കഥ - അദ്ധ്യായം ഒന്നും രണ്ടും

കഥ - അദ്ധ്യായം ഒന്നും രണ്ടും
************************************************

വളരെ പ്രയാസപ്പെട്ടാണ് മകൾക്കു സ്കൂളിൽ സീറ്റ് കിട്ടിയത് ,,ആ കാശ് ഒപ്പിക്കാൻ എന്റെ ഇക്ക പെട്ട പാട് എനിക്കെ അറിയൂ ,,,അന്നേ എന്റെ സ്വപനമായിരുന്നു പുത്തൻ കുപ്പായമൊക്കെയിട്ട് എന്റെ മോൾ സ്കൂളിൽ പോകുന്നത് ,,

ഇക്കയ്ക്കു സ്‌കൂൾ ട്രിപ്പ് ഉണ്ട് ,,അതുതന്നെ ഈ പ്രാവശ്യം മുതൽ തുടങ്ങിയതാണ് ,അത് ഒരു വിശ്വസിക്കാവുന്ന വരുമാനം ആണ് ,,

മകളുടെ പഠിത്തവും വീട്ടുചിലവുമൊക്കെ എങ്ങനെ മൂപ്പർ കൊണ്ടുപോകുന്നു എന്നാലോചിക്കുമ്പോൾ എനിക്ക് തന്നെ അദ്‌ഭുതമാണ് ,

പാവം എങ്ങനെ ഈ ഭാരം ഒക്കെ വലിക്കുന്നു എന്നതോർത്തു എനിക്ക് എപ്പോഴും സങ്കടം ആണ് ,

രാവിലെ ഏഴുമണിക്ക് വണ്ടിയുമായി ഇറങ്ങുന്ന ആൾ രാത്രി പത്തുമണിക്കാണ് വരുന്നത് ,,അതിനിടയിൽ ഉച്ചയ്ക്ക് ഉണ്ണാൻ വന്നാൽ വന്നുവെന്നു പറയാം ,,,

ഇന്ന് സ്‌കൂൾ തുറക്കുന്ന ദിവസമാണ് ,,

ഇക്ക എന്നെയും മോളേയും സ്കൂൾ വരെ കൊണ്ടുവിട്ടു ,,

ടീച്ചർ മാർ അവളെ LKG -A യിൽ ആണ് ഇരുത്താൻ പറഞ്ഞത് ,,

ഞാനും മോളും അങ്ങോട്ട് നടന്നു ,,മോളുടെ പത്രാസ് കാണാൻ നല്ല ചേല് ,,അവള് എന്റെ കൈയും പിടിച്ചു ഏങ്ങനെ കുണുങ്ങി കുണുങ്ങി നടപ്പാണ്,,

ക്ലാസ് റൂം എത്തി ,,അവളോട് ക്ലാസ്സിൽ കയറി ഇരിക്കാൻ ടീച്ചർ പറഞ്ഞപ്പോൾ അവൾ എന്നെ ഒന്ന് നോക്കി മിടുക്കി കുട്ടിയായി അവിടെപ്പോയി ഇരുന്നു

മറ്റുള്ള കുട്ടികൾ നിലവിളിച്ചുകരയുമ്പോൾ ,,അവൾ പുറത്തുനിൽക്കുന്ന എന്നെ നോക്കി ഇടക്കിടെ ചിരിച്ചു

,,അവളുടെ ആ പ്രവൃത്തി കണ്ടു കൂടെ നിൽക്കുന്ന ഒരു സ്ത്രീ ചോദിച്ചു'?

മോള് മിടുക്കിയാണല്ലോ ?

