വേണ്ടിനിയുദ്ധം

വേണ്ടിനിയുദ്ധം 

________=_________
ഇതായിന്നിവിടെയൊരു കലിംഗമുണരുന്നു
ആശ്വാരൂഢനാമശോകനുമണയുന്നു
പോരാ രാജ്യവിസ്തൃതിതന്നളവുകൾ
ചേർക്കേണമിനിയും ഇരട്ടിയായി

ഒഴുകണംചുടുനിണം ശിരസ്സുകളറുക്കണം
ഉയരുന്നഖഡ്ഗങ്ങളരിയുന്നു ശിരസ്സുകൾ
ഒഴുകുന്നു ചുടുചോര പുഴയായിതാ
മനുസമൃതി വിസ്മൃതിയിലാഴ്ന്നു പോയി

പൂജ്യയാം നാരികൾക്കാശ്രയമറ്റുപോയ്
അനാഥത്വമേറ്റു വാങ്ങുന്നു ബാല്യങ്ങൾ
വീശുന്നു ഖഡ്ഗങ്ങൾ ചിതറുന്നു മാംസവും
പോരാട്ടമെന്തിനെന്നറിയാത്തവർ

ദിക്കുകൾ പൊട്ടുമാറു്ച്ചത്തിൽ മുഴങ്ങുന്നു
ജയഭേരി,ആകുലംധരിണിമാറിൽ
നീണാൾവാഴട്ടെ രാജനശോകനും
ശേഷിച്ച നാവുകളേറ്റു ചൊല്ലി

അധികരഗാർവ്വിന്റെ കണ്ണോന്നടച്ചിതാ
ഉടലുമംഗങ്ങളും വേർപെട്ടുവെങ്കിലും
വേർപെടാതുയിരുള്ള മാംസപിണ്ഡങ്ങളും
രോദനമലർച്ചയും പിടച്ചിലും ചുറ്റിലും

വിജയമൊരുവേള മറന്നു നരപതി
വേർ്പെട്ടതോന്നുമേ ചേർക്കുവാനാവില്ല
ഘോരമീ കർമ്മത്തിനാരിനി മാപ്പേകും
വ്രണിതമാം മനമോടെ നിന്നിതാ രാജനും

ഇല്ല ഇനിയൊരു യുദ്ധമില്ല
വേണ്ടിനി വൈധവ്യമനാഥ ബാല്യം
ആയുധമേന്തുന്ന പോരാട്ടമിനി വേണ്ട
വാഴണം ധർമ്മവുമഹിംസയുമിനി മേൽ

നിശ്ചയദാർഢ്യത്തിലൂർന്നൊരുവാക്കുകൾ
ഇന്നും കലിംഗമതേറ്റു പാടുന്നു..
ചോരമണക്കുന്ന തെരുവുകൾ വേണ്ടിനി
ഇനിയുള്ള യുദ്ധത്തിലായുധംസ്നേഹമേ

--------////-----/////--

By

Nisa Nair