മിസ്സായിപ്പോയ ഉമ്മ..!!

മിസ്സായിപ്പോയ ഉമ്മ..!!

സമയം രാവിലെ എട്ടര

മോനെ സ്കൂൾ ബസ്സിൽ കയറ്റിവിട്ടു പ്രിയതമനു ഒരു കപ്പു ആവി പറക്കുന്ന ചായയുമായി ഭാര്യ എത്തി...

സൂ, എണീക്കു, ഇതാ ചായ
.......
നിശബ്ദത

സൂ................
ഉം

ഇതാ ചായാ ന്ന്

അവിടെ വെച്ചോ....
ഹും.... വേണമെങ്കിൽ എടുത്തു കുടി (ഇത് ഞാൻ മനസ്സിലേ പറഞ്ഞുള്ളു ട്ടോ!)

തിരിഞ്ഞു നടക്കാൻ തുടങ്ങിയ എൻ്റെ കയ്യിൽ എത്തിപ്പിടിച്ചു "ഇവിടെ കെടക്കെടീ..."

ഓരോ പണിയുണ്ട് സൂ... കിടന്നാൽ പിന്നെ ഉച്ചവരെ കിടന്നുറങ്ങി ന്നു പറയരുത് ട്ടോ...

അത് സാരല്യ... കുറച്ചു നേരം ഒക്കേ ഉറങ്ങാം..

അങ്ങനെ വിറച്ചു ചൂളുന്ന തണുപ്പിൽ നിന്നും അതി മൃദുലമായ ബ്ലാങ്കറ്റിനടിയിലേക്കു വലിക്കപ്പെട്ടു..

ആഹാ! എന്ത് സുഖം...

കണ്ണടച്ച് കിടന്നപ്പോ ആ നിമിഷം തന്നെ മയങ്ങിപ്പോയി!!

ഡീ... എണീക്കു... ഇതാ ഇലെക്ട്രിഷ്യൻ വന്നിട്ടുണ്ട്...

((ബെഡ് റൂമിലും കിച്ചനിലും ഉള്ള രണ്ടു ട്യൂബുകളും പണി മുടക്കിയിട്ട് ആഴ്ച രണ്ടായി... അന്ന് വിളിച്ച ഇലെക്ട്രിഷ്യൻ ഇപ്പോഴാണ് വരുന്നത് )

പണ്ടാരം... ഇയാൾക്ക് വരാൻ കണ്ട നേരം... ഞാൻ പ്രാകിക്കൊണ്ട് തിരിഞ്ഞു കിടന്നു... വീണ്ടും മയക്കത്തോട് മയക്കം.... കണ്ണ് തുറക്കാൻ വയ്യ...

മാഡം.. ഇതിന്റെ ചോക്ക് മാറ്റണം...

ഉം

മാറ്റണം മാഡം....

മാറ്റിക്കോ.... (ഞാൻ 100 അടിച്ച ശബ്ദത്തിൽ പറഞ്ഞു)

മാഡം....

ഉം.... (എന്റെ കുഴഞ്ഞ ശബ്ദം)

കണ്ണ് തുറക്കൂ മാഡം...

തുറക്കൂലെടാ *&%^*& (ഞാൻ മനസ്സിൽ പറഞ്ഞു)

ഞാൻ കണ്ണ് വലിച്ചു തുറക്കാൻ ശ്രമിച്ചു... വല്ലാത്ത ഒരു ക്ഷീണം... കൺ പോളകളിൽ ഭയങ്കര കനം വെച്ച പോലെ....

(((ജോസ് പ്രകാശിനെ പോലെ അയാൾ ഒരു ടെസ്റ്റർ കടിച്ചു പിടിച്ചു എന്നെ നോക്കുന്നു... ട്യൂബിനെ നോക്കുന്നു...
അയാളുടെ ചുണ്ടിൻറെ കോണിൽ ഒരു ഭീകര പുഞ്ചിരി വിടരുന്നു.... ഇതെല്ലം ഞാൻ അർദ്ധ നിമീലിത മിഴികളോടെ കാണുന്നു....)))