ഞാൻ ചെറുതായൊന്നു ചിരിച്ചു

അവർ വീണ്ടും തുടർന്നു ,,എന്റെ മോള്ക്ക് ഭയങ്കരം പിടിവാശിയാ ,,അവളുടെ ഉപ്പയെപ്പോലെയാ ,,,ഒരു കാര്യം തീരുമാനിച്ചുറപ്പിച്ചാൽ ആര് പറഞ്ഞാലും മാറ്റില്ല ,,നിങ്ങള് കണ്ടോ ഈ ക്ലാസ് ഉച്ചക്ക് വിടുന്നത് വരെ അവളീ കരച്ചല് നിർത്തില്ല ,,,

ക്ലാസ് തുടങ്ങിയ ദിവസം ആയതുകൊണ്ട് ഉച്ചയ്ക്ക് 12 മണിവരെ ഇവിടെ നിൽക്കണം എന്ന് അവളുടെ ക്ലാസ് ടീച്ചർ പറഞ്ഞിട്ടുണ്ട് ,,,സമയം ഇപ്പോൾ 10 മാണിയേ ആയുള്ളൂ ,,,നമുക്ക് അവിടെ ആ മരത്തണലിൽ ഇരിക്കാം അല്ലെങ്കിൽ നിന്ന്'കാലുകഴക്കും

ടീച്ചറോട് തൊട്ടടുത്തുള്ള മരച്ചോട്ടിൽ ഞങ്ങൾ ഉണ്ടെന്നു പറഞ്ഞു അങ്ങോട്ട് നടന്നു .

വീട്ടിൽ ആരൊക്കെയുണ്ട് ?

ഭർത്താവും ,ഭര്ത്താവിന്റെ ഉമ്മയും മോളും

മോളേ പോലെ തന്നെയാണോ ഉപ്പ ? അവരെന്നോട് ചോദിച്ചു

അതെ ,,

അപ്പോ നല്ല സ്നേഹായിരിക്കും നിങ്ങളോടു അല്ലെ ?

അതെ

ആൾക്കെന്താ ജോലി ?

ഓട്ടോ ഓടിക്കൽ ആണ്

പുറത്തൊന്നും പോകാറില്ല ?

ഞായറാഴ്ച അന്ന് മറ്റെവിടെയും പോകില്ല ,,അന്ന് ഞാനും മോളും ഇക്കയും കൂടി എവിടെയെങ്കിലും പോകും ,

,അന്ന് നമ്മുടെ മാത്രം ദിവസമാണ് ,,,

നമ്മുടെ പ്രശനങ്ങളും ദുഃഖങ്ങളുമൊക്കെ നമ്മളന്നു മറക്കും ,, അന്നുവൈകുന്നേരം വരെ പിന്നെ വേറൊന്നിനെ ക്കുറിച്ചും ചിന്തക്കില്ല ,,

ഒരു പാവം സ്ത്രീ ,,,,ഞാൻ കൂടുതലൊന്നും പറയുന്നില്ലെങ്കിലും എന്തോ ഒരടുപ്പം എന്നോട് തോന്നി ,,,എന്തൊക്കെയോ സംസാരിക്കുന്നു ,,,എന്തൊക്കെയോ സങ്കടങ്ങൾ അവരെ അലട്ടുന്നുണ്ടെന്നു അവരുടെ വാക്കുകകളിൽ വ്യക്തം

എല്ലാകാര്യത്തിലും ഒരുതരം നിസ്സംഗത ,,,എന്നാൽ അവരുടെ കാര്യങ്ങൾ ഒന്നും ഇങ്ങോട്ടു പറയുന്നുമില്ല .

നമുക്ക് ആ ക്യാന്റീനിൽ പോയി എന്തെങ്കിലും ഒരു വെളളം മേടിച്ചുകുടിക്കാം എന്നുപറഞ്ഞു അങ്ങോട്ട് നടന്നു ,,കൂടെ അവരും

വെള്ളത്തിന് കാശ് ഞാൻ കൊടുക്കാം എന്നുപറഞ്ഞപ്പോൾ ,,,എന്നെക്കൊണ്ടുകൊടുപ്പിക്കാതെ അവർതന്നെ കാശ് കൊടുത്തു ,,

സമയം പന്ത്രണ്ടു മണിയോട് അടുത്തു,, ക്ലാസ് വിട്ടു മകൾ ഓടിവന്നു

എന്തൊക്കെയാ ഇന്ന്‌ പഠിപ്പിച്ചേ ?

