സ്ത്രീ അബലയല്ല ! തബലയാണ്...... എന്റെ മാളോരെ, ഞാനൊരു തലയണ ആണുട്ടോ. ന്റെ കഷ്ടകാലമെന്നു പറയേണ്ടു, ന്റെ കൂടെ കിടക്കണത് ഒരു പെണ്ണാ. ആ പെണ്ണിന് കണ്ണീരൊഴിഞ്ഞു നേരമില്ല. നനഞ്ഞു നനഞ്ഞു എനിക്കു പനിയും ഒഴിഞ്ഞ നേരമില്ല.
നിങ്ങളൊന്നു ആലോചിച്ചു നോക്കീന്ന്.
കെട്ട്യോന് പറ്റാത്തത് ഭാര്യ വീട്ടുകാർ ചെയ്താൽ അപ്പൊ തുടങ്ങും ഓളോട് പുച്ഛം, കുത്തുവാക്ക്, വഴക്ക്.
കെട്ട്യോൻ ഓരുടെ അമ്മേടടുത്തു ഒന്നു കനപ്പിച്ചു വർത്താനം പറഞ്ഞാലും അപ്പോളും പണി കിട്ടാ ഓൾക്ക് തന്നാ.എന്താന്ന് വെച്ചാ, ദാ അതന്നെ. പുച്ഛം, കുത്തുവാക്ക്, വഴക്ക്.
തലയണ മന്ത്രക്കാരിന്നു പുതിയ പേരും കിട്ടും.
തലയണ മന്ത്രക്കാരിന്നു പുതിയ പേരും കിട്ടും.
കെട്ട്യോനിപ്പോ ഭാര്യവീട്ടുകാരോട് ഒന്നു തർക്കുത്തരം പറയേ, മുഖം കറപ്പിക്കേ, ഇനി ചെയ്യേണ്ട ചടങ്ങുകളിൽ കെട്ട്യോൻ ഒരുപടി കുറഞ്ഞാലോ അപ്പോളും കിട്ടും ഓൾക്ക് പുച്ഛം, കുത്തുവാക്ക്, വഴക്ക്. ഇത്തവണ സ്വന്തം വീട്ടുകാരോടാണെന്നു മാത്രം.
ഇതിലിപ്പൊൾ ഒന്നിലും പെടാതെ നടക്കാ ഓൾടെ കെട്ട്യോൻ. ഓള് ഓനെ ദൈവത്തെ പോലെ കരുതുന്നു. ഓന്റെ അമ്മക്ക് ഓനെ പോലെ സല്പുത്രൻ വേറെയില്ല. മകൾക്കു അന്നം നല്കുന്നവനായതോണ്ട് ഭാര്യ വീട്ടുകാർക്ക് മനസ്സിൽ പലതുണ്ടെങ്കിലും ഓനെ തലേൽ കൊണ്ട് വെച്ചു നടക്കാണ്.
ഇതിലിപ്പൊൾ ഒന്നിലും പെടാതെ നടക്കാ ഓൾടെ കെട്ട്യോൻ. ഓള് ഓനെ ദൈവത്തെ പോലെ കരുതുന്നു. ഓന്റെ അമ്മക്ക് ഓനെ പോലെ സല്പുത്രൻ വേറെയില്ല. മകൾക്കു അന്നം നല്കുന്നവനായതോണ്ട് ഭാര്യ വീട്ടുകാർക്ക് മനസ്സിൽ പലതുണ്ടെങ്കിലും ഓനെ തലേൽ കൊണ്ട് വെച്ചു നടക്കാണ്.
മൊത്തം പറഞ്ഞാ ഓളിപ്പോ ഒരു തബലയാണ്, ആർക്കും കൊട്ടാൻ പറ്റിയ തബല.
ന്റെ പടച്ചോനെ, ഓളെ കണ്ണീരൊന്നു ഒപ്പിക്കൊടുക്കണേ. എനിക്കിനി പനിച്ചു വിറക്കാൻ വയ്യേ........
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക