ഒരു സംഭാഷണം ! (നർമ്മ ഭാവന )

ഹലോ ___ടീം നല്ലെഴുത്തിന്റെ ഓഫീസല്ലേ, ??

അതെ അതെ അതെ , ആരാണ്, ??

ഒരതെ '' മതി സാർ,

എന്നാൽ ഒരതെ, ആരാണ് ??

ഒരു പ്രവാസിയാണേ,

അതു ശരി, ആദിവാസികളും നല്ലെഴുത്ത് വായിക്കുന്നുണ്ടോ, സന്തോഷം,!! ആട്ടെ, ഏത് ആദിവാസി മൂപ്പനാ !!!

എന്റെ സാറെ ആദിവാസിയല്ല, പ്രവാസി പ്രവാസി , പി ആർ ഏ വാസി, !!

അയ്യോ, സോറീട്ടോ, ഞാൻ കേട്ടത് മാറി പോയതാ, ! ഓ ,വിമാനത്തെ കേറി കൂലിപ്പണിക്ക് പോകുന്നവരല്ലേ ഈ പ്രവാസീന്ന് പറയണ ആളുകൾ !!

തന്നെ തന്നെ, !!

ആരാന്ന് പറഞ്ഞില്ലല്ലോ ??

ഞാൻ ചവറ ചാക്കോച്ചൻ,

മെെഗോഡ് നല്ലെഴുത്തിൽ സ്ഥിരമായി ഹാസ്യ കഥകളെഴുതുന്ന ചവറാണോ ??

ചവറല്ല, ചാക്കോച്ചൻ ചവറ,!!

ഓകെ അവിടെ എന്തൊക്കൊയുണ്ട് ??

ഇവിടെ എല്ലാമുണ്ട് കാശ് മാത്രമില്ലാ, സാറെ ഞാനൊരു പ്രത്യേക കാര്യം പറയാനാ വിളിച്ചത്, ??

എന്താണ് പറഞ്ഞോളൂ,!

നല്ലെഴുത്തിൽ സ്ഥിരമായി പോപ്പുലറാകുന്ന എഴുത്ത്കാരില്ലേ,??

ഉണ്ട്, ലക്ഷക്കണക്കിനാളുകൾ വായിച്ച പോസ്റ്റുകൾ ഞങ്ങൾ പോപ്പുലർ പട്ടികയിൽ പെടുത്താറുണ്ട്, എന്താ പ്രശ്നം, !!

സാറെ , എനിക്കൊരു നിർദ്ദേശമുണ്ട് !!

പറഞ്ഞോളൂ,

അവരുടെ പോസ്റ്റുകൾ അപ്രൂവ് ചെയ്യും മുമ്പ് ആ വിവരം മറ്റുളള എഴുത്തുകാരെ അറീക്കണം, !!

അതെന്തിനാടോ, അങ്ങനെയൊരു നിയമം നല്ലെഴുത്തിലില്ല,!

അങ്ങനെ വേണം സാർ,

അത്‌ കൊണ്ടെന്താടോ ഗുണം ?

അല്ല അങ്ങനെയൊരു അറിയിപ്പ് ലഭിച്ചാൽ എന്നെപ്പോലുളളവർക്ക് ആ ദിവസം പോസ്റ്റണ്ട, ആ തിരക്കിനിടയിൽ ഇടിച്ച് നിക്കാണ്ട,
സിംപിളായി പറഞ്ഞാൽ,
മോഹൻലാലിന്റെ സിനിമ റിലീസ് ചെയ്യുന്ന ദിവസം സന്തോഷ് പണ്ഢിറ്റിന്റെ സിനിമയ്ക്ക് ആള് കേറുമോ സാറെ !!!!

ടീം നല്ലെഴുത്ത് = 👅👅👅👅!!!!

===============
ഷൗക്കത്ത് മെെതീൻ,
കുവെെത്ത്,!!
================