ജീവിത തീവണ്ടി

ജീവിത തീവണ്ടി
****************

ഓടുന്ന തീവണ്ടി,
ഓടിക്കയറുന്ന ജീവിതങ്ങൾ!
ഓട്ടത്തിലെന്തൊക്കെയോ വീണുടയുന്നു;
ഓടുന്ന തെങ്ങോട്ട് ?
ഓട്ടത്തിന് ലക്ഷ്യമുണ്ടോ?
ഓടിക്കയറുന്നവൻ തൻ ദൃഷ്ടിതെറ്റുന്നു;
ഓടാനുള്ള പാദങ്ങളിലൊന്നറ്റുപോയി;
ഓടുവാൻ വയ്യ!
ഓടിക്കയറിയതെന്തിനെന്നു ചോദിച്ചവർ
ഓടിക്കയറിയതുകൊണ്ടല്ലേയെന്ന്.
ഓടുന്ന ജീവിതത്തിൽ;
ഓടാതിരിക്കാനാവില്ലല്ലോ.
ഓടുന്നജീവിതവണ്ടി,
ഓടിവരാത്തവനെ കാത്തിരിക്കില്ല.
ഓടിയതെന്തിനെന്നു ചോദിച്ചവർ;
ഓടിക്കൊണ്ടേയിരുന്നു,
ഓടിവരുന്നവനെ തട്ടിയിട്ടു.
ഓടുന്നവനാർത്തിയാലന്ധത.
ഓടുമ്പോൾ ഒന്നായിട്ടോടേണ്ടേ!
ഓടുമ്പോൾ കാണേണ്ടേജീവിതങ്ങളെ !
ഓട്ടത്തിനിടയിലെന്തുകാണാൻ
ഓടുന്നജീവിതത്തോടൊപ്പം ,
ഓടുന്നവനെന്തു കേൾക്കാൻ!
ഓടുന്നവനെന്തിനു കാണണം വേദനകൾ,
ഓടുന്ന ജീവിതതീവണ്ടിയിൽ,
ഓടിക്കയറേണ്ടതല്ലേ.
ഓട്ടത്തിനിടയിൽ കാൽവഴുതിയാൽ,
ഓടിവരുന്നവൻ തട്ടി മാറ്റും.
ഓടുന്ന ജീവിതതീവണ്ടിയിൽ
ഓടിക്കയറിയാലേ രക്ഷയുള്ളൂ.
ഓടാത്തവനെയാർക്കു വേണം;
ഓടിക്കോ, ഓടിക്കോ..
ഓട്ടത്തിനിടയിൽ വീണിടല്ലേ.

സജി വർഗീസ്.