നീലത്തിമിംഗലം

നീലത്തിമിംഗലം
................................
'രാഹുൽ.. വാട്ട് റബ്ബിഷ്... വാട്ട് ആർ യു ഡൂയിങ് ദെയ്ർ?..
പപ്പയാണ്.. എന്നെക്കണ്ടാൽ അപ്പോൾ വഴക്കുപറയണം പപ്പയ്ക്ക്..
ഇനി ഞാനൊന്നും ചെയ്തില്ലങ്കിൽകൂടെ..
'നതിങ് പപ്പാ.. ഐ വാസ് വാച്ചിങ് എ ഗെയിം ഷോ.. '
'ഷട്ട് ഇറ്റ് നൗ.. ആൻഡ് ഗോ റ്റു യുവർ സ്റ്റഡി റൂം.. ഐ സെ.. '
ഭാഗ്യം പപ്പയ്ക്ക് ഒരു ഫോൺ വന്നു.. ഇല്ലെങ്കിൽ ബാക്കികൂടെ കിട്ടിയേനെ..
പപ്പാ അങ്ങനെയാണ്.. ഭയങ്കര സ്നേഹമൊക്കെയാണെങ്കിലും പെട്ടെന്ന് ചൂടാകും
മമ്മി നേരെതിരിച്ചും.. മമ്മിക്ക് സ്നേഹമുണ്ടോന്നു ചൂഴ്ന്നുനോക്കണം..
രണ്ടുപേരും ഒരുപാട് സ്ട്രിക്ട് ആണ്
പലപ്പോഴും പറയുന്നത് കേട്ടിട്ടുണ്ട്..
'അവനൊരാളല്ലേയുള്ളൂ.. സ്നേഹിക്കണം.. അവനറിയാതെ.. ശാസിക്കണം..എല്ലാത്തിലും ഒരു കണ്ണുവേണം
ഇത് പത്താം ക്ലാസ് ആണ്.. സ്റ്റഡി കൂടുതൽ ശ്രദ്ധിക്കണം..'
പക്‌ഷേ.. ഇവര്‌രണ്ടുപേരും തന്നേ സ്നേഹിക്കുന്നുണ്ടോന്നാ തന്റെ സംശയം
പപ്പാ ഒരു മൾട്ടി നാഷണൽ കമ്പനിയിൽ സീനിയർ എക്സിക്യൂട്ടീവ്.. മമ്മി മൊബൈൽ കമ്പനിയിൽ കസ്റ്റമർ കെയർ എക്സിക്യൂട്ടീവ്.. രണ്ടുപേർക്കും അവരവരുടെ ടാർഗറ്റ്.. ബിസിനസ്.. മന്ത്‌ലി ടേൺ ഓവർ.. പിന്നെന്തൊക്കെയോ?
രാവിലെ ഇറങ്ങിപ്പോകുന്ന അവർ തിരിച്ചെത്തുമ്പോഴേക്കും രാത്രിയുടെ പകുതി ആയിരിക്കും.. ഓഫീസ്.. പിന്നെ ക്ലബ്.. പാർട്ടികൾ..
വീണ്ടും അടുത്തദിവസം രാവിലെ ഇതുതന്നെ..
ഇടയ്ക്ക് പഠിത്തമൊക്കെ ശരിയാണോന്നു നോക്കും.. അത്രതന്നെ !

പിന്നൊരു ഗുണമുണ്ട്.. എന്തുപറഞ്ഞാലും അപ്പോൾത്തന്നെ വാങ്ങിത്തരും..
അങ്ങനെയാണ് ഒരു ഐ ഫോൺ വാങ്ങിത്തന്നത്.. കഴിഞ്ഞ ബർത്ത് ഡേയ്ക്ക്.. രണ്ടുമാസമേ ആയുള്ളൂ.. അതിനിടയിൽ താനതിന്റെ ഓപ്ഷൻസ് മുഴുവൻ കാണാപ്പാഠമാക്കി. എന്താ ഒരു ഫോൺ?
ഒരു സിമ്മും അതിൽ നെറ്റും പപ്പാ തന്നെയാണ് കണക്ട് ചെയ്തുതന്നത്..
