്ടിയാണെന്ന്.

ആ വരാന്തയിൽ തന്റെ അച്ഛന്റെ ഫോട്ടോ കണ്ടപ്പോഴാണ് ഞാൻ കണ്ടെത്താൻ ശ്രമിക്കുന്ന കുട്ടി ഇയാളെന്ന് മനസിലായത്.

രണ്ട് വർഷമായി ഞാൻ അന്വോഷിക്കുന്നത് തന്നെ സ്വന്തമാക്കാനാണ്.

രണ്ട് വർഷങ്ങൾക്ക് മുൻപ് അച്ഛൻ ഒരു ആക്സിഡന്റിൽ മരിക്കുമ്പോൾ ,,
എന്റെ അച്ഛന്റെ കണ്ണുകൾ ഡൊണേറ്റ് ചെയ്യാമെന്ന് ....

അച്ഛന്റെ കണ്ണുകൾ മറ്റൊരാളിലൂടെ എനിക്ക് കാണാമല്ലോ എന്ന്.
അന്ന് നൽകിയ ആളിന്റെ മുന്നിലാണ് നിൽക്കുന്നത് എന്നറിഞ്ഞപ്പോൾ കവിതയുടെ കണ്ണുകൾ നിറഞ്ഞൊഴുകി ....

നല്ല മനസ്സുള്ള ഒരാളുടെ ജീവൻ രക്ഷിക്കാൻ കഴിഞ്ഞല്ലോ ...
എന്താ ഒന്നും മിണ്ടാത്തത്...

തന്റെ അമ്മയ്ക്ക് സമ്മതമാടോ .... ദേ .... തന്റെ അമ്മയും സഹോദരങ്ങളും എന്റെയൊപ്പം വന്നിട്ടുണ്ട്.

നമുക്ക് ഒരു കുടുംബമായി കഴിയാമെടോ ......

ഇനിയെങ്കിലും തനിക്ക് പറഞ്ഞ് കൂടെ ... സമ്മതമാണെന്ന് ........

ആഴ്ചകൾക്കുള്ളിൽ അവളുടെ കഴുത്തിൽ അവൻ മിന്നുകെട്ടി.
ആ സമയത്തും ആ കണ്ണുകളിൽ അവൾ അവളുടെ അച്ഛനെ കാണുകയായിരുന്നു.

.ആ കണ്ണുകളിൽ ഒരു ആത്മ നിർവ്യതി അവൾ കണ്ടു.............

രചന, ദേവി നായർ 11/10/2017