==="കഥ" - നാം കാത്തിരുന്ന വിപ്ലവം====
"നല്ലെഴുത്ത്.കോം, തുടങ്ങുമ്പോൾ ഏറ്റവും പ്രാധാന്യം കൊടുത്ത ഒരു ലക്ഷ്യമുണ്ട് . നല്ലെഴുത്തിനൊപ്പം നിൽക്കുന്ന, നല്ല കഴിവുള്ള എഴുത്തുകാരെ ഓൺലൈൻ മീഡിയക്ക് പുറമെ , പ്രിന്റഡ് പബ്ലിഷിംഗ് മേഖലയിലേക്കു കൂടി കൈപിടിച്ചുയർത്തണം. ഓൺലൈൻ എഴുത്തുകാരെ പടിക്കു പുറത്തു നിർത്തുന്ന ശീലമുള്ള സ്ഥലത്ത് ഇതത്ര എളുപ്പമല്ലെന്ന് അധികം വൈകാതെ ഞങ്ങൾക്ക് ബോധ്യമായി.
"നല്ലെഴുത്തുകൾ " എന്ന രചനാ സമാഹാരം, അൻപത്തിയൊന്നു രചയിതാക്കളെ പ്രോത്സാഹിപ്പിക്കുക എന്ന ലക്ഷ്യത്തോടെയാണ് പുറത്തിറക്കിയത് . അതിനു വേണ്ടി പരിശ്രമിച്ചപ്പോഴാണ്, ഓൺലൈൻ എഴുത്തുകാർക്ക് മലയാള സാഹിത്യത്തിലെ സ്ഥാനക്കുറവ് പിടികിട്ടിയത് .
മികച്ച രചനകളായിരുന്നിട്ടുകൂടി പ്രസിദ്ധീകരിക്കാൻ പല പ്രമുഖ പ്രസിദ്ധീകരണശാലകളും വിസമ്മതിച്ചു. വളരെ വിഷമം തോന്നിയ സന്ദർഭം. സന്തോഷ് ഏച്ചിക്കാനത്തിൻ്റെ പ്രസ്താവന കൂടി വായിച്ചുകണ്ടപ്പോൾ കാര്യങ്ങളുടെ ഏകദേശ രൂപം മനസ്സിലായി
മികച്ച രചനകളായിരുന്നിട്ടുകൂടി പ്രസിദ്ധീകരിക്കാൻ പല പ്രമുഖ പ്രസിദ്ധീകരണശാലകളും വിസമ്മതിച്ചു. വളരെ വിഷമം തോന്നിയ സന്ദർഭം. സന്തോഷ് ഏച്ചിക്കാനത്തിൻ്റെ പ്രസ്താവന കൂടി വായിച്ചുകണ്ടപ്പോൾ കാര്യങ്ങളുടെ ഏകദേശ രൂപം മനസ്സിലായി
കുറേ ലൈക്കുകളും കമ്മെന്റുകളും കിട്ടി അതിൽ സന്തോഷമടഞ്ഞു തീർന്നു പോകേണ്ടതല്ലാത്ത നിരവധി എഴുത്തുകാർ ഓൺലൈൻ മേഖലയിലുണ്ട് . ഗ്രൂപ്പുകളിലും പ്രൊഫൈലുകളിലും ഒക്കെയായി ധാരാളം രചനകൾ വരുന്നതിനാൽ, ചർച്ച ചെയ്യപ്പെടുന്നവ , അഥവാ ദീഘകാലം ഓർത്തിരിക്കപ്പെടുന്നവ വളരെക്കുറവാണ് .
"Bridging the gap" - എന്ന ചിന്തയിലേക്ക് ഞങ്ങളെത്തിയത് ഇതിനാലാണ് . ഓൺലൈൻ എഴുത്തുകാർ മുഖ്യധാരാ മാധ്യമങ്ങളിലും അറിയപ്പെട്ടാൽ അതൊരു വിപ്ലവത്തിനു തന്നെ തുടക്കമിട്ടേക്കുമെന്ന് ഞങ്ങളുറച്ചു വിശ്വസിച്ചു .
"Bridging the gap" - എന്ന ചിന്തയിലേക്ക് ഞങ്ങളെത്തിയത് ഇതിനാലാണ് . ഓൺലൈൻ എഴുത്തുകാർ മുഖ്യധാരാ മാധ്യമങ്ങളിലും അറിയപ്പെട്ടാൽ അതൊരു വിപ്ലവത്തിനു തന്നെ തുടക്കമിട്ടേക്കുമെന്ന് ഞങ്ങളുറച്ചു വിശ്വസിച്ചു .
