ഉള്ളിത്താൾ പൂന്കാവനം

****************************
Repost
മധുവിധു നാളുകളിലൊന്നിലാണ്
അമ്മായിഅമ്മ ഫ്ളാറ്റ് ജീവിയായ
എന്റ്റെ രുചി നാവിനെ
ഇരുപതുള്ളിയും അരമുറി തേങ്ങയും
ഒരു ചേമ്പും താളും കൊണ്ട് ഫ്ളാറ്റാക്കിയത്
പോരാൻ നേരം അമ്മ ഒരു കൂട് ചേമ്പും തന്നാ വിട്ടത്
വർഷം ഒന്നാകാറായി ഫ്ളാറ്റിന്റ്റെ
ജനാലയ്ക്കൽ രണ്ടു ചേമ്പ് വിലസി നിൽക്കുന്നു അതിന്റ്റെ ചുവട്ടിലിരുന്നാ പത്രം വായന ഓക്സിജൻ തെറാപ്പി.
ടെറസിലിപ്പോ നല്ലൊരു
ചേമ്പിൻകാട് രണ്ടുംമൂന്നും ദിവസം കൂടുമ്പോൾ വൈകിട്ട് പോയൊരു താൾ
മുറിക്കും എല്ലാരും പറയും
പട്ടണ നടുക്കൊരു ചേമ്പിൻ കാട്
ഭാര്യയെക്കുറിച്ച് എനിക്കഭിമാനം
എതിർവശത്തെ ഫ്ളാറ്റുകാരു പറയും നിലാവുള്ള രാത്രിയിൽ
ചേമ്പിൻകാട് ആടിക്കിടന്ന് ഇളകുമത്രേ
ഞാനത് ശ്രദ്ധിക്കാതെ നിക്കും
അവളു പക്ഷേ നാണിച്ചു ചൂളി
എന്റ്റെ പുറകിലേക്ക് വലിയും
ആർക്കറിയാം പെണ്ണുങ്ങളുടെ
മനസിലെന്താന്ന് അല്ലേ ആ......

VG.VAASSAN