അവർക്ക് താനെവിടെയാണെന്നറിയാൻ ഒരുപാധി..
എങ്കിലും അതൊരു നിധിയാണ്.. എന്തൊക്കെ ഗേമുകൾ.. കളിച്ചുമടുക്കും.. തന്റെ കൈയിലില്ലാത്ത ആപ്പുകളും ഗെയിമുകളും ഇല്ലാ എന്നുതന്നെവേണം പറയാൻ.. കൂട്ടുകാരുടെയൊക്കെ ഇടയിൽ അതുകൊണ്ടുതന്നെ ഒരു ഹീറോ പരിവേഷമുണ്ട്..
കഴിഞ്ഞ ആഴ്ച ഒരു ഗെയിം ഡൌൺലോഡ് ചെയ്തു..
ഹോ ! എന്താ ഗെയിം.. ?
'ബ്ലൂ വെയ്ൽ.. ഓരോ സ്റ്റെപ്പിലും ഇത്രയും ഇന്ററസ്റ്റിംഗ്.. ഒറ്റയ്ക്കേ കളിക്കാൻ പാടുള്ളു.. ആകെ പതിമൂന്നു പടികൾ..
ഓരോ പടികളും കയറുമ്പോൾ അവർ ഓരോ ടിപ്സ് തരും.. നമ്മളോട് ഓരോ ചോദ്യങ്ങൾ ചോദിക്കും..
ആദ്യത്തെ ചോദ്യം എന്തായിരുന്നു.. ഓ യെസ്.. നീ ആരാണ്? ഞാൻ രാഹുൽ.. അതല്ല.. ഈ ലോകത്ത് നിന്റെ അസ്തിത്വം? അങ്ങനൊക്കെ ചോദിച്ചാൽ ? അറിയില്ലല്ലേ? അതു കണ്ടുപിടിക്കാതെ മനുഷ്യനായി ജീവിച്ചിട്ടെന്തുകാര്യം?
പിന്നെ ചോദിച്ചു; അടുത്ത സ്റ്റെപ്പിൽ.. നീ ഒറ്റയാണോ? നിനക്ക് കൂട്ടുണ്ടോ? നിന്നെ മാതാപിതാക്കൾ സ്നേഹിക്കുന്നുണ്ടോ? അവരെപ്പോഴും ലാളിക്കാറുണ്ടോ? നീ അവരുടെ അരുമയാണോ? പലതിനും നോ എന്ന മറുപടി കൊടുക്കേണ്ടിവന്നപ്പോൾ സ്വയം ലജ്ജ തോന്നിയിരുന്നു.. ഞാനൊറ്റയ്ക്കല്ലേ? എനിക്കാരുണ്ട്? ആരെങ്കിലും എന്നെ സ്നേഹിക്കുന്നുണ്ടോ? ഇതിനൊക്കെ ഉത്തരങ്ങൾ തേടിയൊരു യാത്രയിലായിരുന്നു കഴിഞ്ഞ ദിവസങ്ങൾ.. ഓരോ സ്റ്റെപ്പിലും നമ്മളുടെ ഹൃദയവികാരങ്ങൾ മാറിക്കൊണ്ടിരിക്കും.. പലപ്പോഴും വിഷമം തോന്നിയിട്ടുണ്ട്.. അപ്പോഴൊക്കെ അവർ സമാശ്വസിപ്പിക്കും.. അവസാന സ്റ്റെപ്പിൽ നിനക്കായൊരു സർപ്രൈസ് ഞങ്ങൾ ഒരുക്കിവെച്ചിട്ടുണ്ട്.. അതോടെ നീ സന്തോഷവാനാകും. നീ പിന്നെ ഒറ്റയ്ക്കാകില്ല ഒരിക്കലും.. നിന്നെ ഇന്നേവരെ സ്നേഹിക്കാത്തവര്പോലും അന്നുനിന്നെ സ്നേഹിക്കും.. നീ എല്ലാവര്ക്കും ഇഷ്ടപ്പെട്ടവനാകും...
