നല്ലെഴുത്തുകൾക്ക് ലഭിച്ച അംഗീകാരങ്ങൾ

നല്ലെഴുത്ത് തുടങ്ങിയ കാലത്ത് ഇൻബോക്സിൽ വന്ന ഒരു സാഹിത്യ പ്രമുഖൻ വളരെ മോശമായി സംസാരിക്കുകയുണ്ടായി . മലയാള സാഹിത്യത്തിന് ഓൺലൈൻ ഗ്രൂപ്പുകൾ ഒരു ഭീഷണിയാകുന്നു എന്നായിരുന്നു അദ്ദേഹത്തിന്റെ വാദം . ചില കാര്യങ്ങളോട് ഞങ്ങൾക്കും യോജിപ്പുണ്ടായിരുന്നു . ശ്രദ്ധയില്ലാതെ എഴുതിത്തളളുന്നവ സാഹിത്യത്തിന് ഒട്ടും ഗുണം ചെയ്യില്ല. ഇതിനെത്തുടർന്ന് നല്ലെഴുത്തിൽ ചില ക്രമീകരണങ്ങൾ ഉണ്ടാക്കി . അംഗങ്ങളുടെ എണ്ണത്തിൽ ശ്രദ്ധ കൊടുക്കാതെ ഏതാനും ചില എഴുത്തുകാരെ ഫോക്കസ് ചെയ്യുകയും പോസ്റ്റുകളുടെ നിലവാരത്തിൽ അൽപ്പം കൂടി ശ്രദ്ധ കാട്ടുകയും ചെയ്തു .

അതിന്റെയൊക്കെ ഫലമാവാം , ഇന്ന് മുൻനിര മാധ്യമങ്ങൾ നല്ലെഴുത്തിനോട് വളരെ സൗഹാർദ്ദപരമായ സമീപനം കാണിക്കുന്നത് . നല്ലെഴുത്തിന്റെ റിവ്യൂവിൽ ശ്രീ രാമഭദ്രൻ സർ ആദ്യമായി "ചൂരൽക്കഷായം" കൊടുത്ത സജീവ അംഗമായ ശ്രീ . രാജീവ് സോമരാജിൻ്റെ ( Rajeev Somaraj) കവിത കലാകൗമുദിയിൽ അച്ചടിച്ചു വന്നിരിക്കുന്നത് ഞങ്ങൾക്ക് വളരെ സന്തോഷം നൽകുന്നു . ചിത്രം കാണുക

തീരുന്നില്ല, നല്ലെഴുത്തുകൾക്ക് ലഭിച്ച അംഗീകാരങ്ങൾ - ശ്രീ . ജയാ രാജൻ്റെ ( Jaya Rajan) സ്ഫടികദർശനം എന്ന കഥ മാതൃഭൂമി /ക്ലബ് FM പതിപ്പിലും , അതെ പതിപ്പിൽ തന്നെ ശ്രീ രാമചന്ദ്രബാബുവിൻ്റെ ( https://www.facebook.com/rmorazha) കവിതയും, ഉണ്ണി മാധവന്റെ (https://www.facebook.com/unnymadhavan ) കഥ കലാകൗമുദിയിലും, ശ്രീ ബഷീർ വാണിയക്കാടിന്റെ ( Basheer Vaniyakad) പെൺകരുത്ത് എന്ന കഥ ബഹ്‌റൈൻ 4pm ദിനപത്രത്തിൽ അച്ചടിച്ചു വന്നതും വളരെ പ്രോത്സാഹജനകമാണ് .bignewslive.com, dailyhunt.com എന്നീ ഓൺലൈൻ മാധ്യമങ്ങൾ വിനീത അനിലിന്റെ ( Vineetha Anil) നല്ലെഴുത്തിൽ വന്ന രചനയെ പരിചയപ്പെടുത്തിയതും, പേരു വെക്കാതെയാണെങ്കിലും സഞ്ജു കാലിക്കറ്റിന്റെ ( Sanju Calicut) കഥ dailyhunt പ്രസിദ്ധീകരിച്ചതും നല്ലെഴുത്തുകളുടെ അംഗീകാരമായി ഞങ്ങൾ കാണുന്നു .

എഴുത്തുകാരോട് :

നിലവാരം ഉയർത്തുക, ശ്രദ്ധയോടെ ആത്മാർത്ഥതയോടെ എഴുത്തിനെ സമീപിക്കുക - അംഗീകാരങ്ങൾ നിങ്ങളെ തേടിവരും

എല്ലാ മാധ്യമങ്ങൾക്കും നല്ലെഴുത്തിന്റെ പേരിൽ നന്ദി പ്രകാശിപ്പിക്കുന്നു . എഴുത്തുകാർക്ക് അനുമോദനങ്ങൾ . മാന്യ വായനക്കാർക്ക് നല്ലെഴുത്തിന്റെ സാദര പ്രണാമം