ഉറങ്ങിയ കഥയ്ക്കൊരു ലഹള

^^^^^^^^^^^^^^^^
മുടങ്ങിപ്പോയ കഥ പറയാൻ പറഞ്ഞ് ഫോണിലൂടെ വന്ന കർക്കശശകാരമേറ്റ് വിഭൃംജിതനായാണ് ചമ്പന്നൂരെ കമ്പനിയിൽ നിന്ന് നിർബന്ധിത അവധി പിടിച്ചുമേടിച്ച് അങ്കമാലി റെയിൽവേ സ്റ്റേഷൻ ലക്ഷ്യമാക്കി നടപ്പുതുടങ്ങിയത് ,വേണാടെന്നെ കൂവി കളിയാക്കി പാഞ്ഞുപോയി ആദ്യമെന്നെ തോല്പിച്ചു.
ആ വാശിക്ക് ആണ് ഇട റോഡ് വഴിയുള്ള ബസിൽ കയറി അത്താണിയിൽ വന്ന് ഇറങ്ങിയത്
ഹോ എന്താ തിരക്ക്
അങ്ങനെ
വായിലല്ലാതെ ബാക്കിയെല്ലാം നോക്കി
അങ്ങനെ നിൽപ്പും തുടങ്ങി

എന്റെ ശ്രദ്ധ ബസിൽ നിന്നിറങ്ങുന്ന ചുരിധാരിണികളുടെ സൈഡ് വെട്ടിന്റെ അളവെടുപ്പൂ തുടരുന്നതിനിടയാണ്
ഒരു സൈഡിലൊരു മൈക്ക് കോളാമ്പി തൂക്കിയ ചുരിദാറ് കണ്ടത്
എന്റെ കണ്ണ് അറിയാതെ മുകളിലേക്ക് നീങ്ങി
ഊശാൻതാടിയുള്ള ഊമ്പൻ ജൂബ വലിച്ചുകയറ്റിയ ഒരു എലുമ്പൻ.
എന്റെ മുഖത്തൊരു പതിനൊന്നാം രസം സ്റ്റേജ് ചെയ്തു,

ഇറങ്ങിക്കോളും ഓരോ വഴിയോര സുവിശേഷക്കാര്
ശല്യം എന്റെ അടുത്തുതന്നെ വന്ന് സ്ഥാനമുറപ്പിച്ചു
മുഖത്ത് നോക്കിയാലേ അറിയാം
ആള് ശകലം കലിപ്പിലാണ്

ഏതായാലും ഞാൻ ചെവി രണ്ടും ചെറുവിരലിട്ട് നന്നായി തോണ്ടി തുറന്നു
റെഡിയായി

ഇതാ തുടങ്ങുകയായി

ഹലോ ചും ചും ഹലോ…
പ്രിയപ്പെട്ട നാട്ടുകാരേ മഹാജനങ്ങളേ
ഈ നാട് ഭരിക്കുന്നവരെവിടെയാണ് അവരുടെ ചിന്തയെന്ത് അവർക്കീ നാട്ടിലെ ജനത്തിന്റെ ജീവന് വല്ല വിലയുമുണ്ടോ?

നമ്മുടെ ഈ അങ്കമാലി ആലുവാ റോഡിലുണ്ടാകുന്ന അപകടങ്ങളുടെ വെളിച്ചത്തിൽ ഈ കേരളത്തിലെ റോഡുകളെ
മനുഷ്യജീവനെടുക്കൽ പാതകൾ എന്നു വിശേഷിപ്പിക്കേണ്ടിവരും

നമ്മുടെ കരിയാട് വളവിലെ അപകടങ്ങൾക്ക് വല്ല അറുതിയുമുണ്ടോ

ചുമ്മാ ഓടിവരുന്നവഴി വാഹനങ്ങൾ അവിടെ ചാടി മറിയുന്നതെന്ത്
എന്ന് ഞാൻ നാളുകളായി അന്വേഷിച്ചിട്ടാണ്
അവിടെ രണ്ട് സൈഡിലും ഉറച്ച മതിൽ കെട്ടി സംരക്ഷിക്കണം എന്ന അപേക്ഷയുമായി ഓഫീസുകൾ കയറിഇറങ്ങിയത്
അവസാനം അവരെന്നെ ആട്ടിയിറക്കിയതിനാലാണ്
ആയിരത്തഞ്ഞുറ് മുടക്കി മൈക്കും മേടിച്ചു ഇവിടെനിന്ന് ഇതു വിളിച്ചു പറയുന്നത്.

അകത്തളങ്ങളിൽ ഇരുന്ന് ആകെ വിഴുങ്ങുവരെ ജനം കല്ലെറിയുന്ന കാലത്തേ ഇവിടം നന്നാകൂ

ഇരുവശവും വയലുള്ള കരിയാട് പ്രദേശത്ത് റോഡ് രണ്ടാൾ ഉയരത്തിൽ ആണ് കടന്നുപോകുന്നത്
കര പ്രദേശത്ത് ഇരുശവൂം മരങ്ങളും വീടുകളും ഉയർന്ന് നിൽക്കുന്ന സ്ഥലങ്ങളിലെ വായുമർദ്ദത്തിലൂടെ അതിവേഗം ഓടിവരുന്ന വാഹനം ഇവിടെ ഉള്ള വായുമർദ്ദമില്ലായ്മയിൽ വളവിൽ ഉയർന്ന് തകിടം മറിയുകയാണ്

ഇത് കേരളം മുഴുവൻ പഠനം നടത്തേണ്ട ഒരു വിഷയമായിട്ട്
ഇങ്ങനെ ഒന്നു ചിന്തിക്കാനോ അവിടെ ഒരു മതിലു കെട്ടാനോ പോലും മിനക്കെടാത്ത സർക്കാരിന്റെ സംവിധാനങ്ങളിലേക്ക്
ജനകീയ മുന്നേറ്റമുണ്ടാകേണ്ട കാലം അതിക്രമിച്ചു
മുഖ്യമന്ത്രി മുമ്പാകെ നൽകാനുള്ള
ഈ മാസ് പെറ്റീഷനിൽ ദയവായി എല്ലാവരും ഒപ്പിട്ട് തരണം എന്ന് അപേക്ഷിക്കുന്നു.

എന്റെ മുഖത്തെ ഭാവങ്ങളെലാം ചോർന്നുപോയി
ബലം പിടിച്ചുനിന്ന എന്റെ ഉള്ളിൽ നിന്ന്
ശൂഊഊഊഊന്ന് ഒരു കാറ്റ് പോയി

ഞാൻ ഓടിച്ചെന്ന്‌ ആദ്യമേ ഒപ്പിട്ടു

ശരിയാണ് വായുമർദ്ദ വ്യതിയാനം ഓടുന്ന ഏതു വസ്തുവിലും പ്രതികരണമുണ്ടാക്കും
അത് വലിയൊരു ശാസ്ത്ര സത്യമാണ്
അപ്പോൾ പിന്നെ ബൈക്കിന്റെ കാര്യം പറയാനുണ്ടോ….

ഞാൻ വിനീതനായി
കയ്യും കൊടുത്തു പരിചയപ്പെട്ടു
ആള് പ്രകൃതിജീവനം പ്രചരിപ്പിക്കുന്ന ആളാണത്രേ
നമ്മളൊന്നുമല്ലന്നേ അന്യർക്കുവേണ്ടിയും ജീവിക്കുന്നവരുടെ മുന്നിൽ.

VG.VAASSAN
9/6/2019