നീ അമരത്വം കൈവരിക്കും? അറിയാമോ അമരത്വം ദേവകൾക്കുമാത്രമുള്ളതാണ്.. നിന്റെ യാത്ര അവിടേക്കാണ്? ക്യാൻ യു ഇമാജിൻ സച് എ ലവ്‌ലി തിങ് എവർ? നോ.. ഐ വാണ്ട് റ്റു ബി...
കൂട്ടുകാർക്കൊക്കെ വാതോരാതെ ഗേമിനെക്കുറിച്ചു പറഞ്ഞുകൊടുത്തു.. എല്ലാവരും ത്രില്ലിലാണ്.. ആരൊക്കെയോ ഡൗൺലോഡ് ചെയ്തിട്ടുണ്ട്.. പക്‌ഷേ ആദ്യം ഞാൻ തന്നെയാവും വിജയിക്കുക.
ഇന്നാണ് ലാസ്റ്റ് സ്റ്റെപ്.. പതിമൂന്നാമത്തെ.. ഇന്നറിയാം എന്ത് സർപ്രൈസ് ആണവർ തനിക്കുവേണ്ടി കരുതിവച്ചിരിക്കുന്നത് എന്ന്..
അതൊന്നു കളിക്കാമെന്നു കരുതിയപ്പോഴാ തലവേദനയാണെന്നു പറഞ്ഞു പപ്പാ കയറിവന്നത്.. നശിപ്പിച്ചു.. ഒരു മണിക്കൂർ ഉണ്ട് ഗെയിം.. ഇനി പപ്പാ ഉറങ്ങുവാൻ കയറിയാലേ കളിക്കാൻ പറ്റൂ..
പപ്പയോട് മനുവിന്റെ വീട്ടിൽ പോകുവാണെന്നു പറയാം.. അതാ നല്ലത്.. കംബൈൻ സ്റ്റഡി..
ഹോ ! രക്ഷപെട്ടു... സമ്മതിച്ചു.
നേരെ ടെറസ്സിലേക്ക്.. പതിമൂന്നാം നിലയിൽനിന്ന് ടെറസ്സിലേക്ക് രണ്ടു ഫ്ലോറുകൾ മാത്രം.. ലിഫ്റ്റ് വേണ്ടാ.. സ്റ്റെപ്പുകൾ കയറിപ്പോകാം..
ഇവിടെ ആരും ശല്യത്തിനുവരികയില്ല..
ഈ മൂലയിലിരിക്കാം..
ഗെയിം ഓൺ ചെയ്തു..
സ്റ്റെപ് നമ്പർ 13 ..
ഹോ !
അതിനുമുൻപ് ചില ചോദ്യങ്ങൾ
നിങ്ങൾ നിങ്ങളുടെ ജീവിതത്തിൽ സന്തുഷ്ടനാണോ?.. വലിയവർക്കുള്ള ചോദ്യമാകും.. ഓപ്ഷൻസ് ഉണ്ട്.. ചുമ്മാ അല്ല എന്നമർത്തി. ആ സ്റ്റെപ്പ് കടക്കാതെ മുന്നോട്ടു പോകാനാവില്ല..
ഇപ്പോൾ നിങ്ങൾ എവിടെയാണ്?
ഓപ്ഷൻസ്.. ബെഡ് റൂം, കിച്ചൻ. സ്റ്റഡി............ ടെറസ് കാണുന്നില്ലല്ലോ.. ഓ യെസ്.. ഉണ്ടല്ലോ.
ടെറസ്സ്..
തനിച്ചാണോ ? യെസ്
സ്വപ്‌നങ്ങൾ കാണാറുണ്ടോ ? യെസ്
നിങ്ങൾക്ക് കാമുകിയുണ്ടോ ? ഓപ്ഷനിൽ മെയിൽ എന്ന് കൊടുത്തിരുന്നതുകൊണ്ടാണ് ഇങ്ങനൊരു ചോദ്യം..
യെസ് എന്ന് കൊടുത്താലോ? അതിനാരുമില്ലല്ലോ? പിന്നേ.. ലോകത്തിന്റെ ഏതോ കോണിലിരുന്ന് ആരോ ഉണ്ടാക്കിയ ഗെയിം. സത്യം പറഞ്ഞില്ലേൽ തല്ലിക്കൊല്ലത്തൊന്നുമില്ലല്ലോ... അല്ലെങ്കിൽ വേണ്ടാ. ഗെയിം ബ്ലോക്ക് ആയാലോ?
