വായനദിന ചിന്തകൾ

°°°°°°°°°°°°°°°°°°°°°°°°°°
അന്യരുടെ ജീവിതപുസ്തകങ്ങളിലേക്ക്,
അനാവശ്യമായി,
എത്തിനോക്കി വായിക്കാൻ
എനിക്കു സാധിക്കാതിരിക്കട്ടെ.

എന്റെ നേട്ടങ്ങളും, മഹത്വവും എഴുതി
നിങ്ങളെ വായിച്ചു കേൾപ്പിക്കുവാൻ,
എനിക്കു കഴിയാതിരിക്കട്ടെ.

എന്റെ പരാതികളുടെയും, പരിഭവങ്ങളുടെയും
നീണ്ട അധ്യായങ്ങൾ എഴുതി
ഉറക്കെ വായിക്കുവാൻ
എനിക്കു തോന്നാതിരിക്കട്ടെ...

ഇടയ്ക്കെല്ലാം,
എനിക്കു പറ്റിയ തെറ്റുകൾ തുറന്നെഴുതി,
മനസ്സാക്ഷിയെയെങ്കിലും
വായിച്ചു കേൾപ്പിക്കുവാൻ,
എന്നെയനുഗ്രഹിക്കേണമേ
ജഗദീശ്വരാ..

°°°°°°°°°°°°°°°°°°°°°°°
സായ് ശങ്കർ