സുമതി

സുമതി
------------------
സുമതി എന്ന് കേൾകുമ്പോൾ നിങ്ങൾക്ക് തോന്നും ഒരു കിളവിയാരിക്കൊന്നു.... അല്ലേ തോന്നും അതൊരു പഴഞ്ചൻ പേര് ആണെന്ന്‌... പക്ഷെ എന്റെ മനസ്സിൽ സുമതി കയറി കൂടിയിട്ട് കുറെ നാളുകൾ ആകുന്നു .... എന്നും രാവിലെ ഞാൻ ഓഫീസിൽ പോകുവാൻ ബസ്സ്‌ കാത്തു നിൽകുമ്പോൾ എന്റെ മുന്നിലൂടെ വേഗത്തിൽ കടന്നു പോകുന്ന സുമതി മനസ്സിൽ ആഴത്തിൽ തറഞ്ഞു പോയി..... അവൾ വളരെ വേഗത്തിൽ ആണ് എന്നെ കടന്നു പോകുന്നതെങ്കിലും രണ്ടു കണ്ണുകളും ചിമ്മി കൊണ്ട് ഒന്ന് തന്നെ നോക്കാറുണ്ടെന്നുള്ള സത്യം എനിക്കറിയാം ... സുമതിയ്ക്ക് എന്നെ ഇഷ്ടമാണെന്നാണ് തോന്നുന്നത് കാരണം സുമതിക്ക് ആരെയും വെറുക്കാൻ കഴിയില്ല... . ഒരു പക്ഷെ സുമതിയുടെ പിറകെ പതിവായി അവളുടെ ഒരു ബന്ധു കൂടിയായ രാജേഷ്‌ വരുന്നത് കൊണ്ട് മാത്രമാരിക്കും സുമതി തന്റെ അടുത്തു എത്തുമ്പോൾ അത്രയും വേഗത്തിൽ പോകുന്നത്...

ഇന്ന് ഞാൻ ഒരു കാര്യം ഉറപ്പിച്ചാണ് വിട്ടിൽ നിന്നും ഇറങ്ങിയത്‌... സുമതിയെ തടഞ്ഞു നിർത്തണും..... ബസ്സ്‌ സ്റ്റോപ്പിലേക്ക് വന്ന് സുമതിയുടെ വരവും നോക്കി ഞാൻ നിന്നു.... പതിവുപോലെ ആ സ്റ്റോപ്പിൽ ഞാൻ മാത്രമേ ഉണ്ടായിരുന്നുള്ളു... സുമതി വരുവാനുള്ള സമയമായി എന്റെ ഹൃദയം പടപടാ ഇടിക്കുവാൻ തുടങ്ങി... വളവിലേക്കു ഞാൻ നോക്കിയപ്പോൾ അതാ വളവു തിരിഞ്ഞ് സുമതി കുണുങ്ങി കുണുങ്ങി വരുന്നു.... പിന്നെ ഞാൻ ഒന്നും ചിന്തിച്ചില്ല റോഡിന്റെ നടുവിലായി കയറി നിന്നു... വളവു കഴിഞ്ഞതും സുമതിയുടെ വേഗം കൂടിയത് എനിക്ക് മനസ്സിലായി... ഞാൻ രണ്ടു കൈയും മുകളിലേക്ക് ഉയർത്തി നിന്നു.... എന്നെ തൊട്ടു തൊട്ടില്ലാന്നാ മട്ടിൽ സുമതി മുന്നിൽ വന്നു നിന്നു... ഞാൻ ഓടി പോയി സുമതിയുടെ അകത്തു കയറി... കണ്ടക്ടർ എന്തൊക്കയോ പിറുപിറുക്കുന്നുണ്ടാരുന്നു.... എന്റെ കാതിൽ അതൊന്നും കേട്ടില്ല വളവിന്റെ അപ്പുറത്ത് ഉച്ചത്തിൽ ഹോൺ മുഴകുന്ന... രാജേഷിന്റെ ശബ്ദം മാത്രമേ ഉണ്ടാരുന്നുള്ളു......

ഡിനുരാജ് വാമനപുരം