നല്ലെഴുത്ത്

The biggest ever archive in Malayalam Literature. 2.5 crores pageviews, 14000+ creations, 2000+authors and adding on....

New Books

Post Top Ad

Your Ad Spot

==ശൂന്യം==


==ശൂന്യം==
കത്തിയെരിയും പ്രണയസൗധത്തിൻ്റെ
തെക്കിനി വിണ്ടുകീറുമ്പോൾ കരയുന്ന
മൗനരോഷത്തിൻ്റെ തപ്തനിശ്വാസമെൻ
ബോധമണ്ഡലം തച്ചുതകർക്കുന്നു.
സക്തസ്വപ്നങ്ങൾക്കിടയിലൂടന്നു ഞാൻ
വന്യമോഹങ്ങളെക്കൂർപ്പിച്ചു കുത്തവേ
ചിന്തിയ രക്തപുഷ്പങ്ങളിൽപിടഞ്ഞെന്തു
കേഴുന്നൂ ഹൃദയം,വിമൂകമായ്?
ഉച്ചിമീതെപറക്കുമുന്മാദിതൻ
ഛേദകാരകശീഘ്രനിശ്വാസങ്ങള്‍
ഉള്ളുലയ്ക്കും വ്രണിതഹൃദയത്തിൻ്റെ-
യുള്ളുനീറ്റും, മറുചിന്ത തിളക്കുമ്പോൾ
അഗ്നിപുഷ്പപരാഗം പൊഴിയുന്ന
ജന്മബന്ധന യാമത്തിലെത്രനാൾ
അസ്ഥിപഞ്ജരമായിക്കഴിഞ്ഞു ഞാൻ
മൃത്യു നേരമായ്, ഭിക്ഷ തേടുന്നിതാ.
===ഉണ്ണി മാധവൻ : 11/01/2017

No comments:

Post a Comment

ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക

Post Top Ad

Your Ad Spot