---യക്ഷീ സമക്ഷം---

മഴയുടെ കിതപ്പൊടുങ്ങിയ ഗന്ധം,
മഴവേരുകൾ വരച്ച മൺകോലങ്ങളിൽ
നെയ്ത്തിരി തൻ വർണ്ണ രേഖകൾ. 
ഏഴിലംപാല കാറ്റിലൊന്നുലഞ്ഞു.
പൊഴിഞ്ഞു വീണ സ്നേഹകണങ്ങളുടെ
കുളിരിൽ ആത്മാവിൻ്റെ മൃദു മന്ത്രണം.
എവിടെയായിരുന്നിത്ര നാൾ....
ധമനികളിൽ ധന്യമേളം
ഭ്രാമരവേഗത്തിൻ്റെ ഉന്മാദം
ഒടുവിലെൻ്റെ പ്രണയവും പ്രപഞ്ചവും
നിയതിയുടെ നല്ലോലകളിൽ എഴുതട്ടെ,
ചലനമറ്റ ഓർമ്മകളും, ചില സ്വപ്നങ്ങളും.

ഉണ്ണി മാധവൻ
12.01 am - 12/12/16