ഇവിടെ ഞാൻ തനിച്ചാണ് !! (നർമ്മകഥ )

ഇവിടെ ഞാൻ തനിച്ചാണ് !! (നർമ്മകഥ )
======== ========
''പാതിരാത്രി,
കിളികളെല്ലാം കൂടണഞ്ഞ നേരത്ത്,
എന്റെ ഇൻബോക്സെന്ന സിറ്റൗട്ടിൽ
എവിടെ നിന്നോ,
ഒരു കിളി പറന്ന് വന്നു,
അതും ഒരു മഞ്ഞക്കിളി, മഞ്ഞച്ചുരിദാറിൽ
മന്ദഹാസം തൂകി നില്ക്കുന്ന പെൺകിളി,

സി്റ്റൗട്ടിലെത്തിയ ചെല്ലക്കിളി കൊക്കുരുമി എന്നോടൊരു കിളിക്കൊഞ്ചൽ,
Hi. എന്ന്,
ഒരു അരിമണി എറിഞ്ഞ് കൊടുത്ത് ഞാനും ചോദിച്ചു,
Hai.
ആ അരിമണി കൊത്തി കൊക്കിലാക്കി കൊക്കിലൊതുങ്ങാത്ത ഒരു ചോദ്യം,

അറിയുമോ ?

അറിയില്ലാ എന്നു പറഞ്ഞാൽ കിളി പറന്ന് പോയാലോ എന്ന് വിചാരിച്ച് ഈയുളളവൻ പറഞ്ഞു,

അറിയും, ?

എങ്ങനെ അറിയും, ??

ഫേസ്ബുക്കിലെ ഫ്രണ്ട് ലിസ്റ്റിൽ ഈ മുഖം എത്രയോ തവണ കണ്ടിരിക്കുന്നു, !!

എന്നിട്ടെന്താ കൂട്ട് കൂടാൻ വരാഞ്ഞത്, ?? കിളിക്ക് ചെറിയ പരിഭവം, !!

സുന്ദരിമാർ റിക്വസ്റ്റ് നിരസിച്ചാൽ എനിക്ക് പനി വരും ,!!

പനിയോ, കിളിക്ക് ചിരി വന്നു,

അതെ, വെഷമം വന്നാൽ മേലാകെ പനിക്കും !! അതിരിക്കട്ടെ എവിടാ വീട്,?

തിരുവനന്തപുരം , പുജപ്പുര,

കല്ല്യാണം കഴിഞ്ഞതാണോ ?

അതെ, പതിനഞ്ച് വയസുളള മോളുണ്ട്, !!

കണ്ടാൽ പറയുകേലാട്ടോ,

താങ്ക്സ് അണ്ണാ,

ഹസ് എന്ത് ചെയ്യുന്നു,

ഇവിടില്ലാ, ഇവിടെ ഞാൻ തനിച്ചാ, അണ്ണാ !

എനിക്ക് സന്തോഷം, ഞാൻ കസേരയിൽ ഒന്നമർന്നിരുന്നു, എന്നിട്ട് ചോദിച്ചു,

ഹസ് പുറത്താണോ, ഗൾഫിൽ ?

അല്ല, അകത്താ ജയിലിൽ !!

ഞെട്ടിപ്പോയി ഈയുളളവൻ

ങെ, ജയിലിലോ, തമ്പുരാനെ (കുറ്റവാളീടെ മിസ്സീസാ ,ചാറ്റിംങ്ങ് തുടരണോ കുറ്റവാളീടെ ഭാര്യയുമായി നേരമല്ലാത്ത നേരത്ത് ചാറ്റുന്നതും, ചായുന്നതും കുറ്റകരമല്ലേ ??, ? ഞാൻ എന്നോട് തന്നെ ചോദിച്ചു, ) ,

എന്താ മിണ്ടാത്തേ , കിളി ചോദിച്ചു,

ഹേയ്, ഒന്നൂലാ, എത്ര വർഷമായി ഹസ് ജയിലിലായിട്ട്, ??

മോളുണ്ടായി ആറ് മാസമായപ്പോൾ ,ഇപ്പം പതിനാല് കൊല്ലമായി, !!

ഏത് ജയിലിലാ ?

