എന്റെ കവിത.നിസ്സംഗത.

എന്റെ കവിത.നിസ്സംഗത.
==================

നിതാന്തനിശ്ശബ്ദമീ ഘോരമരുഭൂവിൽ
ചിറകറ്റ ശലഭമായ് വെന്തുരുകീടവെ
തളരുമെൻമിഴികളൊരുമഴകാത്തുകഴിയുന്ന-
താരുമറിഞ്ഞീലവിജനമീ മണൽകാട്ടിൽ
ഇഴയുന്ന സമയമൊരുശാപനിമിത്തമായ്
നെഞ്ചിലുറയുമീവിങ്ങലിൽപങ്കുകാരില്ലാതെ
ഇനിയുമൊരു പിറവിക്ക് മോഹമില്ല
കാലമൊരശ്വമായ് അദൃശ്യമായ്പായുന്നു
പകലിരവുനിഴൽയുദ്ധമാടുമീവനികയിൽ
കാത്തുവെയ്ക്കുന്നുപാതയിൽവ്യഥകളാം
വിഴുപ്പുഭാണ്ഡങ്ങൾ മനുജന് മാത്രമായ്
അവനത് പങ്കിട്ടു തുല്യമായേകുന്നു ജീവൻ
തുടിക്കുന്നപ്രാണികൾക്കൊക്കെയും..

By

Nisa Nair