ഇന്നൊന്നും പഠിപ്പിച്ചില്ല ഉമ്മ ,, ഇന്ന് എല്ലാവരെയും പരിചയപ്പെടുത്തി

വേറൊന്തക്കെയാ ടീച്ചര് പറഞ്ഞത്

പാട്ടറിയുന്നവരൊക്കെ ഒരുപാട്ടുപാടാൻ പറഞ്ഞു ,,,,ഞാൻ അപ്പോൾ തന്നെ ഉമ്മ പഠിപ്പിച്ചു തന്ന ആ പാട്ടു അവിടെ പോയി പാടി ,,,,

ഉമ്മാന്റെ മോൾക്ക് ഒരു ചക്കര ഉമ്മ ,,,,

വേറെ വണ്ടിയിൽ ഒന്നും വരണ്ട ഞാൻ ഉച്ചക്ക് വരുമെന്ന് ഇക്ക പ്രത്യേകം പറഞ്ഞിരുന്നു ,,

ഞാനും മോളും നേരത്തെ ഇരുന്ന മരത്തിനടുത്തു തന്നെ ഇക്കയെയും കാത്തിരുന്നു ,

നിങ്ങളുടെ ആള് വന്നില്ലേ ,,എന്റെ കൂടെ ഇത്രയും സമയം ഉണ്ടായ സ്ത്രീ കുട്ടിയെ ക്ലാസ്സിൽ നിന്ന് കൂട്ടിവന്നു എന്നെകണ്ട് ചോദിച്ചു

ഇല്ല

നമ്മുടെ ആളും വന്നില്ല ,,അവർപറഞ്ഞു ,

കുറച്ചുകഴിഞ്ഞപ്പോൾ ഇക്ക വന്നു ,,ഞാനവരോട് ചോദിച്ചു ,,നമ്മൾ നിങ്ങളെ വീട്ടിൽ കൊണ്ടാക്കി തരട്ടെ ,?

വേണ്ട ,, മൂപ്പരിപ്പം വരും

അവരോടു യാത്രപറഞ്ഞു നമ്മൾ ഓട്ടോയിൽ കയറി പുരയിലേക്കു പൊന്നു ,,,,

എല്ലാരും ഭക്ഷണം കഴിച്ചു ,,, ഒന്നിച്ചു പാത്രം കഴുകാൻ നോക്കുമ്പോൾ മകളുടെ ടിഫ്ഫിൻ ബോക്സ് തപ്പി ,,പക്ഷെ അവളുടെ ബാഗിൽ ഇല്ല ,,,

അവളോട് ചോദിച്ചു ,,മോളേ പാത്രം എവിടെ ?

അതുതിന്നിട്ടു ഉള്ളിലെടുത്തുവെക്കാൻ മറന്നുപോയി ഉമ്മ ,ഉമ്മ പറയുമ്പോഴാ ഞാൻ അത് ഓർത്തത് ,,,,

ഇക്കാ മോള് പത്രം അവിടെ കളഞ്ഞിട്ടാ ഞ്ഞിട്ടാ വന്നത് ,,അതുപോയി ഇപ്പൊ തന്നെ എടുക്കണം പിന്നെ അത് കിട്ടൂല

ഇതൊക്കെ നീ ആദ്യമേ നോക്കണ്ടായിരുന്നോ ?

