സ്വാമിയേ ശരണമയ്യപ്പാ
ശരണം, ശരണം, സ്വാമീ ശരണം,
ശബരിഗിരീശാ, ശരണമയ്യപ്പാ.
ശബരിഗിരീശാ, ശരണമയ്യപ്പാ.
കാടുകൾ,മേടുകൾ, കാനനപാതകൾ,
കരിമലയും താണ്ടി അടിയൻ വന്നു.
കദനങ്ങൾ പേറിയ ഇരുമുടിക്കെട്ടുമായ്,
കലിയുഗ വരദാ അയ്യനയ്യപ്പാ.
കരിമലയും താണ്ടി അടിയൻ വന്നു.
കദനങ്ങൾ പേറിയ ഇരുമുടിക്കെട്ടുമായ്,
കലിയുഗ വരദാ അയ്യനയ്യപ്പാ.
പമ്പാ വിളക്ക് കൺ നിറയെ കണ്ട്,
പൊന്നുപതിനെട്ടാം പടിയും കടന്ന്,
പാപ ശാപങ്ങൾക്ക് മോചനം തേടി,
പൊന്നമ്പല വാസാ, അയ്യനയ്യപ്പാ.
പൊന്നുപതിനെട്ടാം പടിയും കടന്ന്,
പാപ ശാപങ്ങൾക്ക് മോചനം തേടി,
പൊന്നമ്പല വാസാ, അയ്യനയ്യപ്പാ.
മകരസംക്രമ ദർശന പുണ്യവും,
മകരജ്യോതി തൻ ദിവ്യ പ്രകാശവും ,
മനസ്സ് നിറഞ്ഞു ഞാൻ ധന്യയായ്,
മണികണ്ഠസ്വാമീ, അയ്യനയ്യപ്പാ.
മകരജ്യോതി തൻ ദിവ്യ പ്രകാശവും ,
മനസ്സ് നിറഞ്ഞു ഞാൻ ധന്യയായ്,
മണികണ്ഠസ്വാമീ, അയ്യനയ്യപ്പാ.
ശരണം,ശരണം, സ്വാമീ ശരണം ,
ശബരിഗിരീശാ, ശരണമയ്യപ്പാ,
ശബരിഗിരീശാ, ശരണമയ്യപ്പാ,
രാധാ ജയചന്ദ്രൻ,വൈക്കം
14.01.2017.
14.01.2017.
No comments:
Post a Comment
ഈ രചന വായിച്ചതിനു നന്ദി - താങ്കളുടെ വിലയേറിയ അഭിപ്രായം രചയിതാവിനെ അറിയിക്കുക