അത്ര യുക്‌തി ഭദ്രമല്ലാത്ത -കഥ- ഇരുപത്തി രണ്ടു വര്‍ഷങ്ങള്‍ കഴിഞ്ഞാല്‍ ധൃവന്‍ എന്ന ചെറുപ്പക്കാരന്‍ അവന്‍റ അമ്മയെ കുറിച്ച്‌ ഓര്‍ക്കാന്‍ ഇടയുണ്ട്‌,കാരണം തീവ്രവിപ്ലവത്തിന്‍റ വക്‌താവായി മാറാന്‍ ഇടയുള്ള ധൃവന്‍ ഒളിത്താവളങ്ങളിലെ വിശ്രമവേളകളില്‍ മുളങ്കാടുകളിലെ പാറക്കൂട്ടങ്ങള്‍ക്കിടയില്‍ ഇരുന്ന്‌ മാക്‌സിംഗോര്‍ക്കിയുടെ അമ്മ എന്ന പുസ്‌തകം വായിക്കാന്‍ ഇടയുണ്ട്‌. ലെനിന്‍റ അമ്മയും ധൃവന്‍റ അമ്മയും അനുഭവത്തീച്ചൂളയില്‍ സദൃശരാണെന്ന്‌ നിങ്ങള്‍ ധരിക്കുന്നതിനു മുന്‍പ്‌ ധൃവന്‍റ അമ്മയെ വെളിപ്പെടുത്തിയില്ലെങ്കില്‍ മുന്‍വിധി കഥാഗതി വഴിതെറ്റിച്ചേക്കാം. നെറ്റിയില്‍ വലിയ കുങ്കുമപ്പൊട്ടൊ,ചുണ്ടില്‍ ചുണ്ണാമ്പിന്‍റ ചെഞ്ചായമൊ,ഒലിച്ചിറങ്ങുന്ന കടും നിറത്തിലുള്ള സാരിയൊ മാറുമറക്കാന്‍ മടി കാണിക്കുന്ന ബ്ലൌസൊ ധരിക്കാറുള്ള ശരീരം വിറ്റ്‌ ഉപജീവനം നടത്തുന്ന മറ്റു സ്‌ത്രീകളുടെ ഒരു പ്രത്യേകതയും അവന്‍റ അമ്മയില്‍ അവനു ഓര്‍ത്തെടുക്കാന്‍ കഴിയില്ല അല്ലെങ്കില്‍ ഓര്‍ക്കാന്‍ ഇഷ്‌ടപ്പെടുന്നില്ല. എപ്പൊഴെങ്കിലും ഞാന്‍ അമ്മയെ സ്‌നേഹിച്ചിരുന്നൊ,എന്നും വെറുപ്പായിരുന്നു, മറ്റു പുരുഷന്‍മാര്‍ക്ക്‌ പായ വിരിക്കുമ്പോള്‍ മരിച്ചുപോയ അച്ഛനെ എന്നെങ്കിലും അമ്മ ഓര്‍ത്തു കാണുമൊ..ഇരുപത്തി രണ്ടു വര്‍ഷങ്ങള്‍ക്ക്‌ ശേഷം അവന്‍ തീവ്രവാദത്തിന്‍റ വഴിയെ പോകാന്‍ ഇടയുണ്ടെന്നും അമ്മയെ കുറിച്ച്‌ ഇപ്രകാരം ഓര്‍ക്കുമെന്നും ഇപ്പഴേ പറഞ്ഞുവെക്കുന്നതിന്‍റ കാരണം അവന്‍റ യാത്രാഗതി എനിക്കു തരുന്ന ചില സൂചനകളാണ്‌.സമ്പന്നന്‍റ മക്കള്‍ വിലകൂടിയ മിഠായികള്‍ നുണയുന്ന വഴികളില്‍ നിന്നും മാറി നടന്നിട്ടും നാക്കിന്‍ തുമ്പില്‍ നീട്ടിപ്പിടിച്ച ചുകന്ന മിഠായി കാണിച്ച്‌ കൊതിപ്പിച്ചവനു നേരെ എറിഞ്ഞ ആദ്യത്തെ കല്ല്‌ സാമ്പത്തിക അസമത്വത്തിനു എതിരെ ഉള്ള അവന്‍റ ആദ്യത്തെ പ്രതികരണമായിരുന്നു.വീട്ടിലെ രാത്രികളില്‍,പല പകലുകളിലും കറുത്ത കാഴ്‌ചകളില്‍ നിന്നും കണ്ണുകളെ പറിച്ചു നടാനുള്ള ആയാസകരമായ പ്രവൃത്തിയുടെ ഭാഗമാകാം ഉറുമ്പുകളെ പിടിച്ച്‌ വെള്ളത്തില്‍ ഇട്ട്‌ ശ്വാസം മുട്ടുമ്പോള്‍ ഈര്‍ക്കില്‍ ഇട്ടുകൊടുക്കുകയും പാതി കയറുമ്പൊള്‍ ഈര്‍ക്കില്‍ കുടഞ്ഞ്‌ വീണ്ടും വെള്ളത്തിലേക്കു തള്ളി വിടുന്ന അവന്‍റ ക്രൂര വിനോദം. വിവേകം പടികയറി വന്നിട്ടില്ലാത്ത കാലം അടുക്കളയില്‍ കൂറകളെ വീഴ്‌താന്‍ അമ്മ വെച്ച കിണ്ണത്തില്‍ നിന്നും എത്രയൊ കൂറകളെ രക്‌ഷപ്പെടുത്തിയിരുന്ന അവനില്‍ എത്ര വലിയ മാറ്റങ്ങളാണ്‌ ഉണ്ടായിരിക്കുന്നത്‌.ഉണക്കാനിട്ട മെടഞ്ഞ ഓലകളുടെ മറവില്‍ .. (തുടരും)
By
Purushu Parol
No comments
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക