കരിയിലകൾ

കരിയിലകൾ

ചുടുനിണം വാർന്നൊഴുകി
യിറ്റുവീണൊരാ കരിയില കൂട്ടം
അറിയാതെ വിതുമ്പിയെന്നോ.

പാപിയുടെ രക്തമോ,
ശുദ്ധന്റെ രക്തമോ,
ചിതറിത്തെറിച്ചൊരാ മെയ്യിലെ
ചുടുനിണം തന്നുടെ
ഗന്ധമറിയാതിയിപ്പോഴും
ചവറായി മാറിയെന്നോ.

നേരം കടന്നുപോയ്,
പതിവുള്ള കാഴ്ച്ചയിൽ
പുതുമയോ മങ്ങി,
സതീർഥ്യരും പോയ്.

ഇനിയുള്ള നേരം, വരിയായി
ഇരതേടിയെത്തിയെങ്ങുനിന്നോ
കുനനുറുമ്പിൻ കൂട്ടം.
കരിയിലതന്നുടെ മേനിയിൽ
പുളകം തീർത്തവർ സംതൃപ്തരായ്.

ഇരുളിൻമറവിൽ
ഇനിയും പതിയിരിപ്പുണ്ടാരോ,
ഇരയുടെ വരവിനായി കാതോർത്തു.
അവരും ഇരുളിൽ അഗ്നിയായ്
ചിതറുംമുൻപേ കരിയിലകൾ
ഒരുമാത്ര മൗനിയായി
കേണിരിക്കാമിനിയും അശുദ്ധിയുടെ
തുള്ളികൾ ചിതറിത്തെറിക്കാതിരിക്കാൻ.

അനിലൻ.