അയാൾ നാലു പാടും നോക്കുന്നു... പറ്റിയ അവസരം... ആരുമില്ല... ഒരു പെണ്ണ് സുഖ സുഷുപ്തിയിൽ ആണ്ടു കിടക്കുന്നു....
.........................

അല്ലെങ്കിൽ വേണ്ട.... അയാൾ തിരിഞ്ഞു നടക്കുന്നു....
വാതിൽ വരെ എത്തിയ ശേഷം ഒന്ന് തിരിഞ്ഞു നോക്കുന്നു....

ഹോ... കിട്ടിയ ചാൻസ് മിസ്സ് ആക്കണ്ട എന്നും പറഞ്ഞു അയാൾ ഓടി വന്നു എന്നെ ഇറുകെ കെട്ടിപ്പുണർന്നു...

ഞാൻ : ഇയാളെന്താ കാണിക്കുന്നേ....

ഒരു ഉമ്മ തരട്ടെ കരളേ.....

ഞാൻ ഒരു കണ്ണ് കഷ്ടപ്പെട്ട് തുറന്നു : ഏത് കരൾ???

അയാൾ : തരട്ടെ കരളേ....

സൂ,,, ഇയാളിതാ എന്തൊക്കെയോ പറയുന്നു....
സൂ... ഇങ്ങള് ഏടെ?
സൂ ... അയ്യോ.. ഇങ്ങള് പോയോ... എന്നോട് പറയാണ്ട് പോയോ!!!!!
ഇയാൾ എന്തൊക്കെയോ ചെയ്യുന്നു.... സൂ....
വാതിൽ അടക്കാതെയാണോ പോയത്....
ഇയാൾ എങ്ങനെ ഇവിടെയെത്തി....

കരളേ.... (അയാൾ വീണ്ടും))))

ഞാൻ അലറിക്കരഞ്ഞു.... സൂ.... സൂ... അയ്യോ....

.
.
.
.
ഡീ....
ആതീ....
ആതീ.... എണീക്കു... ഞാൻ പോയിട്ടില്ല.... നീ എന്തിനാ കരയുന്നെ?????

കരച്ചിൽ നിർത്തുന്നില്ല.... അയ്യോ സൂ...

ഡീ പോത്തേ... നീ ഒറങ്ങാണ്... ഒണര്....

കഷ്ടപ്പെട്ട് ഞാൻ കണ്ണ് വലിച്ചു തുറന്നു.. പുറകെ അരഗ്ലാസ്സ് വെള്ളവും മുഖത്തു വീണു...

ഞാൻ : അയാൾ പോയോ
സു : എയാൾ?

ഞാൻ : ജോസ് പ്രകാശ് ?
സു : ജോസ് പ്രകാശോ

ഞാൻ : അയാൾ എന്നെ കെട്ടിപ്പിടിച്ചു 😢
സു : ആര് : ജോസ് പ്രകാശോ??

ഞാൻ : അല്ല എലെക്ട്രിഷ്യൻ...
സു : ഹും! എലെക്ട്രിഷ്യൻ അല്ല.. ഡോക്ടർ...

ഞാൻ : ഡോക്ടറോ?
സു : അതെ... മെന്റൽ ഹോസ്പിറ്റലിലെ... നിനക്ക് അതാണ് വേണ്ടത്...
എന്തൊക്കെ പ്രാന്താണ് പറയുന്നത്...

എനിക്ക് വെളിവ് വീണു..ശ്ശൊ! സ്വപ്നമായിരുന്നോ... കുറെ കൂടി കമ്പിളിക്കുള്ളിലേക്കു ചുരുണ്ടു നോക്കി..
എങ്ങാനും ബാക്കി കൂടി കാണാൻ പറ്റിയാലോ!

എണീറ്റ് പോടീ.... അവളുടെ ഒരു സ്വപ്നം....

മിസ്സായിപ്പോയ ആ ഉമ്മയെ താലോലിച്ചു ഞാൻ പ്രാഞ്ചി പ്രാഞ്ചി അടുക്കളയിലേക്കു നടന്നു!

*****

(((ഇതിൽ കാൽഭാഗം സത്യവും ബാക്കി തള്ളുമാണ്... തമാശയായെടുക്കാൻ ആജ്ഞാപിക്കുന്നു 😇😅)))

Athira