സാധാരണക്കാരായ അറേബ്യൻ ജനതയുടെ പ്രത്യേകതയാണ് - " CarelessAttitude ". ഇത് ഗുണകരമായി വരുന്ന ചില സന്ദർഭങ്ങളുണ്ട് . നല്ലത് വരുമ്പോഴും, ദുരന്തങ്ങൾ വരുമ്പോഴും , ഭാവിയെക്കുറിച്ചാലോചിക്കുമ്പോഴും , സർവ്വേശ്വരനായ അല്ലാഹുവിന്റെ അഭീഷ്ടപ്രകാരം നടക്കുന്നുവെന്ന സങ്കൽപ്പത്തിൽ ആശ്വാസം കൊള്ളും. ചുരുക്കത്തിൽ, ഒരുമാതിരി സംഗതികൾക്കൊന്നും അവരെ ദീർഘനാൾ മാനസിക പിരിമുറുക്കത്തിൽ (stress ) തളച്ചിടാനാവില്ല .
ഇതിനു കടക വിരുദ്ധമാണ് നമ്മുടെ കാര്യങ്ങൾ . ഏതു മതത്തിൽ വിശ്വസിച്ചാലും, ചുറ്റുപാടുകളിൽ നിന്നും പാഠം ഉൾക്കൊണ്ടുകൊണ്ട് ജീവിതം ക്രമീകരിക്കുമ്പോൾ, "വർത്തമാന കാലത്തിലെ താരതമ്യ ചിന്തനം", "ഭാവിയെക്കുറിച്ചുള്ള അമിതമായ ഉൽക്കണ്ഠ" എന്നിങ്ങനെ രണ്ടു ചാലുകളിൽ കൂടി ജീവിതം ചലിക്കാൻ തുടങ്ങും . രണ്ടിനും പാർശ്വഫലം ഒന്നുതന്നെ - Stress.
ഒന്നിലും സംതൃപ്തി നേടാനാകാത്ത അവസ്ഥ കൂടിയാകുമ്പോൾ ജീവിതം യുദ്ധസമാനമായി മാറുന്നു.
ഒന്നിലും സംതൃപ്തി നേടാനാകാത്ത അവസ്ഥ കൂടിയാകുമ്പോൾ ജീവിതം യുദ്ധസമാനമായി മാറുന്നു.
യഥാർത്ഥത്തിൽ ഇത്രയധികം പിരിമുറുക്കം നമ്മൾ നേരിടേണ്ടതുണ്ടോ എന്നാലോചിക്കുന്നത് നന്നായിരിക്കും . പൂർവ്വികരേക്കാൾ മികച്ച ജീവിതസാഹചര്യമുണ്ടായിട്ടും ഒന്നിലും നമുക്ക് തൃപ്തി പോര.
അമിതമായ മാനസിക പിരിമുറുക്കത്തിലാഴുമ്പോൾ, നാമറിയാതെ മനസ്സ് "Stress Reliever" അഥവാ ആശ്വാസദായകനെ തേടിത്തുടങ്ങും. പലപ്പോഴും പുരുഷന്മാരിൽ ലഹരി ഒരു ആശ്വാസഹേതുവായി വരുന്നതിവിടെയാണ് .
കടുത്ത മാനസിക പിരിമുറുക്കത്തിൽ അകപ്പെട്ട ഒരു വലിയ സമൂഹമാണ് നമ്മുടേത്. കാലങ്ങളായി മദ്യം ഒരു Tension Reliever -ആയി പ്രവർത്തിക്കുന്നുണ്ടെന്നുള്ളത് വാസ്തവം തന്നെയാണ് . ഇതിൻ്റെ ദൂഷ്യഫലങ്ങൾ, അമിതാസക്തി എന്നിവയിലേക്ക് കടക്കുന്നില്ല .
കടുത്ത മാനസിക പിരിമുറുക്കത്തിൽ അകപ്പെട്ട ഒരു വലിയ സമൂഹമാണ് നമ്മുടേത്. കാലങ്ങളായി മദ്യം ഒരു Tension Reliever -ആയി പ്രവർത്തിക്കുന്നുണ്ടെന്നുള്ളത് വാസ്തവം തന്നെയാണ് . ഇതിൻ്റെ ദൂഷ്യഫലങ്ങൾ, അമിതാസക്തി എന്നിവയിലേക്ക് കടക്കുന്നില്ല .