പുജപ്പുര സെൻട്രൽ ജയിലിലാ

പടച്ചവനെ ഇത്രയും വർഷം ഈ സ്ത്രീ തനിച്ച്, ഒരാൺ തുണയില്ലാതെ, അപ്പം വീഴും ഒന്ന് മുട്ടി നോക്കാം, ആദ്യം സെന്റി യിൽ തുടങ്ങാം, ഇത്രയും വർഷം തനിച്ച് താമസിച്ച പെണ്ണല്ലേ ? സ്നേഹത്തിനായി ദാഹിക്കുന്നുണ്ടാകാം, സിറ്റൗട്ടിൽ ദാഹിച്ച് വന്ന കിളിയല്ലേ , ദാഹം മാറ്റി വിടാം, ആദ്യം ആശ്വസിപ്പിക്കാം, അങ്ങനെ തീരുമാനിച്ച് ഞാനെഴുതി,

''സത്യം പറഞ്ഞാൽ എനിക്ക് വിഷമമായി, നീണ്ട പതിനാല് കൊല്ലം , സങ്കടപ്പെടരുത്
ഒരാളും കുറ്റവാളിയായി ജനിക്കുന്നില്ല, എനിക്ക് ഒരുപാട് ഇഷ്ടമായി, ഈ നെഞ്ചിൽ കിടത്തി ആശ്വസിപ്പിക്കണമെന്നുണ്ട്, പക്ഷേ എന്തു ചെയ്യാം മോള് തിരുവനന്തപുരം കാരിയും ഞാൻ കാസർഗോഡുകാരനുമായി പോയില്ലേ , നമ്മുടെ ഇടയിൽ നല്ല നീളമുണ്ട്, എന്നാലും
മനസ് ഒരു ചാൺ അകലെയാണ് , ഹസ്സിനെ ഓർത്ത് ദുഃഖിക്കരുത്, ജയിലിൽ പണ്ടത്തെ പോലെയല്ല ഇപ്പം ''ചിരിച്ച കോഴിയും ചപ്പാത്തിയും കിട്ടും,'' (സോറി പൊരിച്ച കോഴിയും )എന്താവശ്യമുണ്ടേലും എന്നെ വിളിക്കണം ഫോൺ നമ്പർ തരാട്ടോ പൊന്നേ, !!

ഒരു മിനിറ്റ് നിശ്ചലം,
പിന്നെ കിളി എഴുതി,

അണ്ണനെന്തു വാ അണ്ണാ പറയണെ, എന്റെ ഹസ്സ് എന്ത് ചെയ്തെന്നാ ??

അല്ല, അത് ചോദിക്കാൻ മറന്നു, അങ്ങേര് എന്ത് കുറ്റമാ ചെയ്തത് ജയിലിലാകാൻ, !!?

ഒരു തെറ്റും ചെയ്തിട്ടില്ല അണ്ണാ !!

പിന്നെന്തിനാ ജയിലിൽ കിടക്കണെ ?

എന്റെ അണ്ണാ, ''ജയിൽ സൂപ്രണ്ടിന്റെ ജോലി ജയിലിലല്ലേ ,''
അല്ലാതെ പഞ്ചായത്തിലാണോ അണ്ണാ, !!??

ഹെന്റെ പടച്ചോനെ, അപ്പം നിങ്ങള് ജയിൽ സൂപ്രണ്ടിന്റെ ഭാര്യയാ ??

പിന്നല്ലാതെ മോളുണ്ടായപ്പം കിട്ടിയ ജോലിയാ അണ്ണാ, ആള് ഇപ്പം വരും, ഇവിടെ പുജപ്പുര ജയിലില്ലേ ജോലി, !

ഓകെ, പിന്നെ കാണാട്ടോ, ലേശം തിരക്കിലാണേ,

ഓകെ അണ്ണാ,
****
ഹൊ, ഒരൊടുക്കത്തെ അണ്ണൻ വിളി, മനുഷ്യനെ മെനക്കെടുത്താനായിട്ട് ഓരോ അവളുമാര് ഞാനിവിടെ തനിച്ചാണെന്നും പറഞ്ഞ് പാതിരാത്രി വന്നോളും, ' അണ്ണനാണു പോലും അണ്ണൻ, !!!!
=====
ഷൗക്കത്ത് മെെതീൻ,
കുവെെത്ത്,!!