എന്തായാലും നീയും കൂടി വാ ,,എനിക്കുമോളുടെ ക്ലാസ്സൊന്നും അറിയില്ല ,,

ഒരു രണ്ടര മണിയായപ്പോൾ നമ്മൾ അവിടെ എത്തി ,,,,അപ്പോൾ കണ്ട കാഴ്ച എന്നെ വല്ലാതെ നൊമ്പരപ്പെടുത്തി ,, നേരത്തെ കണ്ട സ്ത്രീയും കുഞ്ഞും അതേ മരച്ചുവട്ടിൽ നിൽക്കുന്നു ,,,കുട്ടി അമ്മയുടെ മടിയിലേക്കു ചാഞ്ഞു ഉറങ്ങി എന്ന് തോന്നുന്നു ,,

ഞാൻ മോളുടെ ക്ലാസ്സിൽ പോയി പത്രമെടുത്തു അവരുടെ അടുത്തേക്ക് നടന്നു ,,,

എന്തുപറ്റി

മൂപ്പരുവന്നില്ലേ ?

ഇല്ല

എന്തെങ്കിലും തിരക്കുള്ള ജോലിയിൽ പെട്ടുകാണും ,,, നിങ്ങള് വാ എവിടെ ആയാലും നമ്മൾ നിങ്ങളെ കോണ്ടാക്കാം

മോള് ഭകഷണം കഴിച്ചോ ?

ചോറൊന്നും അവിടെയില്ല ,,ഒരു ബിസ്കറ്റും ,ജ്യൂസും മേടിച്ചുകൊടുത്തു ,,

എനിക്ക് എന്തെന്നില്ലാത്ത സങ്കടം തോന്നി ,,എന്റെ മോളുടെ അതേ പ്രായം ഉള്ളമോള് ,, എന്തുചെയ്യണം എന്നറിയാത്ത അവസ്ഥ

അവരെ ഇവിടെ വിട്ടുപോകാനും തോന്നുന്നില്ല ,,

സമയം മൂന്നുമണി കഴിഞ്ഞപ്പോഴേക്കും ,,ഒരു കാർ വന്നു ഗേറ്റിന്റെ അടുത്ത് വന്നു ഹോണടിച്ചു ,,

എന്നോട് യാത്രപറഞ്ഞു ,,അവർ ആ കാറിനടുത്തേക്ക് നീങ്ങി ,,

ആ കാറും ,,അതിൽനിന്നിറങ്ങിയ ആളെയും കണ്ടപ്പോൾ തന്നെ തന്റെ മനസ്സിലൂടെ ഒരു കൊള്ളിയാൻ മിന്നിമറഞ്ഞു ,,,,

ഒരു വര്ഷം ആ കാറിൽ ഞാനും യാത്രചെയ്തിട്ടുണ്ട് ,,,,,

പ്രമാണിയായ എന്റുപ്പ ,,അതിലും പ്രമാണിത്തം ഉള്ളകുടുംബത്തിലേക്കാണ് എന്നെ കെട്ടിച്ചയച്ചത് ,,

,,എങ്കിലും പ്രമാണിത്തം നോക്കിയ എന്റുപ്പ ചെക്കന്റെ സ്വാഭാവകാര്യത്തിൽ കൂടുതൽ അന്വേഷിച്ചില്ല എന്നുപറയുന്നതാകും ശരി ,,

, വിവാഹം കഴിഞ്ഞു രണ്ടാം ദിവസം തന്നെ ആള് വന്നത് മദ്യപിച്ചിട്ടാണ് ,,,

പിന്നീട് ഇതു സ്ഥിരം കാഴ്ചയായി ,,ഒരു പാടുപറഞ്ഞു തിരുത്താൻ നോക്കി ഒരു ഫലവുമുണ്ടായില്ല ,,