ഇല്ല.. വെരി ബാഡ്... ഉണ്ടായിരുന്നെങ്കിൽ നിങ്ങള്ക്ക് കിട്ടാൻപോകുന്ന സർപ്രൈസ് അവൾക്കും കാണാമായിരുന്നു..
സ്വപ്നങ്ങൾക്ക് ചിറകുമുളയ്ക്കുന്നത് കണ്ടിട്ടുണ്ടോ?
ഇല്ല..
നോട്ട് റ്റു വറി... യു ആർ ഗോയിങ് റ്റു എക്സ്പീരിയൻസ് ഇറ്റ്..
അടുത്ത അഞ്ചു സെക്കൻഡിൽ നിങ്ങൾ പറക്കുവാൻ പോകുന്നു.. സൂപ്പർമാനെപോലെ.. ബാറ്റ്മാനെപോലെ.. സ്പൈഡർമാനേപോലെ.. നിങ്ങൾക്ക് അമാനുഷികശക്തി കൈവരുവാൻ പോകുന്നു.. യു ആർ ബ്രില്ലിയൻറ് ഇനഫ് റ്റു ഹാവ് ഇറ്റ്..

മുന്നോട്ടു നടക്കൂ.. നടക്കുമ്പോൾ അഞ്ചുവരെ എണ്ണിക്കോളു... അഞ്ചെണ്ണിക്കഴിയുമ്പോൾ നിങ്ങൾ എഡ്ജിൽ ആയിരിക്കും.. താഴോട്ട് നോക്കുക.. താഴെ മനുഷ്യരും കാറുകളും മരങ്ങളുമെല്ലാം വളരെ ചെറുതായിക്കാണാം.. കാണുന്നില്ലേ? യെസ്
ഇനി സൂക്ഷിച്ചുനോക്കൂ.. താഴോട്ടല്ല.. തന്നിലേക്കുതന്നെ.. രണ്ടുകൈകൾ ചിറകുകളുടെ രൂപം കൈവരിക്കുന്നത് കണ്ടില്ലേ ? ഇനി ചിറകുകൾ വിടർത്തൂ.. അനന്തമായ ആകാശത്തേക്ക് നോക്കൂ.. കണ്ടില്ലേ? ബ്ലൂ വെയ്ൽ... നീലത്തിമിംഗലം.. ഇല്ല ഞാൻ നീല ക്‌ളൗഡ്‌സ് കാണുന്നുണ്ട്.. ഓക്കേ.. ഗുഡ്.. ഒരു കണ്ണ് ഫോണിലും ഒരു കണ്ണ് ക്‌ളൗഡ്‌സിലും.. നോക്കൂ ആ നീല ക്‌ളൗഡ്‌സ് എല്ലാം തിമിംഗലാകാരം പൂണ്ടിരിക്കുന്നു.. യെസ്.. ഞാൻ കാണുന്നു... ഗുഡ്..
ഗെയിം സ്റ്റാർട്ട്..
ബ്ലൂ വെയ്ൽ. നോക്കിക്കൊണ്ട് വലതുകാൽ മുന്നോട്ടു വയ്ക്കൂ.. നിങ്ങൾ പറക്കുവാൻ തുടങ്ങുകയാണ്.. ഇനി ഇടതുകാൽ.. യെസ്.. നിങ്ങൾ പറന്നുതുടങ്ങിയിരിക്കുന്നു..

പതിനഞ്ചു നിലകൾ പിന്നിട്ടുവന്ന രാഹുൽ അമരത്വം പൂകിയിരുന്നു..വാരിയെടുക്കുവാൻ പോലും ഒരു തരി മാംസം അവശേഷിക്കാതെ..
എന്താ ഗെയിം !

വേണു 'നൈമിഷിക'
(ഇതൊരു ഗെയിം തന്നെയാണോ എന്നുള്ളകാര്യത്തിൽ ഇപ്പോഴും സംശയം നിലനിൽക്കുന്നു.. ഞാൻ രചനയിൽ ഇതിനെ ഗെയിം ആയി കാണിച്ചിരിക്കുന്നു)