ഈ അവസരത്തിൽ "കലാകൗമുദി ", ഗൾഫ് മേഖലയിലെ ദിനപ്പത്രങ്ങൾ എന്നിവർ നിലപാടിൽ നല്ല രീതിയിൽ അയവു വരുത്തി. നല്ലെഴുത്തിലെ പല രചയിതാക്കളുടെയും രചനകൾ ആഴ്ചപ്പതിപ്പിലൂടെയും, ദിനപ്പത്രങ്ങളിലൂടെയും അച്ചടിച്ചു വന്നു . (അതൊക്കെ പലപ്പോഴായി പല പോസ്റ്റുകളിലൂടെ ഇവിടെത്തന്നെ നേരത്തെ അറിയിച്ചിട്ടുണ്ട്)
ഇന്ന് ഈ വിപ്ലവം മുൻപോട്ടു കൊണ്ടുപോകാൻ സധൈര്യം മുന്നോട്ടു വന്നിരിക്കുകയാണ് കലാകൗമുദി ഗ്രൂപ്പിൻ്റെ "കഥ " മാസികയും അതിന്റെ അണിയറക്കാരും . സാഹിത്യ രംഗത്ത്, "കഥ " മാസിക ഒരു പുതിയ ചരിത്രം രചിക്കുകയാണ് . നാനൂറാമത് ലക്കത്തിൽ എത്തി നിൽക്കുമ്പോൾ "കഥ " സ്വീകരിച്ച ഈ നിലപാടിന് അണിയറപ്രവർത്തകരോട് നന്ദി പറയുന്നു .
കഴിഞ്ഞ രണ്ടു ലക്കങ്ങളിലും ധാരാളം പുതിയ എഴുത്തുകാരെ / ഓൺലൈൻ എഴുത്തുകാരെ കഥ പരിചയപ്പെടുത്തുകയുണ്ടായി . ഓരോ ലക്കത്തിലും പുതിയ നല്ലെഴുത്തുകാരെ പ്രോത്സാഹിപ്പിക്കും എന്ന വാക്കു പാലിക്കുകയാണ് "കഥയുടെ അമരക്കാർ .
ഈ വിപ്ലവത്തിൽ നമ്മളും പങ്കെടുക്കുക . കൂടുതൽ ഓൺലൈൻ രചയിതാക്കൾ ഇവ്വിധത്തിൽ അറിയപ്പെടട്ടെ. സ്വന്തം സാഹിത്യം ഇവിടെ രേഖപ്പെടുത്തിക്കാണണമെന്നു താല്പര്യമുള്ള ഓൺലൈൻ എഴുത്തുകാർ, "കഥ" മാസികയെ , അവരുടെ ഈ ഉദ്യമത്തെ പിന്തുണക്കുക.
Subscription എടുത്തും, സജീവമായി കഥയ്ക്ക് നിർദ്ദേശങ്ങൾ നൽകിയും അതൊരു മികച്ച സാഹിത്യ മാസികയായി വളർത്തുക . "കഥ "യുടെ ഈ വിപ്ലവം ബാക്കി പ്രസിദ്ധീകരണങ്ങൾക്കു കൂടി പ്രചോദനമാവട്ടെ .
നല്ലെഴുത്തിലെ സജീവ അംഗങ്ങൾ Subscription എടുക്കുക. തങ്ങളുടെ രചനകൾ പ്രസിദ്ധീകരിച്ചു കാണാൻ താൽപ്പര്യം ഉണ്ടെങ്കിൽ, nallezhutheditor@gmail.com എന്ന ഈമെയിലിൽ അയച്ചാൽ, "കഥ" യിലേക്ക് അയച്ചു കൊടുക്കുന്നതാണ്.
അത്യന്താധുനിക സാഹിത്യം ഒന്നുമല്ലെങ്കിലും, വായനാ സുഖം ഉണ്ടായിരിക്കണം. അക്ഷരത്തെറ്റുകൾ, വികലപ്രയോഗങ്ങൾ , അശ്ലീലം എന്നിവ ഒഴിവാക്കിയിരിക്കണം.
അത്യന്താധുനിക സാഹിത്യം ഒന്നുമല്ലെങ്കിലും, വായനാ സുഖം ഉണ്ടായിരിക്കണം. അക്ഷരത്തെറ്റുകൾ, വികലപ്രയോഗങ്ങൾ , അശ്ലീലം എന്നിവ ഒഴിവാക്കിയിരിക്കണം.
മറ്റെങ്ങും പ്രസിദ്ധീകരിക്കാത്ത രചനകൾ മാത്രം അയക്കുക .രചന അയയ്ക്കുമ്പോൾ, കൂടെ ഫോട്ടോയും ചെറു ജീവചരിത്രക്കുറിപ്പും അയയ്ക്കുക . എല്ലാം ഓപ്പൺ ഫയൽ ആയി മെയിലിൽ തന്നെ ഉൾപ്പെടുത്തി അയയ്ക്കുക .
"കഥ " വളരട്ടെ ...കഥയിലൂടെ നമുക്കും വളരാം.
നന്ദി -- ഉണ്ണി മാധവൻ