അതിനിടയിൽ ഉപ്പ മരിച്ചു ,,,

അതിൽപിന്നെ പറയുകയേ വേണ്ട ചെങ്ങായ്‌ മാരെയും കൂട്ടി വീട്ടിൽ നിന്നായി വെള്ളമടി ,,,

സ്വത്തുക്കൾ ഓരോന്നായി വിറ്റു നശിപ്പിച്ചു

,,,പലതും ഞാൻ ക്ഷമിച്ചു ,,

പക്ഷെ ഒരുനാൾ ഞാനും അയാളുടെ ഉമ്മയും നിക്കാഹിനുപോയി വന്നപ്പോൾ കണ്ടകാഴ്ച ,,,ഒരു പെണ്ണ് നമ്മുടെ പത്തായപ്പുരയിൽ നിന്നും ശരീരത്തിലേക്ക് ഓരോന്നായി വാരിചുറ്റുന്നു ,,,

അത് എനിക്ക് ക്ഷമിക്കാവുന്നതിലും അപ്പുറമായിരുന്നു ,,,,അന്നു ആ വീടുവിട്ടുവന്നു ഞാൻ ,,,,,,

അതിനുശഷം കോടതി ഡൈവേഴ്‌സ് അനുവദിച്ചു ,,

പിന്നീട് എനിക്കുവന്ന ആലോചനകൾ ഒക്കെ ഉപ്പയുടെ പണം മോഹിച്ചായിരുന്നു ,,,ഞാൻ ഇനിയൊരു നിക്കാഹ് വേണ്ടെന്നുള്ള തീരുമാനത്തിൽ ആയിരുന്നു ,,,

രണ്ട് കാർ ഉണ്ടെങ്കിലും വീട്ടിൽ അത്യാവശ്യത്തിനു ഓട്ടം പോകുന്നത് ഇക്കയുടെ വണ്ടിയിൽ ആയിരുന്നു ,,

,എല്ലാവർക്കും വലിയ വിശ്വാസവും ഇഷ്ട്ടവും ആയിരുന്നു ഇക്കയെ ,,ഏതു പാതിരാത്രിക്കും എന്താവശ്യത്തിനും മൂപ്പരും മൂപ്പരുടെ ഓട്ടോ ആണ് ആദ്യം എത്തുക ,,,

ഒരുദിവസം ഹോസ്പിറ്റലിൽ പോയി വരുന്ന വഴിയിൽ എന്റെ ഇത്താത്ത അവരുടെ പുയ്യാപ്ലയുടെ പുരയിൽ ഇറങ്ങി ,,,ഓട്ടോയിൽ ഞാനും ഇക്കയും മാത്രം ,

ഇക്ക പറഞ്ഞു ,,

,ഞാൻ ഇതു നാസിയ യോട് ഒരുകാര്യം പറയാൻ പോകുവാ ,,പറയുന്നത് ശരിയാണോ എന്നെനിക്കറിയില്ല ,, തെറ്റായാലും ശരിയായാലും ഞാനിതു പറയാൻ പോവ്വാ ,,,,,

,കുറെ നാളായി മനസ്സിൽ കൊണ്ട് നടക്കുവാ ,, ഒന്നിക്കില്ലെനിക്കതിനെ കളയണം ,,അല്ലെങ്കിൽ ഇതു നടക്കണം ,,,,,ഇനിയും മനസ്സിലിട്ടിതു നടക്കാൻ എനിക്കുവയ്യ ,,

എനിക്ക് നാസിയയെ ചെറുപ്പം മുതലേ ഇഷ്ടമാണ് ,,

, നമ്മുടെ സ്ഥിതി വെച്ച് നാസിയെ ആഗ്രഹിച്ചാൽ കിട്ടില്ലെന്ന്‌ എനിക്കറിയാം ,,,

,അതുകൊണ്ടുതന്നെയാണ് എല്ലാം മനസ്സിലിട്ടടക്കിയതും ,,,

ഇപ്പോഴും നിന്നോട് അതെ സ്നേഹം തന്നെ എന്റെ മനസ്സിലുണ്ട്

,എനിക്ക് നിന്നെ നിക്കാഹ് കഴിച്ചാൽ കൊള്ളാമെന്നുണ്ട് ,,പുരക്കുവന്നു പറഞ്ഞാൽ എന്താവും മറുപടി എന്ന് ഒരു പിടുത്തവും ഇല്ല ,അതാ ഞാൻ ആദ്യം നിന്റെ മനസ്സറിയാന്നു വെച്ചത് ,,,