ഇന്നത്തെ നിലയ്ക്ക് ലഹരി ഒഴിവാക്കാൻ മലയാളിക്ക് ബുദ്ധിമുട്ടായി മാറിയിരിക്കുന്നു. വിദേശത്തു നിന്ന് / മിലിട്ടറിയിൽ നിന്ന് നാട്ടിലേക്ക് വരുന്ന സുഹൃത്തിൻ്റെ പെട്ടിയിൽ മദ്യക്കുപ്പി തേടുന്ന ശീലവും, വിമാനയാത്രയ്ക്കിടെ ഓസിനു കിട്ടുന്ന മദ്യം അടിച്ചു "വാളു" വക്കുന്ന പ്രവാസിയും, കയ്യിൽ കാശു തികയാതെ വന്നാൽ ഷെയർ ഇട്ടു വാങ്ങി പൂസാവുന്ന രീതിയും, മദ്യ വിൽപ്പന കേന്ദ്രങ്ങളിലെ നീണ്ട ക്യൂ എന്നിവയും നമുക്ക് ശീലമായിക്കഴിഞ്ഞിരിക്കുന്നു .
ലഹരിയുടെ പോപ്പുലർ മുഖമായ മദ്യം നമ്മുടെ സമൂഹത്തിൽ നിന്നും ഒഴിവാക്കുമ്പോൾ , ഒരു പകരക്കാരൻ അവിടെ ഉദിച്ചുയരും .ചാരായനിരോധനം വന്നപ്പോൾ സ്പിരിറ്റ് വ്യാപാരം ഉഷാറായതോർക്കുക. അതു വരെ, പാർട്ടി / ചെറു മാഫിയകളിൽ മാത്രം ഒതുങ്ങി നിന്നിരുന്ന ഗുണ്ടാ പ്രസ്ഥാനം അതോടൊപ്പം വളർന്നതും മറക്കരുത്.
മദ്യം ഒഴിവാക്കപ്പെടുമ്പോൾ , ഇനിയെത്തുക കഞ്ചാവ് , ഹാഷിഷ് പോലെയുള്ള ആഗോള ലഹരിഭീകരന്മാരാവാം. കൊണ്ടുനടക്കാനെളുപ്പം, അനായാസമായി മറച്ചു വയ്ക്കാം, എല്ലാ ജനവിഭാഗത്തേയും ടാർഗറ്റ് ചെയ്യാം, ഉപഭോക്താവ് ഒരിക്കലും വിട്ടുപോകില്ല, സാധനം അന്താരാഷ്ട്ര വിപണിയിൽ നിന്നും കടൽത്തീരങ്ങൾ വഴി വേഗം ഉള്ളിലെത്തിക്കാം എന്നിങ്ങനെ ധാരാളം മെച്ചങ്ങൾ ഈ ഭീകരന്മാരുടെ കച്ചവടത്തിലുണ്ട് .
ലഹരിയിൽ നിന്നും ഒരിക്കലും നാം മാറിനിൽക്കില്ല എന്ന് പ്രതിജ്ഞ എടുത്ത സ്ഥിതിക്ക് താരതമ്യേന കുറഞ്ഞ സാമൂഹികാഘാതം സൃഷ്ടിക്കുന്നതും, ഗുണനിലവാരം കൂടിയതുമായ സാധനങ്ങൾ
ലഭ്യമാക്കിക്കൊടുക്കുന്നതാണ് നല്ലതെന്നു തോന്നുന്നു . Less Alcoholic ബിയർ പാർലറുകളും, Flavored തെങ്ങിൻ കള്ളുമൊക്കെ പരിഗണിക്കാവുന്നതാണ്. ഇതൊക്കെ ലഭ്യമാക്കിയാൽ സമൂഹം അപ്പാടെ തകർന്നു പോകുമെന്നൊന്നും കരുതേണ്ട . അമിതമാവാതെ നോക്കിയാൽ മതിയാകും.
ലഭ്യമാക്കിക്കൊടുക്കുന്നതാണ് നല്ലതെന്നു തോന്നുന്നു . Less Alcoholic ബിയർ പാർലറുകളും, Flavored തെങ്ങിൻ കള്ളുമൊക്കെ പരിഗണിക്കാവുന്നതാണ്. ഇതൊക്കെ ലഭ്യമാക്കിയാൽ സമൂഹം അപ്പാടെ തകർന്നു പോകുമെന്നൊന്നും കരുതേണ്ട . അമിതമാവാതെ നോക്കിയാൽ മതിയാകും.
കൂടാതെ , നല്ല ഉപഭോഗാനന്തര സംസ്കാരം എന്തെന്ന് കൂടി പഠിപ്പിച്ചു കൊടുക്കണം . ലളിതമായി പറഞ്ഞാൽ " വെള്ളമടിച്ചാൽ വയറ്റിൽ കിടക്കണം "
NB : കേരളവും മെക്സിക്കോയും തമ്മിൽ സാമൂഹിക വൈജാത്യം കുറഞ്ഞു വരുന്നുണ്ടത്രേ. ലഹരിയും, കുടിലരാഷ്ട്രീയ തന്ത്രങ്ങളും, മാഫിയകളുടെ സ്വാധീനവും - അങ്ങനെ പലതിലും നമ്മൾ അവരോടൊപ്പമാണ് . ചില കാര്യങ്ങളിൽ വളരെ മുൻപിലും
By: ഉണ്ണി മാധവൻ 06/06/2017
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക