********************
അവരെന്ന പരിഹസിച്ചു...
തെറി വിളിച്ചു...
കുടിപ്പിച്ചവരെന്നെ പുളിച്ചവീഞ്ഞ്
എൻശിരസ്സിൽ മുൾക്കിരീടം ചൂടി
*
അവരുടെ ചോദ്യം:
ഇവനാണോ കവികളുടെ രാജാവ് ?
ഇവനാണോ കഥാകാരുടെ കഥാകാരൻ ?
പേനയും കടലാസും എൻനേരെ
തന്നിട്ടവർ മൊഴിഞ്ഞു:
നീ എഴുത്തുകാരനാണെങ്കിൽ -
എഴുതടാ.... കഥയും കവിതയും!
വിറയ്ക്കും കരങ്ങളാലെനിക്കു
എഴുതാൻ കഴിഞ്ഞില്ല...
*
കള്ളൻ..... നുണ പറയുന്നോ..
അവരെന്റെ കരണത്തടിച്ചു..
അവരെന്റെ മുഖത്താഞ്ഞു തുപ്പി..
അവരെന്നെ കുരിശിലേറ്റി...
ഞാൻ പ്രാർത്ഥിച്ചു :
കർത്താവേ ഇവരോടു പൊറുക്കേണമേ..!
*******************************************
എം. എം. ഡി.
25-12-2016
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക