ഭാര്യ
---------
നീ പോകുന്നിടത്തേക്ക്
വീട് കൂടെ വരുന്നതെന്താണ്
എത്ര വെള്ളം തളിച്ചിട്ടും
തുളസിച്ചെടി
ഇലകുനിച്ചു നില്‍ക്കുന്നു.
ആര്‍ക്കോ വേണ്ടി പാതി വിടര്‍ന്ന തൊടിയിലെ പൂക്കളില്‍
പരാഗണം മറന്ന പൂമ്പൊടി
രതിസ്മൃതികള്‍ അയവിറക്കുന്നു.
വരാന്തയിലെ ടീപോയില്‍
ഒന്നാം പേജിനുള്ള പിടിവലിയുടെ സ്മരണയില്‍
ഉറക്കമാണ് പത്രം.
ചാനല്‍ മാറ്റാതിരിക്കാന്‍ നീ ഒളിപ്പിച്ച റിമോട്ട്
പിന്നെ ഞാന്‍ തിരഞ്ഞതേയില്ല.
മൗനം തളംകെട്ടി നിന്ന അടുക്കളയില്‍
അടുപ്പ്,അമര്‍ന്ന ചിത കണക്കെ
ചാരം മൂടി കിടക്കുന്നു...
തലയിണയില്‍
നീ അവശേഷിപ്പിച്ചു പോയ
തലനാരിഴയില്‍,
കണ്ണാടിച്ചുറ്റിലും
വിരിച്ചിട്ട സിന്ധൂരരേണുവില്‍,
വിയര്‍പ്പില്‍ നിന്നും ഊരിയെറിഞ്ഞ
ഉടുവസ്ത്രങ്ങളില്‍..
നിന്‍റെ പ്രണയം തുടിക്കുന്നു.
---------
നീ പോകുന്നിടത്തേക്ക്
വീട് കൂടെ വരുന്നതെന്താണ്
എത്ര വെള്ളം തളിച്ചിട്ടും
തുളസിച്ചെടി
ഇലകുനിച്ചു നില്‍ക്കുന്നു.
ആര്‍ക്കോ വേണ്ടി പാതി വിടര്‍ന്ന തൊടിയിലെ പൂക്കളില്‍
പരാഗണം മറന്ന പൂമ്പൊടി
രതിസ്മൃതികള്‍ അയവിറക്കുന്നു.
വരാന്തയിലെ ടീപോയില്‍
ഒന്നാം പേജിനുള്ള പിടിവലിയുടെ സ്മരണയില്‍
ഉറക്കമാണ് പത്രം.
ചാനല്‍ മാറ്റാതിരിക്കാന്‍ നീ ഒളിപ്പിച്ച റിമോട്ട്
പിന്നെ ഞാന്‍ തിരഞ്ഞതേയില്ല.
മൗനം തളംകെട്ടി നിന്ന അടുക്കളയില്‍
അടുപ്പ്,അമര്‍ന്ന ചിത കണക്കെ
ചാരം മൂടി കിടക്കുന്നു...
തലയിണയില്‍
നീ അവശേഷിപ്പിച്ചു പോയ
തലനാരിഴയില്‍,
കണ്ണാടിച്ചുറ്റിലും
വിരിച്ചിട്ട സിന്ധൂരരേണുവില്‍,
വിയര്‍പ്പില്‍ നിന്നും ഊരിയെറിഞ്ഞ
ഉടുവസ്ത്രങ്ങളില്‍..
നിന്‍റെ പ്രണയം തുടിക്കുന്നു.
-- പുരുഷു പാറോല്‍ -
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക