കാഴ്ചകൾ

കാഴ്ചകൾ
************

അടുക്കള ജനാല തുറന്നവൾ
നീലാകാശത്തെ നോക്കി

നീലയല്ല ,
ആകാശം കറുത്തിരിക്കുന്നു
അവളുടെ ജീവിതം പോലെ..

പിന്നെയവൾ കുന്നിനെ നോക്കി
കുന്ന് മൊട്ടയായിരിക്കുന്നു..
അവളുടെ മോഹങ്ങൾ പോലെ..

അതുകഴിഞ്ഞവൾ പുഴയെ നോക്കി
പുഴയോ;
വറ്റി വരണ്ടിരിക്കുന്നു
അവളുടെ കണ്ണുകൾ പോലെ..

വീണ്ടും നോക്കാനിടമില്ലാതെയവൾ
ശൂന്യതയിലേക്കു നോക്കി
അവിടെയവൾ കണ്ടു മനസ്സിൻ്റെ ശൂന്യത..

അജിന സന്തോഷ്