പിന്നീടങ്ങാട്ടു ചെറിയ ചെറിയ യുദ്ധങ്ങൾ പുരയിൽ നടന്നു ,

,കുടുംബപ്രമാണിത്തത്തിന്റെ മഹത്വം പറഞ്ഞു ചിലരും ,,സ്നേഹമുള്ള നല്ല ചെക്കാണെന്നും ,അവളെ പൊന്നുപോലെ നോക്കുമെന്നു പറഞ്ഞു ,,രണ്ടുഗ്രൂപ് നിലവിൽ വന്നു ,,

അവസാനം എന്റെ കുടുംബകോടതി എന്റെ ഇഷ്ടത്തിന് കാര്യങ്ങൾ വിട്ടു ,,,

എന്നെ അല്ലാതെ ,, പണവും സ്വത്തും ഒന്നും വേണ്ടെന്നു പറഞ്ഞ ഇക്കയെ എന്റെ അളക്കാർ "അഭിമാനി" എന്നുപറഞ്ഞു കളിയാക്കി ,,,,

അന്നുമുതൽ ഇന്നുവരെ എന്തൊക്കെ ബുദ്ധിമുട്ടുണ്ടായിട്ടും ഞാനും ഇക്കായും ഒരു ആവശ്യം പറഞ്ഞു യാചിക്കാൻ അവരുടെ മുന്നിലേക്ക് പോയില്ല ,,

ആ സ്ത്രീ ഒന്നുപറയാതെ അവരുടെ വേദനകളുടെ ആഴം എത്രെ എന്ന്ഇ പ്പോൾ എനിക്ക് മനസ്സിലാകുന്നു ,,,,

കാരണം ഞാൻ ഒരുവർഷം അനുഭവിച്ചത്‌ ആ പാവം വര്ഷങ്ങളായി അനുഭവിക്കുകയല്ലേ ,,

ആ മനുഷ്യൻ സ്കൂളിൽ വരാൻ വൈകിയത് എന്തായാലും ഒരു നല്ലകാരണം കൊണ്ടാകില്ല എന്നെനിക്കു ഉറപ്പാണ് ,,,

അയാൾ സ്വന്തം സുഖമല്ലാതെ മറ്റൊരാളുടെ കാര്യത്തിൽ വിഷമിക്കുന്നത് ഞാനിതുവരെ കണ്ടിട്ടില്ല ,,

ഇനിയുള്ള ദിവസങ്ങളിൽ സ്‌കൂളുമായി ബന്ധപ്പെട്ട എല്ലാ കാര്യത്തിനും ഇക്കയെ നിരബന്ധിച്ചായാലും അയക്കണം ,,,

ഞാനിനി എന്തായാലും അങ്ങോട്ടില്ല ,,,,

ആ പാവം സ്ത്രീയെ വീണ്ടും കാണുമ്പോൾ ഞാൻ മറക്കാൻ ശ്രെമിച്ചോരു അധ്യായം വീണ്ടും ഒന്നുമുതലോർത്തുപോകും ,,,

ഇപ്പൊ തത്കാലം അതൊന്നും എനിക്കുവേണ്ട ,,,

പടച്ചവൻ ഇപ്രാവശ്യം അനുഹ്രഹിച്ചു തന്ന എന്റെ ഇക്കയിലും എന്റെ മോളിലും ഞാൻ പൂർണ്ണ സംതൃപ്‌തയാണ് ,,,

,അവരുടെ സുഖത്തിനും സന്തോഷത്തിനും വേണ്ടി ഞാനെപ്പോഴും പടച്ചവനോട് പ്രാർത്ഥിക്കുന്നുമുണ്ട് ,,,,

ലതീഷ് കൈതേരി